教育王國

標題: 國際學校 [打印本頁]

作者: jenny1029 時間: 17-12-5 10:45 標題: 國際學校

囝囝喺學校兩個月內俾同一個小朋友打傷，但學校咩都冇做，只係話會慢慢教，去monitor 佢地，但打人嗰個小朋友已經係全部家長都覺得佢係好過火，成日撩人打架，又鬧人，不過學校都只係話會採取consoling 嘅方法去俾小朋友去學點樣處理問題，冇正視過，校長直情覺得我小題大做，因為我話想withdraw,佢話我逃避冇用...

我知道所有學校都會有呢d事發生，但學校處理手法係咪唔太好呢？定係我太激動？

作者: EconFather 時間: 17-12-5 17:18

幾大？

作者: jenny1029 時間: 17-12-5 17:22

EconFather 發表於 17-12-5 17:18
幾大？

5歲

作者: Jane1983 時間: 17-12-5 17:36

有幾傷? 教小朋友保護自己，如見到對方開始鬧人、情緖激動就避開，又或者一見佢有打人的迹象，就和週圍的同學仔同老師講。

作者: EconFather 時間: 17-12-5 17:37

本帖最後由 EconFather 於 17-12-5 17:39 編輯

本人不是局中人，但可以分享下，因為本人當年都有相同經歷，而且對方是一個有名的人。

一開始時，本人的另一半認為學校有偏愛另一位小朋友，覺得學校想低調處理（本人覺得正常事）。我相信你是一位媽媽，任何一位媽媽都會比爸爸更心痛（女人生仔好痛架）小朋友比人打，但我想通左一件事情。幼稚園小朋友心智未成熟，動手動腳在所難免。

開頭我另一半希望學校分開佢地，但本人反對，反而要佢地多d一齊（如果小朋友被告知要分開，反而會影響心智），老師係附近就得。原因係，本人認為，如果分開佢地，之後可能令打人個小朋友更難學習社交能力，而形成惡性循環。

本地中學就係罰d壞學生，當d壞學生被人罰企係操場時，反而會更壞，就係呢個道理。

最後我小朋友同佢好好朋友。

希望幫到你，都祝你小朋友快d好。

作者: jenny1029 時間: 17-12-5 17:48

EconFather 發表於 17-12-5 17:37
本人不是局中人，但可以分享下，因為本人當年都有相同經歷，而且對方是一個有名的人。

一開始時，本人的另 ...

R到成塊面損哂，我本身都覺得要面對嘅，囝囝都要學識，但係已經第二次，學校仲要話冇可能時時刻刻會有老師睇住佢地，我要求嘅係想學校喺件事未變成打交之前停止到，但校長就一句話佢地講中文冇老師聽得明佢地係咪嗌緊交，所以冇理到，到最後就係我囝受傷，其實我知小朋友要學，但學校處理得好馬虎，我話退學之後仲過份，完全係嗰d噤你走啦

作者: EconFather 時間: 17-12-5 17:54

本帖最後由 EconFather 於 17-12-5 18:12 編輯

本人個案，大約打左3次，中間有插眼，扯頭髮。我當然知道係小朋友應該係無意（好似係爭烹飯仔時整到），不過一次一次動手少。老師校長都答應我會睇實。(鬼知有冇真睇）
如果真係覺得唔好，退學都是好事，最緊要安心。

作者: Jane1983 時間: 17-12-5 18:53

呢d情况，個個都唔識，又唔係現瑒，好難評論。我唔會假設人之初、性本善，亦唔會話個小朋友係無心，5歳唔同2歳，亦唔知個小朋友有無情緖問題，會唔會係好容易好激動控制唔到自己。所以，要教小朋友睇情勢，保護自己。

呢類型小朋友唔知點解，多咗唔少，轉校亦可能有，亦唔關國際學校事。

作者: babyjip 時間: 17-12-5 19:06

我覺得國際學校唔似local school 咁有班長、prefect多咁多對眼睇住，淨靠老師好難睇到十足十，尤其肢體衝突

朋友間IS 老師教導小朋友儘量自己嘗試用"Wind" strategy 去handle, 跟大家分享一下：

W - Walk Away
I - Ignore
N - Say No
D - Defense and protect yourself

去到高年級可能會由肢體變cyber bullying, 萬一唔好彩發生在小朋友身上都希望佢地正面去面對，見血受傷校方應嚴正對待(近排屯門小學單野喺反面教材）

作者: jenny1029 時間: 17-12-5 20:14

babyjip 發表於 17-12-5 19:06
我覺得國際學校唔似local school 咁有班長、prefect多咁多對眼睇住，淨靠老師好難睇到十足十，尤其肢體衝突 ...

呢d我一直都有教囝囝，但我囝話佢say no左同行開，但個同學追住佢話佢冇禮貌就推跌佢坐喺佢身上打佢，但學校堅持唔覺得要對呢個小朋友做任何disciplinary action, 淨係話佢made a bad choice..

作者: 抺茶雪糕 時間: 17-12-5 20:24

jenny1029 發表於 17-12-5 20:14
呢d我一直都有教囝囝，但我囝話佢say no左同行開，但個同學追住佢話佢冇禮貌就推跌佢坐喺佢身上打佢，但學 ...

未聽過國際學校會係呢啲情況下對小朋友有disciplinary action(講緊只係五歲），通常係老師會同打人嘅小朋友講唔好咁做，又或者更多情況係由得小朋友自己互相處理解決。當然明白媽咪係會好心痛，我都試過見自己小朋友放學返嚟隻手又損面又損，不過的確係小朋友慢慢會學習到點樣保護自己，有事我同佢講問佢有冇話比老師聽佢都話冇，其實佢哋朋友之間亦唔想成日咩都同老師或者大人篤背脊。我覺得讀國際學校真係要由細去學習處理呢啲俾人蝦嘅情況，因為大大下係會越嚟越嚴重，如果小朋友自己唔識處理，老師亦好難次次都幫到佢。

作者: funfun0209 時間: 17-12-5 21:22

本帖最後由 funfun0209 於 17-12-5 21:24 編輯

jenny1029 發表於 17-12-5 20:14
呢d我一直都有教囝囝，但我囝話佢say no左同行開，但個同學追住佢話佢冇禮貌就推跌佢坐喺佢身上打佢，但學 ...

講真既，俾阿仔去學番D武術旁身。因為佢好大機会小學都俾人蝦。

我仔都係林善類，但老師有同我講会重点培訓佢保護自己，堅定say no. 其實佢地好重視個人權益，不過老師想阿仔能自己學識保護自己。唔可以野野靠大人。冇人可以24小時保護佢地，真係要靠佢地自己。

作者: jenny1029 時間: 17-12-5 22:36

抺茶雪糕發表於 17-12-5 20:24
未聽過國際學校會係呢啲情況下對小朋友有disciplinary action(講緊只係五歲），通常係老師會同打人嘅小朋 ...

所以我都有諗係咪算...但個校長嘅態度令我好唔舒服

作者: 健次郎朋友 時間: 17-12-6 22:16

jenny1029 發表於 17-12-5 17:48
R到成塊面損哂，我本身都覺得要面對嘅，囝囝都要學識，但係已經第二次，學校仲要話冇可能時時刻刻會有老師 ...

請問邊間學校校長？

作者: vivi2001vivi 時間: 17-12-7 00:15

jenny1029 發表於 17-12-5 22:36
所以我都有諗係咪算...但個校長嘅態度令我好唔舒服

家長, 其實一個人去都邊度都會遇到一些你唔中意O既人, 一係選擇離開, 離開唔到的話, 一係你避開佢, 一係你忍佢, 要接受佢O既存在.
如果你覺得那個小朋友確實影響到你仔仔, 我建議你同老師講掉位, 坐開D , 或者佢同另一個同學坐會受到佢O既影響和感化,
行為會改變, 對於一個5歲小朋友, 懲罰不是一個理想的教化……
好多時罰完佢都唔知咩事的.

小朋友同小朋友之間的人際關係要慢慢學習和建立, 不是個個人都係天生交際高手, 要多碰釘字和摸索, 才能學到如何與別人相處, 要有不同的對手才能練成不同的交際手腕, 放手讓他們學習吧! 你也要讓仔仔自己去學習如何面對和處理一些比較與別不同的同學,
你可以教他如何應對, 然後讓他照著你的方法去實踐

作者: vivi2001vivi 時間: 17-12-7 00:32

本帖最後由 vivi2001vivi 於 17-12-7 00:34 編輯

jenny1029 發表於 17-12-5 17:48
R到成塊面損哂，我本身都覺得要面對嘅，囝囝都要學識，但係已經第二次，學校仲要話冇可能時時刻刻會有老師 ...

你都講到要退學了,
咁嗰一刻你想學校俾個咩答案你呢? 佢唔留你, 你又唔開心, 佢留你, 你又唔buy佢D 處理方法, 咁你覺得學校應該要點答同點做先係你O既滿意安排和答案?

我都好想提升下自己呢方面O既公關技巧………..

作者: 貝珠 時間: 17-12-7 00:39 標題: 回覆樓主

5歲，但講中文的國際學校？

作者: 抺茶雪糕 時間: 17-12-7 08:18

貝珠發表於 17-12-7 00:39
5歲，但講中文的國際學校？

Yc?

作者: CaCa800 時間: 17-12-7 09:05

抺茶雪糕發表於 17-12-5 20:24
未聽過國際學校會係呢啲情況下對小朋友有disciplinary action(講緊只係五歲），通常係老師會同打人嘅小朋 ...

同意！我囡囡有一晩同我講話隔離個男同學成日搞佢同打佢塊面，囡囡好唔開心！我叫囡囡同個同學講話唔鍾意佢咁做，或者去同老師講。到第二晚問阿囡個男同學仲有冇打佢，佢就話個同學今日好乖。原來阿囡帶咗好多貼紙返學校，佢同個同學講，如果今日乖乖就會送個貼紙俾佢做奬勵。有時小朋友自己都會找到解決問題的方法。

作者: 抺茶雪糕 時間: 17-12-7 09:31

CaCa800 發表於 17-12-7 09:05
同意！我囡囡有一晩同我講話隔離個男同學成日搞佢同打佢塊面，囡囡好唔開心！我叫囡囡同個同學講話唔鍾意 ...

作者: macdullbaby 時間: 17-12-7 10:52 標題: 回覆樓主

其實用退學來迫校長讓步，跟你意願去處理會唔會唔係咁好？最後可能迫不到別人反而令自己無退路⋯⋯

作者: jenny1029 時間: 17-12-7 11:07

macdullbaby 發表於 17-12-7 10:52
其實用退學來迫校長讓步，跟你意願去處理會唔會唔係咁好？最後可能迫不到別人反而令自己無退路⋯⋯
...

大家其實誤會左，我唔係用退學嚟逼校長，而係我同佢講完我覺得我會考慮退學，問佢退學手續點做，因為佢地handbook website都冇講，佢就連答都唔諗住答，直接叫我出去搵admissions,但個admission 個staff都只係俾個電話我叫我自己打去問。而且我囝嘅情況唔係俾人蝦噤簡單，佢係俾人打，嗰個小朋友一唔高興就推低佢坐住佢嚟打，但佢冇野嘅時候又會叫我囝同佢玩，我囝咩人都會陪佢地玩，亦唔識驚，佢平時我都有教佢，一見佢想郁手就要擋同走，佢總係話唔夠佢跑，擋佢都擋唔住，所以第二次佢冇見到嘅傷，我係覺得嗰個小朋友有問題，佢地喺課室我囝已經唔同佢坐，但係recess, free play time就出事，我先會覺得學校唔重視件事，而係我小題大做。呢兩次俾佢打係嚴重我先會出聲，之前一路都聽我囝講話個小朋友成日抓佢，番到嚟手腳損哂，我都只係教個仔點保護自己，佢亦都好樂觀，繼續番學玩

作者: jenny1029 時間: 17-12-7 11:08

jenny1029 發表於 17-12-7 11:07
大家其實誤會左，我唔係用退學嚟逼校長，而係我同佢講完我覺得我會考慮退學，問佢退學手續點做，因為佢地h ...

不過我已經退左學，多謝大家意見

作者: Activehealth 時間: 17-12-7 11:25

jenny1029 發表於 17-12-7 11:08
不過我已經退左學，多謝大家意見

樓主英明，早走早著。

果啲喺楝市區大厦佔兩層樓，無小學又無國際聯系，淨得幼稚園但話自己係international school，算吧啦！

作者: Jane1983 時間: 17-12-7 11:44

故意推跌同學，騎係佢身上係咁打佢，呢個好得人驚吓。已經超越咗小朋友之間的小冲突。

有家長講到還手或者學功夫防身，呢樣要小心處理。打打吓，無情力，亦可大可小。

作者: 抺茶雪糕 時間: 17-12-7 11:53 標題: 回覆樓主

騎係佢身上係咁打佢:

其實有個小朋友都係咁對我個仔，我個仔又冇咩嘢覺得大家係玩同埋其實佢哋都幾friend

作者: jenny1029 時間: 17-12-7 11:55

抺茶雪糕發表於 17-12-7 11:53
騎係佢身上係咁打佢:

其實有個小朋友都係咁對我個仔，我個仔又冇咩嘢覺得大家係玩同埋其實佢哋都幾friend ...

佢地唔係玩，所以有d唔同

作者: 抺茶雪糕 時間: 17-12-7 11:58

jenny1029 發表於 17-12-7 11:55
佢地唔係玩，所以有d唔同

一樣，只係我個仔以為係玩，但個小朋友係好狼騎着佢狂打佢

作者: GC0060 時間: 17-12-7 12:55

While I believe the school could and should have done more on your son's case, I do not believe in requesting to switch class / withdrawal to handle this matter.

The priority of a school is to ensure the safety of all students. They can adopt whatever approach to teach the bully, but they should ensure also the safety of the victims as well. Most schools / teachers do not want to deal with bullying cases as it is hard to "convict" the bully with no witnesses usually and most cases appear to be just playful matters on the playground. But to me it is not right to beat up anyone period, doesn't matter if they are only playing.
But it is also not ideal to request to switch classes / school because of this. It gives out a message to a victim that he / she should always run away from problems instead of dealing with it.

作者: fishchow 時間: 17-12-8 01:01 標題: 回覆樓主

如果系男仔，比佢學下殆拳道、詠春，柔道；
我覺得Ok 喎。第一鍛練下自己意志，
亦可強身健體，畢生受用。

作者: HKTiger-Mom 時間: 17-12-8 01:45

本帖最後由 HKTiger-Mom 於 17-12-8 01:47 編輯

抺茶雪糕發表於 17-12-7 11:58
一樣，只係我個仔以為係玩，但個小朋友係好狼騎着佢狂打佢

好似完全唔一樣，樓主仔仔應該唔覺得俾個同學打係玩，以你仔仔就覺得俾個「小朋友好狼騎着佢狂打佢」係同緊佢玩。

作者: GC0060 時間: 17-12-8 09:47

玩唔係大晒。玩亦唔應該及唔需要傷害他人身體。

Playing does not justify any harmful acts upon others and it should be nipped before it buds.

歡迎光臨教育王國 (/)