教育王國
標題: 英普定英粵 [打印本頁]
作者: bobo44a 時間: 17-12-3 11:11 標題: 英普定英粵
請教下大家， K1 ,英語同英普，大家會點揀，屋企係全廣東話！如果最後選英普，又擔心小朋友聽唔明, 幼稚園的考核，會唔會有影響？
作者: loftgroundh 時間: 17-12-5 10:42
提示: 作者被禁止或刪除 內容自動屏蔽
作者: hppa 時間: 17-12-5 10:45
prefer 英粵
作者: am621 時間: 17-12-5 17:40 標題: 回覆樓主:
如選英普最好有以下條件:
(1) 家庭有起碼最基本普通話support，唔好完全唔識;
(2) 小朋友語文能力要強;
(3) 家庭要預備monitor小朋友初開學未適應英普的過渡期。
如果小朋友連分別對父母和對工人都未可以自動nicam的話，真係要諗清楚！
作者: c50382952 時間: 17-12-5 18:06 標題: 回覆樓主：
本帖最後由 c50382952 於 17-12-5 18:06 編輯
太多人神化左英普班，以為少班就係精英班，係美麗的誤會。如果想幫助小一面試，一定係讀英粵班。太多過來人既小朋友普通話叻左反而廣東話無咁叻，可惜小一面試正正係用廣東話面試，要小朋友面試好表現，一定係加強本身既母語，普通話講到識飛都無用，幫唔到小一面試的。希望選英普的父母三思而行，唔好盲從附和，適得其反。
作者: am621 時間: 17-12-5 20:19
c50382952 發表於 17-12-5 18:06 
太多人神化左英普班，以為少班就係精英班，係美麗的誤會。如果想幫助小一面試，一定係讀英粵班。太多過來人 ...
對！但針無兩頭利！無普通話基楚上普教中都有困難！
作者: am621 時間: 17-12-5 20:21
c50382952 發表於 17-12-5 18:06
太多人神化左英普班，以為少班就係精英班，係美麗的誤會。如果想幫助小一面試，一定係讀英粵班。太多過來人 ...
無人講過小班就係精英班
但英普的確需要小班才可effective
作者: Forgetmenot999 時間: 17-12-5 20:38
am621 發表於 17-12-5 17:40
如選英普最好有以下條件:
(1) 家庭有起碼最基本普通話support，唔好完全唔識;
(2) 小朋友語文能力要強;
如果家庭要有普通話support,班蘇淅及孫方中家長咪好大獲！事實我認識好多無家庭support小朋友都一樣好流利
作者: nic_bb 時間: 17-12-5 20:47 標題: 回覆樓主
I prefer can/eng
作者: am621 時間: 17-12-6 07:21
Forgetmenot999 發表於 17-12-5 20:38
如果家庭要有普通話support,班蘇淅及孫方中家長咪好大獲！事實我認識好多無家庭support小朋友都一樣好流利 ...
本帖最後由 am621 於 17-12-6 07:22 編輯
對，家長係文盲，子女都可攞諾貝爾，以後家長們無須再討論了！
作者: B7Mimi 時間: 17-12-6 17:05
bobo44a 發表於 17-12-3 11:11
請教下大家， K1 ,英語同英普，大家會點揀，屋企係全廣東話！如果最後選英普，又擔心小朋友聽唔明, 幼稚園 ...
两文三語係大趨勢，有得揀一定揀英普。
作者: DengCK 時間: 17-12-6 18:04
英普，貪唔駛再出去外補普通話
作者: ^GGmami^ 時間: 17-12-7 07:10
DengCK 發表於 17-12-6 18:04
英普，貪唔駛再出去外補普通話
呢個真，英粵班都要學普通話，既然避唔開，點解唔揀英普學少科添！我屋企都無普通話語境，但小朋友在校已掌握得不錯，至於有人話怕小朋友唔識廣東話就仲奇怪
上到小學，學校係粵教中，我女寫作時都會用普通話試讀，如果讀得通先寫，而且拼音佢已學懂，小一課程佢可以好輕鬆應付，我完全唔理佢普通話科嘅野，自己搞掂晒！
作者: am621 時間: 17-12-7 10:52
^GGmami^ 發表於 17-12-7 07:10
呢個真，英粵班都要學普通話，既然避唔開，點解唔揀英普學少科添！我屋企都無普通話語境，但小朋友在校已 ...
作者: promptsugar 時間: 17-12-7 11:27
提示: 作者被禁止或刪除 內容自動屏蔽
作者: msLamip 時間: 17-12-7 11:38 標題: 回覆樓主
普通話我成年先學，都學到個普通話教師水平試過關，當然吾係甲等，但真係吾駛用十幾年去學（幼稚園到中三）！
棄用母語學習既損失係難以估計，如果真係要咁：我揀英日或英韓。
普通話教中文係吾會中文好咗，早有研究證實咗！
作者: ^GGmami^ 時間: 17-12-7 12:38
am621 發表於 17-12-7 10:52
請教下, 好多過來講英普班小朋友寫作較好, 會否因為普通話比𢈎東話少口語關係?
...
我個人覺得係，而且講真依家d所謂作家寫果堆書，真係好口語化，我唔係咁想自己小朋友學
作者: B7Mimi 時間: 17-12-7 15:59
^GGmami^ 發表於 17-12-7 12:38
我個人覺得係，而且講真依家d所謂作家寫果堆書，真係好口語化，我唔係咁想自己小朋友學
...
講得啱，普通話至係正式中文，Donald 個孫女都係學普通話，唔係學粤語。
作者: columbae 時間: 17-12-7 16:13
B7Mimi 發表於 17-12-7 15:59
講得啱，普通話至係正式中文，Donald 個孫女都係學普通話，唔係學粤語。
...
全世界衹有香港咁奇怪，用非母語去教母語，d家長仲覺得好，結果証實小學生的閱讀能力，粵教中比普教中優勝
作者: B7Mimi 時間: 17-12-7 16:52
columbae 發表於 17-12-7 16:13
全世界衹有香港咁奇怪，用非母語去教母語，d家長仲覺得好，結果証實小學生的閱讀能力，粵教中比普教中優勝 ...
睇番個報告，普教中只比粤教中差2分，即係分别不大。而且香港仍排第三，比起其他母語教學國家例如美國，排名前好多。所以閱讀能力降，不一定跟是否母語教學有關，仲有好多其他因素影響。但係不管如何，普通話先係真正嘅中文。
作者: columbae 時間: 17-12-7 17:07
B7Mimi 發表於 17-12-7 16:52
睇番個報告，普教中只比粤教中差2分，即係分别不大。而且香港仍排第三，比起其他母語教學國家例如美國，排 ...
1. 即係搞一大堆野，普教中比粵教中差
2. 普通話當然要學，可獨立一科上堂，但上中文堂時學生並不是100%聽懂老師說話，對中文課本的理解會好粵教中好嗎？
3. 你用"真正的中文"去唸一篇唐詩宋詞，再用粵語再唸，你就明白那種語言更能押韻
作者: B7Mimi 時間: 17-12-7 17:29
columbae 發表於 17-12-7 17:07
1. 即係搞一大堆野，普教中比粵教中差
2. 普通話當然要學，可獨立一科上堂，但上中文堂時學生並不是100%聽 ...
先搞清楚“語“同“文“嘅分別，粤語係語，係地區方言，唔係“文“。我地作文，用文字表達係“文“。普通話同時係“語“亦係“文“，所以要用文字表達得好，如果能學好普通話，效果更好。我地中文科考試，寫作係用中文，如果我地用粤語口語考中文科，一定唔合格。DSE 中文科又叫死亡之科，有D其他科高分的學生因為中文不合格，入唔到大學。就係因為好多家長以為粤語即係中文，因而忽視中文科。
作者: columbae 時間: 17-12-7 17:37
B7Mimi 發表於 17-12-7 17:29
先搞清楚“語“同“文“嘅分別，粤語係語，係地區方言，唔係“文“。我地作文，用文字表達係“文“。普通 ...
考試局評分報告咁講？我衹知你普通話唔係好似內地人咁純正，去考dse 中文oral 肯定做炮灰囉
作者: old_viki 時間: 17-12-7 17:44
為什麼普通話同時係“語“亦係“文, 講的是普通話/國語/粵語, 寫的是中文
講普通話的, 不一定有文化, 不一定識寫字, 學好粵語, 相信亦可學好中文.
作者: blueaqua 時間: 17-12-7 17:46
B7Mimi 發表於 17-12-7 17:29
先搞清楚“語“同“文“嘅分別，粤語係語，係地區方言，唔係“文“。我地作文，用文字表達係“文“。普通 ...
不敢苟同。
在香港，廣東話才是大部份人的母語，我們這一代和上一輩人從小到大都是用廣東話學習中文，一直以來無人詬病我們的中文水平。為何來到我們的下一代，會有家長覺得用普通話學中文才是王道？
普通話只不過是中國無數方言之一，我認為把普通話獨立成科當外語學並無不妥，但如果用普通話來學中文，尤其對於年紀這麼小的幼稚園生來說會做成不少困擾和混淆。舉例說，中文書面語中祖母一詞，廣東話日常生活中我們叫嫲嫲，大陸人用普通話唸奶奶，還有蕃茄／西紅柿；馬鈴薯／土豆；機械人／機器人等等數之不盡的詞彙差異。長遠來說用普通話在香港學習中文會降低學生們的學習成效甚至興趣。我們學習中文， 不只為應付DSE, 也是日常生活中與人溝通的重要媒介之一。所以如果你生活在北京上海，我會支持你用普通話學中文，但在香港推行普教中，實在是不倫不類。
作者: c50382952 時間: 17-12-7 18:23
blueaqua 發表於 17-12-7 17:46
不敢苟同。
在香港，廣東話才是大部份人的母語，我們這一代和上一輩人從小到大都是用廣東話學習中文，一 ...
講得好好，就算連大人都未必即刻轉得切channel紅柿同蕃茄，何況幾歲小朋友。如果佢問你點解普通話時叫紅柿，廣東話時叫蕃茄，真係未必答得出。真係好混淆，如果母語基礎好都話，基礎唔好真係兩頭唔到岸。就算普教中係趨勢，都等你考好小一先啦，我情願學好粵語準備好小一面試考間好小學先慢慢學普通話都未遲。幼稚園學只會影響小一面試，到時考唔到間好小學就算你對普教中幾有準備又有鬼用咩。我覺得考間好小學仲緊要過提早學普通話。
作者: c50382952 時間: 17-12-7 18:28 標題: 回覆樓主
參考專家意見，趙Sir都建議揀英粵。
https://youtu.be/LLfptBNm-NU
作者: ylylylyl 時間: 17-12-7 19:00
old_viki 發表於 17-12-7 17:44
為什麼普通話同時係“語“亦係“文, 講的是普通話/國語/粵語, 寫的是中文
講普通話的, 不一定有文化, 不一 ...
本帖最後由 ylylylyl 於 17-12-7 19:23 編輯
就幼稚園階段來看：
其實學好普通話，做中文卷時會否做快啲？ 還是會慢左？會答對多啲，還是答錯多啲？
口語方面，其實小朋友只要識ni-cam , 對講廣東話其實都唔會好大影響？畢竟，幼稚園課程只是3小時。普通話其實好難谷得好，要小朋友願意講，先會進步得快。
本人對英普英粵沒有立場，只是奇怪一問。
作者: B7Mimi 時間: 17-12-7 19:35
c50382952 發表於 17-12-7 18:23
講得好好，就算連大人都未必即刻轉得切channel紅柿同蕃茄，何況幾歲小朋友。如果佢問你點解普通話時叫紅柿 ...
全世界只有香港咁奇怪，用地方方言教語文。在台灣不會用閩南話教，在上海不會用上海話教，近在廣州，深圳，地道方言同樣係粤語，佢地用普通話教，都唔會學到不倫不類。專家話學語言的黄金時間係二至八歲，我地俾小朋友從小知道薯仔=土豆=potato, 總比長大才来學好。全世界用粤語的人口大约千多萬人，相對十億說普通話的人只佔1%。香港只會跟國內走得越来越近，如果有在中環返工的人都知道，在中環街上講普通話的人越來越多，我地孩子，如果能夠從小打好普通話講寫基楚，將來機會會多D。今曰香港在國內人眼中仍有點優勢，佢地有時聽唔明睇唔明我地D粤式普通話，會遷就我地，二十年後，我地孩子出来工作，呢十億人仲會唔會就我地呢？
作者: tammtamm 時間: 17-12-7 20:26
B7Mimi 發表於 17-12-7 19:35
全世界只有香港咁奇怪，用地方方言教語文。在台灣不會用閩南話教，在上海不會用上海話教，近在廣州，深圳 ...
最好笑係而家要教小朋友廣東話讀課本，自己真係讀唔到因為真係好好笑，仲要解釋點解書面同口語唔同，暈。
作者: giojoe9999 時間: 17-12-7 22:47
對於普教中更能學好中文這說法，我不敢苟同。
舉一個實例，大家看看中國國務院報告吧! 那些中文真的不堪入目，你絕對不希望自己的兒女用這種文章作為學習課文。
2017年的中國國院報告共有63個“性”字。2016年的更多達71個“性”字。
什麼“全面清理规范政府性基金”，“什麼“取消或停征中央涉企行政事业性收费35项”。
“政府性基金”，“事業性收費”，真的貽笑大方。
要知道能在國務院撰寫報告的，都是精英中的精英，也是自小就以普通話學習中文，還不是寫出這種垃圾中文?
中國的精英寫中文也只是這種水平，那麽從內地來港教中文教師呢？
普通話是要學，但不必以普通話來教中文。
十年前推行母語教學，現在就普教中，前後矛盾，那到底想怎樣? 為什麼不用粵語教中文? 根本政府教育政策思覺失調。
別盲從政府口號，自己想想所謂“普教中更能學好中文”之說，是否真的有邏輯根據?
作者: Deutsche 時間: 17-12-7 23:33
用母語來學習是否一定最好？
如是，香港大部分人非以英語為母語，點解咁多人想小朋友入英文小學？
我對普教中或粵教中冇乜意見，事實上亦係個人的選擇，每個人背景唔同學問知識唔同，對小朋友總有不同期望，香港既然兩種學校也有，就係俾大家選擇適合自己的
作者: blueaqua 時間: 17-12-8 11:17
同意樓上所講,不論普教中或粵教中都是個人選擇, 每個家長都可以選擇認為最適合你孩子的教學語言。
但見到有人話"普通話至係正式中文", 實在不能認同。 事實上大陸人都有好多用普通話講的口語是不能當作書面語寫出來的。學生所讀的唐詩宋詞, 亦不是用普通話創作的, 難度那些就不是正式中文?
歸根究底, 想提高中文文書能力應靠多讀多寫有質素的讀物 , 增強中文語感, 如果每次下筆前都要先轉頻道用普通話讀一次檢查是否順口才寫出來, 這樣難度才是學習中文的最佳方法嗎?
作者: am621 時間: 17-12-8 21:02
^GGmami^ 發表於 17-12-7 12:38
我個人覺得係，而且講真依家d所謂作家寫果堆書，真係好口語化，我唔係咁想自己小朋友學
...
同意至極！
講甚麼"語"跟"文"，"國"語"地方"，都是不設實際！
只想問一句，是否有人甘心讓子女成擁有呢啲所謂"作家"的語文能力？
作者: 孟母3000 時間: 17-12-8 21:16 標題: 回覆樓主：
本帖最後由 孟母3000 於 17-12-8 21:19 編輯
其實用普通話認左中文字，咁上小學用廣教中會否認唔到字？要擺好多時間去追返？始終唔係間間小學/ 每一班都普教中。
作者: sweetbride119 時間: 17-12-8 21:36
提示: 作者被禁止或刪除 內容自動屏蔽
作者: 孟母3000 時間: 17-12-8 21:47
sweetbride119 發表於 17-12-8 21:36
真係唔知有咩問題，如果小朋友一開始就接觸不同語言，普通話、廣東話，應該不怕有什麼學習問題，小朋友2-7 ...
本帖最後由 孟母3000 於 17-12-8 22:06 編輯
我既意思係佢學校用左普通話去認字，咁廣東話認字係咪要父母教返。定係學校會兩樣都教。否則上到一間廣教中小學，要重新學用廣東話再認過D字。某d神校都係廣教中，如dbs, spcc初小, la salle
作者: wcyjessica 時間: 17-12-8 22:56
孟母3000 發表於 17-12-8 21:16
其實用普通話認左中文字，咁上小學用廣教中會否認唔到字？要擺好多時間去追返？始終唔係間間小學/ 每一班都 ...
本帖最後由 wcyjessica 於 17-12-8 22:57 編輯
唔會認唔到字，因為其實學校教完既野，父母會再在家用廣東話講一次，由於是母語關係，講一次小朋友就會記得廣東話點讀，所以上到小學都無問題。
（利申：我小朋友是上英普班的。我記得我小時候很怕外語，是因為害怕，阻礙了我學習。所以現在給小朋友上英普班，目的不是為了考上什麼小學，也不是想他有很好的中文水平。我只想小朋友大了後，不會害怕接獨英文及普通話。但我回家會跟他用廣東話再重溫學校的書，廣東話依然是他的母語，但他對英文及普通話的掌握也越來越穩定。學習是漫漫長路，兒子今天學的英文及普通話，其實上到小學才學也是一樣，但我選了早些讓他接觸，因為想讓他在不計分數下學習外語，小學學的普通話要計分，太大壓力了。）
要母語教學/英粵/英普，其實沒有對錯，反而要因應小朋友能力，興趣，家庭教育如何配合也很重要。中文水平好不好，我覺得跟閱讀多少書有關，不覺得跟學習那種語言有關。很多外國人也寫不出好英文文章。不要期望說母語或說普通話的可以寫出好文章。讀書都是靠努力吧。
作者: 孟母3000 時間: 17-12-8 23:05
wcyjessica 發表於 17-12-8 22:56
本帖最後由 wcyjessica 於 17-12-8 22:57 編輯
唔會認唔到字，因為其實學校教完既野，父母會再在家用廣 ...
本帖最後由 孟母3000 於 17-12-8 23:26 編輯
Thanks for sharing 
始終學語言都講天份，小朋友有能力handle multilingual係好事，handle唔到咪學好母語先。
個人認為因應小朋友能力而選擇，最初我仔講野慢，所以想學好廣東話，點知佢突然語言大爆發，突然一講就講句子。而鐘意果間學校得英普，咪試下一年，唔得再轉校。但佢又好似適應得好okay，開學後一個月會識swtich語言，英文問佢答英文，廣東話問佢會答廣東話，普通話暫時未得，因為詞彙量未夠多。
作者: 孟母3000 時間: 17-12-8 23:16 標題: 回覆樓主：
本帖最後由 孟母3000 於 17-12-8 23:35 編輯
多數言語治療師都唔支持普教中，除非家中有人普通話係母語，可以當母語咁教。始終佢地clinical見太多speech delay既cases。
我細佬做呢行，佢話如果兩歲半都仲未有一種語言可以應付生活需要，就唔好揀英普班。2歲半應識問問題（”呢個係咩黎？”，”你/ 爸爸/ 媽媽做緊咩？”之類）、講比較complicated 既句子，有連接詞/ 代名詞/ 量詞等等(但有時會用錯）。
作者: rourou 時間: 17-12-8 23:59
本帖最後由 rourou 於 19-9-2 14:30 編輯
B7Mimi 發表於 17-12-7 17:29
先搞清楚“語“同“文“嘅分別，粤語係語，係地區方言，唔係“文“。我地作文，用文字表達係“文“。普通 ...
作者: js04 時間: 17-12-9 00:07 標題: 回覆樓主
唔使諗得咁複雜，幼兒階段，一定係母語即係廣東話！
作者: dreamdream081 時間: 17-12-9 00:14
bobo44a 發表於 17-12-3 11:11
請教下大家， K1 ,英語同英普，大家會點揀，屋企係全廣東話！如果最後選英普，又擔心小朋友聽唔明, 幼稚園 ...
英粤ok.
作者: Andrewchan918 時間: 17-12-9 00:42
英粵
作者: wongtw 時間: 17-12-9 00:52
要學好說粵語或普通話不難，如何學好寫作中文才是最難。樓主要看看心儀的小學是普教還是粵教，始再作決定吧。
作者: sweetbride119 時間: 17-12-9 04:17
提示: 作者被禁止或刪除 內容自動屏蔽
作者: sweetbride119 時間: 17-12-9 04:32
提示: 作者被禁止或刪除 內容自動屏蔽
作者: DengCK 時間: 17-12-9 08:13
sweetbride119 發表於 17-12-9 04:32
語言遲緩問題，學多種語言的確是會發生的，不過小朋友學習語言能力好高，好快就學識。不過要注意教語言時 ...
學普通話我相信對中文寫作有一定幫助，但正如之前有人說普通話跟廣東話詞語不同，小朋友可能會感到混淆，那家長要再花心思去講解一下。
作者: babycatrina 時間: 17-12-9 11:39
B7Mimi 發表於 17-12-7 15:59
講得啱，普通話至係正式中文，Donald 個孫女都係學普通話，唔係學粤語。
...
廣東話係古語，講歷史廣東話先係「正式」
普通話係中國「官方語言」
作者: am621 時間: 17-12-9 15:09
babycatrina 發表於 17-12-9 11:39
廣東話係古語，講歷史廣東話先係「正式」
普通話係中國「官方語言」
重要嗎？
只知道現時全世界
最多人用的是英語跟普通話就夠了！
作者: babycatrina 時間: 17-12-9 16:59
am621 發表於 17-12-9 15:09
重要嗎？
只知道現時全世界
十分重要
同意學好普通話的重要性
但請不要抵毁廣東話的正統性
作者: ^GGmami^ 時間: 17-12-10 08:09
B7Mimi 發表於 17-12-7 16:52
睇番個報告，普教中只比粤教中差2分，即係分别不大。而且香港仍排第三，比起其他母語教學國家例如美國，排 ...
閲讀能力跌，我覺得因為d小朋友而家側重咗英文所致，好似我個女，佢好多中文詞語都唔知(講緊文，唔係語)，要用英文解釋返佢先知，因為英文相對易學，睇書睇電視平時玩佢都係英文台，叫佢睇中文書係要迫咁濟，唔睇書，只學課本，中文又點會好呀
所以而家讀中文小學好，等佢無得避，我寧願佢初小成績差，都要打好中文基礎。所以d人將廣東話普通話學習差異無限放大，真係好無聊，鍾意讀乜咪讀乜囉
作者: am621 時間: 17-12-10 11:14
^GGmami^ 發表於 17-12-10 08:09
閲讀能力跌，我覺得因為d小朋友而家側重咗英文所致，好似我個女，佢好多中文詞語都唔知(講緊文，唔係語)， ...
完全同意
講到誓不兩立咁
好無謂
作者: common_cat 時間: 17-12-10 12:10
幼稚園廣東+英文好了(太亂對認知不利), 小学才学吧, 大把人中學多聽歌已大大進步. 普通話你怎講/怎學都有幾億內地人文筆比你好
作者: mamami2017 時間: 17-12-10 12:12
babycatrina 發表於 17-12-9 16:59
十分重要
同意學好普通話的重要性
好同意。作為講廣東話嘅香港人都唔尊重自己話言，實在不可思議。(其實仲有好多形容詞，但禮貌上唔講啦⋯⋯)
作者: ylylylyl 時間: 17-12-10 13:19
common_cat 發表於 17-12-10 12:10
幼稚園廣東+英文好了(太亂對認知不利), 小学才学吧, 大把人中學多聽歌已大大進步. 普通話你怎講/怎學都有 ...
不太認同內地人說普通話文筆就較好這一點。如果閱讀過內地文章，就會知道它們用的詞彙簡單欠變化，文筆也不見得流暢。要提高寫作能力，選擇閲讀水準高的故事文章更可取。其實學好中文，應先要學習造句及增加詞語庫量，下一步才學國語會話，按步就班來得事半功倍。粵語是母語也已足可應付日常生活需要，也不急於學好國語，除非要應付考直私。
其實幼稚園上英普班，主要是想小朋友多聽多說。如果選擇英粵，在家製造語言環境(多聽)及上小組普通話興趣班(小組增加學習趣味，也鼓勵多説)也可提高聽説普通話的能力。
作者: kooshakalaka 時間: 17-12-11 11:58
提示: 作者被禁止或刪除 內容自動屏蔽
作者: babycatrina 時間: 17-12-11 14:47 標題: 回覆樓主
非為嘈交
重申學普通話很有用，也很好玩
我也很喜歡聽國語歌，說普通話
其實有很多帖討論普交中或粵教中的優劣
我從不搭咀
雖然我認為母語教學更「有效」（非粵語較普通話優越）
至於小朋友上英普還是英粵就因材施教，我女兒語言發展較好，可上英普，但我讓她上英粵。只是她很喜歡普通話，所以我才讓她外補
至於我兒子，他的語言發展沒有那麼發達，我便更加要他先學好母語和英文
這是我當粵或普作為教課工具的處理
我只是十分反對「普通話比粵語優越」和「用普通話學中文比用粵語學中文更有效」這兩個說法
本港和內地中文系教授已詳細說明原因
自我糾正：我們說的其實是廣府話
作者: B7Mimi 時間: 17-12-11 16:02
babycatrina 發表於 17-12-11 14:47
非為嘈交
重申學普通話很有用，也很好玩
1，自我纠正:我在樓上說的“普通話至係正式中文“，有點用詞不當，應該說“普通話是現代的標準漢語/中文“，是十億人口在說及寫的中文。在標準普通話中，“說“及“寫“是一致的。香港人用的粤式中文，(或港式中文)，也是中文，但很多的“說“及“寫“是不致的，例如:說 “我地“、“呢啲“，寫出來是“我們“，“這些“。粤式中文只有香港人及廣東或廣府人懂.
2, 語文是隨着時間及地方不斷演變、進化的。中國在歷史上亦曾出現過“語“及“文“不一致的時期，所以在五四運動，胡適先生及一群知識份子，提倡“我手寫我口“，這概念沿用至今，沒人反對。所以即使說用粤讀古詩較押韻，但我們今天作詩會作現代詩，不會作七绝詩，只會寫白話文，不會寫文言文。
作者: sala222 時間: 17-12-11 16:25
babycatrina 發表於 17-12-11 14:47
非為嘈交
重申學普通話很有用，也很好玩
非常認同！
作者: B7Mimi 時間: 17-12-11 16:43
B7Mimi 發表於 17-12-11 16:02
1，自我纠正:我在樓上說的“普通話至係正式中文“，有點用詞不當，應該說“普通話是現代的標準漢語/中文“ ...
3，由於歷史原因，當年港英政府不想我們跟中國走得太近，所以在中國語文的教育上迴避了普通話教育。但香港的中國語文考試標準，說的是粤語，寫的是國語，造成我們寫作時，腦海中要翻譯一次。如果我們可以接受粤語作為中文寫作標準，那便不會有今天的争議。
4，為什麼家長都希望孩子能學好英語？因為這是全球第三使用人數最多的語言，而且是對外不同地方用來溝通的共同語言，所以學好英文，孩子多了一種技能，機會多一些。在港英年代，如果英文不好，休想在政府或大公司有升職機會。亦因為這樣，我們的父母都想我們學好英文。那個年代，英文中學比中文中學多。但是由於小學以中文為主，有些學生上到中學，一下子轉為英文表達，不一定能跟上，甚至有些老師教授时用粤語，但學生答卷時要用英文的怪現象。所以當時便提倡母語教育，多了中文中学，讓不同語言能力的学生有不同的選擇。
作者: B7Mimi 時間: 17-12-11 17:07
B7Mimi 發表於 17-12-11 16:43
3，由於歷史原因，當年港英政府不想我們跟中國走得太近，所以在中國語文的教育上迴避了普通話教育。但香港 ...
5， 說了太多歷史，回到今天。隨着使用普通話的十億人口的中國日漸壯大，香港的“不變“只有三十年，香港跟國內只會走得越来越近，有好的普通話“講“、“寫“能力，機會會多一點。正如港英年代，有良好英文的人，機會也是多一點。那麼英文不好，普通話不好，是不是沒機會呢?答案是不會的， 在這7百萬人口的地區，當然還有不同的機會。所以是看父母想孩子二十年後走條什麼路。如果想孩子的機會不只是局限在香港，我認為最好及早培訓他們的英、普，因為很多研究說：2至8歲是我們學習語言的黄金時間.
| 歡迎光臨 教育王國 (/) |
Powered by Discuz! X1.5 |