教育王國
標題: 求開解，小一生成績很差，功課做唔掂 [打印本頁]
作者: 已刪除用戶 時間: 17-12-1 20:54 標題: 求開解，小一生成績很差，功課做唔掂
剛升小一，發現社交很差，打算評估之際學校都要佢做言語治癒評估，已經很大打擊，科科都成績差到尾，功課做唔掂，已經自己教，講好耐都唔明，跟住答到就填錯格，教到我同佢都日日喊，上課不能專心，好似無學過野返嚟咁，日日都起碼要2個鐘做功課，功課已經唔算多，可以救下我開解我嗎？
學琴就無問題，玩砌圖60塊就約15分鐘砌到，我都好亂唔知智能有冇問題....
作者: 王家爸爸 時間: 17-12-1 21:39
jessie_CC 發表於 17-12-1 20:54 
剛升小一，發現社交很差，打算評估之際學校都要佢做言語治癒評估，已經很大打擊，科科都成績差到尾，功課做 ...
作者: 已刪除用戶 時間: 17-12-1 22:02
王家爸爸 發表於 17-12-1 21:39
係唔係發唔到 L 或者 R 音？ 如果係應該無問題，大啲自然好番。
都發到L&R音，係句子組織有問題
作者: CALVEN 時間: 17-12-1 22:17
本帖最後由 CALVEN 於 17-12-1 22:18 編輯
可能未適應？我仔小一時都差不多，除成績不是科科尾同不需語言治療。
作者: HK-MAN 時間: 17-12-1 22:55
jessie_CC 發表於 17-12-1 20:54
剛升小一，發現社交很差，打算評估之際學校都要佢做言語治癒評估，已經很大打擊，科科都成績差到尾，功課做 ...
作者: 王家爸爸 時間: 17-12-1 22:57
jessie_CC 發表於 17-12-1 22:02
都發到L&R音，係句子組織有問題
作者: 已刪除用戶 時間: 17-12-1 23:11
王家爸爸 發表於 17-12-1 22:57
屋企除咗廣東話仲有講其他語言？
無其他語言呀，不過佢對外講得差d,起屋企就雖然唔流利都唔至於好差
作者: 王家爸爸 時間: 17-12-1 23:14
jessie_CC 發表於 17-12-1 23:11
無其他語言呀，不過佢對外講得差d,起屋企就雖然唔流利都唔至於好差
作者: MrBeast 時間: 17-12-1 23:18
jessie_CC 發表於 17-12-1 20:54
剛升小一，發現社交很差，打算評估之際學校都要佢做言語治癒評估，已經很大打擊，科科都成績差到尾，功課做 ...
作者: encina 時間: 17-12-1 23:32
本帖最後由 encina 於 17-12-1 23:35 編輯
名校?做測試都唔一定差，至少可以搵出問題，我仔成績都差，不過都唔係科科，做功課同社交都差，你仔係細b?
我本身已諗坐幫阿仔搵功課班，唔駛等我咁夜仲同佢做功課，但同仔仔傾完，佢話俾機會佢，試左一星期雖然我放工都未做曬，但我見佢真係做多左，或者你同佢傾下。。。。
作者: Yanamami 時間: 17-12-1 23:41
MrBeast 發表於 17-12-1 23:18
語言發展是依聽說讀寫這order，而聽說問題亦會直接影響社交，學校咁快安排言語評估，是不幸中之大幸，你要 ...
Advice needed。
作者: 已刪除用戶 時間: 17-12-2 01:22
MrBeast 發表於 17-12-1 23:18
語言發展是依聽說讀寫這order，而聽說問題亦會直接影響社交，學校咁快安排言語評估，是不幸中之大幸，你要 ...
多謝你意見，我原先打算排社福機構做評估，但排得嚟最後知結果可能最快要幾個月，同時間學校就要做言語評估，一方面我都覺係好事起碼多個支援，另一方面太突然只係開學3個月要面對咁多事，加上每日勞心勞力教，小朋友依然係咁，真係好洩氣，又擔心小朋友前面條路，而家又估估下咁，所以上嚟呢到問多d資訊，等自己心入面有預算
作者: 已刪除用戶 時間: 17-12-2 01:24
encina 發表於 17-12-1 23:32
名校?做測試都唔一定差，至少可以搵出問題，我仔成績都差，不過都唔係科科，做功課同社交都差，你仔係細b?
...
功課班都有考慮，不過我小朋友理解能力差，又唔知邊到有好既補習班，所以都係再睇下點
作者: Cheeselover 時間: 17-12-2 06:54
jessie_CC 發表於 17-12-2 01:22
多謝你意見，我原先打算排社福機構做評估，但排得嚟最後知結果可能最快要幾個月，同時間學校就要做言語評 ...
本帖最後由 Cheeselover 於 17-12-2 06:55 編輯
小朋友有沒有抗拒上學？科科不行，功課又多，他自己壓力也不少；社交差是指什麼? 問問他知道了解同學(你可以私下拿到同學名字嗎？再問每個同學怎樣？)，最好的同學是誰？喜歡跟同學玩？；上堂不專心，是指跟同學聊？自己玩？還是發呆？老師怎說？對人説話時會不會左盼右顧？又或者表達不到想要的東西，有些小朋友說得快但找不詞語，有些説得慢想不到用什麼詞語？平常會主動找你說話嗎？你觀察他有什麼優點？閒時喜歡做什麼? 你是全職媽媽嗎？他放學幾點回家？抱歉太多問題，先放下成績，最重要是小朋友對現在生活是否快樂！
作者: MrBeast 時間: 17-12-2 08:02
本帖最後由 MrBeast 於 17-12-6 08:28 編輯
jessie_CC 發表於 17-12-2 01:22
多謝你意見，我原先打算排社福機構做評估，但排得嚟最後知結果可能最快要幾個月，同時間學校就要做言語評 ...
通常發展和學習上的問題都是有黃金期，越早處理成效越大。我小朋友曾經参加過社交班，內容其實全部都是言語治療有關，inc 增加詞彙、完整句子、說故事等等。
你現在可以同小朋友玩一些遊戲如接龍，死板d就可問下有什麼交通工具、什麼東西會在天上飛。
功課方面，i suspect 詞彙唔夠題目可能唔明，咁若可以就陪太子讀書讀題，數方面 網友1234ats 有個很好的帖，可參考下。
長遠的就一定要多閱讀，起初係bedtime story你讀比佢聽，唔好有expectation ，當親子時間就得
作者: HaYi 時間: 17-12-2 09:46 標題: 回覆樓主:
如果本身幼稚園時中英冇默書，上到小学要求多，會發現好多寫吾快，寫吾到.要時間追.
我識几個需言語治療的有埋其它sen. 即使已有学校的好疏的治療都吾太覺有明顯改進，所以樓主要留意有冇其它問題，同密切在家跟進。
作者: 已刪除用戶 時間: 17-12-2 10:12
HaYi 發表於 17-12-2 09:46
如果本身幼稚園時中英冇默書，上到小学要求多，會發現好多寫吾快，寫吾到.要時間追.
我識几個需言語治療 ...
多謝你意見，我都打算自己再揾言語治療，不過唔知邊到好同擔心會太貴
作者: MrBeast 時間: 17-12-2 10:14
本帖最後由 MrBeast 於 17-12-2 10:16 編輯
HaYi 發表於 17-12-2 09:46
如果本身幼稚園時中英冇默書，上到小学要求多，會發現好多寫吾快，寫吾到.要時間追.
我識几個需言語治療 ...
非常同意，評估算叫做快但排正苦語言治療要超過一年，除時排到話問題唔夠嚴重就不了了之，好彩社區都有不少支援，父母要懂得放下自尊心接受（自費好貴，成效未必一定好d），和堅持每日同小朋友做訓練，只要有恆心⋯⋯
作者: MrBeast 時間: 17-12-2 10:20
協康有個 讀寫小奇兵 講座，covers 各種不同有關的培訓，可比到一些基本認識
作者: Olympian 時間: 17-12-2 10:34
jessie_CC 發表於 17-12-1 20:54
剛升小一，發現社交很差，打算評估之際學校都要佢做言語治癒評估，已經很大打擊，科科都成績差到尾，功課做 ...
言語治療師見好多各有方面問題的小朋友，例如：專注力不足、過度活躍、學習障礙、發展遲緩等。所以言語治療師有一定的經驗估計小朋友有沒有這類問題。就算接受唔到，都要大膽問一下治療師有冇呢方面問題。跟住要求經學校申請政府評估會快好多。如果有錢又唔想比學校知，就去搵私家先做評估，評完再作打算。
作者: shadeslayer 時間: 17-12-2 11:27 標題: 回覆樓主
小一之前沒有發現任何可疑的地方？
例如健康院姑娘檢查部會簡單評估格？幼稚園全無問題？
作者: brother4 時間: 17-12-2 11:42 標題: 回覆樓主:
同孩子—様程度，學校安排上支援班，自己要求超低升到班便可，可惜連補習社唔收佢，好彩私補老師令佢開竅合格多少少，入左中文中學考全级尾尾，又好彩最後入咗大學，只要佢自己揾到讀書之路便可…
作者: 已刪除用戶 時間: 17-12-2 12:12
shadeslayer 發表於 17-12-2 11:27
小一之前沒有發現任何可疑的地方？
例如健康院姑娘檢查部會簡單評估格？幼稚園全無問題？
幼稚園老師都有講唔係點出聲，唔主動，我就以為佢怕羞，加上起屋企都有玩有嘈同駁咀，所以不以為意，而家諗返自己疏忽左
作者: 已刪除用戶 時間: 17-12-2 12:15
brother4 發表於 17-12-2 11:42
同孩子—様程度，學校安排上支援班，自己要求超低升到班便可，可惜連補習社唔收佢，好彩私補老師令佢開竅合 ...
我呢個星期情緒好差，不斷降低對小朋友要求，我而家都諗只要升到班就算，我自己自尊都要放低，問心讀書迫唔到，如迫到佢有病唔係我想要既結果，但呢個過程唔易過
作者: shadeslayer 時間: 17-12-2 12:18
jessie_CC 發表於 17-12-2 12:12
幼稚園老師都有講唔係點出聲，唔主動，我就以為佢怕羞，加上起屋企都有玩有嘈同駁咀，所以不以為意，而家 ...
本帖最後由 shadeslayer 於 17-12-2 12:18 編輯
健康院亦合格？
幼兒時平日邊個湊？
全面評估事不且遲。
作者: 已刪除用戶 時間: 17-12-2 12:49
shadeslayer 發表於 17-12-2 12:18
本帖最後由 shadeslayer 於 17-12-2 12:18 編輯
健康院亦合格？
健康院都合格仲話進展幾好，所以我都無太大懷疑，係直至5歲幾開始覺得有少少問題出嚟
作者: Chenglc 時間: 17-12-2 14:19
言語治療師唔衹睇發音，好多同學習有關的，都同佢有關，我地學校D"改善閲讀理解"講座，就係揾言語治療師主講。學校有資源比你，其實係好事，唔洗擔心。
作者: shadeslayer 時間: 17-12-2 15:01
jessie_CC 發表於 17-12-2 12:49
健康院都合格仲話進展幾好，所以我都無太大懷疑，係直至5歲幾開始覺得有少少問題出嚟
...
咁希望問題只是最近發生，比較易處理。
不過無論如何不應迫到晚晚哭，孩子怕左，恶性一循環仲衰。
作者: siden 時間: 17-12-3 00:52 標題: 回覆樓主
協康安排評估之後知埋result唔使幾個月掛？
通常within一個月可以約到，人地即刻都可以話到個大概你知。咁你要formal report要等一等，但都冇咁耐la。去私家醫院仲快，不過好貴。
言語治療，老老實實，如果錢唔係問題，一定唔會只靠學校果個言語治療師。
兩個原因：
1. 你撞到個好嘅就話，撞正個唔好嘅，真係上咗等如冇上。當年我預到E位個政府ST, 非常young, 完全唔掂，進展原地踏步。見勢色不對，唯有速速自救搵私人，雖然自掏腰包係肉赤，但睇住佢明顯進步。
2. 一星期一堂ST唔係仙丹。基本上父母一定要協助訓練。我斷估學校嘅ST都唔會俾家長sit in 上training。私人ST家長可以坐則邊一路睇住應該點幫，然後ST可以即場教家長果個星期應該配合乜野training。家長有心有力去跟住做，成件事事半功倍。
我勸你拿拿聲打去協康約評估。
作者: 已刪除用戶 時間: 17-12-3 18:28
siden 發表於 17-12-3 00:52
協康安排評估之後知埋result唔使幾個月掛？
通常within一個月可以約到，人地即刻都可以話到個大概你知。咁 ...
你意見很有用，我之後上網了解過言語問題，我會拿拿林去揾言語治療，協康既言語治療質素係唔係幾好架？
作者: haihaimom 時間: 17-12-3 22:04
jessie_CC 發表於 17-12-3 18:28
你意見很有用，我之後上網了解過言語問題，我會拿拿林去揾言語治療，協康既言語治療質素係唔係幾好架？
...
快啲跟學校社工反映孩子既情況，要求學校盡快安排評估，就噤聽都有可能係讀障或專注力不足，兩樣都囘智力無關，但就會影響學習。
作者: kwokbobo 時間: 17-12-3 22:20
MrBeast 發表於 17-12-2 08:02
通常發展和學習上的問題都是有黃金期，越早處理成效越大。我小朋友曾經参加過社交班，內容其實全部都是言語 ...
請問邊度有社交班上？係私人還是政府？要自費的嗎？thx
作者: MrBeast 時間: 17-12-4 06:15
kwokbobo 發表於 17-12-3 22:20
請問邊度有社交班上？係私人還是政府？要自費的嗎？thx
作者: kwokbobo 時間: 17-12-4 06:51
MrBeast 發表於 17-12-4 06:15
之前是協康「越障尋因」其中一個項目，好似e加冇再搞了，但不防去協康問下有冇其他相關課程 ...
Thx
作者: pekovian 時間: 17-12-4 09:17
學校應該有教育心理學家EP，搵班主任轉介去見EP初步評估先，因為有太多可能性，可能要再搵專家先可以確診：
專注力不足/自閉-精神科醫生
言語障礙-言語治療師
讀寫障礙-EP
如果唔搵私家，都可能要一兩年先確診，盡早做轉介
作者: siden 時間: 17-12-4 22:51
jessie_CC 發表於 17-12-3 18:28
你意見很有用，我之後上網了解過言語問題，我會拿拿林去揾言語治療，協康既言語治療質素係唔係幾好架？
...
協康啲ST整體來説質素都ok
個別會有啲好些，有啲差些
你自己付錢個好處係，萬一佢俾你個ST唔好，或者唔夾，你可以申請轉另一個ST，當然要另外嘅ST有期先可以轉la。
作者: brother4 時間: 17-12-5 00:04 標題: 回覆樓主:
自己不贊成看精神科因多用精神科藥副作用太大，可看音樂治療，心理冶療，遊戲治療師等先
作者: poodlema 時間: 17-12-5 08:50
每人瞓幾多個鐘? 係咪唔夠瞓呀?
作者: AndrewHo_FB 時間: 17-12-5 10:14
Talk to the school 教育心理學家. She is full of experience and should find you a solution.
作者: miffyyo 時間: 17-12-6 17:48
我女之前有搵私人機構做ST, 效果好好, 政府個個排CAC, 再排言語評估, 再排言語治療, 第一堂個言語治療師好唔掂, 晒時間, 呢D野真係唔好等, 搵個夾你小朋友嘅言語治療師好重要
作者: jennyjilijuan 時間: 17-12-24 20:49
我的大仔在学校做言語治療，小一从后面数，小二中上，小三拿到数学第三，总成绩可以。我自己跟功課，他喜歡看书。给小朋友时间慢慢培養阅读兴趣。
作者: jli008 時間: 17-12-24 21:53
提示: 作者被禁止或刪除 內容自動屏蔽
作者: daisylhn 時間: 18-1-13 19:18 標題: 回覆樓主
會否有讀寫問題？做左評估未？
| 歡迎光臨 教育王國 (/) |
Powered by Discuz! X1.5 |