教育王國
標題: 轉校的決定（有無過來人可分享一下） [打印本頁]
作者: yanbb08 時間: 17-11-24 10:08 標題: 轉校的決定（有無過來人可分享一下）
本帖最後由 yanbb08 於 17-11-24 10:28 編輯
我很想大哭一場！
好無助，呢年幾來的辛酸，好像自己才明白。放棄一間一條龍學業不錯的學校，家人不太支持！兒子不是讀書唔得，身邊無人認同我的想法！我要很多勇氣去行出呢步！
作者: kanhan 時間: 17-11-24 11:07
咩事呀？
作者: yanbb08 時間: 17-11-24 15:00
兒子小二，學業成績中上，但因為學校校風較嚴，區內一缐小學，小班教學，仲有中學部。（幼稚園時覺得兒子也算聰明，覺得他能力應付到，而且以為仔比較活潑，搵間嚴d管教一下！）上左小一之後,問題開始浮現，兒子不肯抄寫，不願做家課，而且功課量比我想像中的多,各科老師也打來「反映」我兒子問題！其實我兒子不是真的很曳那種，起碼佢會坐定。我同學校溝通過，但我感覺學校不太支援包容！我心想呢六年點過！
作者: yanbb08 時間: 17-11-24 15:02
係小二覺得唔對路才去睇醫生，先知佢ADHD
作者: tutik 時間: 17-11-24 19:54
yanbb08 發表於 17-11-24 15:00 
兒子小二，學業成績中上，但因為學校校風較嚴，區內一缐小學，小班教學，仲有中學部。（幼稚園時覺得兒子也 ...
沒有非讀不可既學校，龍校同一班學生咁多年，再上埋中學，如小朋友不被接納下，怎樣自信成長？對ADHD小朋友實在難捱，我覺得盡最大努力去幫助小朋友，但作最壞打算。
如決定轉校，面試前要同小朋友有默契，我自己就試過同佢面試時，佢答面試老師話自己唔想轉校！所以轉校不成，為有開始食藥，我兒也不是成绩問題，不過日日比老師針住，同學排斥、杯葛、要脅話我告你㗎!真係好討厭。
要明白可能所有學校也差不多，有好、冇愛心既老師，只係這裡混幾年，那裡又混下，日子咪咁過囉，我比較悲觀，唔好意思。
作者: bestwish 時間: 17-11-27 15:59
樓主既意思係轉左校未?
如果唔係龍校, 到揀中學果時你同呀囝會好頭痕。 其實係咪要治標而唔係轉校去逃避, 因為就算轉校都一樣要面對功課, 除非真係100% happy school 係零功課。享受了happy school 後, 禁升中又點呢? 樓主可能要諗遠一些。
樓主, 加油呀!
作者: yanbb08 時間: 17-11-28 10:50
我其實感覺學校不太支援，由今年暑假找私家醫生求診（係一個係呢方面好專業的醫生，也花費不菲），評估後。報告一開學交班主任、社工。社工只是話我看的不是精神科醫生，不接納我份報告，但有到校教育心理學家評估我兒子一次。後來社工叫我簽了一些文件，話協助我排政府再check.但現在兒子情況在校內沒有任何支援，而且已因欠交簽了兩封警告信。有同様情況但考試比我兒子差少少的已比人好明甘暗示叫佢找過合適的學校。所以心很不安。但我先生也像bestwish 樓上的分析。
作者: yanbb08 時間: 17-11-28 11:02
而且幫我排，但到現在沒有任何回應，我問學校是否應該像我們看政府專科一樣有一張約期紙交比我看看，但三個月仍未有任何消息！！結果我而家自己去排期算了！
未轉校，但轉也要面對很多問題，很爭扎。
作者: siu-miu 時間: 17-11-28 12:37
yanbb08 發表於 17-11-28 10:50
我其實感覺學校不太支援，由今年暑假找私家醫生求診（係一個係呢方面好專業的醫生，也花費不菲），評估後。 ...
其實我都係同樓上的意見一樣, 轉校後要面對的問題可能一樣
作者: siu-miu 時間: 17-11-28 12:38
本帖最後由 siu-miu 於 17-11-28 12:39 編輯
tutik 發表於 17-11-24 19:54
日日比老師針住，同學排斥、杯葛、要脅話我告你㗎!真係好討厭。
要明白可能所有學校也差不多，有好、冇愛心既老師，只係這裡混幾年，那裡又混下，日子咪咁過囉，
同意
作者: bestwish 時間: 17-11-28 17:01
其實好多學校係對SEN學生好少支援, 尤其是名校。 你學校講得冇錯呀。 係一定要精神科醫生或臨床心理學家既評估報告。
作者: subb 時間: 17-12-20 13:57
sen 轉校唔容易架 !
不如先諗下點幫仔仔先啦 !
作者: fantacola 時間: 17-12-20 20:50 標題: 回覆樓主
吾知樓主係私小定津小？一般津小應該較多支緩
我小朋友係私小2年，獲得0支緩，每晚同仔博鬥完成功課，冇乜時間溫習，理解能力較差、抗拒中文、成績唔好，私小總希望小朋友自動流失，最終小三轉校；
轉校條路亦都吾容易，樓主希望你能早日安排好
作者: subb 時間: 17-12-21 11:26
fantacola 發表於 17-12-20 20:50
吾知樓主係私小定津小？一般津小應該較多支緩
我小朋友係私小2年，獲得0支緩，每晚同仔博鬥完成功課，冇乜 ...
我朋友都是C小, 老師叫她自己去買服務比小朋友 !
作者: oreobabygee 時間: 17-12-27 08:49
subb 發表於 17-12-21 11:26
私小是沒有教育局SEN 資助的, 所以更加要靠自己
我朋友都是C小, 老師叫她自己去買服務比小朋友 !
私小當然希望你自然流失啦，而且受歡迎的私小總是寧願收一個優質插班生也不願去take care一個sen
作者: oreobabygee 時間: 17-12-27 08:54
oreobabygee 發表於 17-12-27 08:49
私小當然希望你自然流失啦，而且受歡迎的私小總是寧願收一個優質插班生也不願去take care一個sen
...
糸香港的精英制的教育制度下，academic不佳的sen小朋友及家長条路糸好艱難，無論糸官津校，直資，私校，国際，基本上也会面对不同的问題，如adhd的，越大的社交问題更難搞，家長也幫不到，幸好有這個平台可以给我们這班同路人打打氣
作者: fantacola 時間: 18-1-2 21:45
oreobabygee 發表於 17-12-27 08:54
糸香港的精英制的教育制度下，academic不佳的sen小朋友及家長条路糸好艱難，無論糸官津校，直資，私校，国 ...
條路真係好難行，私小津小都好難行⋯⋯我間吾中會大喊一場，好擔心小朋友，唔知點算
作者: aryemyem 時間: 18-1-3 13:24 標題: 回覆樓主
其實你話你仔上堂又坐得定，成績又中上，真心唔明老師有乜好投訴，我係你就向校長投訴返班主任
作者: jedmond 時間: 18-1-4 13:58
如果成績OK，做埋IQ test可能有新發現!
作者: 964000 時間: 18-1-16 00:27 標題: 回覆樓主
食藥有沒有幇肋？朋友女兒小三食到中二，放假便停，入了一缐中學，身體也沒有影響。現在中二自我控制好了很多，只是考試先食。
作者: estw 時間: 18-1-26 00:37
回覆 fantacola 的帖子
吾好意思，路過見到都想對樓主表達下關心。我吾係過來人，但以我所知，ADHD好似係專注力不足，樓主囝囝上堂冇問題，成積又ok，只係吾願抄寫吾願做功課，其實對小二小朋友黎講都算正常喔，有邊個小朋友吾想剩係玩，小朋友本來就應該無憂無慮，吾係咁就話係有問題掛。吾願做功課可能係還未適應小學生活，俾啲空間佢，等再大啲明白到完成功課係學生的責任時，佢就會自動自覺了。每次老師投訴是否因為欠功課？若是的話，這就要看家長的耐力了，接到老師投訴自己子女當然難受，亦感到好大壓力，但嘗試盡量放低，只當老師的說話是讓你可了解兒子在校的情况。請記住只有父母才是子女的支援，無論是否咩ADHD，父母總要相信吖仔係得嘅，只係需要時間，要等候。如果你同先生都喜歡間學校，而吖仔冇話吾開心，學校又冇趕佢走，咁不妨俾多一年時間觀察，話吾定吖仔會有改變，如果都係冇變，到小三下學期先轉都未遲的。總之一切以兒童為本，成長需要空間，個個小朋友的步伐都吾同，行得快吾一定條路必順，行得慢條路亦吾一定難行。轉校都未必吾好，點知吾會碰著一間更適合的學校呢，無需要執著名校或龍校，只要能讓小朋友感到被接納又有安全感就已係好學校。
Sorry ，太長氣啦，只希望樓主傷心完之後繼續加油，更希望囝囝不要因此而失去愉快的童年。
作者: 朱寶媽媽 時間: 18-6-23 06:43
bestwish 發表於 17-11-28 17:01
其實好多學校係對SEN學生好少支援, 尤其是名校。 你學校講得冇錯呀。 係一定要精神科醫生或臨床心理學家既 ...
如果要攞在學支援,仲要係政府精神科醫生寫才有效.
| 歡迎光臨 教育王國 (/) |
Powered by Discuz! X1.5 |