教育王國

標題: P1學習英語 [打印本頁]

作者: assado    時間: 17-11-18 17:12     標題: P1學習英語

小朋友好有興趣英語, 可以英語同NET溝通, 間中寫短英文故事, gammar 當然未得, 有冇好方向可以教小朋友英語更上一層。

作者: roybird    時間: 17-11-18 17:35     標題: 回覆樓主

我有個學生都係差不多情況,十分聰明又好學,呢個階段,最寶貴就係份好奇心,小一仲好細,grammar可以慢慢嚟,但一定要keep住份好奇,我自己會多啲帶唔同種類既書同小朋友睇,尤其係nonfiction,等佢學下唔同國家既事,同一有機會就多啲帶去博物館啊超級市場嗰啲,周圍行都好多野研究,研究路牌廣告posters, 因為生活上既英文字反而好多都唔識,例如pasta種類等,現階段有人keep住同佢講英文又有睇書睇下卡通,得閒寫下故事刺激下想像力,重點喺擴闊眼界,多認識新事物我覺得已經好足夠,等小朋友慢慢成長。

作者: 1998Ruby1998    時間: 17-11-18 17:55

Grammar 未得嘅意思係 Careless 多/仲有 concept 未清?Careless 多就個個都多,呢 d 要等小朋友長大。

有寫故事係件好事,我都成日叫學生寫,題材有續寫故事、描寫文。超市、餐廳餐牌、海報都係學習好機會。例如有一次個海報中文係寫「冷氣機漏水,不但影響鄰居,而且也屬犯法」,但係英文先寫「違法」,再寫「影響鄰居」。我問小朋友點解會掉轉。
作者: assado    時間: 17-11-18 18:46

1998Ruby1998 發表於 17-11-18 17:55
Grammar 未得嘅意思係 Careless 多/仲有 concept 未清?Careless 多就個個都多,呢 d 要等小朋友長大。

...

gammer past tense 未完掌握, 我們 覺得興趣寫作為先, 除非是學校功課才執。我們有打算請NET/ABC教, 但好吾易找到。

作者: 1998Ruby1998    時間: 17-11-18 18:53

回覆 assado 的帖子

先小一,Past Tense 未掌握到係正常(除非你讀 DG,咁就唔同講法)。
之前我同一個資質好好,英文有興趣嘅小一,我都密集式學 Past Tense 左兩個月先掌握到,唔需要咁急。請 NET/ABC,你要求老師幫小朋友邊方面?

作者: assado    時間: 17-11-18 20:52

1998Ruby1998 發表於 17-11-18 18:53
回覆 assado 的帖子

先小一,Past Tense 未掌握到係正常(除非你讀 DG,咁就唔同講法)。

我諗在初小階段, 學好聽, 講, 打好基本功最為重要, NET/ABC 教比較好。

作者: 1998Ruby1998    時間: 17-11-18 21:06

回覆 assado 的帖子

若只係聽講的話,NET/華人就 OK,平日多看書、Documentary(野生動物、國家文化、飲食健康等)便可。
作者: Yanamami    時間: 17-11-18 22:01

係呢个階段grammar根本唔重要……鬼仔細細个根本唔会学grammar.
作者: retriever    時間: 17-11-19 06:35

roybird 發表於 17-11-18 17:35
我有個學生都係差不多情況,十分聰明又好學,呢個階段,最寶貴就係份好奇心,小一仲好細,grammar可以慢慢 ...

請教:點解要非小說?

睇多科普書,細路會否傾向SEARCH FACTS,反而說故組織欠佳? 特別係仔。

作者: assado    時間: 17-11-19 07:48

Yanamami 發表於 17-11-18 22:01
係呢个階段grammar根本唔重要……鬼仔細細个根本唔会学grammar.

小朋友學英語可分階段, 幼稚園至初小二, 以聽, 講為主先.

作者: assado    時間: 17-11-19 08:01

1998Ruby1998 發表於 17-11-18 21:06
回覆 assado 的帖子

若只係聽講的話,NET/華人就 OK,平日多看書、Documentary(野生動物、國家文化、飲 ...

都有少少問題, 如不是循著他的興趣去看英文書, 怕會減少閱讀興趣。我都會試這方面, 擴濶字彙。

作者: roybird    時間: 17-11-19 08:05

retriever 發表於 17-11-19 06:35
請教:點解要非小說?

睇多科普書,細路會否傾向SEARCH FACTS,反而說故組織欠佳? 特別係仔。

唔係唔睇故事,故事當然好啦,又可以訓練組織,又會多啲想像力,只係我發現好多家長會忽略nonfiction 而實則好多小朋友又好enjoy nonfiction 同學到好多野,令佢地知道世界好大,令佢地更加好奇。最好就係故事同nonfiction 都要睇,不過當然要顧及小朋友興趣

作者: assado    時間: 17-11-19 08:06

1998Ruby1998 發表於 17-11-18 21:06
回覆 assado 的帖子

若只係聽講的話,NET/華人就 OK,平日多看書、Documentary(野生動物、國家文化、飲 ...

用NET最主要原因, 是我想小朋友學習口音, 跟本地老師難学到, 而且, 细時学習易好多。

作者: nicehome    時間: 17-11-19 17:29

咁細個親子伴讀繪本已經很好,如想再加強可以媽媽朗讀一些有趣的文章,再加一些poems & rhymes, 例如"Mother Goose"大概可以了
作者: retriever    時間: 17-11-19 19:48

roybird 發表於 17-11-19 08:05
唔係唔睇故事,故事當然好啦,又可以訓練組織,又會多啲想像力,只係我發現好多家長會忽略nonfiction 而實 ...

好多仔唔鍾意小說類,科普反而岩。睇小說又會跳。或者只睇攪笑。

所以雖然識埋好多垃雜野,但說故事組織欠佳。

作者: roybird    時間: 17-11-19 19:52

retriever 發表於 17-11-19 19:48
好多仔唔鍾意小說類,科普反而岩。睇小說又會跳。或者只睇攪笑。

所以雖然識埋好多垃雜野,但說故事組織 ...

竟然係咁,唔知係咪男仔女仔中意既野唔同呢,我遇到既多數係女仔,如果組織邏輯差啲就真係要多啲練習喇





歡迎光臨 教育王國 (/) Powered by Discuz! X1.5