教育王國
標題: 請問有冇人到呢一刻仲係一個offer都冇？ [打印本頁]
作者: seastarbaby 時間: 17-11-16 11:37 標題: 請問有冇人到呢一刻仲係一個offer都冇？
好灰！唔通幼稚園嗰步已經行錯？
作者: Charlotte_mom 時間: 17-11-16 11:39 標題: 回覆樓主
一個都無唔奇呀，我姨甥名幼、考幾間，到6月統一至有第一個offer
，就係派位！
作者: am^3 時間: 17-11-16 11:43 標題: 回覆樓主:
我都識朋友，佢個小朋友讀名幼考，咗超過10間，一個 offer 都冇。
最後大抽獎，抽中名津。
作者: YuTungMaMa 時間: 17-11-16 11:45
得一間waiting 咋........
我都成日諗係唔係幼稚園嗰步已經行錯. 但已經成事實. 唯有努力寫信. 
作者: kmb369 時間: 17-11-16 11:47 標題: 回覆樓主:
提示: 作者被禁止或刪除 內容自動屏蔽
作者: Terencema7 時間: 17-11-16 11:50
seastarbaby 發表於 17-11-16 11:37 
好灰！唔通幼稚園嗰步已經行錯？
我覺得有影響，部分非學卷幼稚園對升直私支援不是太積極
作者: gwenstephen 時間: 17-11-16 11:53
Terencema7 發表於 17-11-16 11:50
我覺得有影響，部分非學卷幼稚園對升直私支援不是太積極
除非卷幼係有强大小學後盾，如果唔係，去直私都係"陪考"多
作者: Terencema7 時間: 17-11-16 11:53
kmb369 發表於 17-11-16 11:47
乜野叫幼稚園行錯咗？你指揀了卷幼？
其實好多名幼和非學卷國際班學生已經可以運用英語和普通話溝通，相信係語言上必定比邨幼優勝。
英小老師當然希望收d 已有一定英語能力的學生，九月唔使湊過就可以開波。
作者: seastarbaby 時間: 17-11-16 11:54 標題: 回覆樓主
我仔間算名幼，仲要有幾十個名小聯繫位。
當初諗住名幼有利，投放三年金錢，外補英文，學琴學畫，可惜已知很大機會直上不到小學，出面考嘅亦全敗。
相反身旁數個朋友，普通券幼已有著落。
我知不應因為考小一失敗而懷疑自己小朋友，不過早知如此，三年前不如讀間村幼，乜都唔學，開心過三年仲好！
作者: kmb369 時間: 17-11-16 11:57
提示: 作者被禁止或刪除 內容自動屏蔽
作者: gwenstephen 時間: 17-11-16 12:01
seastarbaby 發表於 17-11-16 11:54
我仔間算名幼，仲要有幾十個名小聯繫位。
當初諗住名幼有利，投放三年金錢，外補英文，學琴學畫，可惜已知 ...
村幼入咩著落先？
仲有，有冇唸过如果你唔安排佢入名幼，冇進補，今日仲惨？ 有聯繫位已比很多人幸福……六月高峯放位期你好大机会喇！
作者: gg33 時間: 17-11-16 12:04 標題: 回覆樓主
未有，希望明早會有
作者: seastarbaby 時間: 17-11-16 12:09
kmb369 發表於 17-11-16 11:57
全考一線？報幾多間？
不是全考一線，大概十間
作者: seastarbaby 時間: 17-11-16 12:11
gwenstephen 發表於 17-11-16 12:01
村幼入咩著落先？
仲有，有冇唸过如果你唔安排佢入名幼，冇進補，今日仲惨？ 有聯繫位已比很多人幸福…… ...
德雅、聖母、禮賢、培道、播道、音小
作者: Terencema7 時間: 17-11-16 12:12 標題: 回覆樓主:
相信冇offer 家長應該起碼有以數千起計。
我覺得所有直私佢地都係target 同一類學生，所以有offer 的會一手都係。
我覺得人生係慢長，頭數年唔突出，唔代表人生冇轉機，若之後不努力亦不能成功。
各家長，不要灰心，應該盡量令小朋友認知自我價值，認識社會，明白自己想係世上追求什麼生活，人有了欲望就會努力，讀書都一樣，如果小朋友想做某些專業或有夢想，必然會於正路出發。
作者: Terencema7 時間: 17-11-16 12:15
seastarbaby 發表於 17-11-16 12:11
德雅、聖母、禮賢、培道、播道、音小
播道同音小其實可能競爭同一線和名小差唔多
作者: letsdoit 時間: 17-11-16 12:15
我小朋友係讀學卷幼園, 程度都是很淺, 最初未有offer時我也有同你一樣想法. 現在幸運得到一個offer, 所以應該面試表現都十分重要, 加油!
作者: seastarbaby 時間: 17-11-16 12:18
letsdoit 發表於 17-11-16 12:15
我小朋友係讀學卷幼園, 程度都是很淺, 最初未有offer時我也有同你一樣想法. 現在幸運得到一個offer, 所以應 ...
我依家就係覺得券幼仲好
作者: darichie 時間: 17-11-16 12:32
我小朋友係讀所謂嘅名幼，我仲同佢報左十幾間，到而家只係滿手reject + 兩個waiting...
初時連收幾個reject都好心灰，但而家諗通左嘞。好似樓上JM咁講，大部份真資私小都係target某一類嘅小朋友，所以有嘅就會一手都係offer, 無嘅就繼續好似我地D小朋友咁...不停被rejected
但咁樣唔代表我地小朋友比人差架~
我而家係抱平常心，希望個天比一個offer我，如果真係無，出年叩門囉~唔會再花時間去擔心傷心，好好享受同小朋友相處嘅一日啦~
大家加油!
作者: Suetchan 時間: 17-11-16 12:53
回覆 seastarbaby 的帖子
呢個遊戲剛開始無耐, 唔好咁快灰心.
過左自行放榜應該好快會有另一輪offer.
當年亞仔讀非學卷, 考了九間, 只得2間waiting, 一間2in(之後都係waiting),
到大抽獎時又抽得唔好, 當時真係好down. 點知去到考叩門時收到offer電話.
所以呢個遊戲無咁快完架, 不要灰心, 努力寫信去心儀學校, 加油
作者: Penipony 時間: 17-11-16 13:07
seastarbaby 發表於 17-11-16 11:37
好灰！唔通幼稚園嗰步已經行錯？
作者: moreboba 時間: 17-11-16 13:25
Small B, All rejected, No waiting, 2 2nd in....
作者: fanay 時間: 17-11-16 13:31
seastarbaby 發表於 17-11-16 11:37
好灰！唔通幼稚園嗰步已經行錯？
我都係乜都無 等派位啦
作者: Charlotte_mom 時間: 17-11-16 13:50
seastarbaby 發表於 17-11-16 11:54
我仔間算名幼，仲要有幾十個名小聯繫位。
當初諗住名幼有利，投放三年金錢，外補英文，學琴學畫，可惜已知 ...
咁又唔好咁講，老土講句學左嘅野係自己，幾年英普學習唔會白廢呀
作者: meloC 時間: 17-11-16 13:53
回覆 Charlotte_mom 的帖子
很同意呀! 學習係為自己, 播種都唔係即時見收成
作者: comy 時間: 17-11-16 13:59
No offer yet. 好希望自己可以有 vs
而家只有自行vs 大抽獎！😂
作者: applebot 時間: 17-11-16 14:12
講真, 每個月俾成六七千蚊幼稚園學費,仲要星期六日活動都係為入心儀小學..
到頭來一間直私Offer都冇仲要輸比啲冇siblings既卷幼...
真係慘啲既...人哋每個月只係俾你十份一價錢....
有啲仲要分AM PM 兩間唔同既名幼,分分鐘洗費要萬幾蚊一個月..
:ahmeowdizzy:
作者: gwenstephen 時間: 17-11-16 14:24
seastarbaby 發表於 17-11-16 12:18
我依家就係覺得券幼仲好
唔使咁快下定斷，八月三十一日或以前才返來講結果。
名幼冇用就唔会爭崩頭入去，求情階段、放位高峯時你再看看分别。
作者: szeti 時間: 17-11-16 14:44
依家才是11月, 慢慢長路, 未到最後唔知好壞, 大家應相信小朋友能力, 無學位只係現階段強人天下, 揀好學校等派位, 努力寫定信, 收集叩門資料, 下年入小學係唔容易, 小朋友是這年出世就要一同面對, 呻完就算, 向前看.
作者: 小李 時間: 17-11-16 14:50 標題: 回覆樓主:
我手上只有兩個waiting, 相信今年的waiting = reject, 根本無人放位，龍年好艱難。
仲欠2間派彩，不過死心了。
作者: lcya 時間: 17-11-16 15:40 標題: 回覆樓主
我個囡名幼，英語、普通話流利，我報咗二十間，有二間waiting, in 咗十幾間，上了十堂面試班，有四五間撞時間冇in, 二間second in 咗，下個星期有結果，本星期六second in 一間，仲有3 間已1st in 未有消息，我都頂唔住了，好辛苦。
其待下是期second in 的消息。
冇offer 其實好正常，因為個個都在努力中⋯⋯
作者: lcya 時間: 17-11-16 15:45
applebot 發表於 17-11-16 14:12
講真, 每個月俾成六七千蚊幼稚園學費,仲要星期六日活動都係為入心儀小學..
到頭來一間直私Offer都冇仲要輸 ...
我個囡讀緊全曰私幼，學費接近11000，都等緊offer
作者: gwenstephen 時間: 17-11-16 16:09
lcya 發表於 17-11-16 15:40
我個囡名幼，英語、普通話流利，我報咗二十間，有二間waiting, in 咗十幾間，上了十堂面試班，有四五間撞時 ...
你个勢該唔錯架，唔使太擔心，只是有啲碎石阻礙下啫，唔太心雄應該会笑著開學架
作者: lcya 時間: 17-11-16 16:13
gwenstephen 發表於 17-11-16 16:09
你个勢該唔錯架，唔使太擔心，只是有啲碎石阻礙下啫，唔太心雄應該会笑著開學架
...
我只希望她在英普語竟下繼續愉快學習，從來冇其望入神校，仍然等待中
作者: yiu_fire 時間: 17-11-16 16:29
seastarbaby 發表於 17-11-16 11:37
好灰！唔通幼稚園嗰步已經行錯？
超灰，雖然我只係報左4間但被reject少不免覺得失落，會怪係咪自已無去培養佢，搞到佢無學校收
但回想呀女過去3年過嘅係無操練，開心的童年。。。。都無蝕的
不過呢一刻我都仍雖要大家的互相安慰
作者: YuTungMaMa 時間: 17-11-16 16:32
lcya 發表於 17-11-16 16:13
我只希望她在英普語竟下繼續愉快學習，從來冇其望入神校，仍然等待中
作者: adriantai 時間: 17-11-16 16:34
本帖最後由 adriantai 於 17-11-16 16:37 編輯
仍然等待offer中mouth:" />
不過讀私幼目的唔係為考小學, 所以無咩後悔.
作者: cream@@ 時間: 17-11-16 16:59
希望之後會有
作者: applebot 時間: 17-11-16 17:10
lcya 發表於 17-11-16 15:45
我個囡讀緊全曰私幼，學費接近11000，都等緊offer
作者: Terencema7 時間: 17-11-16 17:21
lcya 發表於 17-11-16 16:13
我只希望她在英普語竟下繼續愉快學習，從來冇其望入神校，仍然等待中
我諗法同你一樣，所以選擇區內國際班私幼，雖然不是名幼，但都提供一個英語環境，希望佢可以係幼稚園階段鍛鍊好英語。
所以十分希望她可以入到英小繼續學業。
作者: noviasobb 時間: 17-11-16 17:26
applebot 發表於 17-11-16 14:12
講真, 每個月俾成六七千蚊幼稚園學費,仲要星期六日活動都係為入心儀小學..
到頭來一間直私Offer都冇仲要輸 ...
咁又未必gei, 名幼的語境是值得的。就算什麼也考不上。
作者: 栗子媽 時間: 17-11-16 18:07 標題: 回覆樓主：
本帖最後由 栗子媽 於 17-11-16 18:12 編輯
我到呢刻只得一個waiting 
睇到人哋問xx vs xx邊間好啲，真心好羨慕，自己只能眼淚在心裡流，前路茫茫
作者: natrick 時間: 17-11-16 18:17 標題: 回覆樓主
我仔讀卷幼
學術只屬普通 尤其中文認字
上年考小一 開頭收不少reject /waiting
但轉完幾次音樂椅後
最終有五間直私offer
未有offer 既 可能最後有驚喜呢！
有過來人 開學前一天才收到神校offer
加油！
作者: Cmjelly 時間: 17-11-16 18:18
seastarbaby 發表於 17-11-16 11:37
好灰！唔通幼稚園嗰步已經行錯？
仔仔卷幼，靠外補，好辛苦呢個星期等到一個offer, 其他全部rejected, 呢間有offer的, 在BK比人負評語，我就是睇中呢點，覺得會少人爭d, 另外當然自己親身到校感受下，派位不太差，校風好，我就apply了，最終好彩真的中左，感恩！
作者: Cmjelly 時間: 17-11-16 18:22
seastarbaby 發表於 17-11-16 11:37
好灰！唔通幼稚園嗰步已經行錯？
我覺得當初揀幼稚園重要，但其實報小學都要有策略，神校當然想入，但都要搵d無咁受歡迎做打底，始終點都要間做保險再等大抽獎
作者: 栗子媽 時間: 17-11-16 18:26
Cmjelly 發表於 17-11-16 18:18
仔仔卷幼，靠外補，好辛苦呢個星期等到一個offer, 其他全部rejected, 呢間有offer的, 在BK比人負評語，我 ...
恭喜你呀，校風好就已經可以放心入讀，我一直都覺得校風好緊要，我可以容忍小朋友讀書成績唔好，但唔能夠接受小朋友品德唔好，所以入到一間校風好嘅學校，從細打好基礎學好品格遠比成績好重要，希望你小朋友開心入讀。
作者: jason1978 時間: 17-11-16 19:18 標題: 回覆樓主
如果校風好的二線津校同校風好的普通直私兩間比較呢？係咪都係寧願直私都唔會自行二線？
作者: applebot 時間: 17-11-16 20:23
noviasobb 發表於 17-11-16 17:26
咁又未必gei, 名幼的語境是值得的。就算什麼也考不上。
其實同得你爭學位嘅劵幼生，佢哋知道自己嘅弱項，或冇能力入讀名幼，所以佢哋令願花錢填補佢哋弱項或興趣。
以我為例，我小朋友之前讀券幼，我每日都會帶小朋友去上英文班，只能夠用英文同菲傭或媽媽溝通，爸爸就只說普通話，語境保證冇問題。晚晚都陪讀故事書或百科全書有問有答。
佢喜歡游泳烹飪，星期六日就上興趣班。
最後，好彩宜家佢讀緊KJS year 1.
所以，唔好睇少券幼生。
作者: tammtamm 時間: 17-11-16 20:38
本帖最後由 tammtamm 於 17-11-16 20:45 編輯
My daughter went for 4 interviews and all rejected, even all these are top 10 schools, but I also feel very dissapointed. Her English is very good and is a very happy girl. I didn't train her at all and didn't even go through with her the interview questions list, as I thought school won't choose those "robots" that knows how to answer all the standard questions. So, I think preparation is very important, unless your kids are genius.
作者: sangria 時間: 17-11-16 20:53
jason1978 發表於 17-11-16 19:18
如果校風好的二線津校同校風好的普通直私兩間比較呢？係咪都係寧願直私都唔會自行二線？
...
寧願二線津。反正都二線點解要俾錢
作者: 栗子媽 時間: 17-11-16 21:29
jason1978 發表於 17-11-16 19:18
如果校風好的二線津校同校風好的普通直私兩間比較呢？係咪都係寧願直私都唔會自行二線？
...
如果係咁，我會睇學校係咩區分，距離屋企嘅車程，當然仲有梗係升中情況
。
作者: teddy210ay 時間: 17-11-16 21:29
applebot 發表於 17-11-16 14:12
講真, 每個月俾成六七千蚊幼稚園學費,仲要星期六日活動都係為入心儀小學..
到頭來一間直私Offer都冇仲要輸 ...
我朋友嗰女同我囡一樣龍B，不過佢個女龍頭，我女龍尾！佢個女上午讀國際，下午讀龍校！最终……她也放龍校選了國際唔駛好似我仲係度等運到！其實，入了名校花費及時間也不少！好似同事嗰仔入了名男校st. X， 每天放學請私人補習，weekend 學其他嘢！也不便宜！但讀國際，除補中文其他不用，壓力也不大！我係working mom也無時間精力！睇功課！最終我也會比囡走國際線！不過也考吓私立直資睇下彩數！自知细B無咩機會！
作者: Terencema7 時間: 17-11-16 21:55
teddy210ay 發表於 17-11-16 21:29
我朋友嗰女同我囡一樣龍B，不過佢個女龍頭，我女龍尾！佢個女上午讀國際，下午讀龍校！最终……她也放龍校 ...
我同你情況好似，囡囡都係龍尾女，太太亦是working mama, 佢自己仲要讀緊post grad, 所以真係唔太多時間可以同佢操練。所以我地都係選擇國際班全日私幼。
龍尾係差d d, 第一間面試於7月頭，囡囡都唔知發生咩事，之後愈來愈好，去到11月面試，佢先最有把握講到比我地聽面試佢做d 咩老師問d 咩！
作者: Terencema7 時間: 17-11-16 21:56
teddy210ay 發表於 17-11-16 21:29
我朋友嗰女同我囡一樣龍B，不過佢個女龍頭，我女龍尾！佢個女上午讀國際，下午讀龍校！最终……她也放龍校 ...
希望你直私有好選擇，國際路線亦是好選擇
作者: teddy210ay 時間: 17-11-16 22:15
Terencema7 發表於 17-11-16 21:56
希望你直私有好選擇，國際路線亦是好選擇
我自己放工也有進修，有時又出差！其實就算早返屋企也只是想同囡玩不想睇功課！讀傳統學校要常跟功課，默書，考試！同事個仔學校90 to 95分內已是低分學生，其他95分以上，真係好嚇人！如學校有壓力，家長自然開turbo 揾補習……end up...時間金錢也花掉，怕攪到囡有情緒病我已經唔係成日陪佢玩！所以，其實名神校锺意收D全職媽媽嘅學生，爸爸是生意人！可以帮學校做義工及跟功課！我呢D加上细B無份！
作者: Garfield_Wing 時間: 17-11-16 22:19
teddy210ay 發表於 17-11-16 22:15
我自己放工也有進修，有時又出差！其實就算早返屋企也只是想同囡玩不想睇功課！讀傳統學校要常跟功課，默 ...
我囡都係細B
作者: Penipony 時間: 17-11-16 22:21
applebot 發表於 17-11-16 20:23
其實同得你爭學位嘅劵幼生，佢哋知道自己嘅弱項，或冇能力入讀名幼，所以佢哋令願花錢填補佢哋弱項或興趣 ...
作者: teddy210ay 時間: 17-11-16 22:47
Terencema7 發表於 17-11-16 21:56
希望你直私有好選擇，國際路線亦是好選擇
親戚叫我辭職做全職媽跟功課！咁不如我努力揾多D$比囡讀無咁大壓力嘅學校！入到直資名小後跟功課及外補也用唔少$及時間！用D時間去親子同佢玩仲好，從遊戲中學習！另外有個朋友個女由spc轉了去Canada IS...因為功課考試太大壓力！
作者: Terencema7 時間: 17-11-16 23:00
teddy210ay 發表於 17-11-16 22:47
親戚叫我辭職做全職媽跟功課！咁不如我努力揾多D$比囡讀無咁大壓力嘅學校！入到直資名小後跟功課及外補也 ...
其實我同太太都有咁o既諗法，有時係要用資源去解決，入到好谷o既學校，又係要比錢外補，係現今制度下，5歲搵小學仲慘過我當年考高考。
我同太太都係本地考試機器，透過會考同高考有幸升讀本地大學，其實有點唔想小朋友行返我地條舊路。
其實眼見自己以前身邊有d 被公開試淘汰的同學，屋企有能力供佢地放洋，回來拎海外學位又有專業資格，發展比你可能更好，當然他們都要努力，但出外後選擇更闊，人亦會有另一看法。
因此，我希望兒女係兒時打好言語基礎，好似我地咁係邨校長大，中英文都是有限公司，靠死記爛背完成高考升大學，其實發展上，都有點障礙。
所以其實有時真係有資源才可選擇，私校學費都唔低，除非先生做大生意或做醫生ibanker，否則全職媽媽真係好難實現。
作者: sangria 時間: 17-11-16 23:15
teddy210ay 發表於 17-11-16 22:47
親戚叫我辭職做全職媽跟功課！咁不如我努力揾多D$比囡讀無咁大壓力嘅學校！入到直資名小後跟功課及外補也 ...
st paul convent? 唔係唔多功課㗎咩
作者: mywedding1980 時間: 17-11-16 23:20 標題: 回覆樓主:
請問各位無offer或失望中的媽媽，小朋友都係細b？大b真係著數啲？
作者: teddy210ay 時間: 17-11-16 23:24
sangria 發表於 17-11-16 23:15
st paul convent? 唔係唔多功課㗎咩
咁我就唔太清楚，我囡唔係讀呢間！朋友個女小五轉去IS...佢話女開心好多又分享學校事情……在spc 時成日唔開心感到壓力大！
作者: 栗子媽 時間: 17-11-16 23:31
Terencema7 發表於 17-11-16 23:00
其實我同太太都有咁o既諗法，有時係要用資源去解決，入到好谷o既學校，又係要比錢外補，係現今制度下，5歲 ...
認同你諗法
作者: teddy210ay 時間: 17-11-16 23:41
Terencema7 發表於 17-11-16 23:00
其實我同太太都有咁o既諗法，有時係要用資源去解決，入到好谷o既學校，又係要比錢外補，係現今制度下，5歲 ...
我嘅年代讀B1中學, 细佬讀喇叭! 我阿媽全職跟我地功課……我地每晚不能睡要應付考試测驗，大家都辛苦！而家嘅年代仲demanding...所以，有錢出錢讀IS, 無錢出力！津校也有option 唔外補，但成績唔好老師眼尾都唔望你只會照顧好成績的同學！因我無打算生多個……計過條數加edu fund 國際線也可應付！但國際有一點我concern, 思想開放！生女的也有點擔心……所以也試下考直資私校！
作者: Terencema7 時間: 17-11-16 23:45 標題: 回覆樓主:
其實有錢，係小朋友教育上多d 選擇，第一可以選擇另類教學例如華德福同鄉自等等，第二可選擇國際學校，第三可選擇洋務運動。
所以政府高官好多子女都進行洋務運動，包括教育局。
作者: Terencema7 時間: 17-11-16 23:51
teddy210ay 發表於 17-11-16 23:41
我嘅年代讀B1中學, 细佬讀喇叭! 我阿媽全職跟我地功課……我地每晚不能睡要應付考試测驗，大家都辛苦！而 ...
相信大家都經歷過高級程度會考，合格後升讀本地大學。
我讀一所當年B2官立中學，老實說就算拎8A 果個都係自己讀，學校只是支援教育制度下的課程，佢地都係自己讀同出去補習先有A。成功升大學果班都係考試機器，學生時代都係比左考試，青春就係比左考試!
作者: teddy210ay 時間: 17-11-17 00:01
Terencema7 發表於 17-11-16 23:45
其實有錢，係小朋友教育上多d 選擇，第一可以選擇另類教學例如華德福同鄉自等等，第二可選擇國際學校，第三 ...
大家努力吧！最緊要是觀察小朋友上小一後在學校開唔開心，如學校教育理念唔適合小朋友性格，就要揾方法轉一間適合他的學校，以免埋沒了孩子的潛能！等於穿鞋也要揾對舒服的！其實我只是shortlist 了3間私直去面試……不想漁翁殺網！其實津校average 也同其他直私無太大分别！
作者: 栗子媽 時間: 17-11-17 00:08 標題: 回覆樓主:
真係沒完沒了，唔知到幾時先有offer 有朋友話點解一定要讀直私，津校一樣大把好嘢，肯讀邊度都讀到，我知道，但本身校網已經唔靚 ，大抽獎真係無咩保障。
我認同樓上有家長講有資源有選擇，學校篩選過學生，質素始終同津校唔同，讀直私都係希望小朋友喺個好啲嘅學習環境中成長。
其實考直私嚟嚟去去都係嗰批人腳，而直私揀嘅亦嚟嚟去去都係嗰幾類學生，有offer嘅只會手揸更多offer，所以希望遲啲會陸續有人放咁啲offer 出嚟啦。
作者: Terencema7 時間: 17-11-17 00:21
栗子媽 發表於 17-11-17 00:08
真係沒完沒了，唔知到幾時先有offer 有朋友話點解一定要讀直私，津校一樣大把好嘢，肯讀邊度都讀到， ...
栗子媽
呢個直私制度加埋中學o既英中制度，令教育上出現一個獨特市場情況，就係只是極少數直私學校，Demand and supply，而這些直私主要特點就係英文教學，這個特點又係大部分官津都冇，引致大部分家長冇得揀，如想子女英文教學，簡單的就是去爭英文直私或者跳出制度，選國際學校，成個制度令家長要去爭，陳守仁8000人爭160個位，根本係反常。
如果每區有80%官津用英語教學，我相信直私未必有咁多家長追捧。
暑假至今，相信各定長每晚都係諗緊子女幾時有offer，希望各位過埋呢年會好d, 盡快令家庭重回正路。
作者: 栗子媽 時間: 17-11-17 00:30
Terencema7 發表於 17-11-17 00:21
栗子媽
呢個直私制度加埋中學o既英中制度，令教育上出現一個獨特市場情況，就係只是極少數直私學校，Deman ...
係呀，真係呀，我都好想快啲重回正路，未收信，真係玩都無心機，唔使日日望信箱，日日等信，呢個遊戲真係令家長好攰，小朋友們都承受唔少壓力。
作者: teddy210ay 時間: 17-11-17 00:42
栗子媽 發表於 17-11-17 00:08
真係沒完沒了，唔知到幾時先有offer 有朋友話點解一定要讀直私，津校一樣大把好嘢，肯讀邊度都讀到， ...
入直私的大部分也有關係所以唔一定叻！無關係的10%入到就真係叻啦！我呢D只是陪跑帶囡去見識下！其實神校在70/80年代已要靠關係，認識某某修女……E神，君如囡也讀女拔，點解入到呢？是個迷！而家年代仲多競爭，有關係都入唔到！所以隨缘吧！
作者: pekovian 時間: 17-11-17 00:51
Terencema7 發表於 17-11-17 00:21
栗子媽
呢個直私制度加埋中學o既英中制度，令教育上出現一個獨特市場情況，就係只是極少數直私學校，Deman ...
盡快令家庭重回正路--> 尼句真係心聲
作者: gwenstephen 時間: 17-11-17 00:54
Terencema7 發表於 17-11-17 00:21
栗子媽
呢個直私制度加埋中學o既英中制度，令教育上出現一個獨特市場情況，就係只是極少數直私學校，Deman ...
英文小學不一定英文係教得好
相反，大把中文小學啲英.亦超勁的
作者: Terencema7 時間: 17-11-17 01:09
gwenstephen 發表於 17-11-17 00:54
英文小學不一定英文係教得好
相反，大把中文小學啲英.亦超勁的
本帖最後由 Terencema7 於 17-11-17 01:11 編輯
當然中中亦會有英文好o既老師和學生。
只想指出現今教育制度下，令家長們追求學校行為的其一原因。
以往港英時代，中學有大約8成以上都是英語教學，但97年教育署又要一次過母語教育，但又唔徹底，造就100間英中，令精英化更嚴重，從而令名校不想跟足教育政策而紛紛轉型直私。
這都是今天導火線令直私小學競爭激烈。
還記得港英時代只有被官津中三踢出來的學生才會到新法等直資學校繼續學業，但現在大家係追捧直私。
作者: applebot 時間: 17-11-17 06:51
Terencema7 發表於 17-11-16 23:00
其實我同太太都有咁o既諗法，有時係要用資源去解決，入到好谷o既學校，又係要比錢外補，係現今制度下，5歲 ...
唔一定，直資都係萬幾蚊一年，唔一定要做醫生或分佬人工收入去支持，除非扣除學費雜費之後，影響生存條件,咁你資格申請學費減免，大部份國際學校和私校都有學費減免，前提係佢收咗你小朋友入讀。
作者: applebot 時間: 17-11-17 07:59
gwenstephen 發表於 17-11-17 00:54
英文小學不一定英文係教得好
相反，大把中文小學啲英.亦超勁的
你講嘅中文學校啲英文勁過英文校，我唸嗰啲仲難入啦嘛？嗰啲係唔係屋企語境勁谷嘅家庭？如果屋企唔谷，都有尼啲效果，真係勁！！！
不過，我好奇你話嗰啲中文校咁勁，係邊幾間？
請你講俾大家分享下。
作者: Terencema7 時間: 17-11-17 08:24
applebot 發表於 17-11-17 07:59
你講嘅中文學校啲英文勁過英文校，我唸嗰啲仲難入啦嘛？嗰啲係唔係屋企語境勁谷嘅家庭？如果屋企唔谷，都 ...
首先，我只是想指出母語教育政策是令學校標籤化和精英化其中一個原因，冇意踐踏任何中文小學o既英語水平。
其實小朋友接觸語言多，運用得多，好自然英文就會好d，老實說港英時代，一上中學所有術科變成英語媒介，學生必須運用，溫Biology 已經係溫緊英文吧！情況跟新加坡教育一樣，於校園內和社會中運用英語，華人社會中運用華語，家中可能用運用多一種地區方言，現在新加坡年輕一代華人可以運用華語和流利英語。
香港回歸20年，我在職場聘請中學程度職位時間，好多新DSE畢業生都說和寫英語都有信心問題，對住外國人基本上有部分係唔敢說話，但公司一位50歲左右同樣中五畢業程度同事卻一直都可以使用簡單英語與客戶溝通。
語言學習在乎於生活中使用，只是分析點解會造成一間好似坐落屋邨o既英文小學都可以有數千人報考!
中文小學學生英文當然可以好，同樣英文小學亦有好與壞。我有個經歷，於大學一年級時，有一位於中文中學（9成9英中同學）佢因為英文，令佢溫習上出現障礙，同學們都協助他學習，而英中同學好多都唔做讀因為預科已讀過，該中中同學學術上當然冇問題，只是要花時間翻譯和重新記過所有專業名詞和適應外籍教授英語上課環境。
作者: taitaimama 時間: 17-11-17 08:25
darichie 發表於 17-11-16 12:32
我小朋友係讀所謂嘅名幼，我仲同佢報左十幾間，到而家只係滿手reject + 兩個waiting...
初時連收幾個rejec ...
作者: sangria 時間: 17-11-17 08:55
teddy210ay 發表於 17-11-17 00:42
入直私的大部分也有關係所以唔一定叻！無關係的10%入到就真係叻啦！我呢D只是陪跑帶囡去見識下！其實神校 ...
係。有關係基本上ok. 唉。聽太多。
作者: w.ling 時間: 17-11-17 08:56 標題: 回覆樓主:
我都只係報3間考，我唔係睇重成績既人。教好小朋友既思想觀念，性格品德先係最重要。3間，只有1間waiting。一開始收reject，係有唔開心，此終係reject麻…… 同埋小朋友亦唔係interview材料，我亦係刻意train小朋友學術或interview skill。我好硬頸覺得，一個k3，只係5歲既小朋友，應該係無憂無慮，唔會看重考小學既成敗得失先岩。要煩應該只係父母。其他小朋友考到神校，考到10間8間，係佢地叻，唔係我小朋友差。我要train，我既小朋友一樣可以做到。係自己唔想跟風，我有自己思想。
收到reject，唔開心一定有，最後in既一間，係waiting，同自己講，小朋友已有進步，自己背後努力試下爭取call waiting。
唔得既，津校，派得差，搵2，3間試叩門，唔得既，小一咪讀住先，再考插班囉。
我只希望小朋友咁細個，係冇壓力，係無憂無慮既日子生活，盡好自己既責任。
有時我都教小朋友，佢係一位學生，佢既責任係讀書，媽媽無要求要你好叻，但最重要係做好一個學生，盡好自己既責任。唔識係應該的，所以先要去返學，先要去學9，唔識既，媽媽教。
我真係好怕家下既教育風氣，我需要堅持自己既理念，不跟風，不怕輸!
呻完! 唔認同唔緊要! 每人要求都不同!
作者: applebot 時間: 17-11-17 09:08
本帖最後由 applebot 於 17-11-17 09:16 編輯
我以前係咁, 口講唔緊張,入唔到都冇所謂, 但個心唔係咁唸...
如果唔緊張佢入唔入到, 我就唔會報, 由得佢自由等大抽獎算, 橫掟都有書讀...
仲有唸住插班既唔係唔得, 前提係你咩心態做插班準備?
如果係小一面試已經冇Offer or waiting, 可能本身間學校評估你小朋友唔啱入讀,
夾硬來冇幸福, 而已waiting 條龍超長, 排到你又要考入學試, 之後再面試,
之後有位,有可能程度不同,派去啲輔導班,仲慘過原本讀緊嗰間...我同事個囡就係咁...
作者: w.ling 時間: 17-11-17 09:13
applebot 發表於 17-11-17 09:08
我以前係咁, 口講唔緊張,入唔到都冇所謂, 但個心唔係咁唸...
入唔到，唔開心一定有，正常既。
作者: gwenstephen 時間: 17-11-17 09:33
w.ling 發表於 17-11-17 08:56
我都只係報3間考，我唔係睇重成績既人。教好小朋友既思想觀念，性格品德先係最重要。3間，只有1間waiting。 ...
要 train 唔係一定做到，仲可有十个 offer 的，大把例子身边可見
作者: w.ling 時間: 17-11-17 09:45
gwenstephen 發表於 17-11-17 09:33
要 train 唔係一定做到，仲可有十个 offer 的，大把例子身边可見
唔係指train就一定有offer，我指train小朋友學術，上面試班，提升“能力”。好多坊間會覺得自己做盡左父母既責任。
作者: wahwahmom 時間: 17-11-17 09:45
seastarbaby 發表於 17-11-16 11:54
我仔間算名幼，仲要有幾十個名小聯繫位。
當初諗住名幼有利，投放三年金錢，外補英文，學琴學畫，可惜已知 ...
我由細到大，都係被教學到既野就係自己既，你唔好諗住投資啲野在仔身上，就一定有回報啦，今年是歷屆最多人的一年，下下五六千人爭百多個位，可能有位既都係嗰班人，唔好對仔失望，對自己失信心！佢學左既野，就算入唔到名校，到小一都可以係名列前茅，而且一山還有一山高，你又唔知其他人花左咩心機培養仔女。面試呢啲好多時係講運同緣分，同搵工一樣，都未必一定搵最勁既人選。
隨緣！祝仔仔入到合適既學校！
作者: w.ling 時間: 17-11-17 09:48 標題: 回覆樓主:
我有朋友，考左都係4間左右，有1間offer，佢冇上面試班，冇上好多既興趣班，只係上2個定3個course，包括英文。只係學卷學校。又係慢熱既小朋友，但乖巧。
作者: gwenstephen 時間: 17-11-17 10:04
applebot 發表於 17-11-17 07:59
你講嘅中文學校啲英文勁過英文校，我唸嗰啲仲難入啦嘛？嗰啲係唔係屋企語境勁谷嘅家庭？如果屋企唔谷，都 ...
中文小學 vs. 英文小學的分別 與
中文中學 vs. 英文中學 的分別
是極大、兩馬子的事，不要攪錯
勁多中文小學超級多人爭，中文中學……多人爭的名字一隻手數完
中文小學包括聖心，聖瑪利，st Paul co ed, 这些學生的英文程度唔使家長擔心卦？
作者: 栗子媽 時間: 17-11-17 10:41
wahwahmom 發表於 17-11-17 09:45
我由細到大，都係被教學到既野就係自己既，你唔好諗住投資啲野在仔身上，就一定有回報啦，今年是歷屆最多 ...
認同，學咗嘅嘢永遠都係自己嘅，所以縱使去到呢刻我小朋友一個offer 都未有，身邊開始有人講話，你由N班就開始讀，交4年學費投資咁多都無offer ，問我是否覺得唔值。
我心中所想係，我小朋友係獨生子女，怕醜慢熱，兩邊家庭呢輩佢係第一個，未有老表一齊成長，所以我俾佢讀N班，呢間幼稚園都唔錯，起碼我小朋友返得開心，亦成長咗好多，學咗好多唔同嘅嘢，所以我哋k1都無轉到繼續讀。
而事實上我覺得自己小朋友所識嘅嘢係一個正常5歲應有嘅嘢就足夠，考唔上直私唔一定係佢差，只係有啲小朋友真係好犀利，而且養育小朋友在我嚟講唔係一項投資，而係我嘅責任，做父母嘅按自己能力同理念去教育小朋友，俾小朋友一個安穩嘅生活環境，用心去培育小朋友品格就盡咗責任，至於小朋友將來係點，就真係唔到父母控制。
作者: Terencema7 時間: 17-11-17 10:42
gwenstephen 發表於 17-11-17 10:04
中文小學 vs. 英文小學的分別 與
中文中學 vs. 英文中學 的分別
是極大、兩馬子的事，不要攪錯
對於英文教育，當然可以好多意見，絕對尊重gwenstephen 兄觀點！
我就認為英語環境可以提升英語運用機會，如果中小可以做到好英語環境，係OLE 著手，學生英語水平必然可以提升。
點解我會覺得英小會令小朋友易點學習英語，係因為運用機會會多左。現在中年，回望自己身邊朋友，有d 讀英小，佢地好多中學冇點補習英文，但會考同高考英文冇A 都有B, 加上發現中文學校大學同學於大學學習上有困難才有此看法，認為於小學教育增加小朋友接觸英語機會可提升其日後英文水平。
絕對冇看低中文小學英語水平，但我認為直私英語教學背景是其中一個因素令家長們追捧，試想想如果所有直私都是中文學校，部分二三線直私報考人數會否下降呢？
作者: 栗子媽 時間: 17-11-17 10:51
Terencema7 發表於 17-11-17 10:42
對於英文教育，當然可以好多意見，絕對尊重gwenstephen 兄觀點！
我就認為英語環境可以提升英語運用機會 ...
英文始終都係好重要，而我哋香港一般家庭真係未必可以用英文做母語，但語言的確係要經常運用先會熟練，語境好緊要，我都認同如果二線直私以中文做教學，相信對某啲家長嘅吸引度一定會有影響。
作者: creambun 時間: 17-11-17 11:05
Terencema7 發表於 17-11-17 10:42
對於英文教育，當然可以好多意見，絕對尊重gwenstephen 兄觀點！
我就認為英語環境可以提升英語運用機會 ...
其實現時好多熱門直私，名津，神津都是中文小學。在小學階段，培養良好的英文閲讀習慣可能比讀英文小學來得實際。最重要是升上英文中學，這樣就好少出現在大學時英文水平不足的問題。
作者: elvina_lmk 時間: 17-11-17 12:26
seastarbaby 發表於 17-11-16 11:54
我仔間算名幼，仲要有幾十個名小聯繫位。
當初諗住名幼有利，投放三年金錢，外補英文，學琴學畫，可惜已知 ...
學習是終身的，不只為考小一攞個位而學，學到嘅嘢是小朋友自己的。
我諗你嘅心態應該要調較一下。
作者: elvina_lmk 時間: 17-11-17 12:56
Terencema7 發表於 17-11-17 10:42
對於英文教育，當然可以好多意見，絕對尊重gwenstephen 兄觀點！
我就認為英語環境可以提升英語運用機會 ...
多謝你講了一些我不知道的中中安排，欣賞你分享嘅睇法，非常贊同。我自己就係中小中中，到到大專大學痛苦學習而點都覺得自己英文差嘅果個。所以渴望到自己小朋友讀書，千萬不要行我的老路。小朋友現讀英小小二，只希望開心地在好嘅英語環境下長大，不希望入神校，能將來銜接大學嘅學習沒有阻礙，無其他津校嘅狂谷，還能保持小朋友嘅愉快學習。就算谷都只希望係DSE前兩年。
互勉。
作者: teddy210ay 時間: 17-11-17 13:01
wahwahmom 發表於 17-11-17 09:45
我由細到大，都係被教學到既野就係自己既，你唔好諗住投資啲野在仔身上，就一定有回報啦，今年是歷屆最多 ...
我當年幼時阿媽親戚成日將我同大我一年表姐比較！她年年考弟一，小學讀名津，中學讀B1女校……阿媽是小學老師！而我就小學一向成绩差……但是，到考大學，表姐居然考唔到入了師範，而我又可考上大學！所以，小朋友面試唔得並不代表佢地唔得……在學習上如他們頭腦突然開竅後勁跑上！面試見咁多小朋友每人5至10分鐘不可evaluate 佢得唔得！好似我囡是好醒多嘢問的小孩，但在陌生人面前就唔睬人！有位國際學校英籍老師同我講……佢唔會睇小朋友是否有問有答，有冇禮貌，她是觀察小朋友的潛能，而10分鐘不能評論小朋友得唔得！佢哋觀察小朋友同香港老師看法非常不同！
作者: mcrabbit 時間: 17-11-17 13:06 標題: 回覆樓主:
小一考直私，真是緣分遊戲。真的不一定一分耕耘，一分收獲，但小朋友的將來和小一面試結果關係有多大？真的未必有咩關係。
不過失望總會有，最緊要不要將負能量比了小朋友。
作者: Terencema7 時間: 17-11-17 13:17
teddy210ay 發表於 17-11-17 13:01
我當年幼時阿媽親戚成日將我同大我一年表姐比較！她年年考弟一，小學讀名津，中學讀B1女校……阿媽是小學 ...
非常認同，teddy210ay! 我同你睇法方向都好似。
由出生到大學畢業呢21年，可以變化好大，兒童會受家庭變化，學校環境同社會活動，朋輩等等影響，小朋友能否於公開試突圍而出其實唔係現在可以決定，因為太多變數了。
我當年出身名幼（York）,但果時根本唔知發生咩事，只係知道有個鬼婆係度吹水，當然小學就要係普通官校就讀，又係唔知發生咩事繼續發夢，中學當然派唔到神校，入左間有歷史校友背景強的band 2 官校，由於學校文化自由，學生可以發揮所長，你想讀書就讀書，想運動就運動，結果被文化感染覺得自己有價值，比心機讀書，由中二開始全級頭5名，直至中七，結果如願入讀大學。
所以我現在會選擇於幼稚園和小學時代，盡量提供語言支援，打會語文根基，因為語文底子只有係年幼時才有時間去打造，有一定語文基礎時，到中學增強術科並不困難，反而要搵間有一定學校文化的學校，啟發小朋友思想，小朋友能夠找尋讀書的原因，建立目標，不是因為別人而讀，是因為自我目標而讀。
人生唔係得幾年，有排玩，各家長有offer 固然開心，但冇的，請不要放棄小朋友，佢地仲有好多機會。
作者: Terencema7 時間: 17-11-17 13:21
teddy210ay 發表於 17-11-17 13:01
我當年幼時阿媽親戚成日將我同大我一年表姐比較！她年年考弟一，小學讀名津，中學讀B1女校……阿媽是小學 ...
所以我好懷念當時大部分名校同官津，大家都係津貼或官立，沒有IB，大家都要比心機考會考同高級程度會考才可以爭入中大港大。
起碼所有學生有一個公平平台，改變人生，我有好多同學當年住板間房，公屋，但透過公開試和大學教育，成功改變命運，係社會向上流動。
作者: teddy210ay 時間: 17-11-17 13:40
Terencema7 發表於 17-11-17 13:17
非常認同，teddy210ay! 我同你睇法方向都好似。
由出生到大學畢業呢21年，可以變化好大，兒童會受家庭變 ...
我諗如真的有能力，你真的可繼續比自己小孩走國際線或活動教學……IS是小朋友要自己explore 揾答案，LS是比埋答案你然後死記！用太多時間死記外補就開發唔到小孩的小宇宙！其實等於我地去見工，見香港老牌大公司，人事部叫你用英文國際介绍自己……因為佢地英普唔掂嘛，所以叫你自己講！但是外資公司，人事部會用英文同你傾計！我曾去過領事館見公……幾十人中shortlist 2個candidates interview, 我係其中一個，正副領事親自面試，問時事問題，看法等！我輸咗是因為2nd interview schedule 嗰日我去唔到，到第二天去時副领事已出差！所以另一candidate got this job ! Local 大 firm永遠只會睇重你學歷，有冇人介紹入來，而外資會睇你是否make sense! 也等於LS 和IS的分別！其實也要睇下小朋友的性格適合那類學校！
作者: gwenstephen 時間: 17-11-17 15:52
creambun 發表於 17-11-17 11:05
其實現時好多熱門直私，名津，神津都是中文小學。在小學階段，培養良好的英文閲讀習慣可能比讀英文小學來 ...
謝謝你，解釋哂
神校小一至三用中文，是希望你的根基穩陣，因為中文是你最常接觸妁
作者: gwenstephen 時間: 17-11-17 16:05
Terencema7 發表於 17-11-17 10:42
對於英文教育，當然可以好多意見，絕對尊重gwenstephen 兄觀點！
我就認為英語環境可以提升英語運用機會 ...
明白你的觀点，在 BK, 語境好、英文好、流利三語大受注视。
亦因為家長喜愛，學校也投其所好、標榜外籍老師，native 首选, English speaking session…… 再加活動教學、校園設施、課外活動、少功課, homework in project ……正、掂！！！ (盡是好的，冇話有錯)
但过了咁多年，有製成品了，这些直、私成績、出路如何呢？？ 香港是實際的地方，除非移民
| 歡迎光臨 教育王國 (/) |
Powered by Discuz! X1.5 |