教育王國

標題: 聖母vs德雅 [打印本頁]

作者: babybbmama 時間: 17-11-15 00:45 標題: 聖母vs德雅

本帖最後由 babybbmama 於 17-11-15 00:50 編輯

兩個小學都很相似，重學術，派位約六成band 1英中（有錯請更正），傳統及嚴。德雅脫直屬中學，聖母書院約band 2a。

小女喜歡學習，寫字、畫畫，但不太愛閱讀。能坐定守規矩。學術不強，中文還可以，但英文未學過文法，phonics 一般。理解力可以。請教各位，邊間冇咁谷和冇咁多功課及考試？我不想囡囡入讀後追得太辛苦。我想她小學建立自信，課程功課考試對她冇咁大壓力。

感謝大家🙏
決定之後，會立即放番一間出來，不會hold住學位。

作者: 1998Ruby1998 時間: 17-11-15 01:31

邊間會近屋企多 d？

我有兩個學生分別讀呢兩間。德雅功課量稍稍比聖母多。小朋友未學文法係正常。不過德雅英文教深一年，其他正常，而聖母就數學同英文教快半年。兩間都算傳統同比較嚴格。

按數據睇，深水埗區爭 Band 1 位比黃大仙會激烈更多，有 SFA、德雅自己同學、禮賢、崇真、嶺小等爭上智、聖母玫瑰、銘賢、黃捸珊、瑪利諾神父（後兩者有自己小學，少位畀外人）。黃大仙 GH 同音小都會爭入返自己學校，或者轉戰其他更叻嘅學校（例如 DG），學術程度近似嘅小學有錦泰同兩間嘉諾撒（不過嘉諾撒都好多人出去考其他區學校）。

聖母起碼有自己直屬中學，9 成入得返，起碼唔需要好似德雅咁搏命讀書。小學考得好的話，跳出去入保一，協和都相對之下比較容易。

不過唔愛閱讀就好吃虧，作為父母真係要多多花時間培養。

作者: babybbmama 時間: 17-11-15 08:20

謝謝分享，很有用的資訊，感謝萬分。

作者: fanfan411 時間: 17-11-15 23:26

1998Ruby1998 發表於 17-11-15 01:31
邊間會近屋企多 d？

我有兩個學生分別讀呢兩間。德雅功課量稍稍比聖母多。小朋友未學文法係正常。不過德雅 ...

totally agree!! 我都會揀聖母

作者: caramelpudding 時間: 17-11-16 08:32 標題: 回覆樓主

德雅學術教深、谷、功課多，家長要陪做陪讀，深水埗多band 1女校，據知上智全級第一都係德雅上去的

作者: babybbmama 時間: 17-11-16 13:13

謝謝分享。即係德雅谷過及功課多過聖母？但升中競爭又激烈過聖母才可以入band 1英中？

作者: apple1990 時間: 17-11-16 13:42

本帖最後由 apple1990 於 17-11-16 14:08 編輯

babybbmama 發表於 17-11-16 13:13
謝謝分享。即係德雅谷過及功課多過聖母？但升中競爭又激烈過聖母才可以入band 1英中？
...

應係升中深水埗校網大利女生，因有幾所 band 1 女校，令到女生上 band 1 學額足夠！
可以參孝 hkpapa852 喺 2015年11月發表嘅相關意見如下：

九真/培道: 九真
兩都都在九龍城中學網, 同為基督教學校, 都有一間聯繫B2頭英小, 以B1率計和中學水平計, 九真較佳

禮賢/德雅: 德雅
兩都都在深水埗中學網, 同為沒有直屬/聯繫中學, 水不差不多. 德雅與聖母玫瑰為姊妹學校, 加上即實使與德中脫脫龍, 要上德中應該較外校生有優勢

九真/聖母: 九真
聖母直屬中學只是B2頭, 和九真同級, 水準亦差不多 (今年可能較九真差), 但中學網較九真差, 所以選九真

德雅, 九真:
兩者接近比較難決擇, 著眼點應放在中學想讀女校定男女校. 深水埗區B1中學以女校為主, 九龍城區以男女校為主.

作者: 1998Ruby1998 時間: 17-11-16 21:20

本帖最後由 1998Ruby1998 於 17-11-16 21:21 編輯

回覆 babybbmama 的帖子

德雅會谷過聖母，但升中黃大仙區競爭會細 d。如果谷得起、讀得書嘅，當然去德雅最好，深水埗網中學利女仔。但係如果真係谷唔起，唔想辛苦追成績，聖母會比較適合，始終有間中學墊底。德雅已斷龍，冇升中安全網，唔努力谷成績升中會比較吃力。

作者: 奈娜 時間: 17-11-18 17:50

1998Ruby1998 發表於 17-11-16 21:20
回覆 babybbmama 的帖子

德雅會谷過聖母，但升中黃大仙區競爭會細 d。如果谷得起、讀得書嘅，當然去德雅最 ...

我想求意見，德小同聖母都收左妹妹。家姐宜家讀緊德小仲有德中聯系，但妹妹今屆已沒有。眼見家姐讀德小好辛苦，但可以一齊番放學放假考試，有reference可俾妹妹用，但又怕妹妹好似家姐一樣讀得辛苦但無中學backup。聖母每學期二測一考，音樂考試要出面學樂器，兩姊妹測驗考試時間完全唔一樣，但有中學backup. 究竟點選擇？

作者: 1998Ruby1998 時間: 17-11-18 18:16

回覆奈娜的帖子

你覺得兩個一齊同時間溫書應付考試，定係分開會好 d？有 d 家長想一家人一次過辛苦，先苦後甜。有 d 會想分開，專注一個。我有好多個家長，姐弟／兄弟讀同一間，考試都一定分身不暇（尤其大果個要準備呈分升中），要請我幫細佬溫書。有 d 家長就分開考，一個六月頭考，一個六月中考，剛剛好可以一次一個。
妹妹又谷唔谷得？谷得，深水埗區升中有利女仔。唔谷得，資質不如家姐的話，聖母會係個好靠山。起碼就算「放縱」，都穩陣有間 Band 2A 中學墊底。

姐姐同妹妹相隔幾多歲？如果係相差遠，一個小一，一個小五，可仲可以入德雅，因為都係辛苦頭兩年，請個老師幫下阿妹就得，可以之後自己跟返。如果一個小三，一個小一咁，就會好辛苦。

我有個德雅學生，佢妹妹都冇讀德雅（姐妹相隔 2 年），讀津校，因為家姐本身唔係好讀得書，一個已經夠辛苦。

作者: 奈娜 時間: 17-11-18 19:32

1998Ruby1998 發表於 17-11-18 18:16
回覆奈娜的帖子

你覺得兩個一齊同時間溫書應付考試，定係分開會好 d？有 d 家長想一家人一次過辛苦，先 ...

你的分析很有用啊，多謝你。真係要細心研究妹妹究竟讀德雅,聖母定津校好呢。

作者: babybbmama 時間: 17-11-18 22:58

回覆奈娜的帖子

請問家姐現正是幾年級？請問德雅的程度真的很深嗎？是否很多功課？多默書、小測呢？請分享！我都怕教錯學校給囡囡。謝謝

作者: 奈娜 時間: 17-11-19 13:47

babybbmama 發表於 17-11-18 22:58
回覆奈娜的帖子

請問家姐現正是幾年級？請問德雅的程度真的很深嗎？是否很多功課？多默書、小測呢？請分 ...

家姐現在四年級。德雅程度是又深又谷的，尤其英文和數學。每次教完一topic(中英數常),隔幾日就要小測，但唔會計落成績表的。只有考試及默書才計入成績表。星期一至四功課唔算太多，最尾一堂係功課堂，唔識可以即場問班主任或其他老師。回家可能只淨番少少功課做。一學期中英默各三次，今星期默中文，就下星期默英文。課程有時教得較快，多工作紙要溫。但德雅個個老師都錫學生，學生都好純好乖，家長又會互相支持。

作者: 奈娜 時間: 17-11-19 14:07

babybbmama 發表於 17-11-18 22:58
回覆奈娜的帖子

請問家姐現正是幾年級？請問德雅的程度真的很深嗎？是否很多功課？多默書、小測呢？請分 ...

另外，除左頭一二三名，成績表係唔會show學生考試名次的。考完試唔會派卷回家，只會同學生在課堂核卷。家長要靠小朋友話番俾自己聽錯咩，或自己打番去問老師。

作者: babybbmama 時間: 17-11-19 23:01

謝謝你的資訊，很有用。

作者: 小鼠 時間: 17-11-20 07:42 標題: 回覆樓主

其實話德雅好谷，升中成績唔錯，點解小學排名唔高呢？請指教。

歡迎光臨教育王國 (/)