教育王國
標題: 有玫小offer,仲去LMC second in嗎？ [打印本頁]
作者: Dmama2012 時間: 17-11-9 01:43 標題: 有玫小offer,仲去LMC second in嗎？
各位好，我現有玫瑰崗offer，亦收到林文燦的second in通知，依家心大心細，系度研究緊要唔要去林文燦面試。
1.林文燦同玫瑰崗都係英小，都係無中學back up，六年後都係要搏過。
2.玫小成日見大家話得1/3去B1，林文燦太新，其實未有好穩定的升中數據支持，其實都差唔多。
3.校風方面，雖然大家話玫中系爛仔學校，但係so far聽到朋友的朋友（用家）話，都幾開心，校風OK；LMC校風一定好。
4.學校方面，玫小校舍大，但係我覺得爛爛地又唔係好有心維護甘；LMC就真係細啊。
5.返學時間方面，玫小返學遲D，我比較中意。
6.我個系仔，以後target男女校，兩邊校網好似都幾好（呢個我真係未開始研究）。
所以想問問大家意見，如果學費同返學距離都唔係考慮因素，你地會take 玫小定LMC。
因為我覺得，如果無心讀，就唔好湊熱鬧去second in了，比返D機會比有需要的人。而且亦唔想自己小朋友甘攰了。
依家手上得玫小一個offer,仲有1個路人甲乙丙的waiting。
多謝大家！ ！ ！
作者: Dmama2012 時間: 17-11-9 01:51
另外，我也不考慮大抽獎，謝謝。
作者: tiffany168168 時間: 17-11-9 07:49 標題: 回覆樓主:
樓主住邊區？ 點解唔搏大抽獎？可以手揸玫瑰崗再等抽獎吖。林文燦係直資冇得抽，感覺上玫小可以抽獎好d.
作者: 晴晴小B 時間: 17-11-9 08:05
Dmama2012 發表於 17-11-9 01:43 
各位好，我現有玫瑰崗offer，亦收到林文燦的second in通知，依家心大心細，系度研究緊要唔要去林文燦面試。 ...
本帖最後由 晴晴小B 於 17-11-9 08:07 編輯
要左玫小offer先，再去大抽獎。
基本上大部分二線官津小學都會比玫小好
作者: nic_bb 時間: 17-11-9 08:25
Dmama2012 發表於 17-11-9 01:51
另外，我也不考慮大抽獎，謝謝。
如不抽獎，去LMC 2nd 啦
作者: 薑炳人 時間: 17-11-9 08:33
晴晴小B 發表於 17-11-9 08:05
本帖最後由 晴晴小B 於 17-11-9 08:07 編輯
要左玫小offer先，再去大抽獎。
為什麼會比玫小好？
作者: 晴晴小B 時間: 17-11-9 08:44
薑炳人 發表於 17-11-9 08:33
為什麼會比玫小好？
本帖最後由 晴晴小B 於 17-11-9 08:45 編輯
大部分最終選讀玫小既家長，不是抽中寶校加叩門失敗，就是一心想去外國升學前，搵間學校讀住先。
如果目標係本地升學，咁要搵間不差既官津讀又一啲都唔難，何必要自找煩惱
作者: 晴晴小B 時間: 17-11-9 08:59
薑炳人 發表於 17-11-9 08:33
為什麼會比玫小好？
如果真心認同玫小，又何需要考慮。
要考慮咁多，即係...
作者: W_cindy 時間: 17-11-9 09:05 標題: 回覆樓主
我覺得如果樓主唔準備大抽獎，不如去試下LMC，因為玫小辦佐咁多年成績都不過咁上下，以後未必能有大改善，反而LMC有保良局資源同TSL嘅學習經驗，日後可能會有發展。以上僅係我個人猜測，不喜勿插
作者: hkpapa852 時間: 17-11-9 09:13
Dmama2012 發表於 17-11-9 01:43
各位好，我現有玫瑰崗offer，亦收到林文燦的second in通知，依家心大心細，系度研究緊要唔要去林文燦面試。 ...
以後target男女校
係指小學定中學?
作者: Dmama2012 時間: 17-11-9 10:03
本帖最後由 Dmama2012 於 17-11-9 10:05 編輯
多謝各位嘅意見。
我住油塘。
點解我會揀玫小，事實上系我無得揀啊，考咗七八間學校，只有玫小有offer...我唔系太擅長持久戰嘅家長，如果一直等call waiting等叩門，我覺得會頂唔順
當然，當時我報名考玫小都有研究咗一下，譬如小班教學、雙班主任、英文語境好、普教中、校巴到我屋企、返學時間相對無咁早、用家話開心（但係無comment學術），都係令到我報考佢嘅因素。
LMC我都覺得唔錯，所以先報考。但係宜家hold住玫小嘅offer，再考慮LMC，心態有D唔同。一來覺得，都無中學back up（我當玫小無中學），其實6年後都係得餐考。其實系面試嘅時候已經feel到，LMC更加用心，但係佢又因為新，而且話老師流失率高（我都係爬文知道架咋），無咩check record...所以都係得個搏字。
仲有我比較擔心，LMC校舍好細，唔知道各位爸爸媽媽有無考慮過呢個問題，我覺得小朋友小學階段，系唔系校舍大D，跑跑跳跳多D，會好D呢？
學術方面，我系對LMC比較有信心，但係我又怕好谷。然後，谷完一輪，6年后，都係得個吉。當然你哋可以話，用6年時間努力，點會唔好。但係事實就係，龍年競爭咁激烈，今年深有體會，我自認為自己都有做好多準備，結果卻強差人意。
至於我對小朋友有咩期望。就係小學同中學都係target男女校。我唔揀派位，系因為我覺得普遍比較谷，而且好難同時fullfill到小班教學+中英文語境好+活動多呢幾樣嘢，同埋，我自己都好怕好谷，我希望小朋友系小學階段，仍然有時間同我一齊做下其他親子嘅活動，而唔系日日都監佢做功課。
未來我仲未考慮好，可能考DSE，亦可能出國。
當然，你可以建議我可以拎到LMC嘅offer再憂心都未遲，但係我覺得，如果一開始就無咩意向讀，就唔好人考我考喇，不如同小朋友去下公園玩半日仲有意義。所以就想系禮拜六之前，做個決定先。
多謝大家比意見我，真正到要選擇嘅時候，確實好搖擺。
作者: hkpapa852 時間: 17-11-9 10:11
Dmama2012 發表於 17-11-9 10:03
多謝各位嘅意見。
我住油塘。
不要以為直資/私立小學一定比官津小學輕鬆, 尤其係無中學可直升, 要學生參加香港中一派位既小學.
如果中學目標係男女校, 留係九龍城區日後無論B1/B2/B3都多選擇.
妳住油塘, 小學網同中學網都係觀塘區, 相比之下無LMC既九龍城區咁好, 所以值得去LMC second in.
升中既表現, LMC(估計)同玫小(呢間好肯定)應該相差不遠, 都係同區內二線官津小學相若.
作者: lcyesther 時間: 17-11-9 10:28 標題: 回覆樓主
其實玫小升band 1比例較低真係比較奇怪。英小及多默書測驗。我想到有兩個原因。1. 有非華語學生拉低pre-s1中文成績。2. 生源問題。叻的已考入其他直私，派不到又扣不到門最後才入。
六年後同一班人再爭真係頭都大埋。但入玫小其中一個擔心係放學遅，要再外補是不可能的。而功課堂好似管束不夠嚴謹，有學生做不到功課，其實是浪費時間。
作者: Felix223 時間: 17-11-9 10:32 標題: 回覆樓主
上面都講得好仔細。
LMC second in 當然要去，如果不考慮大抽獎，他日有LMC offer 會揀LMC ， LMC 個學術英文語境升中都同玫小差不多，位置在九龍區，他日升中有多不同banding 中學可供選擇。相信學費不是問題，不過LMC 的學費、車費（不用過海）相信都可慳一部份，少數怕長計，留返D＄比小朋友學下其他野都唔錯。
作者: megwong1 時間: 17-11-9 11:53
Dmama2012 發表於 17-11-9 10:03
多謝各位嘅意見。
我住油塘。
不過我個人喜好玫小 - 小班教, 地方大, 上車遲好多......唯獨而家問緊多D資料係咪都係超谷.
你不如IN左先再作決定！ In 既時候又可以襯機會再了解下間學校!
作者: hkpapa852 時間: 17-11-9 12:04
Dmama2012 發表於 17-11-9 01:43
各位好，我現有玫瑰崗offer，亦收到林文燦的second in通知，依家心大心細，系度研究緊要唔要去林文燦面試。 ...
不過兩個都係細同舊
作者: brrbaby2007 時間: 17-11-9 12:05
megwong1 發表於 17-11-9 11:53
我都係住油塘,本來都有報LMC, 但最終無去IN. 我個人覺得校舍太細, 同油塘上車要6 點幾, 如果讀我會搬去果 ...
校舍大非常重要，否則好多活動做不了，又或舟居勞動搵埸地
作者: hkpapa852 時間: 17-11-9 12:15
brrbaby2007 發表於 17-11-9 12:05
校舍大非常重要，否則好多活動做不了，又或舟居勞動搵埸地
作者: brrbaby2007 時間: 17-11-9 12:23
hkpapa852 發表於 17-11-9 12:15
校舍大, 設施多, 唔代表所有學生都一定有得用
有道理，但連有需要用果d都要外求就好慘了
作者: megwong1 時間: 17-11-9 12:51
玫小係一間比較奇怪既學校! 响我搵關於呢間學校資料既過程,發現有一批人係特別唔鍾意甚至憎! 唔知係咪有過好差既實際經歷所7以有咁既反應! 我相信無一間學校十全十美,亦無一間學校係完全無可取之處! 況且每個人要求唔同, 所以只可盡比/盡搵資料! 有人重視學校BANDING, 有人重視學校資源! 有人怕谷,有人怕HEA....所以我建議有理無理IN左先,再一路搵多D資料! 我本身都希望小朋友上到玫小預備班, 襯機又了解下間學校同小朋友情況,之後再作決定!
作者: kwokbobo 時間: 17-11-9 13:07
晴晴小B 發表於 17-11-9 08:05
本帖最後由 晴晴小B 於 17-11-9 08:07 編輯
要左玫小offer先，再去大抽獎。
我不覺大部份二線官津學校比玫小好，其實玫小的課程都好好，亦算屬二線學校，我覺得最大分別係，玫小要學費，而且不算平，如果大家都是二線學校，有人會選擇官津唔洗錢，但大部份官津是中小，亦有家長因玫小是英小，所以比學費都讀，我覺得要公平些
作者: PCMW 時間: 17-11-9 13:41
玫小
作者: cclin2011 時間: 17-11-9 13:47
kwokbobo 發表於 17-11-9 13:07
我不覺大部份二線官津學校比玫小好，其實玫小的課程都好好，亦算屬二線學校，我覺得最大分別係，玫小要學 ...
很認同，是付錢vs免費有不同的期望，付錢的總希望性價比高一些。
作者: 晴晴小B 時間: 17-11-9 14:14
kwokbobo 發表於 17-11-9 13:07
我不覺大部份二線官津學校比玫小好，其實玫小的課程都好好，亦算屬二線學校，我覺得最大分別係，玫小要學 ...
本帖最後由 晴晴小B 於 17-11-9 14:22 編輯
比較同級數學校，例如中小既喇沙同英小既聖若瑟，我又唔覺喇沙啲英文比聖若瑟淺。
讀書同學語文唔係只靠學校，課程只係其中一個因素。要比錢又唔一定好，免費又唔一定差。
spcc, dg 要比學費，一樣大把人爭住讀，又唔見有咁多人走去vs其他學校。
唔好因為玫小要比錢，而覺得其他人因呢個因素而針對佢。香港大把人好有錢
有玫小offer既點解咁多人要vs呢間vs個間？因為內心都唔係太確信玫小好唔好。
如果真的認同玫小，咁就唔好三心兩意，直接去註冊了
作者: kwokbobo 時間: 17-11-9 14:30
晴晴小B 發表於 17-11-9 14:14
本帖最後由 晴晴小B 於 17-11-9 14:22 編輯
比較同級數學校，例如中小既喇沙同英小既聖若瑟，我又唔覺 ...
不是比較深淺的問題，而且大部分人認為要比咁貴學費，但又要在二線學校，會覺得不值，但又有人會想小朋友有英文語境（重呻：不是有英文語境=英文好），我了解過佢課程，其實同二線官津差不多，其實好睇家長取向，但講到玫小咁差，我有些替它不值，我申報自己的小朋友不在玫小讀，不是偏幫任何一方，我只想客觀些分析我的感覺，不喜勿插
作者: kwokbobo 時間: 17-11-9 14:38
晴晴小B 發表於 17-11-9 14:14
本帖最後由 晴晴小B 於 17-11-9 14:22 編輯
比較同級數學校，例如中小既喇沙同英小既聖若瑟，我又唔覺 ...
名校、很top的學當然貴一貴都有人讀。佢就係唔係名校，又算是兩線學校，但又要比學費，所以有人覺得不值，但佢有佢賣㸃，和可取之處，所以一樣有人選，而且我識唔少人係真心喜歡玫小而一心去讀，並不是因抽到寶校，或考唔到直私或叩唔到門而留下，各有好、壞處，樓主自己聽完後，諗下最適合自己的做法而選擇
作者: Penipony 時間: 17-11-9 15:30
Dmama2012 發表於 17-11-9 01:43
各位好，我現有玫瑰崗offer，亦收到林文燦的second in通知，依家心大心細，系度研究緊要唔要去林文燦面試。 ...
作者: Dmama2012 時間: 17-11-9 15:49
多謝各位嘅意見。
我今日早上繼續search咗兩間學校嘅其他資料。
玫小：
1.好多人話，黃校長來咗之後，將學校改變咗好多。由我從D新聞推算，佢2012年來，咁即係，2018年應該系佢親自帶嘅第一批畢業生，所以大家明年可以留意下玫小嘅成績有無好到...因為我同樣都唔系好明白，玫小其實成個語境啦課程設置了老師比例都系唔錯嘅，又要測測考考，但係點解成績就係上唔到來呢？
2.不過同時突然又有一個疑問，眾所周知玫中系B3，校風唔系咁好。咁小學生同中學生一齊，會唔會比D唔好嘅中學生帶壞架？（請原諒一個家長系咩都好杞人憂天一番）
林文燦：
1.文校長確實好有心，而且保良局出品，學術確實比較令人放心。小朋友都好自信同活潑。
2.但係有幾點，我又比較關注：太早返學（我覺得訓多半個鐘，差好多）；校舍細，會唔會小朋友跑跑跳跳嘅空間少？；中午得半個鐘食飯。因為我覺得讀書咧，學業系好緊要，但係生活嘅點點滴滴，都係我會去比較嘅地方。
作者: Dmama2012 時間: 17-11-9 15:59
本帖最後由 Dmama2012 於 17-11-9 16:00 編輯
我之前一直系EK潛水，多謝前人好多意見同post，系搵學校時幫咗我好多好多。
我覺得我呢種情況，宜家唔系第一個，下年可能有咁嘅情況。所以將自己考慮嘅嘢都拎上來問大家，亦好多謝大家都好詳盡咁比意見我。
希望以後嘅爸爸媽媽系有需要嘅時候，見到呢個post，對你哋都有D幫助啦。
另外，點解我會考玫小？因為知道今年龍B競爭大，除咗想碰運氣面試咗幾間神校名校之外，想考一D比較容易入嘅學校做back up...唔考慮學費因素，玫小都算理想。總唔可能，全部報曬神校架嘛...自己小朋友又唔系名幼又唔系好叻叻個種。對玫小亦欣賞嘅，唔系都唔會山長水遠上山報名又上山考啦，但係確實心中仲有好多顧慮。
林文燦亦然，認識林文燦，系朋友介紹，話呢間學校唔錯，有潛力成為未來嘅陳守仁，我基本上掃曬EK有關嘅post，又上學校網站，又youtube睇片之後，覺得都好好，咁咪又報咗名lor...
作者: poster01 時間: 17-11-10 08:21
請教，LMC派位好不好
作者: pekovian 時間: 17-11-10 20:38
留玫小offer，參加大抽獎
樓主其實都幾清楚自己怕谷，你個網有d二線都唔算太谷，例如基x，升band 1率唔差，慳錢慳時間，不如再考慮下。
作者: pekovian 時間: 17-11-10 20:39
btw，有無考福建？
作者: Dmama2012 時間: 17-11-10 23:00
回覆 pekovian 的帖子
有，rejected🙄
作者: Baby.caroline33 時間: 17-11-11 00:03
晴晴小B 發表於 17-11-9 14:14
本帖最後由 晴晴小B 於 17-11-9 14:22 編輯
比較同級數學校，例如中小既喇沙同英小既聖若瑟，我又唔覺 ...
咪就係呢班響度 彈玫小嘅人 左右咗有玫小offer嘅家長囉
坦白講，有邊間二線官津係英文小學呀？
玫小私校 係二線 亦係英小 ，咁又有罪嘅？有罪到要比呢班唔係用家彈三彈四
英文私小，家長比仔女讀，之後去外國升學，又比班人講到是但搵間學校讀
其實好多父母，預期送子女海外升學， 根本唔太介意係咪一定要讀一線學校，但求 英文底子打得好 ，之後海外升學就得啦
係有班人 成日 就響度 攞住啲 幾多升band one 嚟講
根本冇意思
又唔見呢班人 狂數 漢華，福小，呢啲2線學校
真係好想知道 玫小 有咩得罪呢班人囉
作者: soho123 時間: 17-11-11 00:28
Baby.caroline33 發表於 17-11-11 00:03
咪就係呢班響度 彈玫小嘅人 左右咗有玫小offer嘅家長囉
坦白講，有邊間二線官津係英文小學呀？
玫小私校 ...
路過。我都留意到, 有 d 人對其他 post 不敢興趣, 但玫小就不斷批評, 唔知仲以為佢地係用家。
作者: megwong1 時間: 17-11-11 00:55
Baby.caroline33 發表於 17-11-11 00:03
咪就係呢班響度 彈玫小嘅人 左右咗有玫小offer嘅家長囉
坦白講，有邊間二線官津係英文小學呀？
玫小私校 ...
作者: ok3 時間: 17-11-12 16:53
Baby.caroline33 發表於 17-11-11 00:03
咪就係呢班響度 彈玫小嘅人 左右咗有玫小offer嘅家長囉
坦白講，有邊間二線官津係英文小學呀？
玫小私校 ...
其實都覺得好奇怪, 作為路人甲乙丙，駛乜咁激動?!
作者: am^3 時間: 17-11-13 08:03 標題: 回覆樓主:
識有人 LMC 讀小一，其實 LMC 好谷，好多功課，中英文都深。學校老師流失率高。
優點，語境好。如果小朋友受谷，LMC是不錯的。
作者: babypig2017 時間: 17-11-16 18:40
Dmama2012 發表於 17-11-9 01:43
各位好，我現有玫瑰崗offer，亦收到林文燦的second in通知，依家心大心細，系度研究緊要唔要去林文燦面試。 ...
玫小其實不錯的，語言好，課外活動多，教得也不錯，錯只錯在它座落的校綱。它的校網，好的中學大多已有聯繫小學，所以它的畢業生在果個網好難再抽到好中學，以致去返自己既聯繫-玫中。而玫中是差到一個點。
所以如果中學可能會移居外地，玫小是一個不錯的選擇。
另一間我唔熟，但既然有機會，考埋再慢慢諗。
作者: Charlotte_mom 時間: 17-11-16 20:19 標題: 回覆樓主
作為一個旁觀者，觀察如下
在2、3年前，玫小仍算冷門之選，什至無咩點聽過家長會話「考左先搏抽獎」。所以平心而論，以幾年前收生質素，就算校方有心改革都係有困難
新校長攪得好唔好，唔知，我唔係用家。但見近年學校用家評價係好左。至少幼稚園受歡迎左，有班有凝聚力嘅家長選擇升小，生源有保證左
如果純睇升中數字，可能要等多幾年玫小至會升。除非新校長一上場即刻勁谷，就會快有成效。咁又好老實，input（生源）好左，校長做唔做到成績呢？唔知，要觀望
從來唔認同只有用家至可以分享。有人鍾意就揀，亦有人唔鍾意所以唔揀。無話邊d意見一定比較中肯。衰d講，有人鍾意無啦啦唱衰人地間學校，但又何嘗無盲粉咩都話好呢（樓上勿誤會，我指討論區general情況而已）。不過單單打打嘅留言就應該避免囉
作者: Baby.caroline33 時間: 17-11-16 21:08
Charlotte_mom 發表於 17-11-16 20:19
作為一個旁觀者，觀察如下
在2、3年前，玫小仍算冷門之選，什至無咩點聽過家長會話「考左先搏抽獎」。所以 ...
唔鍾意唔去選讀 當然係冇問題
之但係，有啲路人甲乙丙，既然唔鍾意 唔選讀 ，都唔好去踩人哋學校
我睇咁多次forum, 硬係啲路人好鍾意狂踩RHS
仲要來來去去果幾個
反而其他學校佢哋呢幾個人又唔出嚟踩
箇中原因，只有呢幾個人心中有數
作者: Charlotte_mom 時間: 17-11-16 22:43 標題: 回覆樓主
舊帖搵出黎，俾你見識下咩叫踩。2010年講港同VS xx，再古老d嘅帖有d說話仲難聽
唔鍾意咪唔揀囉，唔駛咁丫！
結果果位樓主真係揀港同棄xx，從無後悔過—重點咪就係揀果個唔後悔咪得囉
圖片附件: myimage.jpg (17-11-16 22:43, 206.96 KB) / 下載次數 16
/forum.php?mod=attachment&aid=MTg4MTI4fGMwNDNmYjU4fDE3NjA5MjAzOTZ8MA%3D%3D
圖片附件: myimage.jpg (17-11-16 22:43, 215.78 KB) / 下載次數 11
/forum.php?mod=attachment&aid=MTg4MTM2fDUxMGM2YTQ3fDE3NjA5MjAzOTZ8MA%3D%3D
圖片附件: myimage.jpg (17-11-16 22:43, 174.1 KB) / 下載次數 16
/forum.php?mod=attachment&aid=MTg4MTQ0fDU5NmRjMjUyfDE3NjA5MjAzOTZ8MA%3D%3D
作者: siubibi 時間: 17-11-17 09:26
Dmama2012 發表於 17-11-9 15:49
多謝各位嘅意見。
我今日早上繼續search咗兩間學校嘅其他資料。
#1 玫小剛剛小六畢業個班只有30人，派位ok，但現在小一已經120人，其實不可以直接比較。升中派位是看前四年Pre S1成績，不是馬上可以改善。而且有很多成績好既學生會中途轉校，派位成績未全面反應教學質素。不過，學校不斷擴充，有很多老師比較新，個人覺得課程內容幾好，不過要睇小朋友能力，學校唔會俾壓力，主要睇家長有冇主動對小朋友有要求，應該有幾多家長都幾着緊
#2 中學同初小返放學時間唔同，所以直情冇接觸，返而是同幼稚園一起返放學
作者: hkpapa852 時間: 17-11-17 09:34
Charlotte_mom 發表於 17-11-16 22:43
舊帖搵出黎，俾你見識下咩叫踩。2010年講港同VS xx，再古老d嘅帖有d說話仲難聽
唔鍾意咪唔揀囉，唔駛咁丫！ ...
咦...... 個帖個位某某當日後咪話緊妳呀?
作者: meowymeowy 時間: 17-11-17 09:57 標題: 回覆樓主
講真，入邊間都好，到頭來都唔可以靠哂學校，好多時學生叻係家長背後發功。搵間配合自己教育理念及小朋友進度的學校更重要。見過唔少機關算盡的父母，成功將子女送入神校又如何？一、兩年已經現形，部分直頭勉強無幸福，想轉校都太遲。樓主親身去多了解學校，同兩間學校的現役學生和家長，甚至工人姐姐傾下偈，可能會體會更多。
作者: Dmama2012 時間: 17-11-17 15:56
多謝各位。
我最後無去到LMC面試。
祝大家都搵到心儀嘅學校！
作者: Raccch 時間: 17-11-17 18:08
本帖最後由 Raccch 於 17-11-17 18:09 編輯
回覆 Dmama2012 的帖子
最緊要大家都能去心儀的學校讀書，雖然A心儀的學校在B心中不好，但只要A家長知道自己想要什麼就可以。每個孩子是不一樣的，每個家庭也都不一樣情況。分析清楚就會廓然開朗。
作者: manmangerger 時間: 17-11-17 21:16
Baby.caroline33 發表於 17-11-16 21:08
唔鍾意唔去選讀 當然係冇問題
之但係，有啲路人甲乙丙，既然唔鍾意 唔選讀 ，都唔好去踩人哋學校
我睇咁 ...
我都覺得好搞笑，一出現玫小post，就特別多人踩。我自己諗，其實玫小點會唔知自己在市場定位、點會唔知好多人當自己係水泡丫。收得咁貴學費，我相信而家校長都努力想學校升呢，想俾用家覺得值回票價既。例如將西班牙文轉做正規課程，英文語境，自由風氣同時又靠測考提升學術（非靠功課），有教無類（或者打手話佢係人都收），都好正確丫，所以而家吸引多左人報玫小。
至於又話升band1率低，我諗校方都好想改善既，不過我相信，真係叻、認真讀書果班，只要去到唔太差既學校，一樣可以發揮到。
現實生活亦都遇過讀讀下被神校淘汰既人，都係果句啦，大家都係幫小朋友搵合適學校姐。
利申：玫幼用家
作者: Baby.caroline33 時間: 17-11-17 21:57
manmangerger 發表於 17-11-17 21:16
我都覺得好搞笑，一出現玫小post，就特別多人踩。我自己諗，其實玫小點會唔知自己在市場定位、點會唔知好 ...
完全同意
作者: megwong1 時間: 17-11-17 23:31
聽日小朋友就開始上預備班。希望可以趁機再了解學校多D! 亦希望自己選擇正確，搵到既合適既學校比小朋友
作者: Baby.caroline33 時間: 17-11-18 01:06
megwong1 發表於 17-11-17 23:31
聽日小朋友就開始上預備班。希望可以趁機再了解學校多D! 亦希望自己選擇正確，搵到既合適既學校比小朋友 ...
麻煩您哋上完預備班幫手update一下
幫間學校一雪前恥
利申：玫幼用家
作者: kvvvcheung 時間: 17-11-18 10:04
Baby.caroline33 發表於 17-11-18 01:06
麻煩您哋上完預備班幫手update一下
幫間學校一雪前恥
利申：玫幼用家
期待分享
作者: megwong1 時間: 17-11-18 23:11
上完第一日預備班，學校安排都暢順。staffs 都ok.但完全唔知上堂程況如何。小朋友話佢果班連埋佢有16人(唔知可唔可信)。佢話鍾意上堂都開心。之後問多佢幾次第二時小一就讀呢間好唔好，佢話好。。。
接放學時發現一班外籍小朋友响library，係西班牙文班既，令我有衝動想日後揀Spanish 班，因為想小朋友多接觸外籍小朋友。但又怕佢讀唔掂 ，而我又唔識Spanish唔只點帮佢。
作者: helenmelody 時間: 17-11-19 14:16
megwong1 發表於 17-11-18 23:11
上完第一日預備班，學校安排都暢順。staffs 都ok.但完全唔知上堂程況如何。小朋友話佢果班連埋佢有16人(唔 ...
面試那天，我們家長聽簡介會，外籍老師話西班牙文堂會慢慢教，小朋友不明白的話，老師會用英文幫小朋友，西班牙文的功課通常會在學校做完，叫家長不用擔心。
| 歡迎光臨 教育王國 (/) |
Powered by Discuz! X1.5 |