教育王國

標題: 靈糧 vs 啟思附幼 vs york [打印本頁]

作者: sammylau17 時間: 17-11-8 23:33 標題: 靈糧 vs 啟思附幼 vs york

本身讀緊靈糧，但有york同啟思附幼 offer, 點選擇?

作者: chriskaan 時間: 17-11-8 23:41

咁道睇你小學想入咩學校同家庭負擔能力啦～
靈糧出名德育好，啟思附幼老師有愛心升佢小學有幫助，York 出名貴，不過英文勁，各有所長～

作者: bape0060 時間: 17-11-9 00:44

chriskaan 發表於 17-11-8 23:41
咁道睇你小學想入咩學校同家庭負擔能力啦～
靈糧出名德育好，啟思附幼老師有愛心升佢小學有幫助，York 出名 ...

我覺得York 其實對升小學唔係太大優勢,除咗學英文... 間學校都有愛心，只不過唔鍾意咁大間學校，咁多同學，會好容易忽略啲小朋友

作者: maomaofafa 時間: 17-11-9 01:40

bape0060 發表於 17-11-9 00:44
我覺得York 其實對升小學唔係太大優勢,除咗學英文... 間學校都有愛心，只不過唔鍾意咁大間學校，咁多同學 ...

York學校是大間沒錯，但是一班只有約20-23人，每班有三個老師，比例1:7。學校有很多老師，大部份也認得我的小朋友。現在k2的班主任什麼事情也打電話給我，雞毛蒜皮如條褲污糟左換了也打給我，又定時向我報告小朋友的學習狀況，實在很難感到被忽略，因為差不多每周也會電話通話。從對話中也覺得他們觀察小朋友挺仔細的。升小學情況絕對不是頂尖，但也一定不是差。學校的小一支援包括考各類型的證書、小一面試班等，比起好多學校什麼也沒有已經好多了。當然家長方面的培養還是要靠自己。

作者: bape0060 時間: 17-11-9 01:41

maomaofafa 發表於 17-11-9 01:40
York學校是大間沒錯，但是一班只有約20-23人，每班有三個老師，比例1:7。學校有很多老師，大部份也認得我 ...

咁又真係好caring 個個星期打電話？

作者: maomaofafa 時間: 17-11-9 01:58

bape0060 發表於 17-11-9 01:41
咁又真係好caring 個個星期打電話？

K2這個班主任比較好。有時一星期收3/4次電話

york的老師都不錯，pn果個都好好，當時我哋日日接放學佢都有主動交代小朋友的進度。係舊年K1嗰個比較差（可能其實也不是那麼差，只是沒有其他老師仔細，回應比較行貨），不過佢已經離職了。而net我更加滿意，幾年來的net小朋友都很喜歡，可能因為這樣英文學得比較好。

作者: wendee 時間: 17-11-9 09:17

sammylau17 發表於 17-11-8 23:33
本身讀緊靈糧，但有york同啟思附幼 offer, 點選擇?

本身舊年有york PN offer無讀，今年自動俾左K1 International offer但放棄左，因為覺得唔值

而家有啟小附幼offer會交留位費，喜歡它happy school得黎中英文都唔錯，而且有一間happy小學back up

我地唔係target考神校，只想小朋友開心學到中英文，唔駛太多外補，又有能力去考下小學咁

作者: wulitou6 時間: 17-12-20 16:49

提示: 作者被禁止或刪除內容自動屏蔽

作者: sunnymama2 時間: 17-12-21 22:59

wendee 發表於 17-11-9 09:17
本身舊年有york PN offer無讀，今年自動俾左K1 International offer但放棄左，因為覺得唔值

而家有啟小附 ...

本帖最後由 sunnymama2 於 17-12-21 23:05 編輯

Very good choice.

仔仔讀緊啟小附幼，真的好好!

我仔今年k3, 雖然學校學術弱，但課程重啟發，思考，自信，踴躍發言，對考小學好有幫助，呢d係外補唔到。

我家中全廣東話，冇英語普通話，冇外補，零興趣班，可以應付到有英普的小學面試

作者: wendee 時間: 17-12-23 02:40

sunnymama2 發表於 17-12-21 22:59
本帖最後由 sunnymama2 於 17-12-21 23:05 編輯

Very good choice.

多謝你的分享，為我打左支強心針

係尼個講求學術的年代，我地一班準啟小附幼家長都覺得自己好另類，但係我地相信啟小附幼教到小朋友的，係會比學術更一生受用

你的小朋友最後考到幾多個小學offer呢？

作者: eating15 時間: 17-12-23 05:15

wendee 發表於 17-12-23 02:40
多謝你的分享，為我打左支強心針

係尼個講求學術的年代，我地一班準啟小附幼家長都覺得自己好另類，但係 ...

認同，3歲定80 , 從小著重培養啟發，探索，創新，閱讀興趣及求知慾等興趣，的確係畢身受用，係外補做不到

作者: sunnymama2 時間: 17-12-23 08:52

wendee 發表於 17-12-23 02:40
多謝你的分享，為我打左支強心針

係尼個講求學術的年代，我地一班準啟小附幼家長都覺得自己好另類，但係 ...

說真的，我小朋友考小學唔叻，佢畫畫係差到無論，從未喺學校貼堂，好多面試畫畫比重大的小學都reject. 仲有一間佢話識哂，但佢阿媽堅決唔決志的都收reject

除左以上，所有面試都過關（除左st paul co ed）,而家仲有幾間未final in, 都係超熱門的

而家手上只有啟小和救恩offer。我地只考龍校，初期頭兩間當熱身，之後我只報屬band 1中學的龍小學，所以唔係考好多學校。

作者: sunnymama2 時間: 17-12-23 09:11

eating15 發表於 17-12-23 05:15
認同，3歲定80 , 從小著重培養啟發，探索，創新，閱讀興趣及求知慾等興趣，的確係畢身受用，係外補做不到
...

冇錯，我仔仔學術普通，但佢好有自信，原本一間主考普通話的小學，我諗住佢唔得，因為我地完全冇外補，我屋企完全冇理過普通話，但竟然都有second in, 問番佢，仔仔話佢聽唔明，但都會主動舉手答問題。不過呢間最後又考畫畫，我仔仔畫功真係差到一流，所以最後只得waiting.

另一間學校2nd in 係見校長，仔仔一出黎話佢答錯些問題，但每次都係第一個舉手，即使答錯都會繼續試。我覺得呢d係學校的功勞，因為學校有好多小組討論，係真正小組，仔仔有好多機會發言，即使佢錯到离譜（真係試過），老師同學都唔會笑佢，所以造就佢唔驚講錯野，可以反應快第一個舉手，又唔怕輸，校長可以睇中呢點選佢3rd in。

仲有一間最近3rd in ,第一次和仔仔一齊面試，真的想像不到仔仔面試時原來笑容滿面，好淡定答問題。

雖然佢考小學唔叻，但佢好有創意，成日會設計迷宮，尋寶遊戲，卡牌遊戲給我地到，仲好認真咁解釋遊戲規則給我地聽，我地會配合佢，同佢玩得好開心。

我地唔係谷嗰類型家長，學校亦唔谷，學校的功課都重啟發，所以仔仔有好多時間放空，想出好多主意。所以家校合作（一齊唔谷）都好重要。

歡迎光臨教育王國 (/)