教育王國
標題: 反思升小世襲制 [打印本頁]
作者: sze0203 時間: 17-11-8 15:13 標題: 反思升小世襲制
大家有無諗過成個小學派位制度係時候要改革與時並進的問題呢？？
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
【明報專訊】上周忙忙亂亂，有好文也忘了跟大家分享。說的是，本刊上期的一篇滄海遺珠——《公平起跑 踢走世襲式小一入學》，作者是香港革新教育家長同盟召集人周勁倫。家長同盟於9月份加入我們的大家庭，他們是一班有心家長，希望爭取教育政策話語權，改善香港教育環境，最終為學童爭取愉快、健康、多元學習的平等教育。
周勁倫的《踢走世襲式小一入學》，詳述了自行分配學位的計分制及世襲制的爭議。簡述一下，在現行小一入學統籌辦法的「自行分配學位」階段中，每個適齡學童都可獲得不同分數，若父母或兄姊是該校畢業生，可獲10分；與辦學團體有相同宗教的，亦可獲5分。你可能會問父母兄姊是舊生的話，小朋友點解可以加10分，道理何在？我相信連教育局都不知怎樣解答你。
今次看過家長同盟的文章，讓我更相信世襲計分這過時制度，確是時候檢討。記得多年前，我與一個念官津名校出身的朋友討論過這問題，當時拗得臉紅耳熱，我的朋友當然希望維持現狀，那麼他將來的兒女便比其他人更大機會入讀他的母校。我當時說，有兄姊在校就讀的，弟妹可以必入該校都尚且說得過去，因為這是方便家長照顧；但父母或兄姊曾是該校畢業生就加多10分，這是什麼理由？阿爸阿媽老早畢業，究竟與子女有何關係，為何仍可任由這不公平制度延續下去？這個計分制度值得大家深思。
好文重溫﹕bit.ly/2yWWzBo
文：陳詠詩
[Happy PaMa 教得樂 第163期]
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
作者: sze0203 時間: 17-11-8 15:15
bit.ly/2yWWzBo
公平起跑 踢走世襲式小一入學
【明報專訊】究竟教育的起跑線在哪裏呢？有人說是初生報playgroup、nursery、幼稚園時，更有人說是在射精前！那麼公共教育的起始階段又在何時？
儘管政府推出「免費優質幼稚園教育計劃 」，但學前教育並非強迫，沒上幼稚園的仍然可讀小學，因此官方的起跑線應該是小一，而「小一入學統籌辦法」作為一個決定起跑線的機制，就顯得尤其重要。
當家長們不斷鑽研如何取得更高入學分數、估算學額供求和做足叩門工夫時，又有多少人質疑過這個沿用多年的制度是否合適？上個月，我便邀請了一位小學校長，在香港革新教育家長同盟所辦的「家長開咪」節目環節，對談有關小一入學的情况，討論制度上的改善空間。
「小一入學統籌辦法」適用全港所有官津小學，以鄰近入學為原則劃分校網。在2000年教改時，教育統籌委員會（教統會）在《教育制度檢討改革方案諮詢文件》曾提出「有批評指家長的背景對其子女能否進入某些小學起了相當重要的作用，與公平原則不符」，以及「亦造成學校與學校之間存在相當差異」，並試圖建議除「必收生」外，取消計分制，讓學校自行處理只佔15%的自行分配學位，再扣除約25%的「必收生」後，希望整體統一派位的學額增至60%。可是這個「去除制度上的學習障礙」的願景，卻因學校的反對而落空，最後就是續用充滿世襲色彩的計分方法至今。
宗教分父母舊生分最爭議
現行制度把全部學額約各分一半在兩階段分配。首階段為「自行分配學位」，以計分方式進行。有同校兄姊或父母是教職員為必收生，佔整體學位約30%，這以方便照顧為原則的安排，爭議不是太大；但若必收生人數超過30%時，超出的不是在計分學額中填補，反而是在第二階段「統一派位」中抽補，這變相蠶食了最公平、以抽籤形式分配的學額。
而最令人費解的，是現制度竟然容許申請時有小六兄姊在校，但申請者上小一時其兄姊已畢業升中的，都列作必收生。在沒有小六留班的世代（除極少數特殊原因），這個制度的漏洞不止是不合理，更顯示出有關部門對長期不公的過時制度因循迂腐！
「自行分配」階段的計分方法更一向為人詬病。與辦學團體有相同宗教有5分，而父母是校友更有10分，這些充滿世襲色彩的制度是最受爭議的地方。因為香港的特殊殖民地歷史原因，很多學校，包括大部分的傳統名校也是由教會開辦，無宗教者便顯得蝕底。個人信仰竟成了升學的入場券，更加成為望子成龍的手段！另外也不是天下父母所讀的小學也能享有「校友分」，因過往十幾年，便有百多所小學被殺了。
政府全面資助小學已近40年，理應不再保留那些充滿世襲色彩及單向傾斜辦學團體的入學制度。為什麼這些制度不延續至中學階段呢？難道宗教和校友對中學就不再重要？無他的，因為升中派位已經是一個純以學業成績篩選學生的制度，在香港辦學有什麼比分數、擇優重要呢？但我仍相信教會應該是更歡迎未信者的地方；而無論是什麼背景的辦學團體，都不應忘記有教無類的教育初衷。無論你是否既得利益者，請不要再以沒有絕對公平為理由，推遲改革一個更公平的制度，是時候重新檢討這條起跑線了。
作者簡介：家長同盟召集人，成立民間家長協會，以家長身分推動改善香港的教育環境。
文﹕周勁倫
[Happy PaMa 教得樂 第161期]
作者: Soundervolt 時間: 17-11-8 17:21 標題: 回覆樓主：
本帖最後由 Soundervolt 於 17-11-9 01:17 編輯
又係呢尐article，筆者都未搞清楚父母係畢業生只得五分，兄姊畢業弟妹唔會有額外分數。殺校又關乜嘢世襲制度問題？殺得嘅學校又有幾多家長希望自己子女去讀？
作者: hkpapa852 時間: 17-11-8 17:29
sze0203 發表於 17-11-8 15:15 
bit.ly/2yWWzBo
公平起跑 踢走世襲式小一入學
只有"公平膠", 先咁關注呢個計分制
作者: hamsubbb 時間: 17-11-8 18:38 標題: 回覆樓主:
呢個世界乜有公平咩？
作者: Forgetmenot999 時間: 17-11-9 00:05
sze0203 發表於 17-11-8 15:13
大家有無諗過成個小學派位制度係時候要改革與時並進的問題呢？？
＝＝＝＝＝＝＝＝＝＝＝＝＝＝＝＝＝＝＝ ...
又係呢啲post,我覺得世襲制度巳盡力平衡各方利益
作者: archie1728 時間: 17-11-9 00:24
sze0203 發表於 17-11-8 15:13
大家有無諗過成個小學派位制度係時候要改革與時並進的問題呢？？
＝＝＝＝＝＝＝＝＝＝＝＝＝＝＝＝＝＝＝ ...
直資收生非常公平，仲越來越多學校想轉直資，尤其名津！呢個亦係政府諗出黎平衡各方利益既"絕世好橋"，樓主同意嗎？
作者: AndrewHo_FB 時間: 17-11-9 13:00
本帖最後由 AndrewHo_FB 於 17-11-9 13:00 編輯
If you have kids and you are a graduate of the primary school, then you will think it is a fair game.
Otherwise, you will find this is an unfair game.
作者: adriantai 時間: 17-11-9 14:28 標題: 回覆樓主:
宗教5分只要你信就有, 舊生5分人人都有, 其實有乜咁吾公平(emoji)
作者: ok3 時間: 17-11-9 14:47
adriantai 發表於 17-11-9 14:28
宗教5分只要你信就有, 舊生5分人人都有, 其實有乜咁吾公平(emoji)
作者: 1998Ruby1998 時間: 17-11-9 15:13
本帖最後由 1998Ruby1998 於 17-11-9 15:13 編輯
回覆 Soundervolt 的帖子
上網睇教育局資料，父母兄姐畢業生係 10 分，所以先好多人話 25 分如宗教學校都未必入到？
作者: hkpapa852 時間: 17-11-9 15:18
1998Ruby1998 發表於 17-11-9 15:13
回覆 Soundervolt 的帖子
上網睇教育局資料，父母兄姐畢業生係 10 分，所以先好多人話 25 分如宗教學校都 ...
作者: 1998Ruby1998 時間: 17-11-9 15:21
回覆 hkpapa852 的帖子
請教，其實係 10 分定 5 分？是否父母兄姐為畢業生都得？ 
作者: hkpapa852 時間: 17-11-9 15:24
1998Ruby1998 發表於 17-11-9 15:21
回覆 hkpapa852 的帖子
請教，其實係 10 分定 5 分？是否父母兄姐為畢業生都得？ ...
但呢10分不能同首名子女既分數一齊用
所以25分既申請人, 基本上只有:
適齡 + 舊生子女/弟姐 + 辦學團體分
呢一個組合
當然有例外既.....
作者: HauMiranda 時間: 17-11-9 16:48
hkpapa852 發表於 17-11-9 15:24
父/母/兄/姐為畢業生都有10分.
但呢10分不能同首名子女既分數一齊用
每個制度總是有人歡喜有人愁，你有額外分加就like這system, 你冇分加就覺得唔公平。呢個世界就係咁，冇一個方法會滿足所有人。
作者: reis 時間: 17-11-9 16:49
hamsubbb 發表於 17-11-8 18:38
呢個世界乜有公平咩？
同意，
不如咩分都不計，只填form，任抽
sorry不喜勿插
作者: hkpapa852 時間: 17-11-9 16:51
HauMiranda 發表於 17-11-9 16:48
每個制度總是有人歡喜有人愁，你有額外分加就like這system, 你冇分加就覺得唔公平。呢個世界就係咁，冇一 ...
如果目標: 推動改善香港的教育環境
我又真係諗唔到, 改變小一入學方式可以為香港教育環境帶嚟邊方面既方善
入大學要求, 升中派位安排..... 更多更明顯需要改善既問題又唔見佢地提出?
作者: fdsafdsa 時間: 17-11-9 17:13
我諗係要改變中小學模式, 唔好用師兄師姐分 banding, 搞到强者越强, 弱者越弱.
當間間都係好學校既時候, or 當間間都係 33% band1 / 33% band2 冇直屬既時侯, 大家就唔會考慮咁多入到邊間.....
作者: IICHENG 時間: 17-11-9 17:37
hkpapa852 發表於 17-11-9 15:24
父/母/兄/姐為畢業生都有10分.
但呢10分不能同首名子女既分數一齊用
其實我都覺得不公平，但已經吾関我事了
作者: hkpapa852 時間: 17-11-9 17:46
IICHENG 發表於 17-11-9 17:37
其實我都覺得不公平，但已經吾関我事了
調整大學收生要求/方式, 拓展為不同能力既中學畢業生既出路, 咁大家駛乜煩升中選校, 駛乜只係擔心DSE? 駛乜煩呈分/升中分Banding?
退而求其次, 修訂升中派位分Banding安排, 令學生能按自己能力去爭取升中派位, 某程度上可以拉近小學之間既升中派位表現差距, 咁大家仲駛乜咁擔心大抽奬抽得唔好?
改變小一自行制度, 為整個教育制度帶來甚麼好處? 只係為N無人仕帶來所謂既"公平"而已.
作者: mocha_y 時間: 17-11-9 17:49
不如屋企附近，5間選1間。拎區議會投票個分區去行，唔好煩。
作者: Potato001 時間: 17-11-9 19:08
adriantai 發表於 17-11-9 14:28
宗教5分只要你信就有, 舊生5分人人都有, 其實有乜咁吾公平(emoji)
舊生的分不是人人都有，小學被殺校冇，轉了直資冇，父母不在香港小學畢業冇。
作者: adriantai 時間: 17-11-9 21:56 標題: 回覆樓主:
又係喎
作者: cwmmike 時間: 17-11-10 00:11
係教育局既角度，你邊個入邊間佢係who's fxxking care.
佢只係希望盡量減少錯配既情況。用常理講，父母兄姐係畢業生，咁父母起碼熟悉自己母校既要求風格先，錯配既機會一定比未讀過既父母低。宗教分道理一樣，有相同信仰，家校就更能互相，教育小朋友應該係事半功倍。
當然全部咁樣收生又唔得，變左讀名校既就之後都名校，讀寶校既就一路寶校落去。而家咁樣一半一半，其實已經做左平衡。你真係唔鐘意靠血緣或運氣既，可以用實力去考直私。就算運氣唔好抽唔到甲一乙一，仲有十分一左右扣門位比你去考。
對學校黎講，自行果一半係有經驗或關係既父母，出事機會少，而叩門果十分一係自己揀既，理論應該係最叻果幾個。最不確定既係抽獎入既人，而家控制係一半以內，管理上就易D。
作者: MMVV 時間: 17-11-10 08:22
cwmmike 發表於 17-11-10 00:11
係教育局既角度，你邊個入邊間佢係who's fxxking care.
佢只係希望盡量減少錯配既情況。用常理講，父母兄姐 ...
父母熟悉學校風格？莫講20-30 多年前小學校長已經by by 左，連校懂會成員都已經另一批，咁講太remote 了。另外有人說父母分可能曾經幫過學校，呢個理論也很荒謬，當時社會幫了幾多？幫了甚麼？當時能捐得幾多？有無邊個邊個學生憑證？
作者: RunningPig 時間: 17-11-10 09:24 標題: 回覆樓主:
我仍有幫我的小學，如果我的小孩用我的舊生分而入我的母校，我覺得理所當然。
教育不單是父母的事，更是學校的事。當然大部分用舊生分的都冇幫母校，但對於學校來説，舊生分確實對凝聚舊生有幫助。
作者: 小曳人 時間: 17-11-10 09:59
以我所見，舊生家長的確比較熱心去幫手做野/捐錢
以前响私校，PTA選舉，一樣有人上到台自我介紹係xx年畢業舊生
而e+呢間就更加係多old boys，
而好似樓上講，又的確有d old boy/girl畢業後都一路有幫母校搞活動
所以，呢班舊生家長對學校嚟講，係有好處嘅
作者: ar_mak 時間: 17-11-10 10:17
提示: 作者被禁止或刪除 內容自動屏蔽
作者: adriantai 時間: 17-11-10 12:59 標題: 回覆樓主:
好有心機回覆(emoji)(emoji)
作者: applebot 時間: 17-11-10 14:47
老實講, 你小朋友係得既, 洗怕世襲咩?
我由前年開始係度講世襲唔係問題, 問題你同你子女有冇本事!
尼啲人同仇富冇分別, 點解佢一個鐘可以搵咁多錢? 我搵咁少錢??
好唔公平啊.!!!
作者: ok3 時間: 17-11-10 15:19
本帖最後由 ok3 於 17-11-10 15:21 編輯
成日講到學校冇咗D舊生會冧咁! 其實持續地會為母校貢獻/服務嘅到底有幾多人? 問心啦, 計%, 我諗零頭都冇!再講, 舊生分對某D人嚟講係與生俱來, 但對某D人嚟講係你呢一世點努力都唔會得到嘅嘢(原因樓上以有舉例). 淨係呢個point, 已經令舊生分好富爭議性. 如果咁都叫公平公道, 咁呢個世界應該再冇唔公平!?
作者: RunningPig 時間: 17-11-10 15:23 標題: 回覆樓主:
你講到舊生對母校貢獻不大，我估你冇機會見識D名津小的舊生對母校有幾落力。
作者: hkpapa852 時間: 17-11-10 15:26
ok3 發表於 17-11-10 15:19
成日講到學校冇咗D舊生會冧咁! 其實持續地會為母校貢獻/服務嘅到底有幾多人? 問心啦, 計%, 我諗零頭都冇!再 ...
追求＂公平＂係邊個既要求？
作者: ok3 時間: 17-11-10 15:45
RunningPig 發表於 17-11-10 15:23
你講到舊生對母校貢獻不大，我估你冇機會見識D名津小的舊生對母校有幾落力。
...
作者: Misaki88 時間: 17-11-10 15:49
本帖最後由 Misaki88 於 17-11-10 18:14 編輯
世界一直都唔公平，有時間去深究原因，不如好好裝備自己去面試
作者: ok3 時間: 17-11-10 15:54
hkpapa852 發表於 17-11-10 15:26
EDB既責任，係保障全港合資格既適齡兒童，可以免費有書讀，無話要追求公平既方法喎？
追求＂公平＂係邊個 ...
作者: MrBeast 時間: 17-11-10 15:56
ok3 發表於 17-11-10 15:19
成日講到學校冇咗D舊生會冧咁! 其實持續地會為母校貢獻/服務嘅到底有幾多人? 問心啦, 計%, 我諗零頭都冇!再 ...
作者: hkpapa852 時間: 17-11-10 16:00
MrBeast 發表於 17-11-10 15:56
唔係講笑，有些校舍係listed，維修費好金，無額外捐款真有可能會冧
作者: monodad 時間: 17-11-10 16:05 標題: 回覆樓主：
本帖最後由 monodad 於 17-11-10 16:09 編輯
呢D咁嘅post，只係等如立法會直選，提出爭議而令某部份人去支持自己嘅團體，不值一提。但想講舊生貢獻方面，有人提出大多舊生對母校冇貢獻，我相信呢班人肯定對自己母校唔慌有貢獻就真，愚味到所謂貢獻係咪都未識分別。除咗出錢出力幫母校之外，名校之所以係名校，除咗成績，體育，藝術，各方面長期有突出嘅result，呢D成績係邊個做出嚟？唔通係妳？此外，佢地出咗社會做事之後，在各界別嘅地位，對社會嘅貢獻，亦係對母校名聲嘅貢獻。即係葉問唔可以教自己個仔先，一定要同妳個仔抽籤，分分鐘要搞到佢個仔係第度學，咁就叫公平？
作者: ok3 時間: 17-11-10 16:21
MrBeast 發表於 17-11-10 15:56
唔係講笑，有些校舍係listed，維修費好金，無額外捐款真有可能會冧
作者: monodad 時間: 17-11-10 16:30
總之呢個世界有班人，自己肯定係零貢獻，但又唔會理其他人有冇貢獻，就係一定要同人有平等機會，呢D咪共產主義者囉⋯⋯
作者: ok3 時間: 17-11-10 16:31
本帖最後由 ok3 於 17-11-10 16:32 編輯
monodad 發表於 17-11-10 16:05
呢D咁嘅post，只係等如立法會直選，提出爭議而令某部份人去支持自己嘅團體，不值一提。但想講舊生貢獻方面 ...
好多人唔係唔想有貢獻, 喺想獻都冇得獻. 你講得啱, 只能怪自己冇出色. 如果可以捐返10億8億俾母校, 等佢可以起返個一流校舍, 再請D一流明師教學, 或者佢唔駛死
作者: monodad 時間: 17-11-10 16:37
ok3 發表於 17-11-10 16:31
好多人唔係唔想有貢獻, 喺想獻都冇得獻. 你講得啱, 只能怪自己冇出色. 如果可以捐返10億8億俾母校, 等佢可 ...
咁又唔駛捐10億8億嘅，只要有關心母校嘅心，多D返去做義工，多了解母校嘅情況，多提供正面有益嘅意見俾學校，可能閣下嘅母校今日都係人人趨之若鶩嘅名校呢？但如果個個都覺得自己母校唔掂，夾硬要自己子女去讀別人的母校，又唔抵得别人因對母校有貢獻而獲得些少優先機會入讀。舊生人人係咁，咁閣下嘅母校一定今非昔比。
作者: ok3 時間: 17-11-10 16:47
本帖最後由 ok3 於 17-11-10 16:47 編輯
monodad 發表於 17-11-10 16:37
咁又唔駛捐10億8億嘅，只要有關心母校嘅心，多D返去做義工，多了解母校嘅情況，多提供正面有益嘅意見俾學 ...
多謝意見! 不過你講嘅呢D, 應該對保留我母校冇乜作用, 攪到我要貪戀人地嘅嘢
作者: 粟米沙律 時間: 17-11-10 16:47
本帖最後由 粟米沙律 於 17-11-10 17:06 編輯
其實, 有時唔一定要出錢出力. 舊生KEEP住自己行正途, 唔做錯事, 唔一定要高官要職, 幫忙KEEP住學校的聲譽, 已經是一種無形的貢獻.
作者: hkpapa852 時間: 17-11-10 16:53
粟米沙律 發表於 17-11-10 16:47
其實, 有時唔一定要出錢出力. 舊生KEEP住自己行正途, 唔做錯事, 唔一定要高官要職, 幫忙KEEP住學校的聲譽, ...
只要學校認為舊生有貢獻, 願意繼續俾著數舊生子女, 又唔係犯法咁又關路人甲乙丙乜事?
作者: Felix223 時間: 17-11-10 16:54 標題: 回覆樓主：
本帖最後由 Felix223 於 17-11-10 20:35 編輯
就算畢業了咁多年, 我哋舊生都keep住為學校籌款.
作者: monodad 時間: 17-11-10 17:09
ok3 發表於 17-11-10 16:47
多謝意見! 不過你講嘅呢D, 應該對保留我母校冇乜作用, 攪到我要貪戀人地嘅嘢
...
本帖最後由 monodad 於 17-11-10 17:16 編輯
咁要入別入的母校亦唔係冇渠道喎⋯⋯仲有統一派位嘛，好多人冇參加過小一派位，憑努力同凖備一樣入讀到別人的母校㗎......
作者: ok3 時間: 17-11-10 17:16
monodad 發表於 17-11-10 17:09
咁要入別入的母校亦唔係冇渠道喎⋯⋯仲有統一派位嘛，好多人冇加過小一派位，憑努力同凖備一樣入讀到別人 ...
作者: monodad 時間: 17-11-10 17:19
ok3 發表於 17-11-10 17:16
喺現有嘅制度之下, 亦只能如此啦!
咁一分耕耘 一分收穫，世事本應如此，此乃真公平也，亦係正常人希望見到嘅社會狀況，同意嗎？
作者: MrBeast 時間: 17-11-10 17:34
ok3 發表於 17-11-10 16:21
先唔討論你呢個case, 有幾多%嘅舊生會捐錢, 無咗呢筆捐款, 校舍係咪真係會冧 (其實我真係唔信冇咗呢筆舊生 ...
anyway，若果要捐得多先有分，咁咪變成學店？（事實上捐款打關係是有發生）又係咪你想見到的呢？
作者: ok3 時間: 17-11-10 17:51
MrBeast 發表於 17-11-10 17:34
某網友話齋，誇張少少先吸引。
anyway，若果要捐得多先有分，咁咪變成學店？（事實上捐款打關係是有發生） ...
作者: Luckykids 時間: 17-11-10 19:46
monodad 發表於 17-11-10 16:30
總之呢個世界有班人，自己肯定係零貢獻，但又唔會理其他人有冇貢獻，就係一定要同人有平等機會，呢D咪共產 ...
完全認同。
一間學校之所以成為名校，唔係啲舊生嘅努力同表現，唔通係路人甲乙丙丁令佢成為名校的？舊生嘅下一代因此有多少少機會入讀都唔合理？
再者，唔考慮名校唔名校，家長自己係一間學校讀了6年書，或多或少都會有感情，亦會有好多回憶，想自己嘅小朋友入番都正常，又可以同小朋友分享番自己細個嘅秩事，本身都合情合理。
作者: ar_mak 時間: 17-11-10 21:58
提示: 作者被禁止或刪除 內容自動屏蔽
作者: HAPPYBAMOM 時間: 17-11-13 22:30 標題: 回覆樓主:
香港教學制度攪到咁，根本好難去改，點改都有人嘈。
計分，至少減少雙非入熱門學校機會。
現在又有自行，又有派位，又有直私，各取所需囉。
講到尾，叻嘅，有舊生分你都想入直資神校啦
想好似外國咁，又活動學習，又開心，又少功課，又近屋企，可能要等下世投胎移民。
| 歡迎光臨 教育王國 (/) |
Powered by Discuz! X1.5 |