教育王國

標題: 如何教導《容易放棄》的小朋友 [打印本頁]

作者: Kx1918 時間: 17-11-7 20:56 標題: 如何教導《容易放棄》的小朋友

你地有冇教育心得呀？

作者: eviepa 時間: 17-11-7 21:01

只要不打少罵少哦，多欣賞讚賞和鼓勵，對孩子要求低一點，自己付出多一點，包保孩子慢慢改變容易放棄的態度。

要改變的是父母，不是孩子。

作者: asweetmom 時間: 17-11-7 21:04 標題: 回覆樓主:

不要提出他做不到的目標

作者: 1998Ruby1998 時間: 17-11-7 21:23 標題: 回覆樓主:

要分清楚係邊種“放棄”，懶同埋害怕錯。
不過萬變不離其宗，唔好訂立佢做唔到嘅目標。例如小朋友考試 60 分，就唔好咁快定下個目標係 70 分，先訂目標為 65 分，攞到 70 分以上的話就有額外獎勵。

有 d 似打機咁，如果要玩好耐先可以由 Level 9 去 Level 10，你都唔會想玩落去。每次升關快、有獎勵先會有動力打落去。

作者: py84ko 時間: 17-11-8 00:25

asweetmom 發表於 17-11-7 21:04
不要提出他做不到的目標

同意

作者: MrBeast 時間: 17-11-8 08:19

退一步海闊天空，多做佢能力做到的活動，增加成功經驗，讚佢努力的過程，無需提個結果，最重要訓練自己講出：我相信你做得到

作者: little_yolky 時間: 17-11-8 08:23

eviepa 發表於 17-11-7 21:01
只要不打少罵少哦，多欣賞讚賞和鼓勵，對孩子要求低一點，自己付出多一點，包保孩子慢慢改變容易放棄的態度 ...

可唔可以具體D? 見到佢就嚟默書, 但都仲唔溫; 都已經8:00, 但做功課仲响度發呆; 就嚟要表演, 都仲唔背曲.....咁真係好難唔哦喎。

作者: little_yolky 時間: 17-11-8 08:30

1998Ruby1998 發表於 17-11-7 21:23
要分清楚係邊種“放棄”，懶同埋害怕錯。
不過萬變不離其宗，唔好訂立佢做唔到嘅目標。例如小朋友考試 60 ...

要分清楚係邊種“放棄”，懶同埋害怕錯。 <====== 兩樣都有, 又懶又怕錯！

如果阿妹60 ==> 65分有獎勵, 咁又衍生另一個問題, 家姐會心理唔平衡喎。但如果兩個都有獎勵, 咁我好快會破產。

作者: little_yolky 時間: 17-11-8 08:32

MrBeast 發表於 17-11-8 08:19
退一步海闊天空，多做佢能力做到的活動，增加成功經驗，讚佢努力的過程，無需提個結果，最重要訓練自己講出 ...

經過我努力既鞭策, 阿細成功經驗都唔少, 但點解仲係唔會自動自覺努力?

作者: MrBeast 時間: 17-11-8 08:35

little_yolky 發表於 17-11-8 08:32
經過我努力既鞭策, 阿細成功經驗都唔少, 但點解仲係唔會自動自覺努力? ...

似住自己小聰明唔使用功？

作者: 1998Ruby1998 時間: 17-11-8 08:36

回覆 little_yolky 的帖子

唔一定要物質性獎勵嘅....

家姐可以訂立個目標，以分數％進帳計算，如果阿妹 60－> 66 有獎，家姐 80 分就要攞 88 分啦。

作者: little_yolky 時間: 17-11-8 08:37

MrBeast 發表於 17-11-8 08:35
似住自己小聰明唔使用功？

唔上心, 唔專心, 唔小心！

作者: 1998Ruby1998 時間: 17-11-8 08:37

回覆 little_yolky 的帖子

應該係同 MrBeast 所講嘅「小聰明」有關，因為我都會咁。知道自己該科分數低極有限，就唔會溫書。

作者: little_yolky 時間: 17-11-8 08:39

1998Ruby1998 發表於 17-11-8 08:36
回覆 little_yolky 的帖子

唔一定要物質性獎勵嘅....

即係要家姐科科攞100分.................

作者: MrBeast 時間: 17-11-8 08:39

MrBeast 發表於 17-11-8 08:19
退一步海闊天空，多做佢能力做到的活動，增加成功經驗，讚佢努力的過程，無需提個結果，最重要訓練自己講出 ...

最後一招：以身作則，共同進退
同小朋友一起學一樣eca，最好係自己唔叻的，一起struggle進步

作者: 1998Ruby1998 時間: 17-11-8 08:44

回覆 little_yolky 的帖子

如果真係攞到，獎咩都得

記得你學校相比好多學校已經算輕鬆，按道理考試都係程度適合，題題識做，家姐又係讀得書嘅材料，100 分唔係冇機會。
之前個補習學生個媽媽話，如果科科考試都攞 100 分，就會買架滑板車畀佢，結果幾乎科科都 100（科中文衰左，漏左個句號）。

作者: little_yolky 時間: 17-11-8 08:45

1998Ruby1998 發表於 17-11-8 08:37
回覆 little_yolky 的帖子

應該係同 MrBeast 所講嘅「小聰明」有關，因為我都會咁。知道自己該科分數低極 ...

唔係, 阿細D分係低處未算低！！屎既中文, 可以6X, 好既數學, 都可以7X。不過, 佢視分數如糞土, 只會講一句：咪下次努力D囉。不過到下次, 又唔見佢努力。

佢D聰明, 從來無反映過响學業上。佢係勁唔專心果隻。做功課又成日話唔識, 但我坐佢隔離, 只係將條問題讀一次, 佢又馬上識, 尤其英文同數學(中文就真係唔識多)。學校功課堂, 一個鐘可以只做好一樣, 問佢點解, 佢講唔識做, 但功課明明有抄生字果D唔駛用腦既, 同識唔識根本無關。

作者: little_yolky 時間: 17-11-8 08:54

1998Ruby1998 發表於 17-11-8 08:44
回覆 little_yolky 的帖子

如果真係攞到，獎咩都得記得你學校相比好多學校已經算輕鬆，按道理考 ...

科科100分, 我都做唔到......佢咁耐以嚟只係試過英文同聖經攞100分。

不過佢學校D卷真係淺, 聽人哋個個JM講, 小五上學期測/考已經深咗好多, 等同學&家長知死, 努力準備呈分, 但佢哋都仲係一樣, 統測仍然無深過, 所以好多同學仍然peah。

作者: 1998Ruby1998 時間: 17-11-8 08:55

回覆 little_yolky 的帖子

我最怕呢類學生，做父母嘅更加激氣。呢 d 唔使用暴力，成效比較低

係 YMCA 遇過呢類唔想用腦，想 lur 答案嘅學生，體罰唔得，唯有話，我知你識做，一定做得啱，我唔會教你，如果功課派返黎見到錯，同我罰抄篇文，就算媽媽黎接放學，抄唔完都唔準走。冇小休冇茶點，你就望住其他同學玩遊戲、食茶點啦！

好彩佢死死地氣肯自己做，未去到極品無賴 Level。
視分數如浮雲糞土真係難搞 d，通常好重視分數果堆都係因為叻關唔衰得，成績普通的話，會冇咁睇重分數（我中學就係咁）。

作者: MrBeast 時間: 17-11-8 09:00

little_yolky 發表於 17-11-8 08:45
唔係, 阿細D分係低處未算低！！屎既中文, 可以6X, 好既數學, 都可以7X。不過, 佢視分數如糞土, 只會講一句 ...

人有時好得意，我有些問題lum極都解唔到，但同同事傾下就即刻自己lum到解決方法，只可說你的拉心肝要好多心血去教

作者: little_yolky 時間: 17-11-8 09:02

1998Ruby1998 發表於 17-11-8 08:55
回覆 little_yolky 的帖子

我最怕呢類學生，做父母嘅更加激氣。呢 d 唔使用暴力，成效比較低 ...

無錯！成日話唔識做, 然後當我變身超級撒雅人+哥斯拉, 佢就喊住咁突然識做。

作者: little_yolky 時間: 17-11-8 09:06

MrBeast 發表於 17-11-8 09:00
人有時好得意，我有些問題lum極都解唔到，但同同事傾下就即刻自己lum到解決方法，只可說你的拉心肝要好多心 ...

我好慶幸自己當年既決定, 跨區讀呢間學校, 起碼有間中學做backup, 我依家既目標係keep住佢一定要响B2個pool入面就得。所以點解數學咁緊要, 點知佢今次統測係衰數學, 真係估佢唔到。佢仲好得戚同我講, 阿sir話我全部只係錯唔小心, 只有一題係真係唔識錯。真係嘔血。

作者: MrBeast 時間: 17-11-8 09:13

本帖最後由 MrBeast 於 17-11-8 09:19 編輯

little_yolky 發表於 17-11-8 09:06
我好慶幸自己當年既決定, 跨區讀呢間學校, 起碼有間中學做backup, 我依家既目標係keep住佢一定要响B2個pool ...

你有阿sir咁講咪好law，我個慢細摩惶都好多唔小心錯，我都只能自我安慰希望大個d自然好d (仲要同時安慰埋佢）

作者: MrBeast 時間: 17-11-8 09:17

little_yolky 發表於 17-11-8 09:02
無錯！成日話唔識做, 然後當我變身超級撒雅人+哥斯拉, 佢就喊住咁突然識做。 ...

有d人係要有壓力先perform到，要找方法令佢開hill

作者: greentea000 時間: 17-11-8 09:45

little_yolky 發表於 17-11-8 08:30
要分清楚係邊種“放棄”，懶同埋害怕錯。 65分有獎勵, 咁又衍生另一個問題, 家姐會心理唔平衡喎。但如果兩 ...

另一種劃一標準，家姐改善讀書以外既事，阿妹改善成績。呢兩大患，改善到抵獎啦！

作者: meowloo 時間: 17-11-8 09:46

little_yolky 發表於 17-11-8 09:02
無錯！成日話唔識做, 然後當我變身超級撒雅人+哥斯拉, 佢就喊住咁突然識做。 ...

我小朋友都是這樣，也不明白為何要拖，每次都令我忍唔住責備佢時才會突然識做、而且很快便做得很妥當了，非常無奈

作者: little_yolky 時間: 17-11-8 09:46

MrBeast 發表於 17-11-8 09:13
你有阿sir咁講咪好law，我個慢細摩惶都好多唔小心錯，我都只能自我安慰希望大個d自然好d (仲要同時安慰埋 ...

大個咗, 的而且確係好咗D:
一年班：乜都唔做
二年班：主動做功課
三年班：叫做溫下書

作者: greentea000 時間: 17-11-8 09:50

little_yolky 發表於 17-11-8 09:02
無錯！成日話唔識做, 然後當我變身超級撒雅人+哥斯拉, 佢就喊住咁突然識做。 ...

會哭的孩子有糖吃

作者: IloveJJ 時間: 17-11-8 11:43

提示: 作者被禁止或刪除內容自動屏蔽

作者: IloveJJ 時間: 17-11-8 11:44

提示: 作者被禁止或刪除內容自動屏蔽

作者: little_yolky 時間: 17-11-8 11:56

IloveJJ 發表於 17-11-8 11:43
唔好用目標分數獎，用提升幾多分獎囉！例如:升多5分獎咁囉!

但問題又返番去爸爸果句, 分數低進步空間大。阿妹係發展中國家, 家姐係已發展國家, 無咁大進步空間......進步一兩次就沒有了, 而且只有兩科可以有5分進步空間............

作者: IloveJJ 時間: 17-11-8 11:59

提示: 作者被禁止或刪除內容自動屏蔽

作者: little_yolky 時間: 17-11-8 12:03

IloveJJ 發表於 17-11-8 11:59
到時先算啦！小朋友有咗想好成績既心或者好成績既經驗，之後無獎都會想架。
...

家姐平時無問要獎, 但係有一次妹妹默書高分, 我買咗張貼紙俾佢, 佢見到問：媽咪, 點解妹妹有禮物我無既?

作者: IloveJJ 時間: 17-11-8 12:12

提示: 作者被禁止或刪除內容自動屏蔽

作者: little_yolky 時間: 17-11-8 12:18

IloveJJ 發表於 17-11-8 12:12
係呀！所以一定要兩個都係好成績有獎，只係訂個目標可以諗下。我其實唔鐘意見到好成績獎咁隨意，我喜歡一 ...

阿妹默書要攞高分, 好辛苦, 好努力架。

作者: skkeung 時間: 17-11-8 12:31

Kx1918 發表於 17-11-7 20:56
你地有冇教育心得呀？

多成功感，多讚賞！

作者: IloveJJ 時間: 17-11-8 13:09

提示: 作者被禁止或刪除內容自動屏蔽

作者: HaYi 時間: 17-11-8 13:51 標題: 回覆樓主:

回應樓主，

小朋友放棄原因通常是改來改去仍得吾到讚賞
能力不夠:一係家長set 低自己target line，一係囀新目標，直至重新找回動力才番去改善原来problem

作者: 洋蔥頭媽咪 時間: 17-11-8 13:57

十隻手指有長短，冇可能樣樣都叻，容易放棄嘅小朋友，一般都係自信心不足，挫敗感較强，家長可以多發掘小朋友强項/興趣，增強自信心及成功感。

作者: little_yolky 時間: 17-11-8 15:31

洋蔥頭媽咪發表於 17-11-8 13:57
十隻手指有長短，冇可能樣樣都叻，容易放棄嘅小朋友，一般都係自信心不足，挫敗感較强，家長可以多發掘小朋 ...

可能阿妹自小同家姐一間學校, 又學埋相同ECA, 家姐做乜都叻, 佢無心機學好。

作者: brother4 時間: 17-11-8 15:33

洋蔥頭媽咪發表於 17-11-8 13:57
十隻手指有長短，冇可能樣樣都叻，容易放棄嘅小朋友，一般都係自信心不足，挫敗感較强，家長可以多發掘小朋 ...

講得對；但可能小孩不笨，還很聰明，回家做功課及温習很倦，日以繼夜便冇mood,冇動力，不如試下做完功課温習少少便可任玩，看吓结果又如何？

作者: little_yolky 時間: 17-11-8 16:00

brother4 發表於 17-11-8 15:33
講得對；但可能小孩不笨，還很聰明，回家做功課及温習很倦，日以繼夜便冇mood,冇動力，不如試下做完功課温 ...

做完功課溫習少少, 已經無時間玩了......................

作者: meowloo 時間: 17-11-8 17:20

IloveJJ 發表於 17-11-8 11:44
所以唔鬧唔得架!

係…實在好羨慕一些自稱從不打罵、用愛心去教出品學俱佳小朋友的家長，身邊總有兩三個係咁講

坦白說，無人會想勞氣

作者: IloveJJ 時間: 17-11-8 17:27

提示: 作者被禁止或刪除內容自動屏蔽

作者: skkeung 時間: 17-11-8 18:16

IloveJJ 發表於 17-11-8 17:27
咁事實都有呢啲人，但唔係自己嗰個啫。其實係有跡可尋既，睇佢性格似屋企邊個，已估到大概係點。
...

有因才有果！

作者: 洋蔥頭媽咪 時間: 17-11-8 18:50

brother4 發表於 17-11-8 15:33
講得對；但可能小孩不笨，還很聰明，回家做功課及温習很倦，日以繼夜便冇mood,冇動力，不如試下做完功課温 ...

我自己很少在學業上與孩子角力，但呢啲必須要從小便開始訓練小朋友，從kg起我已讓小朋友有較大自由度，功課自己做，唔明鼓勵佢主動去問，年幼時我可以接受小朋友唔做功課，但大前提是要佢自行向老師負責，要佢哋明白自己的事要自行承擔後果，當然我會响背後 Mon 住，有須要時我會與老師協商。同意現今世代孩子十分聰明，所以家長更要多花心思，發掘孩子興趣及強項，引導小朋友思考，當佢地明白自己有不足時，就會有動力想做好啲。平日時間緊迫，孩子上完整日學再做功課已很疲倦，所以我不會要求小朋友再温習(除了要默書)，就算默書亦會教佢分段去温。所以每天只要做好功課，餘下時間孩子可以玩耍/看書，小朋友培養出良好學習態度，得到家長認同與支持，自然就會有動力去做好佢。

作者: 洋蔥頭媽咪 時間: 17-11-8 19:02

本帖最後由洋蔥頭媽咪於 17-11-8 19:13 編輯

little_yolky 發表於 17-11-8 15:31
可能阿妹自小同家姐一間學校, 又學埋相同ECA, 家姐做乜都叻, 佢無心機學好。 ...

好多時家長或會用了兩姐妹作比較而不自知，小朋友看在眼裡，就會覺得點做都唔夠家姐叻，自然缺乏自信。所以家長要小心，就算學習興趣班也不要學同一樣野，避免姊妹作比較。我大仔語文較差唯獨數學超強，我就刻意讚賞及放大佢數學能力，培養佢自信，细仔語文較好數學亦不弱但就十分大意，我就令佢哋明白每個人有自己強/弱項，從而提升佢哋自信及接受自己弱點。

作者: IloveJJ 時間: 17-11-8 20:53

提示: 作者被禁止或刪除內容自動屏蔽

作者: 洋蔥頭媽咪 時間: 17-11-8 22:00

IloveJJ 發表於 17-11-8 20:53
咁你有咩方法改善細仔既大意呢？

佢细時我經常同佢講，自己粗心就要諗方法去幫自己，小一時佢執完書包漏帶野，我檢查完會笑笑口提佢"好似仲有啲咩未執呢?"，等佢自己揾唔會幫佢執，同佢去街食野/搭車，教佢起身前會睇下自己個位有冇漏低野先好走，若佢帶環保袋回校，會比個扣佢教佢一放低個袋就扣住個書包，因為放學學生通常唔會漏低書包，當然考試/默書亦有教佢覆卷...... ，慢慢等佢形成習慣，so far 到中學佢都未試過唔見嘢，帶漏野都好少發生。

作者: little_yolky 時間: 17-11-9 08:20

洋蔥頭媽咪發表於 17-11-8 19:02
好多時家長或會用了兩姐妹作比較而不自知，小朋友看在眼裡，就會覺得點做都唔夠家姐叻，自然缺乏自信。所 ...

道理係明既, 不過唔衰都衰咗, 等我諗下點拆招先...............

作者: IloveJJ 時間: 17-11-9 08:52

提示: 作者被禁止或刪除內容自動屏蔽

作者: 洋蔥頭媽咪 時間: 17-11-9 09:18

IloveJJ 發表於 17-11-9 08:52
謝謝，可能我都是一個大頭蝦的媽媽，所以我好多時都提唔到佢哋咁多，我要思考下!
...

應該話唔係家長樣樣事去提佢，而係從日常生活小節教佢方法警惕自己，避免不必要嘅錯漏。
妳都講得啱可能我天生性格比較细心，容易察覺到佢哋嘅問題再引導佢諗解決方法。

作者: YanKanMom 時間: 17-11-9 12:42

IloveJJ 發表於 17-11-8 20:53
咁你有咩方法改善細仔既大意呢？

計數除了要減少大意，也要兼顧速度的。我囝初中小階段數學測考有時會唔夠時間做，就是他要很肯定準確才去下一題。後來叫他情願做快一點，犧牲一點準確。

作者: skkeung 時間: 17-11-9 13:04

meowloo 發表於 17-11-8 17:20
係…實在好羨慕一些自稱從不打罵、用愛心去教出品學俱佳小朋友的家長，身邊總有兩三個係咁講

坦白說，無人 ...

三人行，必有唔師也！

作者: IloveJJ 時間: 17-11-9 13:38

提示: 作者被禁止或刪除內容自動屏蔽

作者: retriever 時間: 17-11-17 08:24

Kx1918 發表於 17-11-7 20:56
你地有冇教育心得呀？

係咪仔？仔要鬧下架。係叫醒佢。

當然醒左要跟佢講大道理。大意係人地問你問題係俾你機會，你放棄亦係放棄了一個機會，甚至以後都沒有的機會。

作者: 哈利媽 時間: 17-11-17 09:09

回覆洋蔥頭媽咪的帖子

我個小朋友正正係呢類人, 想問大家有咩方法可以發掘佢嘅興趣同長處呢, 由細都大(10歲)都比佢試過唔少活動, 但又真係每樣都唔特別精或有潛質, 所以佢自己都成日講"媽咪, 我真係樣樣都唔叻!!", 佢其他同學總有一樣比較好, 而佢又真係比較平庸, 我都有解釋叻嘅人只佔好少, 其他人都係普普通通, 但佢真係好冇信心

歡迎光臨教育王國 (/)