教育王國

標題: 英國留學 [打印本頁]

作者: unchu 時間: 17-11-7 11:47 標題: 英國留學

一心諗住比亞女去英國讀書, 已有學校收, 亞女都好想去讀書. 可惜家人極力反對, 認為15歲去英國讀GRADE 10太早同太細, 心智咪成熟. 壞處多過好處. 我其實完全唔認同佢地既講法. 雖然亞女平時內向, 但我深信佢會好快溶入學校生活. 下星期五已經係最後通知學校. 以家唔知點好. 堅持自己決定還是按家人意見???? 哎.........

作者: heilok 時間: 17-11-7 11:57 標題: 回覆樓主

家人係咩家人? 堅持己見有咩影響?

作者: ricenoodle 時間: 17-11-7 12:02

heilok 發表於 17-11-7 11:57
家人係咩家人? 堅持己見有咩影響?

你女兒現在讀 Form 2? 是否女兒的祖父母反對？

作者: unchu 時間: 17-11-7 12:03

家人係咩家人 - 我家姐同妹
堅持己見有咩影響 - 有機會因為咁而面阻阻. 萬一亞女去到英國學習無進步學壞或有咩問題就怪我當時唔聽人講

作者: samsam123321 時間: 17-11-7 12:08

本帖最後由 samsam123321 於 18-6-27 00:45 編輯

del.......

作者: unchu 時間: 17-11-7 12:08

回覆 ricenoodle 的帖子

亞女今年讀中三啦, 出年去讀YEAR 10 (中4). 係我家姐, 我爸同妹反對

作者: heilok 時間: 17-11-7 12:27 標題: 回覆樓主

如果對家人各方面無影響eg 俾少家用，而決定亦得到丈夫支持及深思熟慮，我諗唔到點解要改變這個決定。

作者: Leung2010 時間: 17-11-7 12:49

要比亞女知道去英國讀書, 家人 (爸同妹反對)極力反對,的原因, 等亞女作出承諾

作者: 亮燈 時間: 17-11-7 12:51

unchu 發表於 17-11-7 12:03
家人係咩家人 - 我家姐同妹
堅持己見有咩影響 - 有機會因為咁而面阻阻. 萬一亞女去到英國學習無進步學壞或 ...

本帖最後由亮燈於 17-11-7 12:52 編輯

本帖最後由亮燈於 17-11-7 12:52 編輯

如果阿女好想、好願意、好期望去，而你兩公婆亦冇問題的話，我只有一個字既意見：去。

但要同阿女講清楚，要俾心機，好好珍惜呢個機會，盡力而為就得。將來點？算把啦！盡左力，問心無愧就可以喇！

呢啲說話亦係我同兩仔講既一樣，我只要求佢地盡力就得。

作者: db7mu23 時間: 17-11-7 13:25 標題: 回覆樓主:

揾1間細校
有得全寄宿
鄉郊地區
多英國本土人讀

慢慢適應，你會發覺嗰女，次次回來，都有好改變。

我仔14歲10個月大過英國中四，1年半後，他有感而發說，在英國上學，不單祗英語進步了，係成個人都感覺進步了。

作者: unchu 時間: 17-11-7 13:26

我都明白佢地反對原因亞女心智唔成熟, 怕無人照顧, 但唔可以成為理由. 去到一個人就會本能去識, 同時有同學一起做, 更加容易. 我同我老公已經離婚好多年, 所以作出決定之前我都有同亞女講過留學問題, 起初亞女好唔想去留學, 後來亞女覺得係香港讀書太辛苦, 功課多EXAM多, 遇唔到好老師, 好心淡. 所以決定去留學. 我比咗D學校佢, 佢有一間自己好鍾意既學校, 原因間學校強理科. 仲收埋亞女. 家人其實一早諗住讀完中五, 中六先過去讀, 學費都會係家人比. 我自己諗與其中六去點解唔中4去呢, 早D去謫認生活, 有可以連接到學校課程. 以呢2年GRADE 10 & 11我會自己比學費. 不過聽完你地講既意見更加肯定自己無決定錯, 就係堅持自己決定: 去

作者: andyng2014 時間: 17-11-7 13:33

當年我女兒也是讀完中二去英國的，她在學香港讀的一間很tpo的中學，成績也很好，但我們決定送她去英國，讓她獨立自信(當然不一定會的)，今天我女兒轉眼四年，完全脫胎換骨，完全投入英國生活。
主要是你和先生及女兒想不想去英國讀書，其他人的意見真的不要理，畢竟是自己的女兒，她的前途是你們來支持及決定的。

作者: unchu 時間: 17-11-7 13:40

回覆 db7mu23 的帖子

我都係咁諗, 我個女英文唔係特別好, 都係一般. 留學就係想佢更加好. 收佢間學校係英國NORTH面, YORKSHIRE, 近 LEEDS/BRADFORD機場

作者: 亮燈 時間: 17-11-7 13:49

unchu 發表於 17-11-7 13:26
我都明白佢地反對原因亞女心智唔成熟, 怕無人照顧, 但唔可以成為理由. 去到一個人就會本能去識, 同時有同學 ...

完全明白，阿大當年15歲去讀中四，依家讀緊中七，佢之前同我讀，如果再早啲去英國仲好，因為老師好好，香港既冇得比。而阿細就舊年13歲去讀中二。

作者: db7mu23 時間: 17-11-7 14:02

unchu 發表於 17-11-7 13:40
回覆 db7mu23 的帖子

我都係咁諗, 我個女英文唔係特別好, 都係一般. 留學就係想佢更加好. 收佢間學校係英 ...

阿仔早兩年英國南部上學，佢話想去不同地方見識下，所以今年在北部上學，都係Yorkshire.

作者: heilok 時間: 17-11-7 14:55

unchu 發表於 17-11-7 13:26
我都明白佢地反對原因亞女心智唔成熟, 怕無人照顧, 但唔可以成為理由. 去到一個人就會本能去識, 同時有同學 ...

本帖最後由 heilok 於 17-11-7 14:57 編輯

如果費用係家人俾，老實講，當除非你諗住全程都係自己俾，否則approach 學校前應該同佢地商量好先。呢個情況，你無辦法堅持己見。

作者: 1998Ruby1998 時間: 17-11-7 15:31

女女既然想去，就應該盡力說服家人，等你唔好咁難做，同埋費用佢地將來都有份畀，都要佢地畀得心服口服。

我 18 歲先去，父母都擔心我心智未成熟，自理能力又唔算高，頭一個禮拜日日 Skype 我問我食咩訓得好唔好，有冇思鄉。點知我自己煮飯豐富過屋企，日日訓 10 個鐘有多，完全唔掛住屋企。一個人要離開家先至獨立到。係香港，下下都有人照顧，咩都咁方便，唔洗煮飯，唔洗洗衫，自自然然就會覺得仔女咩都唔掂。人生存能力好強。

女女可以一個一個咁說服，先說服你家姐同妹，話留係香港見唔到希望，老師對我唔上心，讀到心淡。自己心儀英國學校，而好多用家都話間學校老師好扶持學生。與其留係一間令我心灰意冷嘅學校，倒不如我去一間願意培育我強項開學校。我想讀書，都想早日學會獨立自理，寄宿中學有校監嚴格管理，只要我凡事小心謹慎，一定唔會有問題。依家去的話，會銜接得更好，更有信心攞到好成績。然後到你爸爸，講同一番說話，希望你爸爸成全。

不過英國寄宿學校經常放假，好快又返香港見面

作者: unchu 時間: 17-11-7 16:24

多謝咁多位比既意見🙇‍♀️🙇‍♀️

作者: 亮燈 時間: 17-11-7 16:39

unchu 發表於 17-11-7 16:24
多謝咁多位比既意見🙇‍♀️🙇‍♀️

祝你成功

作者: Chole 時間: 17-11-7 17:17

unchu 發表於 17-11-7 13:26
我都明白佢地反對原因亞女心智唔成熟, 怕無人照顧, 但唔可以成為理由. 去到一個人就會本能去識, 同時有同學 ...

本帖最後由 Chole 於 17-11-7 17:18 編輯

Deleted

作者: ricenoodle 時間: 17-11-7 18:17

heilok 發表於 17-11-7 14:55
本帖最後由 heilok 於 17-11-7 14:57 編輯

如果費用係家人俾，老實講，當除非你諗住全程都係自己俾，否 ...

樓主話早左去果兩年 (Year 10&11) 自己比番。之後sixth Form 家人也ok

作者: 4eyesDad 時間: 17-11-7 21:14

unchu 發表於 17-11-7 11:47
一心諗住比亞女去英國讀書, 已有學校收, 亞女都好想去讀書. 可惜家人極力反對, 認為15歲去英國讀GRADE 10太 ...

英國的老師，很多是很好的。你要對你的決定有信心。以我經驗，十個去過英國讀書的香港人，最少有九個覺得英國的教育係正。希望幫到你。

作者: DKmum 時間: 17-11-8 12:54

unchu 發表於 17-11-7 11:47
一心諗住比亞女去英國讀書, 已有學校收, 亞女都好想去讀書. 可惜家人極力反對, 認為15歲去英國讀GRADE 10太 ...

我女都係15歲過英國讀書，已讀了兩年！她成績進步了，變得很獨立，她讀得很開心！我女知道去外國讀書用屋企很多錢，她比以前更努力呢！昨天他還send短訊俾我，話我知天氣轉凍，所以自己去了school shop買了冬天運動衫, （之前佢諗住慳錢唔使買）佢覺得很貴及用了媽咪很多錢，覺得不好意思！她比以前懂事及生性很多呢！我們一家人覺得去外國讀書的決定很正確！希望你能以多些正面的例子說服你家人的想法！

作者: unchu 時間: 17-11-8 13:56

回覆 DKmum 的帖子

係呢到我都見到好多正面例子. 多謝你既意見. 佢地成日都覺得15歲好細, 咩都唔識一個人去讀書. 佢地都唔會諗人會係唔同環境既時候會成長, 自己識照顧自己. 成日都話自己去外國讀書(當時20幾歲去)既時候好慘好大壓力, 要面對好多問題. 其實以家去仲更加好, 有學校同同學一起. 無咁lonely.

作者: Candice1128 時間: 17-11-8 14:31

unchu 發表於 17-11-8 13:56
回覆 DKmum 的帖子

係呢到我都見到好多正面例子. 多謝你既意見. 佢地成日都覺得15歲好細, 咩都唔識一個人 ...

本帖最後由 Candice1128 於 17-11-8 14:33 編輯

我仔都係15歲幾去英國讀Y10. 當然獨立、開心左，老師同學都好好。係EK家長嘅經驗大多好正面，但係而家出國留學普遍左，乜嘢情況都有，我做心理輔導工作，見過好多出國故事，不盡正面。如果經濟上有其他家庭成員參與，且現階段不贊成送出國，就最好先處理好先。否則大家意見不合，也影響孩子。Y10，定Y12, 或大學先送出去，最重要係家庭及孩子都準備最充足才是。所以。。right time係各個家庭不一的。

作者: db7mu23 時間: 17-11-8 14:58 標題: 回覆樓主:

阿仔今年9月上新校
他說跟足學校規矩
唔好攪咁多嘢
日子易過D !

作者: ricenoodle 時間: 17-11-8 16:10

db7mu23 發表於 17-11-8 14:58
阿仔今年9月上新校
他說跟足學校規矩
唔好攪咁多嘢

你是否指不參加咁多課後活動？

作者: db7mu23 時間: 17-11-8 16:48

ricenoodle 發表於 17-11-8 16:10
你是否指不參加咁多課後活動？

不要犯校規。
課外活動多玩無妨 !

歡迎光臨教育王國 (/)