教育王國

標題: 被學校懷疑過度活躍/專注力不足 [打印本頁]

作者: Miffy_Joey 時間: 17-11-5 00:28 標題: 被學校懷疑過度活躍/專注力不足

想問下呀仔學校輔導組老師打電話比我2次, 話今年小一的呀仔上堂成日旭身旭世, 已經多次提示, 但沒有改善, 已被安排坐在老師的正前面! 輔導組老師話我仔的雙班主任有多年教小一的經驗, 現在懷疑呀仔專注力有問題, 令佢上堂不停旭! 但另一方面學業成績唔錯, 兩個月內的功課和考試都全部達80分以上, 所以我們一直都冇懷疑仔上堂係冇專注而聽唔到書! 因佢回家後可自行處理當日的功課, 我們亦發現佢係明白當日學習的內容!

其實我自己都覺仔是一直比同齡的小朋友活躍, 鍾意旭身旭世, 坐唔定! 幼稚園老師在佢k2時有提過呀仔是好多小動作, 坐唔定, 仲影埋相比我睇呀仔的情況! 但3年幼稚園的老師同時亦表示呀是聰明, 領悟能力強, 記憶力好好, 情感語言能力強! 所以我們覺得仔冇特別需要, 覺得佢只是比較活潑好動的小朋友!

我想在此請教下各位, 我現在應如何入手? 因小學輔導組主任希望我們跟進一下呀仔的情況, 主任話仔已開始到影響到其他小朋友學習的情況, 主任話1擔心如再遲d跟進會影響呀仔的情緒發展! 同時主任亦話唔排除仔可能係資優! 想問下各位, 如小朋友是過度活躍症/專注力不足的小朋友上學是否會真跟唔到學校學習進到呢? 我們可向咩機構求助? 去確定仔是有專注力不足/過度活躍呢?
謝謝解答

作者: roybird 時間: 17-11-10 03:00 標題: 回覆樓主：

本帖最後由 roybird 於 17-11-10 03:02 編輯

有ADHD唔一定跟唔到學校進度，除非學校唔比足夠支援。以你咁講，小朋友暫時學習上冇問題，仲有可能double exceptional只係比較好動。但以學校既角度，如果佢影響到周圍既同學，但有需要處理。長遠嚟講，如果小朋友既學校十分傳統好谷既，對仔仔之後既學習可能有影響，因為太一成不變，太靜態，仔仔未必太投入到，如果學習得唔到滿足感，甚至覺得被壓抑，佢既需要得唔到釋放，就有可能出現情緒問題，更難解決。

作者: roybird 時間: 17-11-10 03:13 標題: 回覆樓主

首先樓主要明白，每個小朋友性格同學習方法都唔同，有小朋友淨聽書可以學得好，有啲小朋友必須動手做，就算大人都有啲會覺得來回踱步對記憶有幫助。就算真係有特殊需要，例如adhd，都唔一定代表會學得差，或者會麻煩。只需要你同仔仔一齊搵出最適合自己既方法。

至於ADHD,你可以多啲喺屋企留意呢幾點，仔仔平時喐身喐世係有冇pattern? 有冇做野或者工作範圍凌亂冇條理？你同佢講野時，佢會唔會冇心聽你講，甚至會打斷你？有冇容易被四周事物分心？你可以將你既觀察同老師討論。

最後，如果仔仔真係有需要喐動，可以買個fidget spinner 比佢，等佢喐動既需要被釋放，自己冇咁騷擾其他同學，係真係有用，學校既professor 係SEN專家都係咁教我地做。不過要事前同學校溝通，亦要話俾仔仔知呢個唔係普通玩具，以免被同學攞咗嚟玩

作者: Miffy_Joey 時間: 17-11-10 23:58

roybird 發表於 17-11-10 03:13
首先樓主要明白，每個小朋友性格同學習方法都唔同，有小朋友淨聽書可以學得好，有啲小朋友必須動手做，就算 ...

多謝你的分享!

呀仔郁動似要有節奏, 做功課時枱面是比較亂, 多言, 好喜歡問問題, 問我U型管度點去水? 點解扭旦機的齒輪, 同車的motor 咁似但扭旦機唔會自動旭? 喜歡打斷別人的話, 冇耐性, 好急, 一諗到就要問/做... 一咪衝衝衝(emoji)

作者: roybird 時間: 17-11-11 00:12

Miffy_Joey 發表於 17-11-10 23:58
多謝你的分享!

呀仔郁動似要有節奏, 做功課時枱面是比較亂, 多言, 好喜歡問問題, 問我U型管度點去水? 點 ...

本帖最後由 roybird 於 17-11-11 00:13 編輯

睇嚟做吓評估都係一個選擇，雖然知既唔多，但你講既都有ADHD/資優既traits, 唔影響學習當然冇問題，但喺制度下就要去解決，發現咗真係有需要的話，學校先有原因幫手，如果唔係只能被迫將你仔仔shape到佢地覺得係”好學生”既模樣。
之前講既fidget spinner, 用to-do list同唔同folder 分類文件，如果佢太衝動可以教佢調節呼吸，同比仔仔多啲自主既探索，相信對佢都會有幫助，都可以多啲同佢從其他人既角度諗，訓練同理心

作者: taviatsui 時間: 17-11-16 21:28 標題: 回覆樓主:

會唔會係資優呀？資優都有機會上堂唔專心，因為課堂教嘅嘢佢覺得已經識

作者: Miffy_Joey 時間: 17-11-17 08:18

taviatsui 發表於 17-11-16 21:28
會唔會係資優呀？資優都有機會上堂唔專心，因為課堂教嘅嘢佢覺得已經識
...

有朋友講過, 但我唔知資優係點... 仔算聰明, 記性好好, 大多講一次就明白, 喜歡睇書, 喜歡問天馬行空的問題, 人性急, ... 其實資優仲有咩特徵?

作者: taviatsui 時間: 17-11-23 17:13

Miffy_Joey 發表於 17-11-17 08:18
有朋友講過, 但我唔知資優係點... 仔算聰明, 記性好好, 大多講一次就明白, 喜歡睇書, 喜歡問天馬行空的問 ...

go to do an assessment then will know

歡迎光臨教育王國 (/)