教育王國

標題: 26個月仔仔唔太講野係咪需要去評估呢 [打印本頁]

作者: wai0824 時間: 17-11-1 13:48 標題: 26個月仔仔唔太講野係咪需要去評估呢

我細仔26個月大，由歲半開始都會講單字但好少，指令聽得明，脾氣比較大，2歲再返健康院都係唔得講野就轉介政府排期，期已排，但最少要排1年，而家我仔都仲係講得好少野，佢有時會講到3個字，邊到有?姐走左，但佢之前識講果啲單字都唔願再講，基本上仲係講bb話多，佢想要嘅野我要求佢講我先比但對峙左10分鐘都唔肯講會用第二個字代替，我唔知佢係咪發唔到果個音定點?識講嘅單字有爸，媽，謝，該(唔該)車，樹，奶，姐，褲，鞋，屎，冇，bye,red, blue, yellow, pink, green,goodnight, 咁算唔算講得少?加上佢脾氣比較大，怕生保地方，係只係室內，公園果啲佢又唔會咁架?一到啲陌生嘅室內環境佢唔肯入去，唔肯落地，同佢會行慣左1條路，唔行佢會唔肯行?佢會企定係到喊住指住要行嘅路，佢呢啲咁嘅行為會唔會係有啲咩徵狀呢?我係咪需要帶佢去做評估呢，但協康全面性評估要$5xxx我真係負擔唔到，如只做言語或兒童綜合能力測驗會唔會有幫助呢?如以我仔嘅情況我應做邊個評估好啲呀?

作者: MiraLeung 時間: 17-11-1 22:30

wai0824 發表於 17-11-1 13:48
我細仔26個月大，由歲半開始都會講單字但好少，指令聽得明，脾氣比較大，2歲再返健康院都係唔得講野就轉介 ...

似係自閉，要做咗評估先，再跟評估結果去做訓練。唔想等政府期就唯有去私人機構做，但都要幾千。

作者: wai0824 時間: 17-11-1 22:56

MiraLeung 發表於 17-11-1 22:30
似係自閉，要做咗評估先，再跟評估結果去做訓練。唔想等政府期就唯有去私人機構做，但都要幾千。
...

咁我仔應做邊一方便評估先岩?因全面性真係太貴，已排政府但要1年後怕太遲

作者: mokvvvvv 時間: 17-11-2 14:33

回覆 wai0824 的帖子

盡快評估，可以快D幫到小朋友。協康會申請青蔥計劃，如收入符合條件可以減75%。

作者: cookieman 時間: 17-11-3 12:46 標題: 回覆樓主:

做5千幾個隻，因為可以轉介去社署，要有心理學家/精神科醫生評估嗰d,打去協康問咗先，因為都要排ga

作者: Gary_family 時間: 17-11-5 15:36

提示: 作者被禁止或刪除內容自動屏蔽

作者: lobb2015 時間: 17-11-8 19:09 標題: 回覆樓主:

打去 CAC 問吓，話冇錢做私人評估，問可唔可以俾個快期呀。同埋，問吓社工電話，睇吓社工識唔識咩方法幫你。

作者: roybird 時間: 17-11-10 02:53

Gary_family 發表於 17-11-5 15:36
我兒子也是2.5 歲才懂說話，無乜問題喎！26 個月啫，男孩子係慢啲！等一等啦！
...

呢個就好似一場賭博，有人既小朋友遲，係後尾可以追返，但萬一真係有語言或發展障礙，遲一年半載可以影響好大，咁細既小朋友發展得好快，越早發現，越早治療，對將來影響越細。好多人就係因為咁諗，一路拖，好容易錯過咗治療既黃金時間，我認為點都博唔過，如果好彩check到冇事，咪當求個安心

作者: kk1979 時間: 17-11-10 10:47

建議樓主盡量買D情景圖卡, 日日對住小朋友講, 就算評估了語言有問題, 去到睇言語治療師都係會派D圖卡比你返去TRAIN佢.
你可以去書局搵, 因為我妹兩個仔都係遲講野. 佢地都係咁樣訓練小朋友, 到3歲應該可以跟得返.

作者: taviatsui 時間: 17-11-16 21:30

roybird 發表於 17-11-10 02:53
呢個就好似一場賭博，有人既小朋友遲，係後尾可以追返，但萬一真係有語言或發展障礙，遲一年半載可以影響 ...

agree

作者: denisewmwong 時間: 17-11-28 22:17

提示: 作者被禁止或刪除內容自動屏蔽

作者: Baby豬1209 時間: 17-11-29 05:59 標題: 回覆樓主

建議做5千幾嗰個，因為可以轉介排政府治療，早少少有訓練

歡迎光臨教育王國 (/)