教育王國

標題: 小朋友咩性格反應是適合讀國際學校咩合傳統學校？分享下 [打印本頁]

作者: kitkitchu08 時間: 17-11-1 10:48 標題: 小朋友咩性格反應是適合讀國際學校咩合傳統學校？分享下

同小朋友報n班，想觀察下佢個性再揀讀書方向，想聴下大家有冇經驗分享。

作者: MicBRO 時間: 17-11-1 11:04

提示: 作者被禁止或刪除內容自動屏蔽

作者: liliankaykay 時間: 17-11-3 21:53

kitkitchu08 發表於 17-11-1 10:48
同小朋友報n班，想觀察下佢個性再揀讀書方向，想聴下大家有冇經驗分享。

我覺得小朋友聽教聽話讀傳統就會容易適應些，比較有主見的就適合讀國際學校。

我大女係後者，都讀過國際和傳統學校，國際學校較適合她。

作者: kitkitchu08 時間: 17-11-4 09:25

但咁細，報n班及k1前有咩觀察到佢有主見？定要大d先決定到報邊樣？

作者: 貝珠 時間: 17-11-4 11:13

大部分的孩子可塑性高，local vs international 係視乎家長對教育的期望。

作者: Nbs 時間: 17-11-4 13:12 標題: 回覆樓主

我都同你有同一個問題。
結果喺自由版比人話我應該諗好讀local 定國際先好生囉。。。。

作者: 莫失莫忘 時間: 17-11-4 16:04

我諗住睇我小朋友K1,K2可唔可以坐定定做功課同性格再決定

作者: b3410 時間: 17-11-7 12:14

經驗之談

咁細個，好難睇出性格如何。
大女依家已經升中，不過一班幼稚園好友都繼續有聯繫，整班朋友又加入咗唔少細佬妹，都可以話一路睇到大。

回想到幼稚園，小朋友的性格改變頗大。幼時好叻講嘢，四圍走嗰啲，可能依家文文靜靜。之前唔出聲嗰啲，反而依家活潑外向。當然也有由細到大性格改變唔大的小朋友。

我估再過幾年，小朋友繼續會改變。

所以，我覺得揀幼稚園階段，依據小朋友性格未必準確，因為大部分2-3歲小朋友，都係活潑好動，坐唔定。

反而睇父母性格，family culture, 將來準備留學還是打算local，經濟情況，地點，周圍朋輩選擇等等來選校實際啲。

作者: 1162694sd 時間: 18-1-27 23:32

b3410 發表於 17-11-7 12:14
經驗之談
咁細個，好難睇出性格如何。
大女依家已經升中，不過一班幼稚園好友都繼續有聯繫，整班朋 ...

絕對認同，我唸住見步行步，而家讀龍幼，升小吾受谷就跳船讀is

作者: queenie718 時間: 18-1-31 01:59

莫失莫忘發表於 17-11-4 16:04
我諗住睇我小朋友K1,K2可唔可以坐定定做功課同性格再決定

如果未必可以坐定定做功課咁應該選擇傳統定國際好？

作者: ensy 時間: 18-2-2 07:40 標題: 回覆樓主

唔同傳統學校，國際學校之間差異好大，選校更多考慮因素，例如：課程丶中文程度丶學費校風等，你了解一下先決定。如果家長都接受唔到，就唔駛諗...

至於小朋友性格，我覺得絕大部分小朋友唔會唔適合國際，重點係搵間啱嘅。

作者: corkwok 時間: 18-2-12 16:28

school culture will shape your child. Its more important what kind of school life you want your child to have

作者: HaYi 時間: 18-2-12 19:26

我都覺得家長"自己心目中的理想學校"實際上會引領小朋友去讀不同的學校.

有家長比較喜歡傳統教學, 早早已安排小朋友補學術讀龍校, 有的就本身是傳統大, 但極唔想去番傳統, 所以會安排小朋友向直私國際行. 而小朋友仍細, 較大機會被引導.

作者: mel_yao 時間: 18-2-15 10:10

回覆 queenie718 的帖子

唔係一定LOCAL OR IS 兩樣既, 有尐活動教學幼稚園都得格

作者: 964000 時間: 18-2-16 23:58

kitkitchu08 發表於 17-11-1 10:48
同小朋友報n班，想觀察下佢個性再揀讀書方向，想聴下大家有冇經驗分享。

家長期望比小朋友類型更重要，大大下,看見我小朋友其實local和IS也可以，但我自己不喜歡DSE的課程和local的mindset, 所以只考慮IS。

作者: luvlygubi 時間: 18-2-19 23:15

想問讀國際學校家長係咪語言必須要好好先收？
我自問讀書唔成讀到中五但眼見香港教育堅嚇親
都plan囝囝大個去uk讀但同現階段幼稚園好唔好就轉入國際一條龍校好？心儀ICS 幼稚園入易過小學入但我啲英文唔好冇乜自信心
只係老公留過外國讀書語言會好啲
大家有咩建議？

作者: 964000 時間: 18-2-20 06:36

luvlygubi 發表於 18-2-19 23:15
想問讀國際學校家長係咪語言必須要好好先收？
我自問讀書唔成讀到中五但眼見香港教育堅嚇親
都plan囝囝 ...

視乎你想入甚麼IS, 最受歡迎well established 又多人掙的會要求小朋友流利英語，你要從nursery開始入定全英的學校（不要又中又英文), 再考K1。也有其他IS 對英語要求冇咁高，會易入D，但要早報名。現在還有很多新校學費又貴收生都唔知夠唔夠，真係睇你目標是甚麼。

作者: lambeanmama 時間: 18-2-20 18:23

b3410 發表於 17-11-7 12:14
經驗之談
咁細個，好難睇出性格如何。
大女依家已經升中，不過一班幼稚園好友都繼續有聯繫，整班朋 ...

非常同意。小朋友在幼稚園階段可塑性甚高；我從來不相信世界是「零和遊戲」或「非黑即白」。無話活潑小朋友一定要讀國際學校；也不認為讀本地傳統學校一定死谷死讀。說到底，也應好好想想家長自己對子女教育的期望，培養目標。自己也在努力學習中，努力了解不同學校的特點和優劣。

歡迎光臨教育王國 (/)