教育王國

標題: 未來冇人知　陳繁昌籲揀神科不如按己所長 [打印本頁]

作者: elbar 時間: 17-10-25 16:18 標題: 未來冇人知　陳繁昌籲揀神科不如按己所長

陳繁昌話讀大學嘅最終目的，其實係認識自己。

好多人都以為，能夠入讀大學某啲「神科」例如醫科，就係將來飯碗嘅保證，但科大校長陳繁昌尋日喺一個講座分享學習經歷時自爆，當年獲港大醫科取錄，但佢竟然唔讀，反而去美國讀物理。佢仲話未來世界渴求邊一方面嘅人才，冇人可以預知，反正大家都冇水晶球，倒不如按自己所長嚟選擇學科。

自爆曾被港大醫科取錄

陳繁昌憶述自己中學時代，數學成績一枝獨秀，並且獲得美國一所以物理研究見長嘅大學取錄，跟住佢自爆當年亦都曾投考港大醫科並獲得取錄，但好彩父母並冇要求佢一定要讀「神科」，於是佢就選擇咗去美國讀物理，否則佢嘅發展道路就會同今日好唔同喇！

講到選科，佢話讀大學嘅最終目的，其實係認識自己，而佢因自知有不足之處，所以由最初修讀物理轉到工程學，之後又轉而攻讀電腦，而電腦出身嘅佢後來得到加州大學邀請擔任數學系系主任，對方嘅理由係睇中佢有嘅學問，而唔在乎佢有冇數學文憑，所以一個人嘅事業同選讀邊一門學科並冇必然關係。

佢又話今日炙手可熱嘅人工智能同大數據嘅專才，好多都係來自數學同物理學，而今日世上十大創新企業，其掌舵人無一來自「神科」，所以與其為出路而選擇「神科」，不如嘗試文理兼備嘅跨學科教育，可能更符合未來世界嘅需要。

作者: shadeslayer 時間: 17-10-25 20:21

elbar 發表於 17-10-25 16:18
陳繁昌話讀大學嘅最終目的，其實係認識自己。

好耐無看過如此有共嗚的文章。

作者: Cheeselover 時間: 17-10-26 07:20 標題: 回覆樓主

我也認同，選擇有興趣科目，快快樂樂享受大學時光，至於日後怎樣，認命吧。

作者: judy 時間: 17-10-26 08:43

本帖最後由 judy 於 17-10-26 08:46 編輯

陳繁昌生係嗰個美麗時代啫。依家啲父母在中一、二時先打聽邊啲神科有錢途，再選定邊間U易入到那神科，再年年參加大學招生介绍，問：教授教授，讀咩易入神科。跟住還有售後服務，花畢生精力sell孩子讀的中學、大學為孩子保值。

你話呢，依家好象陳繁昌的孩子，會幾咁難做！

作者: jessimm 時間: 17-10-26 09:43

校長講野, 一句到位

作者: nintendo 時間: 17-10-26 11:47

越叻的細路，你話做醫生幾好搵幾多錢，佢都未必會去讀。
真正叻，佢自然有自己打算。
如果父母一心想仔女入醫科，咁就唔好望仔女太叻，分分鐘佢想走去硏究螞蟻。

作者: Christi 時間: 17-10-28 13:18

nintendo 發表於 17-10-26 11:47
越叻的細路，你話做醫生幾好搵幾多錢，佢都未必會去讀。
真正叻，佢自然有自己打算。
如果父母一心想仔女入 ...

的確係。
想要按父母之命，要乖既細路得啦⋯⋯

作者: ChiChiPaPa 時間: 17-10-28 15:11

elbar 發表於 17-10-25 16:18
陳繁昌話讀大學嘅最終目的，其實係認識自己。

本帖最後由 ChiChiPaPa 於 17-10-28 17:28 編輯

科大收生成績最高的學科當然係神科，而最低的係學大數據的BSc Quantitative Social Analysis。校長可能係有感而發。

作者: shadeslayer 時間: 17-10-28 15:47

ChiChiPaPa 發表於 17-10-28 15:11
科大收生成績最高的學科當然係神科，而最低的係學大數據的BSc Quantative Social Analysis。校長可能係有 ...

又係，咁嘅名，呢科收生可能有難度。

作者: samsam123321 時間: 17-10-29 15:47

本帖最後由 samsam123321 於 17-10-29 15:48 編輯

judy 發表於 17-10-26 08:43
陳繁昌生係嗰個美麗時代啫。依家啲父母在中一、二時先打聽邊啲神科有錢途，再選定邊間U易入到那神科，再年 ...

delll？

歡迎光臨教育王國 (/)