教育王國
標題: 唉!好想放棄! [打印本頁]
作者: B樂 時間: 17-10-25 14:39 標題: 唉!好想放棄!
點辛苦幚個仔,佢都係唔入腦。個心好痛,好想喊
作者: little_yolky 時間: 17-10-25 15:21
B樂 發表於 17-10-25 14:39 
點辛苦幚個仔,佢都係唔入腦。個心好痛,好想喊
作者: skkeung 時間: 17-10-25 15:49
B樂 發表於 17-10-25 14:39
點辛苦幚個仔,佢都係唔入腦。個心好痛,好想喊
找出原因！
作者: Mchacha 時間: 17-10-25 16:39 標題: 回覆樓主
喊解決唔到問題，最緊要了解佢既問題！
又或者諗唔係每個人都有天份讀書，不如發掘其他興趣和潛能
作者: HK-MAN 時間: 17-10-25 16:51
B樂 發表於 17-10-25 14:39
點辛苦幚個仔,佢都係唔入腦。個心好痛,好想喊
樓主,而家啲野真係好深架,唔明就入唔到腦架啦....放鬆啲啦,體諒下啦....
作者: 樹熊MA 時間: 17-10-25 17:04
放棄就唔好啦，不過想喊其實可以，大人都要宣洩下情緒，最多喊完來個深呼吸再開始教仔。慢慢來，先小學咋，路還長呢！
作者: B樂 時間: 17-10-25 19:37
little_yolky 發表於 17-10-25 15:21
唔好咁啦, 小五定小六呀? 我阿細都係教極唔入腦架。你辛苦, 其實阿仔都好辛苦架。 ...
小二,係屋企識做,考試又錯
作者: brother4 時間: 17-10-25 20:15 標題: 回覆樓主:
培育子女成長是—塲持久戦，我們也是人，盡了努力，不要因内疚去折磨自己，另不要集中孩子的缺點，多稱讚孩孑的優點，建立自信心，给予信任，分析各種問題，尋求改善方法，另可專業意見，適應主流小學…
作者: IloveJJ 時間: 17-10-25 20:23
提示: 作者被禁止或刪除 內容自動屏蔽
作者: HaYi 時間: 17-10-25 20:30
係唔係家由佢做幾耐定同考試一樣有限時, 如果同考試一樣已限時, 即係溫的 方法唔夾考測, 要改下.
作者: B樂 時間: 17-10-25 21:03
Mchacha 發表於 17-10-25 16:39
喊解決唔到問題，最緊要了解佢既問題！
又或者諗唔係每個人都有天份讀書，不如發掘其他興趣和潛能
...
可能佢真係唔係謮書的料
作者: B樂 時間: 17-10-25 21:05
brother4 發表於 17-10-25 20:15
培育子女成長是—塲持久戦，我們也是人，盡了努力，不要因内疚去折磨自己，另不要集中孩子的缺點，多稱讚孩 ...
請問點找專業意見呢?
作者: B樂 時間: 17-10-25 21:09
HaYi 發表於 17-10-25 20:30
係唔係家由佢做幾耐定同考試一樣有限時, 如果同考試一樣已限時, 即係溫的 方法唔夾考測, 要改下. ...
例如英文,自己識講問交通工具用How,默書How can you go to school?練習選what how where都做對,但考試又錯。
作者: asweetmom 時間: 17-10-25 22:20
B樂 發表於 17-10-25 19:37
小二,係屋企識做,考試又錯
孩子才小二，父母就想放棄，別人(老師、學校、社會)比父母更早更容易放棄呢！
作者: asweetmom 時間: 17-10-25 22:21
B樂 發表於 17-10-25 21:03
可能佢真係唔係謮書的料
現在還相信三歲定八十?
作者: brother4 時間: 17-10-25 22:23
B樂 發表於 17-10-25 21:05
請問點找專業意見呢?
可考慮YouTube如心加油站／優質小學教育如何有效促進中英數的學習等，另小朋友番學去書局看有關書籍，最後介绍ＥＫ是一本集大家心血结晶，自己看—次非常有好有效，誠意推介最小看一次小學雜談，可進升為專業人仕
作者: Felix223 時間: 17-10-25 23:16
brother4 發表於 17-10-25 22:23
可考慮YouTube如心加油站／優質小學教育如何有效促進中英數的學習等，另小朋友番學去書局看有關書籍，最 ...
笑咗！
其實樓主慢慢嚟，相信好多家長同樣面對相同問題，比多d耐性同鼓勵小朋友。
作者: conniecheung 時間: 17-10-25 23:40 標題: 回覆樓主:
唔使放棄咁嚴重！
我細女小二時都一舊雲，要花好多時間去幫佢溫，教佢……
佢地會慢慢進步架（雖然慢啲），再比啲時間耐心教啦！加油。
作者: Jane1983 時間: 17-10-26 00:10
小二就想放棄? 得7歳wor。就算佢暫時唔perform，都係小一、小二開學幾個月的事。買隻股票唔升仲跌，有時都唔只守年半啦！
小朋友發展有時真係階段性的，你日日教吓佢，佢有時識，有時唔識，即係未了解得通透。你keep住日日教佢，佢慢慢會掌握到。
作者: ar_mak 時間: 17-10-26 00:50
提示: 作者被禁止或刪除 內容自動屏蔽
作者: 1998Ruby1998 時間: 17-10-26 04:46
先得果小二，加油！
講個勵志真人真事，我讀津貼神校，同班有一個讀書好叻，年年科科 100 分，同埋一個讀書成績好差，成日考包尾嘅同學。大家一齊原校升上去中學，突然間個成績差嘅同學發力，名列前茅，Drama、學生會、House committee，都有佢份，仲要身居要職。個成績叻嘅同學就反而退下波，本來打算讀醫科，之後考慮牙醫，最後退到入心理學（雖然成績都係好好，但係都不及從前）。個成績差嘅同學 DSE 成績同成績叻嘅同學分數接近，仲要好過大多小學叻過佢嘅同學。冇一個小學老師能夠相信佢居然都可以「大翻身」，跑贏大市。
我暑假都有補過幾個英文程度唔太高／徘徊危險邊緣嘅小學生，程度連一個 K3 都可以爬頭。有時候教到好灰心，尤其係佢地唔係好學努力嘅學生。我其中有一個升小二，好似完全冇學過英文咁，連一句 “Do you know how to play basketball” 都唔明，jump、laugh 都唔識串，對答都要家姐幫手，更莫論文法，佢仲要係心散唔願做練習嘅小朋友。我唯有慢慢教，從頭開始，畢竟父母交託小朋友畀我，我就要盡我所能去幫佢。有一日突然之間佢講 “I finish this one （練習）and can I learn fold star?” 同埋 “Can you draw Pikachu on here？” 我聽到之後好開心，佢從來冇正面同我講英文，次次都要家姐翻譯。自此之後，佢有唔識嘅字，只會問家姐 “XX 英文係咩”，然後自己表達返成句。雖然文法都係唔多得，但係起碼佢有進步，肯講，證明我冇白費心機。依家諗起都好大感觸！ 
所以唔需要咁快氣餒，慢慢教。唔係個個小朋友都咁好彩領悟能力高同記憶好。又或者改變下教法，條條大路同羅馬，總有一條幫到你。 
作者: little_yolky 時間: 17-10-26 08:31
B樂 發表於 17-10-25 19:37
小二,係屋企識做,考試又錯
我個小一時激到我一頭白髮, 血壓颷升！後來我看破紅塵, 俾時間佢, 亦係放過自己, 小二時又好D, 今年小三又好D了。慢慢嚟, 最緊要係屋企識做, 唔係唔明。熟能生巧, 識做, 做多少少, 錯既機會少咗, 就會好D了。
作者: Jane1983 時間: 17-10-26 08:50
回覆 ar_mak 的帖子
講守，係守個細路，唔係個方法。實力股，市唔就，咪收住息先lor。
真心個個細路頭上都有光環，實有d長處，我地自己亦唔係十全武功天下無敵，大家和小朋友一起努力。
作者: GreenMaDad 時間: 17-10-26 08:53
大家都是一樣！ 現實D講， 一方面我會不停同自己洗腦： 佢吾會考得好， 今次佢可能得XX分(是一個低分）；另一方面， 我會迫佢去接受：每個人都要努力做到最好，做好時你自己會覺得開心（我小朋友以前係吾動力去做好的人）. 慢慢發覺當佢的分數不好時，我自己不會太吾開心， 佢見到我冇狂鬧佢， 佢心情又好D，慢慢逐漸有進步， 佢就開始感覺到成功帶給他的快樂, 對讀書慢慢開始有信心。
作者: HaYi 時間: 17-10-26 09:27
B樂 發表於 17-10-25 21:09
例如英文,自己識講問交通工具用How,默書How can you go to school?練習選what how where都做對,但考試又錯 ...
作者: ar_mak 時間: 17-10-26 10:41
提示: 作者被禁止或刪除 內容自動屏蔽
作者: little_yolky 時間: 17-10-26 10:52
ar_mak 發表於 17-10-26 00:50
如果買股票,多數要守半年,咁就即係買股既方法有問題,而唔係隻股票本身有問題(隻股票有問題,有得守?). 同樣 ...
舊年考普通話, D b p m f 佢連住就識, 點知考試係抽其中幾個, 無順序佢就唔識, 氣結！
作者: 小溱 時間: 17-10-26 11:11
小2仲細... 我個小5喇... 驚驚
作者: little_yolky 時間: 17-10-26 12:55
小溱 發表於 17-10-26 11:11
小2仲細... 我個小5喇... 驚驚
作者: ar_mak 時間: 17-10-26 13:17
提示: 作者被禁止或刪除 內容自動屏蔽
作者: 小溱 時間: 17-10-26 13:49
回覆 little_yolky 的帖子
真係人都癲...
作者: simonwan 時間: 17-10-26 17:52
樓主，唔駛擔心，衹要你唔care 學校分數，大把時間。小二嗻！
如果系我，我會甘做。千祈唔好逼佢做練習，除左要交的功課外，任何手寫練習都唔好做。英文默書測驗唔合格唔好罵他。相反，有少少進步就贊下佢 （例如，由 0 分變 10分）。如果佢怕左英文以後你就麻煩。
要做的是，每日比佢睇英文卡通或電視，起碼半小時，最好一小時或以上。佢有興趣睇個D 就得。推薦 Peppa Pig, 網上有好多免費片段。
學語言次序系聽說讀寫，聽說搞掂，以後讀寫好易搞。
作者: 利口樂 時間: 17-10-26 18:08 標題: 回覆樓主:
提示: 作者被禁止或刪除 內容自動屏蔽
作者: 蛋爸爸 時間: 17-10-26 19:33
回覆 B樂 的帖子
每個人的記憶方法及能力有別，尤其小朋友，男孩又再差些。如果在家已記得，默書又識，證明短期記憶很好，有比心機。試吓多些用圖像，及變化教導的方法。
作者: B樂 時間: 17-10-26 23:11
little_yolky 發表於 17-10-26 08:31
唓, 小二啫！仲以為呈分添。
我個小一時激到我一頭白髮, 血壓颷升！後來我看破紅塵, 俾時間佢, 亦係放過自 ...
我也想看破紅塵,放過自己,想丢佢入补習班,但還是不舍得
作者: B樂 時間: 17-10-26 23:13
simonwan 發表於 17-10-26 17:52
樓主，唔駛擔心，衹要你唔care 學校分數，大把時間。小二嗻！
如果系我，我會甘做。千祈唔好逼佢做練習， ...
係咪真呀?
作者: cal@wicked 時間: 17-10-27 02:32
覆卷你肯定佢識，冇落後大圍就ok啦，男孩子係遲發力。初小最重要唔係分數，係建立良好學習態度同好好保護個學習動機呀~
作者: IloveJJ 時間: 17-10-27 07:40
提示: 作者被禁止或刪除 內容自動屏蔽
作者: simonwan 時間: 17-10-27 11:00
B樂 發表於 17-10-26 23:13
係咪真呀?
邊樣野唔系真？
你要短期成績？定想真正學好英文？
想學好英文，初小主力系聽及說，加埋學好 phonics 后就閲讀。其他可以不理。
珍珠都無甘真！
作者: little_yolky 時間: 17-10-27 13:22
B樂 發表於 17-10-26 23:11
我也想看破紅塵,放過自己,想丢佢入补習班,但還是不舍得
| 歡迎光臨 教育王國 (/) |
Powered by Discuz! X1.5 |