教育王國

標題: 學校搜書包，大家點睇 [打印本頁]

作者: bbq2008 時間: 17-10-19 12:01 標題: 學校搜書包，大家點睇

本帖最後由 bbq2008 於 17-10-19 12:03 編輯

事情係咁樣的：阿女學校，班中近日有同學唔見左銀包、八達通，阿女放學就講，老師在堂上搜書包，我以為全班搜，無為意。點知問問下，阿女話只搜幾位同學，全班有三十幾人。阿女是其中一個被搜。最後係無發現既。
其實學校有無權咁樣做？

我既疑問，就係點解搜唔係全班，老師只抽幾位同學搜，咁樣咪好似警察搜身咁，有懷疑你先搜。老師憑什麼去懷疑某人，而作出這樣作動？唔駛搜既同學，會點睇被搜的？

作者: little_yolky 時間: 17-10-19 12:05

bbq2008 發表於 17-10-19 12:01
事情係咁樣的：阿女學校，班中近日有同學唔見左銀包、八達通，阿女放學就講，老師在堂上搜書包，我以為全班 ...

打電話返學校了解下先。

作者: bbq2008 時間: 17-10-19 12:07

回覆 little_yolky 的帖子

謝謝你，我會呀，要問清楚老師係點進行。因為有同學家長講，我女事後喊。

作者: HK-MAN 時間: 17-10-19 12:22

bbq2008 發表於 17-10-19 12:01
事情係咁樣的：阿女學校，班中近日有同學唔見左銀包、八達通，阿女放學就講，老師在堂上搜書包，我以為全班 ...

搜完可以還清白,其實咪仲好....了解為何只搜果幾個人既原因未??學校咁做應該有啲理由..

作者: Jane1983 時間: 17-10-19 12:53

小朋友幾大？回家有無具體講清楚件事？個同學指控果幾個同學偷佢銀包，所以老師搜書包？

要了解清楚件事，先有任何行動。因為現在學校無聯絡家長，呢件事低調處理，慢慢就過去。但如果嘈到好勁，萬一你小朋友有錯，驚局到學校處罰佢。唔識你小朋友，唔係懷疑佢，但有時家長要保護咗個downside先。

作者: little_yolky 時間: 17-10-19 13:27

bbq2008 發表於 17-10-19 12:07
回覆 little_yolky 的帖子

謝謝你，我會呀，要問清楚老師係點進行。因為有同學家長講，我女事後喊。 ...

其實唔係為乜, 主要係要了解下事情發生乜事, 學校點解要只搜幾個同學, 搜唔到又點解唔搜晒全班, 了解個清楚, 得個知字。如果小朋友無錯, 都反映下俾老師聽小朋友好concern, 請老師下次可以處理得好D, 起碼事後解釋返俾小朋友聽, 唔好等佢有bad feelings。

作者: bbq2008 時間: 17-10-19 13:38

little_yolky 發表於 17-10-19 13:27
其實唔係為乜, 主要係要了解下事情發生乜事, 學校點解要只搜幾個同學, 搜唔到又點解唔搜晒全班, 了解個清楚 ...

謝謝你提醒了我，點解搜幾個同學，搜唔到唔繼續搜。我小朋友四年級，今晚要再問清楚，也會跟老師了解下。同學無指是哪位同學，不過阿女說老師話抽樣來搜。
這件事上，前提我並不是說老師有錯，只是問問大家，這樣做是否最好，或想知道其他學校會否這樣。

作者: little_yolky 時間: 17-10-19 13:48

bbq2008 發表於 17-10-19 13:38
謝謝你提醒了我，點解搜幾個同學，搜唔到唔繼續搜。我小朋友四年級，今晚要再問清楚，也會跟老師了解下。同 ...

小學四年級女仔好sensitive, 唔好拖太耐, 唔係老師都唔記得咗乜事。要安慰下小朋友, 同佢講就好似警察隨街抽樣查身份證咁, 我都俾人查過3次, 唔通我個樣似通輯犯咩。

作者: HK-MAN 時間: 17-10-19 15:51

little_yolky 發表於 17-10-19 13:48
小學四年級女仔好sensitive, 唔好拖太耐, 唔係老師都唔記得咗乜事。要安慰下小朋友, 同佢講就好似警察隨街 ...

又話者用呢個比喻講比小朋友知....去超市買野,十幾個人同時離開,門口警報突然響起dododo...保安都循例抽樣叫人比個袋佢睇睇,以示清白....過程中,保安當然唔會同時叫晒十幾人停低啦...比人睇完反而清清白白心安理得,係一件好事黎架.

作者: ar_mak 時間: 17-10-19 19:28

提示: 作者被禁止或刪除內容自動屏蔽

作者: retriever 時間: 17-10-20 07:54

bbq2008 發表於 17-10-19 12:01
事情係咁樣的：阿女學校，班中近日有同學唔見左銀包、八達通，阿女放學就講，老師在堂上搜書包，我以為全班 ...

除非當時失主有明確指控有被偷既可能，唔係我覺得老師小題大做。

作者: bbq2008 時間: 17-10-20 11:05

謝謝大家

歡迎光臨教育王國 (/)