教育王國

標題: 有冇試過俾校務處嚇親? [打印本頁]

作者: Charlie妹 時間: 17-10-17 12:15 標題: 有冇試過俾校務處嚇親?

今朝校務處打嚟，我心裡很奇怪，因之前無接過佢地電話。

校: 我係xxx(學校名)打嚟，我同你確認，你小朋友叫咩名?
我: xxx (我心諗，會否騙案?)
校: 佢出生日期?
我: x月x日，佢無咩事嘛？ (心裡有點急，因為要確認資料，好似有咩要事咁)
校: 咁佢出生年份呢？
我: xxxx年 (我心諗大件事，之前手腳跌到流晒血，學校都無通知，無帶功課都只是email提我，問佢咩事又唔答我。)
校: 你填錯咗資料喎。
我: 哦 (原來咁咋，一早講我唔駛咁驚)

作者: bbq2008 時間: 17-10-17 12:25

係呀，突然打來，真係會嚇親。好彩無事！

作者: little_yolky 時間: 17-10-17 12:36

Charlie妹發表於 17-10-17 12:15
今朝校務處打嚟，我心裡很奇怪，因之前無接過佢地電話。

校: 我係xxx(學校名)打嚟，我同你確認，你小朋友 ...

點解你會答佢? 我會覺得係行騙電話。

作者: Charlie妹 時間: 17-10-17 14:29

little_yolky 發表於 17-10-17 12:36
點解你會答佢? 我會覺得係行騙電話。

因為我女學校好冷門，所以佢講到校名，我都信住佢先。其實初初都諗住騙案，哈哈。

作者: Yanamami 時間: 17-10-17 14:33

边有人禁问野㗎！梗係話：X太，我地係Xx学校打黎，小朋友填既資料表好似有d问題，想同你核对下資料……禁先啱嘛~

作者: Charlie妹 時間: 17-10-17 14:36

Yanamami 發表於 17-10-17 14:33
边有人禁问野㗎！梗係話：X太，我地係Xx学校打黎，小朋友填既資料表好似有d问題，想同你核对下資料……禁先 ...

咪係囉！你講得啱呀！我初初以為個女入咗醫院，所以要問咁清楚先講得咩事。

作者: little_kid 時間: 17-10-17 14:39

Charlie妹發表於 17-10-17 12:15
今朝校務處打嚟，我心裡很奇怪，因之前無接過佢地電話。

校: 我係xxx(學校名)打嚟，我同你確認，你小朋友 ...

對方只係講校務打黎，無講係邊個老師？如果資料填錯，係咪應該派返俾同學返屋企再填過。呢啲個人資料，填完家長要簽名確定架喎。

作者: little_yolky 時間: 17-10-17 14:41

本帖最後由 little_yolky 於 17-10-17 14:41 編輯

Yanamami 發表於 17-10-17 14:33
边有人禁问野㗎！梗係話：X太，我地係Xx学校打黎，小朋友填既資料表好似有d问題，想同你核对下資料……禁先 ...

我哋學校打嚟, 第一句一定係標準開場白：唔該XXX家長。我係XXX學校既XXX老師。

作者: gracelam 時間: 17-10-17 14:45 標題: 回覆樓主:

總之來電顯示學校打嚟, 個心已涼左一截, 一係病一係有流血事件, 呢2樣走唔甩

作者: Yanamami 時間: 17-10-17 14:53

little_yolky 發表於 17-10-17 14:41
我哋學校打嚟, 第一句一定係標準開場白：唔該XXX家長。我係XXX學校既XXX老師。 ...

总之乜人边度打黎都好，正確既telephone manner係要先道明自己來电原因，唔好等对方一头霧水先啱~

作者: COE1205 時間: 17-10-19 11:14 標題: 回覆樓主：

本帖最後由 COE1205 於 17-10-19 11:14 編輯

我試過一次，
學校打黎: 我係Xxx學校，你小朋友Xxx今日無返學，請問咩事請假
我：下？(emoji) 我今朝親自送佢返到學校先離開，點會無返學？
學校：班主任點名簿無點名喎！咁我上課室問下先再打返比家長你
我：好！我仔一定有返學
過咗10分鐘，學校打黎話老師點名時仔去咗洗手間，所以未點到佢名(emoji)，果次真係比學校嚇到心離一離(emoji)

作者: mannitol 時間: 17-10-19 18:47 標題: 回覆樓主:

有次校車姨姨打嚟：X太，XXX今日放學搭唔搭校車？
我：搭呀！
姨姨：好呀！
5分鐘後又打嚟：我仲未見到XXX落嚟喎。
我（個心驚緊）：佢搭㗎，你等多陣。
3分鐘後又打嚟：XXY家長吖，我仲未見到佢喎！
我：我個女係XXX, 唔係XXY喎！
姨姨：唉呀…XXY今日唔搭喎，攪錯咗添，唔好意思。
放學話俾我聽唔見咗個囡，真係慌到呢！

作者: asweetmom 時間: 17-10-19 19:18 標題: 回覆樓主:

我會自己打回去校務處詢問，不會這麼老實回答陌生人。

作者: conniecheung 時間: 17-10-25 23:30 標題: 回覆樓主:

今日我比小學班主任打黎嚇親，我以亞女有咩事，講完一大倫，原來只係普通閒話家常，講下平時在學校情況＆關心下我女，冇重點。
其實老師已經好忙，仲有時間打黎傾計，我覺得呢位老師好認真同關心學生。

歡迎光臨教育王國 (/)