教育王國

標題: 求教：囝囝朝朝都唔願返學 [打印本頁]

作者: FW9837 時間: 17-10-11 10:06 標題: 求教：囝囝朝朝都唔願返學

囝囝 2 歲 8 個月，啱啱响健康院見完醫生，排緊CAC 俾做評估，都等緊協康排期睇下可唔可以早d做到評估。。。
囝囝個情況係唔講野亦唔多願意同你傾計，但想同小朋友玩，一去到公園遊樂場就追住其他小朋友跟住佢地，人玩咩佢玩咩
但一唔係去佢想要嘅地方就發脾氣，典地，喊叫
而家每朝一叫佢起身（無論早訓定遲訓）第二朝一話返學就喊叫，典地，朝朝如是，返咗大半年都係咁。
想問各位爸爸媽媽，其實確診嘅小朋友係咪都有呢d情況，佢地係咪都唔願返學，我係咪應該轉第二間俾佢上堂，因為朝朝都要角力真係有點累人。。。

作者: KCHK 時間: 17-10-12 12:31 標題: 回覆樓主

我想問小朋友話唔返學, 但返到學校情況係點? 因為我仔係話唔返學, 如果我送佢返學, 佢會唔比你走, 哭....瞓地, 但老師同我講我一出門口佢已經轉臉( 變返正常)

作者: FW9837 時間: 17-10-12 13:32

KCHK 發表於 17-10-12 12:31
我想問小朋友話唔返學, 但返到學校情況係點? 因為我仔係話唔返學, 如果我送佢返學, 佢會唔比你走, 哭....瞓 ...

平日到門口，就會自動行入學校
但今日係喊住跟住老師行，但唔比老師拖，最後見老師係扯住佢入去

作者: KCHK 時間: 17-10-12 17:53 標題: 回覆樓主

咁放學時有無問老師佢的情況? 因為好多小朋友都係影帝影后(我真係試過好多次我小朋友係立刻變臉, 唔同老師都係咁講，入左S 位都係咁維持了好耐), 如果係咁就唔洗擔心, 佢地只係每日都搞場大龍鳳,慢慢你會習慣

作者: FW9837 時間: 17-10-12 19:31

KCHK 發表於 17-10-12 17:53
咁放學時有無問老師佢的情況? 因為好多小朋友都係影帝影后(我真係試過好多次我小朋友係立刻變臉, 唔同老師 ...

你小朋友確診了嗎? 所以排s位?
明明 10 分鐘可以返到學校但1攪咗最少半日個鐘先到。。。
係咪佢地都係咁會扭

作者: KCHK 時間: 17-10-12 20:06

FW9837 發表於 17-10-12 19:31
你小朋友確診了嗎? 所以排s位?
明明 10 分鐘可以返到學校但1攪咗最少半日個鐘先到。。。
係咪佢地都係 ...

兩歲半左右確診，排S 位, 等左1年半左右排到S 位, 讀左兩年S 位至畢業, 今年剛剛入主流小一, 慢慢搞, 因為我經歷左兩年佢先無呢個情況出現

作者: Yukiruirui888 時間: 17-10-20 21:44

FW9837 發表於 17-10-12 19:31
你小朋友確診了嗎? 所以排s位?
明明 10 分鐘可以返到學校但1攪咗最少半日個鐘先到。。。
係咪佢地都係 ...

我仔就算確診都無唔返學的情況，係間中唔夠訓先會。我都見過普通的小朋友日日返學都喊或話唔返學，所以都唔一定的，妳應該了解下小朋友點解唔想返學

歡迎光臨教育王國 (/)