教育王國
標題: 細B變大B入幼園 專家：港家長莫誤子女 [打印本頁]
作者: elbar 時間: 17-10-6 16:51 標題: 細B變大B入幼園 專家：港家長莫誤子女
「贏在起跑線」說法在香港引起討論，近年有不少父母擔心自己的小朋友在9月至12月出世（俗稱細B），不夠年頭出生的小朋友競爭，選擇延遲一年入讀幼稚園，或選擇在高班時重讀一年，「變身大B」為升上小學做好準備。有幼稚園校長表示，可能在2歲至3歲入學時能力上有較大的差異，但同年的小朋友到低班、高班的差異其實已經不太大，家長毋須過分擔心或與其他人比較，而造成壓力，反會令孩子學習出現問題。
幼兒差異漸收窄 延遲入學須三思
近年多了幼稚園學生家長會考慮讓年尾出生的小朋友，延遲一年入學，或重讀一年高班，有數間幼稚園校長透露，這類俗稱「大B」的學生佔整體學生達5至10%，開始成普遍現象。校長提醒刻意重讀一年，要思考能否完全達到家長心目中的期望。
近年有不少校長經常收到家長查詢，擔心「細B」的能力，較年頭出生的小朋友弱，憂慮學習上的差異會直接影響日後的表現。俗稱「大B」的學生在威寶中英文幼稚園有8%；明雅中英文幼稚園有8%；德怡國際幼稚園(元朗)則有10%；寶兒中英文幼稚園亦有5%。
年頭出世不一定能力高
威寶中英文幼稚園校長姚蔚婷表示，兩、三歲的年齡差距的確是大，「兩歲發展階段真係未去到要學識嗰樣嘢，爭幾個月真係由唔識講嘢到識講嘢。」 姚續指小朋友的差異到長大後，距離會逐漸收窄。
姚蔚婷解釋，家長如果將年紀較小的小朋友，在這段時間與大幾個月的小朋友來做比較，能力自然較弱，故有延遲入學的選擇。德怡國際幼稚園（元朗）校長王湘萍說，其實亦有一些家長不想小朋友太快上學，「有家長覺得讀書條路好長，唔急於一足兩歲幾就返學，同時亦都避免過早去面對分離。」
王湘萍認為校方會問家長延遲一年入學的目的，如想小朋友更成熟、開心當然沒有問題，會跟他們分析憂慮會否過早；有家長會以為延遲一年會成為最優勝的一個，「去到高班無話年頭出世一定比年尾好，亦都唔代表10月出世嘅能力比較差。」
分析利弊讓家長作決定
另外，有家長為增加入讀心儀幼稚園的機會，決定讓小朋友重讀高班。姚蔚婷說家長選擇小朋友重讀高班，其實是開始考慮到小學，如他們看見能力有差異時，小朋友剛巧是「細B」，希望子女基礎更為穩固才升上去；但當然會向家長解釋，重讀高班有機會令小朋友情緒低落，或者其他反效果，會讓家長有心理準備才作決定。
王湘萍說原則上是不建議這樣做，有責任解釋重讀一年是否有家長想要的效果；姚則說學習內容是按同齡小朋友安排，重讀有機會弄巧反拙，減低學習動機，「如果留一年令個小朋友能夠有好的基礎適應，我會同意家長呢個決定，但唔係話即刻做第一名、第二名，其實未必有咁情況。」
冀重讀更成熟應付面試
彭先生的女兒在12月出生，今年重讀高班，小朋友在幼兒班至高班整個階段都用英語上課，故希望可升上本地英文小學，為了可讓女兒更成熟應付面試，彭先生決定讓她讀多一年高班，他又說：「讀書條路都仲有好長，希望可以畀佢玩多年，唔想畀咁大壓力佢。」
另一位家長霍太則表示，兒子在10月出生，本身與小朋友溝通比較弱，起初決定是否重讀一年的時候，都擔心會否浪費了一年時間，但兒子在重讀一年後，自信增強了，自理能力亦提高，她認為最重要是兒子讀得開心。
發展遲緩才留班
浸會大學持續教育學院幼兒及基礎教育部助理講師殷沛淇認為，幼稚園入學時，較細的小朋友有機會在語言能力、認知、思考能力、手眼協調方面，不及年頭出生的小朋友較有優勢，但入學後會慢慢拉近，「係唔係所有outstanding award（傑出獎項）都係大B拎？其實都唔覺。」
她指有很多天生能力是可以追回，只是時間的問題，要視乎小朋友是否有需要留班，「做大B未必係做到贏在起跑線」，相反家庭環境才最重要，如真是某一個領域上發展遲緩，這樣才值得留一年班。
「唔叻」或未成熟
城市大學應用社會科學系副教授謝永齡認為，在看小朋友的能力時，最重要是看他們重要的里程碑如自理能力，「家長其實係揀錯對象做比較，留班有機會減低自信心，長線總會追到，因為佢點都會成長，其實使乜驚呢？」他又指，有時小朋友「唔係唔叻」，可能只是未夠成熟，家長不必過分擔心。
作者: ILoveAA2017 時間: 17-10-6 17:56
提示: 作者被禁止或刪除 內容自動屏蔽
作者: shadeslayer 時間: 17-10-6 19:19
ILoveAA2017 發表於 17-10-6 17:56 
垃圾學者之垃圾言論。
無論點計，可以選擇的話，一定做大B而不會急於比小朋友提早入學。
我一路睇原文，一路心諗，有無搞錯，講埋D咁嘅嘢。 做大B明顯係百利無一害。
作者: ILoveAA2017 時間: 17-10-6 20:33
提示: 作者被禁止或刪除 內容自動屏蔽
作者: ANChan59 時間: 17-10-7 09:37
shadeslayer 發表於 17-10-6 19:19
我一路睇原文，一路心諗，有無搞錯，講埋D咁嘅嘢。 做大B明顯係百利無一害。
...
真的不一定，我兒子是按兒科專家提早入幼兒園，因為兩歲半未識講說活，提早入幼兒園幫助他的語言能力發展，入了學幾個星期，就由單字，變成一氣呵成！
所以浸大學者的說法是正確，只是一般人不太了解，以為大 B 點點點！
作者: ANChan59 時間: 17-10-7 09:43 標題: 回覆樓主
我還記得當時年紀是細B，搵幼兒園有困難，要到處拍門，因為好多校長及幼兒園傾向收大B，最後在家附近搵到一間肯收，收他的重點是考慮自理能力，而非其他因素。
讀了幾個月，夠歲數再轉回心儀幼稚園！
作者: Artie 時間: 17-10-7 12:18
小女是 12 月 B ，小兒是 10 月 B，其實當年冇考慮咁多。
當年考幼稚園競爭冇今日咁大，我目光亦不是在那些所謂名幼，所以冇想過要遲一年。我自己也是細 B ，一路唔覺得自己比人差。
但其實每個人不同，不能一刀切說大 B 一定好 D，唔通遲咗一年讀，到時小朋友入到幼稚園學習仍然比其他人慢，又再留班推遲一年？
但話說回來，我相信今時今日，父母比小朋友做大 B ，應該是因為的確好多幼稚園唔收細 B ，父母也是受害者，要向現實低頭。
文章中的幼稚園校長，話家長點點點，但他們又有沒有透露自己學校 reject 幾多個細 B ？
我鄰居的小孩今年考幼稚園 N 班，好像競爭很大，BB 一早已經要去兩間不同幼稚園的 playgroup ，爭加入幼稚園 N 班的機會。
文章怪責家長，但家長似乎也是無奈。
學者宜親自行出去了解一下，點解有今時今日的現象。
作者: shadeslayer 時間: 17-10-7 12:48
ANChan59 發表於 17-10-7 09:37
真的不一定，我兒子是按兒科專家提早入幼兒園，因為兩歲半未識講說活，提早入幼兒園幫助他的語言能力發展 ...
你呢個情況不同一般人做細B的理由。就算係你公子的個案，佢過幾個月大D學得可能更快。
作者: shadeslayer 時間: 17-10-7 12:50
Artie 發表於 17-10-7 12:18
小女是 12 月 B ，小兒是 10 月 B，其實當年冇考慮咁多。
當年考幼稚園競爭冇今日咁大，我目光亦不是在那些 ...
本帖最後由 shadeslayer 於 17-10-7 12:54 編輯
我自己以前也是全班最細的，可能第二細。而家生活也OK，但我不會因為咁，認為大細B無所謂。
大細B能力，不是和别人比，是和同一個B自已比。你看過 Malcom Gladwell 的 Outliers 未？
作者: ANChan59 時間: 17-10-7 12:50
shadeslayer 發表於 17-10-7 12:48
你呢個情況不同一般人做細B的理由。就算係你公子的個案，佢過幾個月大D學得可能更快。
...
作者: 21Ckid 時間: 17-10-7 13:31
「不一定」，應該算是最廢話的一句話，做大B唔一定好過細B，用到「不一定」三個字，點可以話你錯，正如，打劫唔一定會俾人拉etc
我以前識個朋友，你講乜佢都話唔一定，除左唔再嘥時間同佢見外，仲可以點？
作者: Jane1983 時間: 17-10-7 19:15
本帖最後由 Jane1983 於 17-10-7 19:18 編輯
打錯
作者: dlam141231 時間: 17-10-8 10:51
ANChan59 發表於 17-10-7 09:43
我還記得當時年紀是細B，搵幼兒園有困難，要到處拍門，因為好多校長及幼兒園傾向收大B，最後在家附近搵到一 ...
令公子個案, 跟文中所說的細B情況並不一樣. 令公子是提早入學, 比別人讀多一年學前班, 但其實也是18歲升大學.
作者: dlam141231 時間: 17-10-8 10:58
大B與否, 因人而異, 但女仔早熟, 男仔遲熟. 如果是女生, 做細B問題不大, 如是男生, 有需要的話, 我也贊成細B轉大B.
我家侄兒, 是1月大B, 很明顯受惠, 我是的是功課以外, 他現在直资讀初小, 讓老師選做班長. 我家外甥, 是11月細B, 今年大學畢業. 當年入讀幼兒班後一年, 我妹果斷把外甥轉做大B.
作者: ANChan59 時間: 17-10-8 12:13
dlam141231 發表於 17-10-8 10:51
令公子個案, 跟文中所說的細B情況並不一樣. 令公子是提早入學, 比別人讀多一年學前班, 但其實也是18歲升 ...
他始終是早了入學，也不應太負面看整件事，了解深入些才作定論。
作者: dlam141231 時間: 17-10-8 14:10
ANChan59 發表於 17-10-8 12:13
我只是提出早入學有些發展遲緩治療的效果！
他始終是早了入學，也不應太負面看整件事，了解深入些才作定論 ...
負面 ? 無意冒犯, 只想指出文中細B, 是年底出生入讀小學未足六歲的那一批.
作者: 73662710 時間: 17-10-8 22:13
十幾二十多年前做細B根本無所謂，今時今日的課程比以前深了很多，做細B，尤其是男仔，會非常痛苦，而且同那班大B女比較，真係會輸在起跑線！
作者: Artie 時間: 17-10-9 13:32
shadeslayer 發表於 17-10-7 12:50
本帖最後由 shadeslayer 於 17-10-7 12:54 編輯
我自己以前也是全班最細的，可能第二細。而家生活也OK ...
"你看過 Malcom Gladwell 的 Outliers 未？"
哈哈，好多年前睇咗。
其實各有各不同感受，不同太在意我的回覆。
作者: ANChan59 時間: 17-10-9 13:52
Artie 發表於 17-10-9 13:32
"你看過 Malcom Gladwell 的 Outliers 未？"
Be open to listen other opinions.
作者: MC1128 時間: 17-10-9 14:04
ANChan59 發表於 17-10-9 13:52
Very interesting, same article, same book, has different perspectives.
Be open to listen other opi ...
連"不一定"都唔啱
作者: ANChan59 時間: 17-10-9 14:16
MC1128 發表於 17-10-9 14:04
算啦,有些人一早設定, 邊到聽得落他人意見
連"不一定"都唔啱
.......
Some of those replies, no need to bother.
作者: Olympian 時間: 17-10-10 09:32
我個女12月出世。小B大B都做過。話說我個女一歲已有問有答，覺得個女有能力做細B。點知就出事。我女讀Happy 幼稚園。K1時，校長話佢學野只學到6成。我唔信。K2觀課，見阿女完全唔舉手答問題。所有中英生字過都唔識，寫過都唔認得。冇自信。完全唔跟同學玩，零交流。咁唯有轉校重讀K2。去左間重學術的幼稚園，功課都多又多測默，佢都應付到。K2時仲攞學業成績𡘾。又跟同學玩得好開心。成個人唔同晒。
作者: ILoveAA2017 時間: 17-10-10 16:32
提示: 作者被禁止或刪除 內容自動屏蔽
作者: ILoveAA2017 時間: 17-10-10 16:34
提示: 作者被禁止或刪除 內容自動屏蔽
作者: ILoveAA2017 時間: 17-10-10 16:46
提示: 作者被禁止或刪除 內容自動屏蔽
作者: MC1128 時間: 17-10-10 16:55
本帖最後由 MC1128 於 17-10-10 17:05 編輯
EK最多專家, 一定係, 除非唔係
作者: ANChan59 時間: 17-10-10 17:07
ILoveAA2017 發表於 17-10-10 16:32
不提早入幼稚園成就將會更佳！
要幫助幼兒的語言能力發展，帶他去與其他孩子多玩就可以了
...
专业人士的建议，远比其他家长的建议实际及有效果！
当时有三个建议，其中两个在当时及香港环境不可行！
作者: happyapple 時間: 17-10-10 19:35 標題: 回覆樓主
http://econ.ucsb.edu/~kelly/maturity_feb06.pdf
有冇人睇過尼份paper, 會唔會有另外想法？
作者: b3410 時間: 17-10-10 22:54
copy abstract here:
A continuum of ages exists at school entry due to the use of a single school cut-off date – making the “oldest” children approximately twenty percent older than the “youngest” children. We provide substantial evidence that these initial maturity differences have long lasting effects on student performance across OECD countries. In particular, the youngest members of each cohort score 4-12 percentiles lower than the oldest members in grade four and 2-9 percentiles lower in grade eight. In fact, data from Canada and the United States shows that the youngest members of each cohort are even less likely to attend university.
作者: Jane1983 時間: 17-10-11 08:28
如果小朋友會在初小時，大細B有表現差距時分流，接受唔同師資、唔同課程，如精英班，咁在cut off date做最大B，係有好處。這個同意。
但如果選擇的學校或學制在小學階段無分流，劃一課程劃一師資，做超大B，攞盡幼兒期的學習優勢，雖然在建立自信可能有幫助，但對日後成績是否有正面影響，這個則無數據支持。
作者: Olympian 時間: 17-10-11 09:38
數據有很多的，只要Google下。樓上是其一。選擇令孩子健康成長的路，不能說是攞盡優勢吧！幼兒時期建立自信，累積成功經驗，相信對孩子各方面成長都有正面影響。家長選擇做大B細B也不會單看數據。況且好多家長都會認為自己果個會係[不一定]的例外。
作者: shadeslayer 時間: 17-10-11 12:25
Jane1983 發表於 17-10-11 08:28
如果小朋友會在初小時，大細B有表現差距時分流，接受唔同師資、唔同課程，如精英班，咁在cut off date做最 ...
Being a small B has almost no benefits, only risks. If there is a choice, parents should almost always choose to be a big B.
作者: Jane1983 時間: 17-10-11 18:05
回覆 shadeslayer 的帖子
講開又講，而家社會富裕咗，父母夾硬跟唔上都做細B，想佢早一年出身的已經唔多。
鐘擺一轉向，反而越來越多明明小朋友讀得好好，家長為攞盡年齡優勢，夾硬要repeat考小學或者考插班。朋友聚會講起，幾間出名的IS都有同學係超齡插班，一級同學可以差2歲。本來父母為仔女自製優勢無問題，但果批超大B在體能上和智力上的優勢根本唔係真實，好似一個女仔大其他同學年幾，三年班運動會橫掃威盡，但到四年級，已經影都無，呢d逆風亦係幾大衝擊。
作者: shadeslayer 時間: 17-10-11 19:21
Jane1983 發表於 17-10-11 18:05
回覆 shadeslayer 的帖子
講開又講，而家社會富裕咗，父母夾硬跟唔上都做細B，想佢早一年出身的已經唔多。 ...
本帖最後由 shadeslayer 於 17-10-11 19:22 編輯
呢D大仔，如果小三叻過人，小四影都無，咁佢哋更不能做細仔，因為會由頭輸到尾，輸得重多。
作者: Jane1983 時間: 17-10-11 20:35
本帖最後由 Jane1983 於 17-10-11 20:36 編輯
回覆 shadeslayer 的帖子
唔係拗頸，這類小朋友係咪做適齡入學，一直做中游的學生，唔自製優勢，好似好叻贏到大量掌聲，再突然回歸平平，會好d？走果段樣樣比人追過，原來自己唔係咁叻的多心路歷程，亦唔好受。
作者: shadeslayer 時間: 17-10-11 21:04
Jane1983 發表於 17-10-11 20:35
回覆 shadeslayer 的帖子
唔係拗頸，這類小朋友係咪做適齡入學，一直做中游的學生，唔自製優勢，好似好叻 ...
我也不是為拗，但比人追過，肯定好過早一年由頭輸到尾。
所謂大B，即同是適齡，有選擇下選大B，唔係夾硬來。通常lS 無得選，通常指本地學校收9月到12月之間出世的孩子時，家長可選早一年做細B，或遲一年做大B。兩種選擇也是適齡學童。
作者: Olympian 時間: 17-10-11 21:36
Jane1983 發表於 17-10-11 18:05
回覆 shadeslayer 的帖子
講開又講，而家社會富裕咗，父母夾硬跟唔上都做細B，想佢早一年出身的已經唔多。 ...
作者: Olympian 時間: 17-10-11 21:42
大B都係適齡。我女比一月出世的同學𣎴過差十幾日。咁唔通一月果個同學的能力又唔真實？
作者: Jane1983 時間: 17-10-11 23:24
回覆 shadeslayer 的帖子
明白你觀點。處理插班在處理年齡學校會鬆動d，大陸學生這種超齡加盟的做法比較多。
作者: Jane1983 時間: 17-10-11 23:31
回覆 Olympian 的帖子
你女和9月B走去repeat，係唔同情況。一個係為小朋友的需要和長遠利益，一個係着眼短期考學校的好處。
作者: dlam141231 時間: 17-10-11 23:32
Jane1983 發表於 17-10-11 23:24
回覆 shadeslayer 的帖子
明白你觀點。處理插班在處理年齡學校會鬆動d，大陸學生這種超齡加盟的做法比較多 ...
有關大陸學生, 會唔會係佢地根本遲入學呢. 大陸城市戶口的, 基本上和香港一樣, 是六歲入讀小學, 但鄉鎮戶口的七歲入讀小學的是常態. 如果佢地移居香港繼續升學, 就會出現你所謂的超齡問題, 比香港的小孩長了歲.
作者: Jane1983 時間: 17-10-11 23:44
回覆 dlam141231 的帖子
唔清楚，有可能係。
作者: shadeslayer 時間: 17-10-12 00:57
Jane1983 發表於 17-10-11 23:44
回覆 dlam141231 的帖子
唔清楚，有可能係。
有一樣野好清楚，標題中說，做大B，家長莫誤子女，這句話好有問題。
作者: ILoveAA2017 時間: 17-10-16 12:10
提示: 作者被禁止或刪除 內容自動屏蔽
作者: rich8 時間: 17-10-28 00:05 標題: 回覆樓主
認同！
作者: 73662710 時間: 17-10-28 22:35
對於而家啲所謂專家，受者真係要好小心，要有個人獨立思考。
| 歡迎光臨 教育王國 (/) |
Powered by Discuz! X1.5 |