教育王國
標題: net 14 佛教康山 20分都要抽 [打印本頁]
作者: Janicekp 時間: 17-9-27 18:14 標題: net 14 佛教康山 20分都要抽
今年真係好厲害， 20分都要抽籤。唉
作者: Hycl 時間: 17-9-27 18:15 標題: 回覆樓主:
咁快就知?
作者: keith_ccc 時間: 17-9-27 18:29
回覆 Janicekp 的帖子
放心啦，你努力會得到回報嘅。
祝你得賞所願。
作者: Sunny_Dad 時間: 17-9-27 18:35
Janicekp 發表於 17-9-27 18:14 
今年真係好厲害， 20分都要抽籤。唉
你咁苦心，中都低你啦
作者: tina852 時間: 17-9-27 19:01
祝好運🍀
作者: 子翹 時間: 17-9-27 19:09 標題: 回覆樓主
其實呢間好好，睇到好多人留言都句句有骨咁，唔明點解要咁？如果只因為曾經係寶校而受到攻擊，都好無辜。上年K2，喺我揀校list,呢間註明：寶校之一，但比較好，到今年要揀校，我就去左聽講座，了解呢間野，睇下做唔做到保險線。
聽完後，真心好鍾意，但要說服自己，一來因爲佛教，從未讀過佛教學校，二來，要搭車..
去埋另一間心水，丹循既講座，仲掙扎不止，就狂上網搵多啲兩校資料，睇左好多訪問、兩校網頁都比我碌到爛，最終就揀左康山。
希望大家唔鍾意呢間學校既人，都了解左先鬧，同埋，問多啲用家意見先好鬧，OK?
作者: 子翹 時間: 17-9-27 19:12 標題: 回覆樓主
補充下，點解樓主會知20分要抽，我相信係問職員，因為我都問過，佢話今年好多20分，的確要抽先有機會中，我好彩14區，乙1好大機會會中返。
作者: happypapapa 時間: 17-9-27 19:17
其實各人睇法唔同，你鐘意呢間咪選擇呢間囉，唔需要理會其他人點睇，亦無人認為佢舊時係寶校而家都係寶校。
只不過係14網真係有太多其他更好既選擇，再加上呢兩年係近年出生最高峰既年份，人人都驚大抽獎跌入寶校，所以將佛康排前D作保險線既大有人在。但去到叩門階段如有更好既選擇，好多人都會放位。
作者: 小李 時間: 17-9-27 19:20
子翹 發表於 17-9-27 19:09
其實呢間好好，睇到好多人留言都句句有骨咁，唔明點解要咁？如果只因為曾經係寶校而受到攻擊，都好無辜。上 ...
我也喜歡康山，不過我是net 16.
不用太在意其他家長意見，適合自己小朋友的學校是最主要，硬要谷入band 1，不能愉快學習，得不常失，失去初心，對大人小孩都唔好。
作者: Janicekp 時間: 17-9-27 19:21 標題: 回覆樓主:
成日話有更好，每個人心目中定義唔同，唔洗講到好似真係有更好。
作者: keith_ccc 時間: 17-9-27 19:21
子翹 發表於 17-9-27 19:12
補充下，點解樓主會知20分要抽，我相信係問職員，因為我都問過，佢話今年好多20分，的確要抽先有機會中，我 ...
如果20分要抽先有機會！咁15分咪一定無機？咁15分嘅人咪應該考慮下d無宗教學校較大機會？
作者: Janicekp 時間: 17-9-27 19:25 標題: 回覆樓主:
一間唔適合小朋友既學校，更好都無用。
作者: namibb 時間: 17-9-27 19:51 標題: 回覆樓主
20分都要抽有啲難相信。
不過今年有朋友自行康山，距個日去已經8x。
作者: 子翹 時間: 17-9-27 19:57 標題: 回覆樓主
14區，無宗教既學校，例如滬江、太古，機會一樣微乎其微，而家呢2間都幾谷，真心想輕鬆少少既，又唔會揀呢2間，丹循、北循、衛理，三間又無得比15分玩，當然，我決定康山前，無諗過今年連康山都比唔到15分玩，但係，要博111，我相信機會好大，始終14係真係間間都大熱，康山放乙2、乙3多，乙1暫時未上到
作者: legolas625 時間: 17-9-27 20:01
康山有好多人去完open day後喜歡的。
作者: Sunny_Dad 時間: 17-9-27 20:51
legolas625 發表於 17-9-27 20:01
康山有好多人去完open day後喜歡的。
明知無機就唔好去la,去其他有機又心儀的學校，博111 
作者: happypapapa 時間: 17-9-27 21:08
子翹 發表於 17-9-27 19:57
14區，無宗教既學校，例如滬江、太古，機會一樣微乎其微，而家呢2間都幾谷，真心想輕鬆少少既，又唔會揀呢2 ...
如你得15分，自行又選左康山但萬一抽唔中時，其實你有機會成本，因為好多同區超熱小學都要1-1-1 睇你誠意，變左到大抽獎時就真係進退失據
作者: tommyxsarah 時間: 17-9-27 21:21 標題: 回覆樓主
入左飛就唔好諗甘多 
不過我係度諗上年同今年既2 線學校甘受歡迎
過幾年出生率回落時 會唔會又變回受冷落呢 
作者: ggg345 時間: 17-9-27 21:33
Sunny_Dad 發表於 17-9-27 20:51
明知無機就唔好去la,去其他有機又心儀的學校，博111
本帖最後由 ggg345 於 17-9-28 08:38 編輯
sunny 講得好啱, 自行一定唔選呢間了, 無乜機會, 情願博其他學校。
作者: ggg345 時間: 17-9-27 21:36
namibb 發表於 17-9-27 19:51
20分都要抽有啲難相信。
不過今年有朋友自行康山，距個日去已經8x。
請問什麼是 8x ?
作者: 子翹 時間: 17-9-27 22:23
happypapapa 發表於 17-9-27 21:08
如你得15分，自行又選左康山但萬一抽唔中時，其實你有機會成本，因為好多同區超熱小學都要1-1-1 睇你誠意 ...
本帖最後由 子翹 於 17-9-27 22:33 編輯
但係，例如丹循咁，所謂111誠意分加比你，其實無意思，上年印象大概200人叩門，叩門位得8個定6個，我小朋友唔係叻到可以爭到呢啲位，而我心儀既就只有丹循同康山，咁我自然會揀間，自行又有機會，111又9成9會入既康山，唯一預料唔到既，係康山今年20分都要抽
作者: Janicekp 時間: 17-9-27 22:32
子翹 發表於 17-9-27 22:23
但佢，例如丹循咁，所謂111誠意分加比你，其實無意思，上年印象大概200人叩門，叩門位得8個定6個，我小朋 ...
康山係上緊位既一間學校，自然會多左人選擇。反而有啲1線學校係退步緊。
作者: Jessy 時間: 17-9-27 22:39
佛教學校20分係咪即係有宗教分?? 佛教係點證明自己是佛教徒??
作者: happypapapa 時間: 17-9-27 22:44
子翹 發表於 17-9-27 22:23
本帖最後由 子翹 於 17-9-27 22:33 編輯
但係，例如丹循咁，所謂111誠意分加比你，其實無意思，上年印 ...
如你只係二選其一，咁安全計就康山吧！最緊要鐘意及甘心。
作者: 子翹 時間: 17-9-27 23:18
Jessy 發表於 17-9-27 22:39
佛教學校20分係咪即係有宗教分?? 佛教係點證明自己是佛教徒??
我見人有個皈依證，咁就有20分了
作者: Cho_sarah81 時間: 17-9-28 01:20
回覆 happypapapa 的帖子
唔會有人自行遞一間唔鍾意吧? 只係機會加次序問題。入到心儀都唔甘心? 咁遞黎做乜?
作者: Charlotte_mom 時間: 17-9-28 07:34
Cho_sarah81 發表於 17-9-28 01:20
回覆 happypapapa 的帖子
唔會有人自行遞一間唔鍾意吧? 只係機會加次序問題。入到心儀都唔甘心? 咁遞黎做 ...
有架！純粹分數考慮，A校較高分勝算高。其實入左點都係唔甘心
所以後來考到私校（可抽獎）就取消A校註冊/唔註冊自行，再抽過間更鐘意嘅
作者: 子翹 時間: 17-9-28 08:20
Charlotte_mom 發表於 17-9-28 07:34
有架！純粹分數考慮，A校較高分勝算高。其實入左點都係唔甘心
所以後來考到私校（可抽獎）就取消A校註冊/ ...
當然大把呢啲人，唔好話康山，入左丹循都未必甘心，再去博嘉諾撒、華仁，但交得表，一定係心儀既，放棄得其他校既111，揀間入校成數極大，證明佢都好鍾意呢間。如果求其揀，唔見啟基變大熱？！
明白有好多人好大膽、好進取，你地又介唔介意講下你地自行邊間？統一甲乙又咩策略？
作者: hkpapa852 時間: 17-9-28 08:38
Charlotte_mom 發表於 17-9-28 07:34
有架！純粹分數考慮，A校較高分勝算高。其實入左點都係唔甘心
所以後來考到私校（可抽獎）就取消A校註冊/ ...
作者: happypapapa 時間: 17-9-28 09:10
子翹 發表於 17-9-28 08:20
當然大把呢啲人，唔好話康山，入左丹循都未必甘心，再去博嘉諾撒、華仁，但交得表，一定係心儀既，放棄得 ...
本帖最後由 happypapapa 於 17-9-28 09:11 編輯
其實選得康山，好多家長都係抱住摟水泡既心態，當係安全網唔洗跌落啟基。
舊年我自行北衛，甲乙123分別係北衛、滬江及太古，雖然明知自行係陪跑，但心儀及必需要111無計，而甲乙2及3雖然填黎都唔會抽中，但就係最心儀呢3間，所以都保留叩門機會。康山就排第4做保險。
最後有幸入到北衛！
入熱門小學就一定要博，博唔中就叩門，唔得都無辦法。當然如有直資/私小backup再進取大抽獎係最好既，但就好睇你個小朋友適唔適合嗰間小學及前期功夫。
作者: Janicekp 時間: 17-9-28 09:53
其實唔係每個人都當康山係保險線既~每間都有佢既優點, 睇下我地啲家長係邊間學校既優點適合自己小朋友.
作者: Sunny_Dad 時間: 17-9-28 10:11
Janicekp 發表於 17-9-28 09:53
其實唔係每個人都當康山係保險線既~每間都有佢既優點, 睇下我地啲家長係邊間學校既優點適合自己小朋友. ...
家長的眼睛是雪亮的，真的假不了，假的真不了，唔好令人見到個校名都覺得煩就好了
作者: hohoho888 時間: 17-9-28 10:39
子翹 發表於 17-9-27 19:57
14區，無宗教既學校，例如滬江、太古，機會一樣微乎其微，而家呢2間都幾谷，真心想輕鬆少少既，又唔會揀呢2 ...
作者: hohoho888 時間: 17-9-28 10:41
happypapapa 發表於 17-9-28 09:10
本帖最後由 happypapapa 於 17-9-28 09:11 編輯
其實選得康山，好多家長都係抱住摟水泡既心態，當係安 ...
想請教下, 甲部本身位唔多, 其實甲二三係咪得啖笑??
除非小朋友個NUMBER 超前? 但前得來又唔夠前入甲一??
咩情況下是甲2, 3 入左呢?
作者: blueaqua 時間: 17-9-28 10:44
Janicekp 發表於 17-9-27 22:32
康山係上緊位既一間學校，自然會多左人選擇。反而有啲1線學校係退步緊。
...
作者: 子翹 時間: 17-9-28 10:48
我揀呢間唔係抱住水泡心態，只係叫做保守啲，你入到北衛，真係好好彩，但係今年北衛新校舍，爭佢既人只會更多，而另外有人提到北官，係呀，呢間如果111,應該都必中，我點解唔揀呢間做你地所講既水泡呢？因為呢間谷得黎，對佢印象極差，喺街見到佢地既學生唔乖不在話下，我都識幾個用家，有眼見佢地唔鍾意返學，返學辛苦。我何必要我小朋友咁樣呢？
你地話見到個校名煩，其實就係因為你地唔了解呢間校而去話人地咩5毛呀，公關，先會有人睇唔過眼，我一路有睇啲POST，本身都無諗住出聲既，不過見到幾個POST，揀自行既人都比人串到爆，先忍唔住出下聲，我都係重申多次，可以鬧可以踩，但係，唔該了解左先鬧，好嗎？
作者: ChocoMilk33 時間: 17-9-28 10:49
本帖最後由 ChocoMilk33 於 17-9-28 11:01 編輯
康山的確係進步左，家長開始不抗拒，甚至願意選擇。
但不明白點解會咁多POST，成日有人談論...
作者: happypapapa 時間: 17-9-28 10:50
回覆 hohoho888 的帖子
填寶校咪入硬囉
舊年填都係形式上，目的係for叩門
作者: happypapapa 時間: 17-9-28 10:52
回覆 ChocoMilk33 的帖子
因為講黎講去都係個幾個人唱好，製造到好熱鬧好多人討論呢間上緊位既小學
作者: Janicekp 時間: 17-9-28 10:57
你地係咪怕康山無得變你地既保險線呀? 跟住抽唔中會直插啟X
作者: 子翹 時間: 17-9-28 10:58
時間可以證明既，到底係得幾個人唱好，到時自行收生不足，定係會20分都要抽呢？？好快會知，以我所知，而家自行既人已經有百幾個，你地實話唔知我點知，可能公關啦又，其實只係睇到派咭仔人數，見到百幾個，不過你地應該唔會明，因為你地唔會想去了解呢間小學，或者怕真係去了解後，會一齊做埋呢間學校既所謂5毛，
我地呢啲自行既百幾人，如果令到康山小學成為熱門，搞到你地連14既保險線都無埋，我好抱歉。
作者: happypapapa 時間: 17-9-28 11:05
其實呢幾年出生率高，康山做保險線已經難左，因為太多家長怕跌落啟基，已將康山排到乙2或3。而今年傳媒吹到競爭咁劇烈，保守既家長將康山排再前D一D都唔奇。
時間可以證明，過多幾年當出生率下降番選校就真係見真章啦
作者: Tong311 時間: 17-9-28 11:07
happypapapa 發表於 17-9-28 10:52
回覆 ChocoMilk33 的帖子
因為講黎講去都係個幾個人唱好，製造到好熱鬧好多人討論呢間上緊位既小學:nothin ...
本帖最後由 Tong311 於 17-9-28 11:22 編輯
(emoji)(emoji)我睇曬大家ga評論。。。
我係16區咖。。自問自己無乜時間去同小朋友一齊谷，都5想無左小朋友童年，所以我今年都係110報康山。。
但大家心水清。。應該知到誇區比原區更有一定風險。。我報康山原因好簡單。。因為我去到學校openday係見到校長老師好配合，學生回應我時係主動開心，但我去左好幾間openday.只感受到2間係咁。。
康山仲有一樣吸引就係每年評估每年按小朋友能力去補底拔尖。。
講真。。我5係覺得小朋友無能力去一間大家心中ga更好學校，我只係希望我仔係愉快中搵到興趣去學習，中學會點我5知，但起碼小學6年中有大半數係有童年，自主學習。
當日我都聽聞康山係寶校，聽聞之下可以信幾多？？但事實上我了解用家，學校小朋友及老師後。。我真心中意左佢地對學習及教育ga熱誠及透明度。。及校長真係會為學生爭取更多資料（校長話遲d會有巴士活動教室）
希望大家自己用心去了解一間學校，5好只係靠聽，聽幾多都未必係真，但自己感受永遠係最真，小朋友係點只有家長自己知，沒有最好，只有更好，沒有更好，只有最適合
希望大家都可以入到心儀學校，加油!!
作者: Janicekp 時間: 17-9-28 11:08
happypapapa 發表於 17-9-28 10:52
回覆 ChocoMilk33 的帖子
因為講黎講去都係個幾個人唱好，製造到好熱鬧好多人討論呢間上緊位既小學:nothin ...
其實不斷話康小係保險線都都好似得幾個。雖然呢個ek, 係言論自由，但唔鐘意呢間學校既人，可以唔入黎一齊討論，無謂晒你地時間呀。同埋講野咁偏激，你地既意見都唔值得人做參考囉。
作者: 子翹 時間: 17-9-28 11:12
本帖最後由 子翹 於 17-9-28 11:15 編輯
回覆 happypapapa 的帖子
你呢個回覆，好中肯，的確過左龍年先會見到真章，邊間好，邊間要殺，過幾年就會知，大家一齊拭目以待，我都好期望呢間可以快啲上到一線，大家龍年加油啦！
作者: pandawife 時間: 17-9-28 11:36
回覆 子翹 的帖子
我都係去聽完校長的介紹後, 對康山改觀了, 仲愈來愈愛.
我好認同校長的理念, 每個小朋友都有佢的強項, 希望我女兒入到康山後可發揮她的興趣, 我唔使我小朋友讀書好叻, 只要佢覺得返學係開心就可以了, 所以我都110選康山(我不是住14網).
作者: happypapapa 時間: 17-9-28 11:42
家長心態好簡單：
1. 學校唔谷+升中派位唔錯 - 一定多人爭，睇你敢唔敢博
2. 學校唔谷+升中派位麻麻地 - 都有家長選，因為唔想煩及想小朋友開心D
3. 學校谷+升中派位唔錯 - 都好多家長選，因為大家睇結果及覺得小朋友谷得及有時間幫佢地溫習或外補
無話邊類最好，都係睇家長心態及覺得邊間適合自己小朋友!
再回下樓上先，好多家長未必上BK，上左睇都未必回，係我呢D過來人本想食下花生幫下之後既家長，講佢聽14網形勢。但最近就見到不停都係個幾個人係咪出posts講差唔多既野，你地唔煩其他人都煩。如果有心想選康山既就會去open day了解，但根本無心選既，都唔會睇到有人不斷唱好而選佢。
唔好意思，我講野係直接左D，但都係講現況及事實。如要人對康山改觀，除左學校管理及對學生支援不斷提升，最重要係升中要交到成績! 咁樣唔洗人講就自自然然會多人選佢啦，係咪？
作者: hkpapa852 時間: 17-9-28 12:04
子翹 發表於 17-9-28 11:12
回覆 happypapapa 的帖子
你呢個回覆，好中肯，的確過左龍年先會見到真章，邊間好，邊間要殺，過幾年就會 ...
話說7/8年前升小人數低, 11網有D名氣既私小聖嘉勒一級連40人都收唔夠, 如果直屬中學肯連B3學生都收, 收足都未用得晒直屬位. 但今時今日人地小學部都收咗一級近120人, 家長仲要開始擔心夠唔夠直屬位
有時見到家長選校好似選股票咁, 氣氛熱列 (升小一人數多) 就雞犬皆升 (學校受追捧程度), 但實際係藍籌股又有幾多呢? 只有時間可以証明
作者: 子翹 時間: 17-9-28 12:09
回覆 hkpapa852 的帖子
所以我話「幾」年後，其實，無三不成幾...................
作者: Janicekp 時間: 17-9-28 12:13
happypapapa 發表於 17-9-28 11:42
家長心態好簡單：
1. 學校唔谷+升中派位唔錯 - 一定多人爭，睇你敢唔敢博
你覺得煩咪唔好入黎食花生囉。
作者: Janicekp 時間: 17-9-28 12:23
happypapapa 發表於 17-9-28 11:42
家長心態好簡單：
1. 學校唔谷+升中派位唔錯 - 一定多人爭，睇你敢唔敢博
作者: mcl203 時間: 17-9-28 12:31
hkpapa852 發表於 17-9-28 12:04
真章唔會係龍蛇年後馬上見到, 過多3/5年, 睇吓有邊D學校仲可以開到今時今日咁既班數未知囉!
話說7/8年前升 ...
作者: mcl203 時間: 17-9-28 12:52
Janicekp 發表於 17-9-28 11:08
其實不斷話康小係保險線都都好似得幾個。雖然呢個ek, 係言論自由，但唔鐘意呢間學校既人，可以唔入黎一齊 ...
作者: hohoho888 時間: 17-9-28 13:02
mcl203 發表於 17-9-28 12:52
咁Net 14有甚麽小學可以成為保險線??....似乎呢個係現實...又係升小家長要面對既 ~~~
...
係囉, 一直覺得14網無保險線,
只有一個目標就係唔好中"啟基"咁
不過同呢個TOPIC 無關的, 不如另開一個研究啦, 但我諗要等埋出左自行結果先可以有D野up 下
作者: mcl203 時間: 17-9-28 13:13
hohoho888 發表於 17-9-28 13:02
係囉, 一直覺得14網無啟基,
只有一個目標就係唔好中"啟基"咁
不過同呢個TOPIC 無關的, 不如另開一個研 ...
又即係代表...各小學 收生:申請者 比例係 1:1...咁先唔會跌落啟基...現實有無可能?
係就唔會有家長話唔中乙1啦...咁又即係除左啟基...必定存在乙2仲有可能派到既...又是否=啟基
粉線硬撑心儀小學...未必能扭改事實
PS..我唔知邊D小學係保險線...只估估下一定存在既...
作者: keith_ccc 時間: 17-9-28 13:21 標題: 回覆樓主
我想問係唔係今年15分無機會入康山？如果20都要抽？仲要係校方職員講喎！
作者: hkpapa852 時間: 17-9-28 13:23
mcl203 發表於 17-9-28 12:31
7/8年前升小人數低, 11網有D名氣既私小聖嘉勒一級連40人都收唔夠
https://www.edu-kingdom.com/forum.php?mod=redirect&goto=findpost&ptid=2845555&pid=39437441&fromuid=1389083
咁當然有可能小一係收多過40人, 只係有人中途走咗
作者: happypapapa 時間: 17-9-28 13:28
mcl203 發表於 17-9-28 13:13
若Net 14只有啟基係必入小學...又無保險線小學...即係乙2已必中啟基
又即係代表...各小學 收生:申請者 比例 ...
無錯，盲撐無用，講番實際先！
以今年形勢，除啟基外乙2可選既只有：
- 康山
- 北官
- 16網借位既小學 (如有)
炮米放乙2應該無機，因為聖公會都好多同教會既幼稚園家長會選！
純個人意見，希望幫到你參考
作者: keith_ccc 時間: 17-9-28 13:28
hkpapa852 發表於 17-9-28 13:23
嗱! 當年雖然無cap圖, 但有做統計, 2012/2014年聖嘉勒得37個小六畢業生:
https://www.edu-kingdom.com/for ...
如果只以小六畢業作証據，多數只係中間有人走左.....
作者: mcl203 時間: 17-9-28 13:28
應該係走左D...我有KG同學仔係大約時段讀...P1唔會得咁少人...收足2班人架
咁...當年可以抽小學既...部門主管註冊日都無話得3兩隻貓 ~~~ 
作者: 子翹 時間: 17-9-28 13:28
所以成日話14天地網，咁難玩就係咁解，未至於話100%唔中乙1就啟基，不 過大熱嗰啲就無曬，乙2可能好彩既，仲入到北官，炮米，因為14真係間間學校都各有支持者，間間都大熱，康山未到大熱，只係上位中，所以今年乙2都仲會中，乙3就可能中OR唔中，自行因為誇區，OPEN DAY都睇到，多數係誇區支持者，藍田，觀塘，將軍澳係好多，因為佢地黎康山好快，有校車，仲要平，睇過上年車費，6百幾蚊，仲要有東區中學校網，所以點解自行咁多人就係咁解。
至於乙部，因為14仲有好多間熱門，間間熱既關係，所以康山乙3都仲有啲機會，呢間學校升得快，唔一定係14區支持者，而係仲有外區支持者喺度，本區既2,3線，對外區黎講，已經係大熱了。
作者: hkpapa852 時間: 17-9-28 13:30
mcl203 發表於 17-9-28 13:28
應該係走左D...我有KG同學仔係大約時段讀...P1唔會得咁少人...收足2班人架
咁...當年可以抽小學既...部門主 ...
作者: mcl203 時間: 17-9-28 13:34
hkpapa852 發表於 17-9-28 13:30
其實官津校同私校, 夠40人就可以開兩班
都話60人㗎，有一半KG生升上P1都30友啦，註冊日我仲同校長吹下水，問佢中學係咪坊間講既B2，佢仲答我邊個講既。但，佢搞埋註冊就走左。
作者: 子翹 時間: 17-9-28 13:39
回覆 keith_ccc 的帖子
所以，我都講過2次了，了解左先！
你可以問下學校，我就交表時問過，學校的確咁答我，你都可以問下，但你最好似我咁，直接、親身去問，免得你問左個答案同我唔同，又話我地亂UP。
作者: happypapapa 時間: 17-9-28 13:51
子翹 發表於 17-9-28 13:28
所以成日話14天地網，咁難玩就係咁解，未至於話100%唔中乙1就啟基，不 過大熱嗰啲就無曬，乙2可能好彩既， ...
對，同意你既觀點！
咁樣搞法令14網更複雜，本區家長自行選康山諗住入左先算，但中既機會細左，因為多左跨區(觀塘/藍田/將軍澳)競爭，而跌落大抽獎甲部又要同跨區競爭，餘下乙部就只能越排越前避免唔中入啟基。。。
如按此分析，今年乙3填康山當水泡都好難中
作者: 子翹 時間: 17-9-28 13:59
我唔係入左先算架，我真係想入，因為要了解左呢間學校先，了解後，我係真心鍾意，我都好明白，因為大家都14, 今年真係好嚴峻，我自己都經過掙扎，我其實應該放心水既丹循111,乙2先康山，咁樣就係大眾都讚同既做法，只不過，我又諗返轉頭，丹循有咩係比唔上康山呢？？除左唔使搭車外，仲有校舍新啲。。。。呀，仲有一樣，就係出名啲。
而康山有咩好呢？透明度高，交通方便，我一落樓已有小巴（不過校車仲平）其他教學野我唔講了，費是又賣廣告咁，最緊要既係，每個家長都有校長電話，而我都試過WTS佢，真係會覆既，呢樣，我相信無一間學校可以做得到。
作者: hohoho888 時間: 17-9-28 14:39
本帖最後由 hohoho888 於 17-9-28 14:41 編輯
happypapapa 發表於 17-9-28 13:51
對，同意你既觀點！
咁樣搞法令14網更複雜，本區家長自行選康山諗住入左先算，但中既機會細左，因為多左 ...
問題又來了..
又假設丫, 假設自行同甲部唔好諗, 齋講乙部
心儀北衛, 次北官
乙一北衛, 乙二北官
全軍覆沒
以14網咁天地意思即係:
乙一北衛, 乙二北官, 乙二fail 已無望
乙三之後填乜都side 氣
所以乙二唔中就係咁先?
作者: happypapapa 時間: 17-9-28 14:42
hohoho888 發表於 17-9-28 14:39
問題又來了..
又假設丫, 假設自行同甲部唔好諗, 齋講乙部
心儀北衛, 次北官
雖然唔想，但好大機會係咁。。。
作者: hohoho888 時間: 17-9-28 14:44
happypapapa 發表於 17-9-28 14:42
雖然唔想，但好大機會係咁。。。
咁樣, 之後咁多格真係唔知點填, 但之前有個人在tv 教話張表一定要填哂, 唔好填幾間
都唔知點
作者: littlerabbitmom 時間: 17-9-28 14:45
happypapapa 發表於 17-9-28 13:28
無錯，盲撐無用，講番實際先！
以今年形勢，除啟基外乙2可選既只有：
去年見到大量乙二北官不入. (包括我自己) 
作者: hkpapa852 時間: 17-9-28 14:46
hohoho888 發表於 17-9-28 14:44
咁樣, 之後咁多格真係唔知點填, 但之前有個人在tv 教話張表一定要填哂, 唔好填幾間
都唔知點
有邊個"磚家"?
作者: happypapapa 時間: 17-9-28 14:46
hohoho888 發表於 17-9-28 14:44
咁樣, 之後咁多格真係唔知點填, 但之前有個人在tv 教話張表一定要填哂, 唔好填幾間
都唔知點
一般乙1-3都係for叩門保險，萬一真係抽唔中都可以俾學校睇到你有D誠意。
而係14網，乙4打後真係無咩意思，因為頭3唔中都一定係啟基多
作者: littlerabbitmom 時間: 17-9-28 14:48
子翹 發表於 17-9-28 13:59
我唔係入左先算架，我真係想入，因為要了解左呢間學校先，了解後，我係真心鍾意，我都好明白，因為大家都14 ...
作者: hohoho888 時間: 17-9-28 14:53
hkpapa852 發表於 17-9-28 14:46
之前有個人在tv 教話張表一定要填哂
有邊個"磚家"?
話有個沙田區家長只填左6間, 之後派左去大嶼山..
作者: 子翹 時間: 17-9-28 14:54
回覆 littlerabbitmom 的帖子
呢樣我都有比較過先會有最終決定，不過網上數據都係避重就輕，只係聽到校長OPEN DAY講過，今年小六畢業既，有4個係去左張祝珊，仲有啲去左庇利呀嗰啲學校，我都唔太記得，如果一班有咁既%,完全可以接受。
作者: 子翹 時間: 17-9-28 14:59
回覆 hkpapa852 的帖子
因為教育局原則係每個小朋友都有書讀，以就近入學為原則，不過無得比原區你都無計，誇區都要比一間你
作者: mcl203 時間: 17-9-28 15:02
本帖最後由 mcl203 於 17-9-28 15:04 編輯
hohoho888 發表於 17-9-28 14:39
問題又來了..
又假設丫, 假設自行同甲部唔好諗, 齋講乙部
心儀北衛, 次北官
所以...我咪話若有粉絲深信Net 14係無保險線
咁即係...乙1唔中...可能乙2填啟基中啟基
乙3填啟基中啟基....就算乙7填啟基都係中啟基
任何一個位都係中啟基...啟基有無咁多位盡接呢
咁事實有機會係點?? ~~~
作者: mcl203 時間: 17-9-28 15:08
子翹 發表於 17-9-28 14:54
回覆 littlerabbitmom 的帖子
呢樣我都有比較過先會有最終決定，不過網上數據都係避重就輕，只係聽到校長O ...
作者: happypapapa 時間: 17-9-28 15:09
mcl203 發表於 17-9-28 15:02
所以...我咪話若有粉絲深信Net 14係無保險線
咁即係...乙1唔中...可能乙2填啟基中啟基
乙3填啟基中啟基... ...
實情係無人會填啟基咁前，都係填乙10幾多。。。
仲有一點，係舊年大抽獎張選校表內，啟基及康山都有打(*), 附註(*)寫如有需要可加班多收學生，你話睇到幾咁嚇人啊！
作者: mcl203 時間: 17-9-28 15:15
happypapapa 發表於 17-9-28 15:09
實情係無人會填啟基咁前，都係填乙10幾多。。。
仲有一點，係舊年大抽獎張選校表內，啟基及康山都有打(*) ...
作者: happypapapa 時間: 17-9-28 15:18
hohoho888 發表於 17-9-28 14:53
奇妙tv 果個咩潮媽節目有訪問, 我無為意佢叫咩名
話有個沙田區家長只填左6間, 之後派左去大嶼山..
咁又係啊，派同區寶校都好過去大嶼山
作者: happypapapa 時間: 17-9-28 15:19
mcl203 發表於 17-9-28 15:15
咁即係有2間...其中之一係家長多數唔接受...另一就係所謂保險線了 ~~~
...
但就係呢兩年競爭太大，令到條保險線要越填越高。。。
作者: mcl203 時間: 17-9-28 15:21
happypapapa 發表於 17-9-28 15:19
但就係呢兩年競爭太大，令到條保險線要越填越高。。。
作者: lcyesther 時間: 17-9-28 15:21 標題: 回覆樓主
佛康係happy school,對Sen 支援好。但如果小朋友非有特殊教育需要，是否反而怕太多資源去左sen度？
Happy school 如果無好策略，學術水平好難同谷的小學競爭。到時pre-s1考得唔好，派位好難好。
佛康的好，真係唔係個個小朋友也適合。
作者: littlerabbitmom 時間: 17-9-28 15:25
mcl203 發表於 17-9-28 15:02
所以...我咪話若有粉絲深信Net 14係無保險線
咁即係...乙1唔中...可能乙2填啟基中啟基
乙3填啟基中啟基... ...
其實大大部份都係中乙一的. 始終NET14每間學校有不同FANS.
大家就係要搏一搏自己個隨機號碼能夠係所揀既學校乙一學額接收之內
根據去年統一派位NET14學額, 唔計借位, 啟基佔12%
作者: hkpapa852 時間: 17-9-28 15:39
happypapapa 發表於 17-9-28 15:09
實情係無人會填啟基咁前，都係填乙10幾多。。。
仲有一點，係舊年大抽獎張選校表內，啟基及康山都有打(*) ...
作者: hohoho888 時間: 17-9-28 15:42
hkpapa852 發表於 17-9-28 15:39
其實根本無需填啟基, 反正唔填最差都係派入去啟基 (或16網借位學校)
寶校都要塞落去, 如果唔係會唔知派去邊,
作者: hkpapa852 時間: 17-9-28 15:52
hohoho888 發表於 17-9-28 15:42
根據果位專家講, 如果是岩既
寶校都要塞落去, 如果唔係會唔知派去邊,
寶校都要塞落去, 如果唔係會唔知派去邊
就知佢無料到..... 連基本遊戲規則都唔熟
作者: hohoho888 時間: 17-9-28 15:58
hkpapa852 發表於 17-9-28 15:52
就憑佢講呢點:
寶校都要塞落去, 如果唔係會唔知派去邊
咁點先會出現沙田區派左去大嶼山呢個情況嫁?
作者: hkpapa852 時間: 17-9-28 16:08
本帖最後由 hkpapa852 於 17-9-28 16:09 編輯
大家話康山升緊, 啟基繼續做寶校..... 我又專登翻查資料
啟基小學2015-2016年度校務報告:
http://www.ccshki.edu.hk/main/de ... -16schoolReport.pdf
PDF P.6中, 顯示小六有27人
啟基小學2015-2016年度升中派位:
http://www.ccshki.edu.hk/main/student/2015-2016_pipe_sec.html
屬B1中學既學校, 齋數校名有至少以下7間:
中華基金
優才
張祝珊
筲箕灣官立
聖馬可
港島民生
嘉諾撒
當每間學校只有1人入讀, 即升讀B1比例, 至少有: 7/27=25.93%
佛教康山2015-2016年度校務報告:
http://www.bcwkps.edu.hk/it-scho ... _rep_1477641699.pdf
從PDF P.28可見, 升讀以下B1中學:
張祝珊
港島民生
中華基金
合共: 15.38%+3.85%+3.85%=23.08%
到底..... 何為寶校呢?
作者: hkpapa852 時間: 17-9-28 16:09
hohoho888 發表於 17-9-28 15:58
咁點先會出現沙田區派左去大嶼山呢個情況嫁?
作者: hohoho888 時間: 17-9-28 16:10
hkpapa852 發表於 17-9-28 16:09
有出現過嗎?
作者: mcl203 時間: 17-9-28 16:11
littlerabbitmom 發表於 17-9-28 15:25
其實大大部份都係中乙一的. 始終NET14每間學校有不同FANS.
若係大部分家長都能中乙1，咁又即係D家長自行配對策略成功了，勁過D某教授既雷動計劃～～～
作者: hkpapa852 時間: 17-9-28 16:12
hohoho888 發表於 17-9-28 16:10
唔知呀, 專家話有囉
自己諗吓
作者: tommyxsarah 時間: 17-9-28 16:14
hkpapa852 發表於 17-9-28 16:08
大家話康山升緊, 啟基繼續做寶校..... 我又專登翻查資料
啟基小學2015-2016年度校務報告:
我估升緊 係應該睇未來幾年數據
同埋升中唔係佢地考慮範圍之內掛
可能關愛 同 愉快學習 係佢地既首要考慮掛
作者: hohoho888 時間: 17-9-28 16:16
hkpapa852 發表於 17-9-28 16:08
大家話康山升緊, 啟基繼續做寶校..... 我又專登翻查資料
啟基小學2015-2016年度校務報告:
頭先先研究緊, 其實啟基係咪衰在promotion?
然後又睇番點解九龍啟基同北角呢間基啟差咁多呢,
然後點解又改左名叫啟基呢?
search 到09年呢篇野:
http://std.stheadline.com/daily/news-content.php?id=664452&target=2
"(星島日報報道)因收生不足，面臨殺校而獲准開辦自資（私立）小一的北角街坊會陳維周夫人紀念學校，新學年全面改革，除了改名為「啟基學校（港島）」，更耗資五百萬元增聘新教師、翻新校舍及改建多個特別室，並於今日舉辦開放日，希望為學校樹立新形象，吸引區內中產家庭報讀，力求下學年取錄足夠學生，重獲政府資助。"
"對於將學校改名為啟基學校（港島），校監馬偉雄稱，該校與九龍塘的私立小學啟基學校同屬陳樹渠家族創辦，辦學理念一脈相承，「現在是一個好的契機，重新推介學校，讓家長了解我們的教學模式與時並進。」配合學校變革，該校的校徽、校服及校歌等將於下學期前逐步更新。"
陳維周是陳樹渠老豆...
作者: hkpapa852 時間: 17-9-28 16:19
tommyxsarah 發表於 17-9-28 16:14
我估升緊 係應該睇未來幾年數據
同埋升中唔係佢地考慮範圍之內掛
可能關愛 同 愉快學習 係佢地既首要考慮 ...
以前D人都係話, 啟基只係關愛有餘, 學術能力不足喎? 而且依家周圍D人都係話佢學校Happy但學生能力不足..... 咁....
其實呢, 原來14網都幾好, 升中派位最差個兩間升B1比例都有2X%, 反觀16網最差, 至少已發現有一升B1只間得1X%........
作者: hohoho888 時間: 17-9-28 16:22
hkpapa852 發表於 17-9-28 16:19
啟基唔關愛咩?
以前D人都係話, 啟基只係關愛有餘, 學術能力不足喎? 而且依家周圍D人都係話佢學校Happy但學 ...
HOHOHOHO
14網沒寶校喇~~~ 
作者: hohoho888 時間: 17-9-28 16:23
hkpapa852 發表於 17-9-28 16:19
啟基唔關愛咩?
以前D人都係話, 啟基只係關愛有餘, 學術能力不足喎? 而且依家周圍D人都係話佢學校Happy但學 ...
六年級一級得廿幾人, 我想像到可以好"關愛"...
作者: mcl203 時間: 17-9-28 16:24
hkpapa852 發表於 17-9-28 16:19
啟基唔關愛咩?
以前D人都係話, 啟基只係關愛有餘, 學術能力不足喎? 而且依家周圍D人都係話佢學校Happy但學 ...
上年都好似有幾位家長力推啟基㗎～～～
| 歡迎光臨 教育王國 (/) |
Powered by Discuz! X1.5 |