教育王國

標題: 九龍灣德福幼稚園-入讀前聽下現任家長心聲 [打印本頁]

作者: bobomama325 時間: 17-9-21 10:49 標題: 九龍灣德福幼稚園-入讀前聽下現任家長心聲

細佬讀緊K3,哥哥都係畢業生，㨂呢間因爲夠近，係屋企樓下，方便接送，小朋友又唔洗咁早起身。
當年哥哥讀時我覺得校長主任都好，哥哥都讀得開心，雖然學費唔平，教學質素一般，但都無諗過轉學，到細佬讀K1時就轉咗校長，開始覺得越來越商業化，老師又Hea ，當時想轉校，但全日班學位難求，升K2時終於遇到位好班主任，我覺得小朋友有明顯進步，今年升K3都係同一位班主任，但開學唔夠兩星期，突然收到通知班主任因私人理由離職，學校轉了新校長，我以為可能同新校長有意見所以唔做，但原來係新校長有一日放學同班主任講學校重整架構，要佢自動離職，即時生效。

知道這個消息後真係好唔開心，我無見這位新校長，但這種做法令人好反感，我對呢間學校非常失望，好可惜這位老師不可以陪伴小朋友畢業，我真的不吐不快。

如果你想讀呢間幼稚園，就真係要三思！

作者: 忌廉烏冬 時間: 17-9-26 17:10

多謝你的分享，好實用的資訊，希望你仔仔可以遇到另一位有心的老師

作者: yaubb2014 時間: 17-9-26 20:41

bobomama325 發表於 17-9-21 10:49
細佬讀緊K3,哥哥都係畢業生，㨂呢間因爲夠近，係屋企樓下，方便接送，小朋友又唔洗咁早起身。
當年哥哥讀時 ...

遇到好班主任真係好難得……

作者: 蕃茄薯仔湯 時間: 17-10-13 09:59

呢間學校比人感覺一向好[學店]
我幾年前去拎報名表, 見到幾個小朋友响校務處食飯
原來係有D小朋友上午返本地班下午返國際班...
學校咁樣取錄, 仲比埋飯食, 簡直助長呢D咁唔健康既風氣..

作者: pm1202 時間: 17-10-15 00:31 標題: 回覆樓主:

聽說 k1 都有班主任上星期走咗

作者: Adrianliu 時間: 17-10-15 23:36 標題: 回覆樓主

請問德福N班是否直升K？還是要再面試？

歡迎光臨教育王國 (/)