教育王國
標題: 黃宣 vs 千禧 vs 奉基, 基督教, 20分, 點選好? [打印本頁]
作者: fdsafdsa 時間: 17-9-21 08:46 標題: 黃宣 vs 千禧 vs 奉基, 基督教, 20分, 點選好?
本帖最後由 fdsafdsa 於 17-9-26 15:23 編輯
仲未諗好.....黃埔有幾間基督教學校.....20分都有機....
講返選校條件, 呢 3 間升中成績都公開透明 (呢個好重要), 奉基 band 1 有 45%......好似幾理想....但小朋友 (其實我都係), 最怕傳統谷, 多抄寫......黃宣/千禧會唔會比較適合呢.....
作者: hkpapa852 時間: 17-9-21 08:47
fdsafdsa 發表於 17-9-21 08:46 
仲未諗好.....黃埔有幾間基督教學校.....20分都有機....
講返選校條件, 呢 3 間升中成績都公開透明 (呢個 ...
作者: fdsafdsa 時間: 17-9-21 08:57
hkpapa852 發表於 17-9-21 08:47
如果係黃宣小舊生, 仲有基督教分, 咁係25分, 入梗喎?
得基督教果 5 分 (total 20 分), 見黃宣比較新又多位, 博抽到機會大啲.
作者: Felix223 時間: 17-9-21 09:13
fdsafdsa 發表於 17-9-21 08:57
我唔係舊生
得基督教果 5 分 (total 20 分), 見黃宣比較新又多位, 博抽到機會大啲.
如你所問黃宣/千奉，黃宣確實學位比較多，校舍略大，係較吸引，個人認為你自己比較buy 邊個校長去㨂，20分只是抽，冇得估計。
作者: nobletree 時間: 17-9-21 10:15 標題: 回覆樓主:
黄宣校長和老師好有愛心
作者: Helloladies 時間: 17-9-21 11:56
三間實力差不多，要睇自己點諗。
黃宣是新校，應該無咁快有舊生抽。
作者: fdsafdsa 時間: 17-9-21 12:12
本帖最後由 fdsafdsa 於 17-9-21 13:29 編輯
nobletree 發表於 17-9-21 10:15
黄宣校長和老師好有愛心
黃宣多抄寫嗎?
作者: Helloladies 時間: 17-9-21 13:43
回覆 fdsafdsa 的帖子
都係的，呢一區，奉基相對
1. 多舊生 2.有宗教 3. 班小及校細
計機會率係細好多。
況且呢兩年呢區學位嚴重不足，要係外區借位。
作者: Helloladies 時間: 17-9-21 13:46
回覆 fdsafdsa 的帖子
又聽唔到呢區D媽媽話黃宣特別多抄寫喎。
作者: nobletree 時間: 17-9-21 18:30
fdsafdsa 發表於 17-9-21 12:12
黃宣多抄寫嗎?
抄寫不多,功課比較多元化,小朋友冇咁沉悶。
作者: fdsafdsa 時間: 17-9-26 09:59
交咗表~ 過程都好快~ 祝大家好運~
作者: nobletree 時間: 17-9-26 12:11
fdsafdsa 發表於 17-9-26 09:59
交咗表~ 過程都好快~ 祝大家好運~
選了那間?
作者: garfielddog 時間: 17-9-26 14:50
睇番舊POST 話20分抽奉基都大機會, 因為好多人去黃宣同千禧....真係好難揀 
作者: Felix223 時間: 17-9-26 14:58
每年都好難估, 其實大家打心理戰. 所以唯有靠自己分析同邊間較為適合自己.
作者: fdsafdsa 時間: 17-9-26 15:01
Felix223 發表於 17-9-26 14:58
每年都好難估, 其實大家打心理戰. 所以唯有靠自己分析同邊間較為適合自己. ...
作者: Felix223 時間: 17-9-26 15:10
fdsafdsa 發表於 17-9-26 15:01
yes, 邊估得咁多, 都係選心儀果間最實際
本帖最後由 Felix223 於 17-9-26 15:12 編輯
係！D人問自行機會多與少？只要仲有得抽，不是陪跑，自己又真正心儀，咪照go ! 自己覺得唔會後悔咪得。
大抽獎一樣，總之衡量自己接唔接受到個結果再如何行策略。
因為逢呢D時間，梗有D人會出口術，所以自己分析究竟是否有機會抽先再決定。
作者: hkpapa852 時間: 17-9-26 15:15
Felix223 發表於 17-9-26 15:10
本帖最後由 Felix223 於 17-9-26 15:12 編輯
係！D人問自行機會多與少？只要仲有得抽，不是陪跑，自己 ...
大家留意吓遲D有冇 
作者: Felix223 時間: 17-9-26 15:21
hkpapa852 發表於 17-9-26 15:15
每逄小一/中一大抽奬交表前, 都會多咗D新會員發佈一D未經証實但又擺明係針對某/某些學校既不利消息.
大家 ...
作者: elampk 時間: 17-9-26 18:00 標題: 回覆樓主
上幾個星期去左千禧簡介會，聽過校長present,佢去想打做千禧成happy school,佢講野好叻，叫家長唔好信網上對千禧的負評，佢講佢真誠希望學生快樂學習，但強調這不等如容易無困難，另外她似暗示部分老師末能配合佢的方針。
但係佢唔覺BCA係問題，在講到普教中方面佢將教普通話同在普通話教中文混為一談，更話用普通話吟詩好好聽。
當日無即場答問時間，同佢唔鼓勵家長之間有WhatsApp group
作者: feifei_baby 時間: 17-9-26 18:30
elampk 發表於 17-9-26 18:00
上幾個星期去左千禧簡介會，聽過校長present,佢去想打做千禧成happy school,佢講野好叻，叫家長唔好信網上 ...
我去年都有聽千禧校長講講座，幾鍾意佢堂上分小組咁學，我覺得校長present得好好，但我識得黃埔區幼稚園嘅高層，佢話千禧校長食唔住啲老師，叫我諗清楚。
作者: Felix223 時間: 17-9-26 18:34
elampk 發表於 17-9-26 18:00
上幾個星期去左千禧簡介會，聽過校長present,佢去想打做千禧成happy school,佢講野好叻，叫家長唔好信網上 ...
本帖最後由 Felix223 於 17-9-26 18:36 編輯
我都有去，佢有暗示過老師未能配合校長方針？同關於家長whatsapp group 事宜有提及過？
作者: Felix223 時間: 17-9-26 18:39
feifei_baby 發表於 17-9-26 18:30
我去年都有聽千禧校長講講座，幾鍾意佢堂上分小組咁學，我覺得校長present得好好，但我識得黃埔區幼稚園嘅 ...
可以分享一下詳情？點樣食唔住D老師？我好好奇。
作者: Helloladies 時間: 17-9-26 20:52
hkpapa852 發表於 17-9-26 15:15
每逄小一/中一大抽奬交表前, 都會多咗D新會員發佈一D未經証實但又擺明係針對某/某些學校既不利消息.
大家 ...
作者: feifei_baby 時間: 17-9-27 00:16
Felix223 發表於 17-9-26 18:39
可以分享一下詳情？點樣食唔住D老師？我好好奇。
講呢啲？算唔算針對某學校嘅不利傳聞先？我提唔出證據喎，除非親身入去做，否則好多嘢真正用家都未必知啦，個個家長校董、家教會成員咩？
利申：冇子女、親戚今年參加自行派位
作者: Felix223 時間: 17-9-27 07:55
feifei_baby 發表於 17-9-27 00:16
講呢啲？算唔算針對某學校嘅不利傳聞先？我提唔出證據喎，除非親身入去做，否則好多嘢真正用家都未必知啦 ...
你諗多了，不過令你感為難就無謂。Thx. 
作者: elampk 時間: 17-9-27 12:51
Felix223 發表於 17-9-26 18:34
本帖最後由 Felix223 於 17-9-26 18:36 編輯
我都有去，佢有暗示過老師未能配合校長方針？同關於家長wh ...
果日我聽最後果場。
果日校長講到佢想做多D野去滿足學生的需要，但佢明白老師有唔同背景，末必完全同意佢的想法云云⋯⋯至於係唔係食唔住我唔敢講，我唔係區內入，唔識得區內幼稚園老師，當時第一個反應係一個超級Sales講到天花龍鳳後補一句件貨唔係我做，將責任推開，no offence
作者: elampk 時間: 17-9-27 13:00
Felix223 發表於 17-9-26 18:34
本帖最後由 Felix223 於 17-9-26 18:36 編輯
我都有去，佢有暗示過老師未能配合校長方針？同關於家長wh ...
有關WhatsApp group係佢講緊，家長有乜問題可以問老師，家長WhatsApp group只會以訛傳訛，仲會舉例會影響令學生依賴個group（個例子大概係家長知道孩子明天要帶乜乜，但孩子忘記帶家長反而提返佢）
作者: Helloladies 時間: 17-9-27 21:27
自己認識呢區的千禧用家普遍評語是正面的.
作者: Felix223 時間: 17-9-27 22:37 標題: 回覆樓主
小學的簡介會各人感受係會有所不同，在選校前非常建議大家自己真的要親身體驗下，先知邊間小學係自己杯茶。
作者: Soyi67 時間: 17-9-28 01:00 標題: 回覆樓主：
本帖最後由 Soyi67 於 17-9-28 01:04 編輯
大仔今年讀千禧小一,未入讀前好多朋友對千禧感覺都一般,但我本人無特別原因而對千禧感覺唔錯。上年我無去過任何一間小學聽講座,因為心目中無其他心儀學校,所以無聽到其他。
但聽完千禧講座, 參觀過學校,我目標更明確地簡千禧。依家開學都有差唔多一個月了,我仔仔讀得好開心,暫時都未有太大壓力。而且小一上學期學校是沒有考試,只有評估(說了不計分),其實點簡學校真係好睇小朋友適唔適合同家長對學校嘅感覺,認唔認同學校方針...。
上年我是簡千禧111,好好彩抽中,希望今年大家用心常心去玩呢個遊戲,加油！
作者: se6b03 時間: 17-9-28 09:33
唔關升小事，只係想講奉千一d花邊野。話說奉千今年慶祝創校15週年，之前都舉辦左好多活動，連港鐵黃埔站入面都見到廣告宣傳。但我覺得好奇既係奉千係由奉基分拆出黎既，係原奉基下午校，2001年遷往隔離新校舍。本來好多小學轉全日制後，都會分拆做兩間學校，其中一間會搬往新校舍，但多數都會保留原本既校齡，係由原校創校日起計。而奉千卻竟然放棄1988年至2001年之間既校齡，用2001年作為創校年份。需知道學校既校齡其實好寶貴。好似新油天咁樣，1968年創校，2000年搬去新校舍，但仍然會保留1968年做創校日期，明年新舊油天一齊慶祝創校50週年金禧紀念。
好奇點解奉千要刻意同奉基切割，否則兩校可以明年(2018)一齊慶祝創校30週年紀念，宣傳效果會大好多，今年奉千反而自己攪個15週年校慶紀念，刻意唔join埋奉基一齊。
另一樣係聽聞奉基及奉千兩校校舍之間係無任何分隔既，學生豈不是可以自由穿梭兩校，有冇用家可以證實下，兩校之間是否真係無分隔，算唔算獨特？
作者: Binlojai 時間: 17-9-28 15:22
se6b03 發表於 17-9-28 09:33
唔關升小事，只係想講奉千一d花邊野。話說奉千今年慶祝創校15週年，之前都舉辦左好多活動，連港鐵黃埔站入 ...
但我成日經過又唔見有同學自由穿梭兩間學校喎... 好奇怪~~
作者: Binlojai 時間: 17-9-28 15:24
Felix223 發表於 17-9-27 22:37
小學的簡介會各人感受係會有所不同，在選校前非常建議大家自己真的要親身體驗下，先知邊間小學係自己杯茶。 ...
親身經歷, 同朋友同時聽完校長講同一番說話, 感受看法竟然係南轅北轍...
所以真係唔懶得, 選校要親身去接觸去感受, 唔好道聽途說...
作者: Felix223 時間: 17-9-28 15:51
Binlojai 發表於 17-9-28 15:22
兩校真係無分隔~
但我成日經過又唔見有同學自由穿梭兩間學校喎... 好奇怪~~
...
同你一樣，我都係日日經過。
作者: Binlojai 時間: 17-9-28 17:10
Felix223 發表於 17-9-28 15:51
同你一樣，我都係日日經過。
作者: konew720 時間: 17-10-5 03:13
se6b03 發表於 17-9-28 09:33
唔關升小事，只係想講奉千一d花邊野。話說奉千今年慶祝創校15週年，之前都舉辦左好多活動，連港鐵黃埔站入 ...
本帖最後由 konew720 於 17-10-6 09:47 編輯
早兩年分別去過兩間既簡介會，千禧感覺良好，講到學校好關心學生，一間好有愛既學校，反而奉基就聽到火都黎，仲想中途離場，不過基於對講者既基本禮貌，最後都係聽完先走。
奉基簡介會俾我既感覺係只重學術，其他野都唔重要，因為有98%時間係講學術。直接同小朋友講"如果你日後唔想掃街就讀多d書"，最令我反感係呢句，教小朋友歧視其他人。另一樣係話如果因為去旅行而請假會扣操行分，其實一年好多次我都接受唔到，但一次半次都好正常掛，咁岩親人去外國結婚，就唔去得？咁無情講？要明白小朋友係去學習而唔係軍訓。
但有同學仔媽咪聽完好buy。每個人感覺觀點都唔同，有疑問最好自己去了解，唔好聽人講。
題外話，如果千禧校長似sales，王錦輝校長就係top sales。
作者: gglover 時間: 17-10-5 08:59
konew720 發表於 17-10-5 03:13
早兩年分別去過兩間既簡介會，千禧感覺良好，講到學校好關心學生，一間好有愛既學校，反而奉基就聽到火都 ...
Re：如果千禧校長似sales，黃錦輝校長就係top sales。
咁英華校長應該係Sales Manager
作者: feifei_baby 時間: 17-10-6 07:00
konew720 發表於 17-10-5 03:13
早兩年分別去過兩間既簡介會，千禧感覺良好，講到學校好關心學生，一間好有愛既學校，反而奉基就聽到火都 ...
我都有聽奉基講座，不過係早一兩年聽，我都好愕然竟然係學術為本，因為業績唔算好標青，谷行個細路結果升中同隔離差不多的話，我會揀隔離果間happy啲。
作者: Felix223 時間: 17-10-6 10:33 標題: 回覆樓主
我又講下自己嘅看法，去過黃宣開放日，紅馬、千奉、奉基丶葛小聽過簡介會。5間小學都各具特色，除了宗教信仰，最令我感到理念相近只是得奉基，奉基個校長係著重學生要尊師重道，重要學術由其英文，認為英文仍然係世界性主導，普通話都重要，但學好中文始終係要用自己的母語（粵語）去學係最好，所以仍然會堅持用粵教中，普通話平時有普通話科目已經足夠。呢一點我真係講出我心聲！德育培養，又覺得ok ! 其實奉基在黃埔區學術同派位一直係比較好，呢點係事實。
葛小，好sell 關愛，學術不是重點，學校校長說有教無類，校內都有好多課外活動比小朋友，估不到學校操場都有攀石、單車可以讓學生學習。
紅馬，呢一間最深刻....配套措施真是區內一流，但是簡介會後，我對個校長非常有保留，所以不會考慮這一間。
無論揀邊間，每個人感覺都不一樣啊！都係嗰句，一定要親身參與小學簡介會。
作者: hkpapa852 時間: 17-10-6 10:38
其實係香港現今既教育制度, 如果有學校話唔重視學術, 一係佢老點你, 一係暗示學術要家長你地自己攪掂.
包裝一定係要好睇既, 唔係點吸引顧客呢?
作者: se6b03 時間: 17-10-6 11:04
可能奉千個校長刻意要做d野，令人覺得佢同奉基係有分別，因為大家背景相近而又「客源」相同。如果大家都sell學術強，大家鬥成績，好容易形成惡性競爭，到時老師學生都會辛苦，所以一間sell學術，另一間就sell愉快學習。
作者: Monosaru 時間: 17-10-6 11:55
Felix223 發表於 17-10-6 10:33
我又講下自己嘅看法，去過黃宣開放日，紅馬、千奉、奉基丶葛小聽過簡介會。5間小學都各具特色，除了宗教信 ...
我都聽晒區內簡介會，感覺同你差不多，奉基雖然只重學術，會鼓勵學生參加公開考試，算係區內派位幾好。葛小真係學會自理、耐性，理念非常好，今年大抽獎我仔第2派到，但考慮到升中派位比較差，都試試叩門，不過壓力不大。千禧感覺好著重運動，課室枱的擺位另我非常欣賞，鼓勵小朋友愉快投入學習，我都好鍾意。紅馬區內比較係傳統、出名，但見近幾年換左校長退步中，升中資料亦變不透明，太親中，樂器亦只有中樂，普教中大失所望，但校舍環境都好好。黃宣喺我心目中係課室比較舊，超多活動，宗教氣氛濃厚，學術亦好，近幾年不斷進步中，全部學生喺禮堂lunch, lunch後有好多午間活動興趣班，可以返學時間內學好樂器、運動，我覺得非常適合小朋友，係我111的選擇，可惜今年太多人選黃宣第一，派不到。
利申：大抽獎 黃宣，葛小，聖提，千禧，奉基，紅馬
叩門入：紅馬，黃宣。而家讀緊黃宣
大家加油(emoji)
作者: hkpapa852 時間: 17-10-6 11:59
Monosaru 發表於 17-10-6 11:55
我都聽晒區內簡介會，感覺同你差不多，奉基雖然只重學術，會鼓勵學生參加公開考試，算係區內派位幾好。葛 ...
作者: cloudcloudrobot 時間: 17-10-6 12:09
Felix223 發表於 17-10-6 10:33
我又講下自己嘅看法，去過黃宣開放日，紅馬、千奉、奉基丶葛小聽過簡介會。5間小學都各具特色，除了宗教信 ...
咁要個簡介會做乜？
作者: Felix223 時間: 17-10-6 12:22
cloudcloudrobot 發表於 17-10-6 12:09
紅馬簡介會十分正，台下家長問唔知乜野教學理念，個校長叫家長睇學校網頁喎。。。
咁要個簡介會做乜？:ques ...
本帖最後由 Felix223 於 17-10-6 12:24 編輯
當日台下個家長問紅馬校長小一會有多少測考，校長叫佢看網站。其實去網站看，我點解要去簡介會？成個簡介會只是介紹學校設施喎，當時見到呢個情景，我哋班家長O 曬，係都要我講到咁白....
作者: Monosaru 時間: 17-10-6 12:43
hkpapa852 發表於 17-10-6 11:59
好少家長好似你咁認真去瞭解每一間學校...... 又數都係盲目追捧, 尤其係隻馬
...
雖然我切實去了解，但派不到亦無辦法。隻馬其實不差，硬件幾好，曾經入到亦好感恩，仍然有進步空間。如果學黃宣改變普教中的模式，應該會更受歡迎，另外家教會的角色亦可以學習黃宣，不偏重於獨立家長的興趣班，唔應該星期六家長掉低小朋友，番小學自己學嘢，我覺得over左少少。黃宣家教會好著重返學時間內到學校幫手教小朋友，照顧低年級小朋友等等，家長義工當值圖書館教小朋友讀書，很多個範疇都係幫小朋友，大部分都係親子，亦係全校學生受惠。我意思係家長可以幫學校發展，亦有好多好有heart的FTM, 但希望活動main point在於幫助小朋友，不是家長們的榮耀。
作者: konew720 時間: 17-10-7 15:55
se6b03 發表於 17-10-6 11:04
可能奉千個校長刻意要做d野，令人覺得佢同奉基係有分別，因為大家背景相近而又「客源」相同。如果大家都sel ...
我反而覺得係奉基校長刻意另人覺得奉基同千禧係有分別。係簡介會唔只一次強調自家學校同鄰校既分別。個人覺得言語間有少少睇低千禧。
作者: josewing 時間: 18-1-11 09:54
konew720 發表於 17-10-7 15:55
我反而覺得係奉基校長刻意另人覺得奉基同千禧係有分別。係簡介會唔只一次強調自家學校同鄰校既分別。個人 ...
作者: Arabellahk 時間: 18-1-11 23:33
josewing 發表於 18-1-11 09:54
奉基校長覺得自己學生高人一等? 我又吾覺囉，不停谷谷谷升中band one %都冇一半。 ...
作者: hkpapa852 時間: 18-1-12 10:05
Arabellahk 發表於 18-1-11 23:33
奉基好像不是很谷，入band1中學雖然不到50%，但比區內其他學校已高出許多，估計在全港應排在50名內。
...
大抽獎要按區內分Banding, 就係區內學校學術水平既比較. 只要好過區內學校, B1比例自然會高D
作者: Pigdripy 時間: 18-1-18 21:50
hkpapa852 發表於 18-1-12 10:05
小學只需要和同區既比較就夠了, 畢境大部份學生升中最後都要靠大抽獎
大抽獎要按區內分Banding, 就係區內 ...
Oh 我以為係全港咁rank, 去分banding, 界三份 tim...
作者: hkpapa852 時間: 18-1-19 08:47
Pigdripy 發表於 18-1-18 21:50
Oh 我以為係全港咁rank, 去分banding, 界三份 tim...
第一次係全港學生去分, 用作甲部派位; 第二次係以區內學生去分, 用作乙部派位
升中大抽獎同升小一樣, 主要學額都係乙部, 所以區內既Banding更重要
作者: joyce76123 時間: 18-1-28 22:26
本帖最後由 joyce76123 於 18-1-28 22:59 編輯
黃宣舊年最多人選，落空的多，奉基有幾個朋友第二中，但這些每年都會不同。紅馬舊年派位QE位極少，想當年蔡校長時派位成績幾靚。奉基相對區內幾間教的深，功課多，升中派位是區內最好。x
作者: micmic37 時間: 18-1-31 23:27
joyce76123 發表於 18-1-28 22:26
黃宣舊年最多人選，落空的多，奉基有幾個朋友第二中，但這些每年都會不同。紅馬舊年派位QE位極少，想當年蔡 ...
部分家長嫌奉基校舍唔吸引，又比較傳統、比較谷。所以，就算近幾年升中派位持續進步，都唔係部分家長嘅首選。
視乎個別情況，各有各喜愛！
| 歡迎光臨 教育王國 (/) |
Powered by Discuz! X1.5 |