教育王國

標題: 陳鄭玉而vs明我 [打印本頁]

作者: caroni 時間: 17-9-18 20:48 標題: 陳鄭玉而vs明我

2間撞左面試時間，點揀好? 或者有jm試過改時間嗎?

作者: mrivan 時間: 17-9-21 00:06 標題: 回覆樓主:

明我

作者: caroni 時間: 17-9-23 11:58

回覆 mrivan 的帖子

請問點解揀明我既? 因我見2間評價都唔錯，明我就谷啲，仁愛堂就老師好

作者: wingwing107 時間: 17-9-26 18:21 標題: 回覆樓主

你想要咩學校先？兩間唔同嘅學校喎。

1.明我係半日班，ftm可以相對彈性安排其他活動俾小朋友；陳鄭玉而係全日制，適合要返工嘅媽媽。同埋全日制要係學校食飯、午睡，去洗手間嘅次數都多d，相對自理能力應該會較強。
2.明我出名谷，聽講K.3要默書；陳相對happy school，K.2下學期開始學寫字，K.3不需要默書，但升小一可能要多花時間去適應。
3.其實都好重要，就係住係邊。個人意見，小朋友咁細個，如果要花時間係交通上面辛苦左佢。

利申：小朋友讀陳鄭玉而，老師有愛心，好多都好有經驗，同埋好尊重小朋友意見，傾向先俾佢地自己試左唔得先再引導佢地用其他方法。或者學術方面未必夠其他學校強，但刺激到小朋友學習動機。始終要一個小朋友學新事物，除左重複洗腦，我相信佢有興趣嘅事物印象更深。

作者: caroni 時間: 17-9-27 19:15

回覆 wingwing107 的帖子

謝謝你回覆~ 其實明我近啲，陳鄭要搭一個站，所以本身我諗住揀明我~ 但後來先發現明我谷學術，同唔太注重人同人之間交流，我又唔係好想。請問你小朋友上小一適應困難嗎?

作者: wingwing107 時間: 17-9-28 15:53

caroni 發表於 17-9-27 19:15
回覆 wingwing107 的帖子

謝謝你回覆~ 其實明我近啲，陳鄭要搭一個站，所以本身我諗住揀明我~ 但後來先發 ...

小朋友未上小一啊

作者: caroni 時間: 17-9-28 16:17

回覆 wingwing107 的帖子

明白，謝謝你呀~~

作者: wingwing107 時間: 17-9-28 16:33 標題: 回覆樓主

作為用家，我會話我幫小朋友揀啱學校

。小朋友好鍾意返學，上堂會分小組進行活動都好多，若媽媽想小朋友學習待人接物，呢方面肯定唔需要擔心。
同埋我鍾意學校多outdoor活動。K1下學期開始多外出嘅活動，開初有少少擔心小朋友離開幼稚園範圍危險（通常老師+家長：小朋友比例1拖2）不過慢慢都放心，小朋友都習慣左外出要拖實大人注意安全，大部分好守規矩。我buy嘅係，例如果個月嘅學習主題係公園，安排左去公園考察，老師會俾小朋友分組，分別負責觀察植物、昆蟲/雀仔、遊樂設施，然後第二日上堂報告返所見所聞。感覺上小朋友平時出街會多左觀察身邊嘅事物，或者街上見到學過嘅嘢會主動好詳細咁講解俾你聽。我覺得比起打開本書/播片話俾你聽公園有花草樹木，小朋友嘅親身經驗更重要。
以上係我個人感覺，每個媽媽想俾小朋友一個最好嘅學習環境，但每個人對最好嘅定義都唔一樣，睇返媽媽想要d咩去揀。

作者: caroni 時間: 17-10-3 18:10

回覆 wingwing107 的帖子

謝謝你，好詳細既分享，咁睇黎陳鄭玉而真係一間幾好既學校，我覺得活動教學多比坐定定更能吸引小朋友學習興趣，我都buy呢套，咁我認真考慮下先 (當然大前提係佢收先算 ^^")我想請問係咪每個月都會外出? 咁每次家長都會一齊去? 因我見你話1:2

作者: wingwing107 時間: 17-10-5 20:55

caroni 發表於 17-10-3 18:10
回覆 wingwing107 的帖子

謝謝你，好詳細既分享，咁睇黎陳鄭玉而真係一間幾好既學校，我覺得活動教學多比 ...

本帖最後由 wingwing107 於 17-10-5 20:58 編輯

冇定期schedule
K2開始，每星期有一日去就近嘅公園玩（視乎天氣）
至於外出參觀都冇定每個月定點，會配合果個月嘅教學主題，一般低班學校計劃，大個d亦睇返小朋友嘅意見，有時去嘅目的地甚至係小朋友自己提議/投票（我個小朋友係咁講，。亦當然我相信老師會衡量可行性）
家長方面，出通告會問埋有冇家長願意做今次活動義工，通常ftm比較容易安排時間幫手，我幫過幾次都係一拖二（自己個小朋友+1個同學）

作者: wingwing107 時間: 17-10-5 21:04 標題: 回覆樓主

仲有佢地冇校巴嫁

家長要考慮埋呢一點

作者: caroni 時間: 17-10-6 08:36

回覆 wingwing107 的帖子

聽你分享完我真係覺得幾好，都係我想要既幼稚園。雖然要搭一個站地鐵，不過我會考慮下，如果有開放日就好了，可以入去感受下

作者: zxcdsaqwe 時間: 17-11-16 16:55

回覆 caroni 的帖子

當然明我幼稚園，我朋友女讀，我覺得好好，老師有愛心，又有好多活動，每天外籍老師都會到全校各班與小朋友玩遊戲

作者: Galaxymommy 時間: 17-11-25 16:09

回覆 wingwing107 的帖子

收到陳鄭玉而offer，我對尼間學校感覺都好好，好鍾意佢嘅理念，但太隱世無乜人討論，想問您多d細節：1.功課多唔多？平日要唔要帶返屋企做？因好多全日制已經係學校完成了再回家。
2.尼間幼稚園小朋友英文ok嗎？其實我都好buy閱讀繪本學英文的理念，想知道具體情況。
3.暑假放幾耐？
先多謝您的分享！

作者: hihicathk 時間: 17-11-29 19:14 標題: 回覆樓主：

本帖最後由 hihicathk 於 17-11-29 19:15 編輯

我小朋友今年剛畢業，係陳鄭玉而由N班讀到K3畢業，作為用家可分享一下！

學校以3C課程為教學模式、貫徹實行以兒童為本。每個單元雖有固定主題、但會隨著學生每堂的構思和意見而作出調整和伸延。

因每級只得一班，全部教職員對所有學生和家長亦很熟悉，對小朋友極之關愛！對每一位小朋友所提出的構思也會重視。

由於是長全日制學校，小朋友自理能力比同齡孩子高很多。很難想象當年N班同學在坊間playroom開生日會，竟然所有小朋友也可以自己坐定定自行食野。

另外有SEN需要的學生亦會增撥資源協助同協助轉介。紀律方面老師不會嚴厲譴責小朋友，但可以訓練到小朋友自律。

同學即使以前是呆呆的，到K2已經轉數快咗好多，識得表達自己。有自己思想，懂得自行解決問題！小一銜接亦有專題訓練小朋友

學校對病毒傳染處理嚴謹。有發燒情況會即時call父母去接

地方雖小，但佢地有小遊樂組合，每日有大肌肉活動，包括踩單車。每星期如天氣好仲會上空中花園玩。

妹妹讀咗四年，大肌肉發展非常理想

作者: hihicathk 時間: 17-11-29 19:16 標題: 回覆樓主：

本帖最後由 hihicathk 於 17-11-29 19:17 編輯

本身我有兩個小朋友，家姐一早已經入咗一條龍私立神校。妹妹就喺仁愛堂讀左四年。但係，我可以講妹妹同家姐嘅分別就係，妹妹個四年係冇上過雞精班，但佢中英文嘅程度竟然唔比一早已上雞精班的家姐低！

妹妹今年一年班，佢自己已經可以睇晒成本Rainbow magic。因為原先我哋一路都係打算俾佢讀直資或私校，但因為佢本身比較怕羞，加上學校唔出名，所以全軍覆沒！

派位時仲抽到間寶校，但最後妹妹自己叩門考到一線一條龍津小。仲好快適應到！

總括來講，仁愛堂可以比到你愉快學習和充滿關愛的環境成長，而佢亦都可以配合到津小的銜接安排。

但若果你打算要出去考一線神校或直資可能就要衡量一下。

作者: hihicathk 時間: 17-11-29 19:19 標題: 回覆樓主

仲有樣野就係我好欣賞的地方就係：

校長貫徹始終不會拔苗助長！唔會講一套，做一套！佢永遠強調小朋友要做佢地自己能力範圍以內做到嘅嘢！

每個小朋友成長程度都唔同，不能一致地去行，有D小朋友比較慢，老師唔會迫小朋友同家長、反而會耐心協助。

老師嬸嬸都好關愛，好似N班介片片、學校會好幫忙，每段時間同期只會有兩三個小朋友去介，就係為咗令到佢地可以有足夠資源去被關顧。

歡迎光臨教育王國 (/)