教育王國
標題: 點解呢個世代會有d咁無品既補習老師.... [打印本頁]
作者: BB-2006 時間: 17-9-18 18:38 標題: 點解呢個世代會有d咁無品既補習老師....
本帖最後由 BB-2006 於 17-9-19 10:38 編輯
作為一個媽媽,為自己子女的學業籌謀係一般家長都會做的事(利申:我並不是怪獸家長), 子女成績差搵補習老師都係大多家長會做的, 但就因為咁,本人就遇到一個超超超無品既補習老師.....事源係..我係FB既群組內既另一谷友處留言問補習價錢,跟住呢位所謂既補習老師就私訊搵我,問我係咪搵補習,咁我見佢自我介紹話自己係浸大讀social work,又係將軍澳區,諗住佢讀得呢科都有d愛心啩,咁而我又有心搵老師,所以咪繼續去問detail囉,例如時間,學費等.....
好啦,聽咗覺得學費貴,問下佢可否調整價錢都係人之常情啫,之後呢個人覆係實價,叫我自己考慮下先,咁我都算啦,如果係好既,無謂為咗少少錢,咁我冇再為咗價錢去反價,照接受佢開既價,(事後我先知:佢居然話我係一個奇人,居然去講價,佢話從未有人會去講價的)(真係唔知邊個奇),跟住佢就話可以試咗堂先,到時先再商討,咁我咪諗住試下先囉...
同埋本人可能太耐冇接觸私補,一直以為佢講既試堂就等同免費形式,所以亦都冇多加追問,佢亦都冇提及要否收費(相信呢點大家事後都有責任), 咁大家OK,便相約時間地點補課....
咁到嗰日補完課後,我又真的沒有冇比到錢就送佢走, 同時佢亦都冇去問我攞學費
由於我對呢位自稱老師既人既手法不太滿意,所以就whatsapp佢,用好宛轉既說話同佢講唔補,費事佢難落台,點知,佢就好似變咗第二個人咁,居然回應話叫我諗清楚,要知道自己既仔女想要D乜先好搵補習(試完唔啱講好聽D話小朋友唔想補,等你落到台,居然收到呢D說話),跟住又話試堂係要比錢既,但我補完習冇比到,話從未試過遇到一個我咁既家長(我覺得,如果我當時唔比錢你大可以出聲,事後係whatsapp話我呢樣嗰樣),使唔使咁呀? 我聽完之後都即刻答覆佢既然係咁我照計鐘錢過數比返佢,無謂比人覺得我係貪便宜既人,之後亦都block 晒佢既FB同whatsapp, 點知佢居然send SMS嚟話我封鎖晒佢所有嘢唔回應,好不負責任,真係佛都有火,由同佢講唔補開始都知道佢已經原形畢露,無理取鬧,講完唔block等幾時......
好啦,之後同佢傾,直接話佢態度需唔需要咁,莫講話佢讀社會工作系,連基本既禮貌同尊重都冇,我當初唔知要比錢啫,又或者我都有大意,但大家都有責任,況且我都一口答應比返錢佢,仲要咬住呢個point話我點解可以唔比錢,世上冇free lunch,又話我係咩"呢D咁斤斤計較既家長"?我都已經知佢D品格好有問題,扮出嚟既態度好快會打回原形,根本係冇得用正常人既解釋再同佢講...所以我都當今次買個教訓,居然遇著咁既人.....
點知最後,比我發現最大鑊既係,嚟咗75分鐘(係老師話ok冇問題,可以走的),比咗本手冊佢,叫佢對功課同埋幫小朋友默書,佢居然只睇眼見既功課就算,而唔係跟手冊咁逐一檢查齊唔齊,有冇做,同佢反映,佢竟然話小朋友話齊就要相信,唔攞出嚟係佢哋既問題,佢哋要自己負返責任,呢種係佢既教學方式,我的天,居然有個咁不負責任既人,仲枉佢話自己有多年補習經驗,可以將自己未完成既事歸咎於小朋友,連補習老師應有既專業都冇,真係可以hea到咁仲理直氣壯話自己既一套係咁,咩道理....
唉......總結就係...我比錢出嚟請補習老師,遇到個咁既人不突止,仲要打回原形,要自己跟返晒所有嘢,我寫咁大篇嘢出嚟都只係想其他媽媽引以為鑒,真係要好好咁揀一個補習老師,學業並唔係最重要,反而係人品,品格真係可以睇清楚一個人, 大家要提高警覺。
作者: MissUmuch 時間: 17-9-18 19:49
BB-2006 發表於 17-9-18 18:38 
作為一個媽媽,為自己子女的學業籌謀係一般家長都會做的事(利申:我並不是怪獸家長), 子女成績差搵補習老師都 ...
你都好極品難頂吓 
, 你知唔知補習班老師 同功課班老師係唔同 ?
你如果係要揾功課班老師要講明， 補習老師係唔跟呢d野 ... 
作者: BB-2006 時間: 17-9-18 20:20
本帖最後由 BB-2006 於 17-9-18 20:25 編輯
回覆 MissUmuch 的帖子
極唔極品見仁見智啦,你唔知就一句咁話人,唔見得你有幾好囉
我係事前已經講明係要睇功課,有時間先針對其他溫習,大家係agree咗先開始
作者: haihaimom 時間: 17-9-18 20:37
BB-2006 發表於 17-9-18 20:20
回覆 MissUmuch 的帖子
極唔極品見仁見智啦,你唔知就一句咁話人,唔見得你有幾好囉
本帖最後由 haihaimom 於 17-9-18 20:40 編輯
唔好意思，我都係企喺補習老師嗰邊，返一曰工都要出糧。試諗下你返咗第一曰工，老細等你走咗之後同你講你明天唔駛再返，又唔叫我返黎出糧，我都會諗你喺咪想唔出糧，一曰人工都想呃，你俾佢既印象都唔好。個個打工既都覺得自己盡咗力，老细唔滿意係佢要求高啫。
作者: jumphigh 時間: 17-9-18 20:45 標題: 回覆樓主:
提示: 作者被禁止或刪除 內容自動屏蔽
作者: 1998Ruby1998 時間: 17-9-18 20:54
本帖最後由 1998Ruby1998 於 17-9-18 23:13 編輯
BB-2006 發表於 17-9-18 18:38
作為一個媽媽,為自己子女的學業籌謀係一般家長都會做的事(利申:我並不是怪獸家長), 子女成績差搵補習老師都 ...
我都做補習。唔好意思講句，你有少少難頂。我都收得貴，不過從來都冇家長同我講價。就算試堂，家長都有俾學費我。呢個就當係大家溝通唔夠好。
相信你想揾嘅係功課班老師，而唔係補習老師。跟功課嘅老師收得會平 d，同埋會真係對齊功課。補習老師應該係只負責“教”，就好似出面 d 學習中心咁。下次要講清楚要求，因為宜家好多年輕人去補習都係兩手空空冇準備。同埋認真講句，75 分鐘連補習＋功課，一定唔夠用。我同個小一溫一科考試一次都要 3 個鐘（我收 ＄130／小時），平日普通就咁補習都至少要 1.5 小時，仲要成日唔夠時間用，會過鐘。
不過個導師都唔好，咁嘅語氣同人講野。家長幾難頂/嫌我教得唔夠好，我都唔會咁。好事不出門，壞事傳千里，仲要繼續係呢行揾食架嘛。
作者: brother4 時間: 17-9-18 21:04 標題: 回覆樓主:
香港試工要俾錢的，不會講價，正常買第三者保險，如跌到家長要負責賠償，好的老師不會對功課，所以補習老師算OK。。
作者: HaYi 時間: 17-9-18 21:16 標題: 回覆樓主:
我只覺得p1 或以上小朋友已有能力寫齐手冊同檢查自己做齐未，就算功課班，老師亦末必剔齐，最好叫小朋友上心提老師.吾識老師要教是正路，對齐吾齐应該小朋友做番.
另外75 min 其實可能吾多夠功課多抄寫的學校，我見功課班1.5 hr up呀
作者: kayi0556 時間: 17-9-18 21:30
回覆 HaYi 的帖子
75分鐘， 佢話要跟功課加埋默書
我囡默書範圍係1課兩板紙的課文同另一課的詞語， 再加一個單元的成語
小朋友温書都要時間， 默曬全部起碼要半個鐘至9個字， 重未計小朋友温書的時間， 75分鐘要做曬功課對曬同改曬， 重要温默書同默埋的， 真係唔多夠
作者: heidys 時間: 17-9-18 22:21
客觀角度, 老師話小朋友無跟手冊執出黎, 係佢問題, 呢個教法係啱的。咁作為媽咪, 反而係要教小朋友下次要自己執齊比老師睇啦。而唔係責怪老師無去督住小朋友。當然如果老師好心D, 呢個步驟可以幫媽咪教埋。但如果佢去教, 又會小左時間教小朋友功課啦喎。
作者: MissUmuch 時間: 17-9-18 22:52
BB-2006 發表於 17-9-18 18:38
作為一個媽媽,為自己子女的學業籌謀係一般家長都會做的事(利申:我並不是怪獸家長), 子女成績差搵補習老師都 ...
又要功課班+ 補習班 , 又壓價當你正常， 得75 分鐘， 你有無比雙陪價先 ?
你話我唔好得去邊 ? 我要癲，可以幫你po推出公海
作者: kkhon 時間: 17-9-19 09:06
本帖最後由 kkhon 於 17-9-19 09:14 編輯
私補試堂係要比學費的，補習班的老師係包薪，免費試堂對老師冇影響，但私補老師係食自己，冇人想白做。，所以當未決定會否繼續用時，應該堂堂清。你話你同佢講吾再補，佢就原形畢露態度差，佢見你冇比學費梗係以為你會繼續用佢，而你又點同佢講架？如果你一開始話我比番上堂的學費暫時吾補住，我覺得佢冇理由會咬住你吾放不斷話你的。每一個家長對私補的內容要求都不同，而且你孩子仲咁細又冇用開私補，阿仔/女梗係吾知要攞咩出黎比老師跟啦，你最好拎定每堂要做的同老師講，如果只補75mins就吾好默書，默書最好自己跟番，好嘥時間架。我絕冇惡意評論，純粹提醒，吾啱聽吾使理我！
作者: BB-2006 時間: 17-9-19 10:07
haihaimom 發表於 17-9-18 20:37
本帖最後由 haihaimom 於 17-9-18 20:40 編輯
唔好意思，我都係企喺補習老師嗰邊，返一曰工都要出糧。 ...
作者: BB-2006 時間: 17-9-19 10:18
本帖最後由 BB-2006 於 17-9-19 11:12 編輯
1998Ruby1998 發表於 17-9-18 20:54
我都做補習。唔好意思講句，你有少少難頂。我都收得貴，不過從來都冇家長同我講價。就算試堂，家長都有俾 ...
其實佢都收得唔平,$320/2hrs, 同埋我事前係有講明要睇功課,補習老師都同我預咗功課30至45分鐘,另外75至90分鐘先係跟進其他,所以如果繼續補係會2hrs, 但諗住試堂,先試跟D功課,所以先會預1個至個半鐘,同埋,係補習老師話ok攪掂,自己起身話走,唔係我叫佢夠鐘走人的
作者: haihaimom 時間: 17-9-19 10:18
BB-2006 發表於 17-9-19 10:07
我明呀,所以我都即時話會過返數比佢, 因係之前大家都冇講明,所以先以為係free,但當我知道係自己攪錯已經即 ...
算啦，經一事長一智，下次記住試完堂即比學費，其實除非個老師好好先會每月俾，最好係上完堂即俾，想換可以隨時換。
作者: BB-2006 時間: 17-9-19 10:21
kayi0556 發表於 17-9-18 21:30
回覆 HaYi 的帖子
75分鐘， 佢話要跟功課加埋默書
作者: BB-2006 時間: 17-9-19 10:24
本帖最後由 BB-2006 於 17-9-19 10:35 編輯
MissUmuch 發表於 17-9-18 22:52
又要功課班+ 補習班 , 又壓價當你正常， 得75 分鐘， 你有無比雙陪價先 ?
你話我唔好得去邊 ? 我要癲，可 ...
75分鐘係老師自己決定的,同埋我冇壓價,只係多口問一句可唔可以調整,唔得我都冇問題,並唔係不停去討價還價
作者: BB-2006 時間: 17-9-19 10:33
本帖最後由 BB-2006 於 17-9-19 10:49 編輯
kkhon 發表於 17-9-19 09:06
私補試堂係要比學費的，補習班的老師係包薪，免費試堂對老師冇影響，但私補老師係食自己，冇人想白做。，所 ...
因為我第一次私補,或者真係太多唔明既地方,所以事後我知道後都答應會比返錢,唔想比人覺得我佔便宜,第一堂試堂,我初時係諗住等老師易上手,所以只係叫老師跟下功課同默書,睇下情況,功課已經做好,默書亦都溫咗等老師嚟,其實時間係老師安排的,補咗75分鐘後,老師自己起身話攪掂冇問題,係老師自行決定時間的
作者: BB-2006 時間: 17-9-19 10:33
haihaimom 發表於 17-9-19 10:18
算啦，經一事長一智，下次記住試完堂即比學費，其實除非個老師好好先會每月俾，最好係上完堂即俾，想換可 ...
作者: BB-2006 時間: 17-9-19 10:43
jumphigh 發表於 17-9-18 20:45
首先，要睇功課唔代表要对埋手册，呢样你有冇講明呢？第二，你補完唔即刻比補習費，他當然以為你打算繼續補 ...
作者: BB-2006 時間: 17-9-19 10:46
brother4 發表於 17-9-18 21:04
香港試工要俾錢的，不會講價，正常買第三者保險，如跌到家長要負責賠償，好的老師不會對功課，所以補習老師 ...
作者: kayi0556 時間: 17-9-19 11:00
回覆 BB-2006 的帖子
有經驗的老師其實應該知道時間75分鐘應該唔多夠, 同埋應該知道要對住本手冊對功課樓主下次唔好貪平, 有時真係寧願出貴d 的價錢請個有經驗的, 好過請左好多個冇經驗, 最後得個吉
成日轉老師對小朋友都唔好, 自己又成日煩請老師
作者: haihaimom 時間: 17-9-19 13:02
BB-2006 發表於 17-9-19 10:46
但我事前同老師講明要跟功課,老師係答應會跟,咁應承咗又可以唔睇?
我覺得可能只係溝通上既問題，唔知道你點同老師講，如果你只是説要「跟」功課，可以係睇下小朋友功課做得啱唔啱。其實嗰位老師講得啱，孩子有責任自己攞功課出黎，自己對，如果孩子未做得到，可以同老師講孩子比較粗心大意，初頭幾次麻煩老師幫忙對一對手冊。即係你唔想下屬做錯，係要具體同仔細講出你對工作上既要求。
作者: rulerL 時間: 17-9-19 14:15 標題: 回覆樓主
我無請過私補，唔清楚實際係點操作。
但如果我搵得你嚟私補，亦同你講明要對功課，之後再做其他嘢。我會預期你跟手冊對，而唔係小朋友拎幾多出嚟就對幾多，無錯小朋友有責任執齊功課，但身為導師不是更應該對齊功課嗎？
我唔係撐樓主，但會覺得做人導師既要有責任感，同先做好自己本份囉。
作者: bbsonyy 時間: 17-9-19 14:44 標題: 回覆樓主:
想問下樓主，你是過完數， 人地又確認收到錢, 之後先封鎖對話，但導師仲要sms話你??
抑或是你只是口頭上話會過數， 人地未收到錢，但你又封鎖晒， 人地搵你唔到先sms你??
兩者有好大分別的
作者: BB-2006 時間: 17-9-19 14:48
kayi0556 發表於 17-9-19 11:00
回覆 BB-2006 的帖子
有經驗的老師其實應該知道時間75分鐘應該唔多夠, 同埋應該知道要對住本手冊對功課樓 ...
作者: BB-2006 時間: 17-9-19 14:59
rulerL 發表於 17-9-19 14:15
我無請過私補，唔清楚實際係點操作。
但如果我搵得你嚟私補，亦同你講明要對功課，之後再做其他嘢。我會預 ...
作者: asweetmom 時間: 17-9-19 23:27
BB-2006 發表於 17-9-19 14:59
其實我都未有請過私補的,我明白小朋友係有責任做齊功課,執齊嘢比老師,我做家長既都有提點,但小朋友始終都會 ...
本帖最後由 asweetmom 於 17-9-19 23:27 編輯
那75分鐘你沒有從旁觀察嗎？首堂多少也要看老師如何教，是否合心意吧！
作者: BB-2006 時間: 17-9-20 09:32
本帖最後由 BB-2006 於 17-9-20 09:33 編輯
asweetmom 發表於 17-9-19 23:27
本帖最後由 asweetmom 於 17-9-19 23:27 編輯
那75分鐘你沒有從旁觀察嗎？首堂多少也要看老師如何教， ...
我只係間中望下小朋友有冇唔聽講,都聽到老師同佢哋默書,但整體做D乜就冇刻意去睇,我都明白如果我睇住佢,始終都好似比咗D無形既壓力佢,同埋都要信任一下老師既能力。只係75分鐘後老師對我交待話已經OK攪掂晒,咁我覺得既然老師咁講,都應該去信任,但可惜事實並不是這樣
作者: bbsonyy 時間: 17-9-20 11:21
bbsonyy 發表於 17-9-19 14:44
想問下樓主，你是過完數， 人地又確認收到錢, 之後先封鎖對話，但導師仲要sms話你??
抑或是你只是口頭上 ...
樓主為什麼不回答我之前的問題??
樓主說 $320 兩個鐘，但你冇提到價錢包括補多少個小朋友， 小朋友幾大，如果補兩個小五/六 的小朋友，收費真的已十分合理
而小朋友的年齡絕對影響老師教授方法， 如果已經小五/六， 但仍未能自己跟手冊執好功課， 的確不是補習老師的責任， 你話剛剛上小一就教你執功課啫
作者: BB-2006 時間: 17-9-21 18:37
本帖最後由 BB-2006 於 17-9-21 19:30 編輯
bbsonyy 發表於 17-9-20 11:21
樓主為什麼不回答我之前的問題??
樓主說 $320 兩個鐘，但你冇提到價錢包括補多少個小朋友， 小朋友幾大， ...
你好,我只係miss咗,唔係唔答你,$320兩個鐘係補2個升小四的小朋友,大家既觀點角度都唔同,好難去衡量合唔合理,既然我揀得,就當然接受,所以都冇就收費方便講價當然,小五小六應該有責任由自己去執拾功課,但對一個啱啱升上小四的小朋友,有甩漏都屬正常吧,
就係知道自己既小朋友有呢個情況,所以已經事前重點對老師講明要睇功課,無理由唔攞出嚟就唔使理,可能你哋都認為老師做法係無錯既,係怪我冇詳盡教老師點去睇功課,又或者係我唔知依家私補既老師係咁既教學方式
作者: BB-2006 時間: 17-9-21 18:59
本帖最後由 BB-2006 於 17-9-21 19:24 編輯
bbsonyy 發表於 17-9-19 14:44
想問下樓主，你是過完數， 人地又確認收到錢, 之後先封鎖對話，但導師仲要sms話你??
抑或是你只是口頭上 ...
我收到佢whatsapp後嗰刻口頭答應會過數比佢,過數後亦都會通知佢一聲,由於當刻湊住小朋友參與活動,為免被騷擾同再有爭拗,所以唯有暫時封鎖佢,或者係我做得唔好
作者: qesjcccc 時間: 17-9-21 19:36
先唔講邊個唔岩邊個唔着，個人認為未必關老師有否責任心事，可能係老師性格上未係超級細心果種，所以冇提小朋友拎手冊出黎對。但無論如何，網上既野唔好盡信，就算個補習老師自稱係讀專業學科，都總會有不良份子混入，之前睇新聞都知就連校長都會有做得唔好既地方，所以頭初你都要跟番個老師做得合唔合你意。如果可以最好搵有熟人介紹既補習老師
作者: ar_mak 時間: 17-9-22 01:03
提示: 作者被禁止或刪除 內容自動屏蔽
作者: 1998Ruby1998 時間: 17-9-22 02:22
我好奇想知，係兩個小朋友分開補定係一齊？ 如果係一齊，$320 兩個鐘，仲要兩個小朋友，真係好平呀！
我冇＄ 240／小時我都唔做。
升小一其實就已經可以自己執功課，到小二就唔再應該有甩漏（我咁大意，小二開始都冇漏功課）。之前你咁講，我仲以為你個小朋友剛剛升小一。下次請老師要註明：「孩子粗心大意，導師一定要細心嚴格，對齊功課」。我見隔離版 d 家長請老師都係咁講「有愛心、耐性，必須對齊功課」等好多要求。不過咁多要求，就要預左貴都唔可以講價。
作者: poonseelai 時間: 17-9-22 08:16 標題: 回覆樓主:
樓主你一開話好耐無接觸私補，中間又話未用過，即係用過未？你話覺得佢手法有問題，決定唔用，之後才發現無做足你要求，咁佢那些手法令你不滿意？你一直同孩子对手册，所以小四孩子仲未識自己做？十歲人仔啦
作者: little_yolky 時間: 17-9-22 11:01
1998Ruby1998 發表於 17-9-22 02:22
我好奇想知，係兩個小朋友分開補定係一齊？ 如果係一齊，$320 兩個鐘，仲要兩個小朋友，真係好平呀！:mone ...
噚晚, 阿大(小五喇)同我講, 佢級三果位同學同佢講, 到依家佢爸爸每日都同佢check功課
我話, 吓！考級三都要check功課? 咁佢爸爸咪好辛苦? 阿大話, 人哋D爸爸媽媽真係好喇。
佢成日俾說話我聽。
作者: MrBeast 時間: 17-9-22 13:04
little_yolky 發表於 17-9-22 11:01
其實我都好震驚, 依家D小朋友真係咁既。
噚晚, 阿大(小五喇)同我講, 佢級三果位同學同佢講, 到依家佢爸爸每 ...
作者: little_yolky 時間: 17-9-22 13:09
MrBeast 發表於 17-9-22 13:04
唔係ar，在「成長的天空」的親子活動，我發現精英班的爸爸出席率比普通班高 ...
作者: rulerL 時間: 17-9-22 13:13
little_yolky 發表於 17-9-22 11:01
其實我都好震驚, 依家D小朋友真係咁既。
噚晚, 阿大(小五喇)同我講, 佢級三果位同學同佢講, 到依家佢爸爸每 ...
其實真係唔奇，我細嗰個依家小四，我依然係天天同佢對功課（除非返工唔得閒），我預期上到五年級都會咁做（當然到時視乎佢情況）。
小朋友個人責任問題方面，如果個小朋友能夠自行做妥應做的事，咁固然可喜，做家長都會輕鬆啲。可惜現實中係有好多小朋友上到小四仍會有甩漏呢（包括小兒），並不是個別現象，喺同班家長群組裏，仲不時見到同學仔們有抄漏手冊、遺漏課本於學校、作業不知所終等。
家長有家長的期望，奈何世事往往不如人意呢⋯⋯
作者: little_yolky 時間: 17-9-22 13:16
rulerL 發表於 17-9-22 13:13
其實真係唔奇，我細嗰個依家小四，我依然係天天同佢對功課（除非返工唔得閒），我預期上到五年級都會咁做 ...
作者: 1998Ruby1998 時間: 17-9-22 15:23
回覆 little_yolky 的帖子
我阿媽以前有講過：「抵你死，欠交功課，小息唔抄功課，上堂唔專心，結果咪漏做囉！」
作者: 1998Ruby1998 時間: 17-9-22 15:25
回覆 little_yolky 的帖子
你今次真係訓練左「由平凡孩子變成 top 孩子」
作者: little_yolky 時間: 17-9-22 15:39
1998Ruby1998 發表於 17-9-22 15:25
回覆 little_yolky 的帖子
你今次真係訓練左「由平凡孩子變成 top 孩子」 ...
作者: BB-2006 時間: 17-9-22 15:43
qesjcccc 發表於 17-9-21 19:36
先唔講邊個唔岩邊個唔着，個人認為未必關老師有否責任心事，可能係老師性格上未係超級細心果種，所以冇提小 ...
作者: BB-2006 時間: 17-9-22 15:45
1998Ruby1998 發表於 17-9-22 02:22
我好奇想知，係兩個小朋友分開補定係一齊？ 如果係一齊，$320 兩個鐘，仲要兩個小朋友，真係好平呀！:mone ...
作者: mcl203 時間: 17-9-22 15:59
little_yolky 發表於 17-9-22 13:16
其實上得EK多, 開始覺得我係咪對小朋友太苛刻, 可能我兩個已經算好出色了。 ...
直情叻到無朋友啦~~~ 
作者: BB-2006 時間: 17-9-22 16:00
poonseelai 發表於 17-9-22 08:16
樓主你一開話好耐無接觸私補，中間又話未用過，即係用過未？你話覺得佢手法有問題，決定唔用，之後才發現無 ...
作者: little_yolky 時間: 17-9-22 16:01
mcl203 發表於 17-9-22 15:59
直情叻到無朋友啦~~~
作者: little_yolky 時間: 17-9-22 16:05
BB-2006 發表於 17-9-22 16:00
咁私補以前都有朋友用而唔係我,所以咪話好耐冇接觸,咁對我嚟講又真係未用過補習既過程中其實我冇睇過做乜, ...
作者: BB-2006 時間: 17-9-22 16:05
rulerL 發表於 17-9-22 13:13
其實真係唔奇，我細嗰個依家小四，我依然係天天同佢對功課（除非返工唔得閒），我預期上到五年級都會咁做 ...
作者: BB-2006 時間: 17-9-22 16:08
本帖最後由 BB-2006 於 17-9-22 16:17 編輯
little_yolky 發表於 17-9-22 16:05
你睇得多就知道夾既私補唔易搵架, 俾心機啦。而且, 我見剛開始, JM會mark得D補習老師緊D, 知道佢哋教乜, 點 ...
其實一直都冇諗住搵私補,之前都係爸爸媽媽教,因為又要返工,又要返嚟睇功課溫習,真係幾累,所以先諗住搵下私補,點知就咁既情況,依家真係知道應該要點做,正如你所講,夾既私補真係唔易搵,我會再努力搵下,多謝晒你哋既意見
作者: mcl203 時間: 17-9-22 16:11
little_yolky 發表於 17-9-22 16:01
唔好講假話呃我, 我份人好易氹既, 會當真架。
真到不得了，虎媽無弱女～
作者: little_yolky 時間: 17-9-22 16:17
mcl203 發表於 17-9-22 16:11
真到不得了，虎媽無弱女～
作者: rulerL 時間: 17-9-22 16:19
BB-2006 發表於 17-9-22 16:05
其實真係,依家D小朋友時不時就有甩漏,你所講既抄漏手冊,帶漏嘢都會有發生,我明白做家長既要去訓練佢哋,但奈 ...
有同感。
要教養好小朋友確係勞心勞力，過程中艱苦程度不下於二萬五千里長征，相信會係我人生中一項最巨大既工程。如果最終未能達到預期，我諗我起碼付出過都已無憾。
作者: BB-2006 時間: 17-9-22 16:39
rulerL 發表於 17-9-22 16:19
有同感。
要教養好小朋友確係勞心勞力，過程中艱苦程度不下於二萬五千里長征，相信會係我人生中一項最巨 ...
作者: rulerL 時間: 17-9-22 16:40
little_yolky 發表於 17-9-22 15:39
其實阿大BB時各方面都表現得好聰明架, 就唔知點解, 自從入咗學校讀書之後.............變鈍咗...........阿 ...
我留意過有好多都係細嗰個比大既醒同蠱惑。
剛剛條豆釘放學直接跟歸程隊回家，明明今日要留校操田項架，今早仲再提佢佢無可能唔記得。問佢，佢支吾以對話好似今日暫停唔使操，我再望學校通告，今日要喔，打俾學校，學校話正常繼續，於是馬上的佢返去。
我懷疑佢怕辛苦唔想操，想側側膊唔操，因為上個星期五操完佢係咁話辛苦。
作者: BB-2006 時間: 17-9-22 16:47
ar_mak 發表於 17-9-22 01:03
我自己小小意見,首先你地之間既事只係商業行為,係唔應該透過網上單方面去作出指控,你唱完人就關人鬼事,但人 ...
作者: ar_mak 時間: 17-9-22 22:16
提示: 作者被禁止或刪除 內容自動屏蔽
作者: asweetmom 時間: 17-9-22 22:21 標題: 回覆樓主:
新補習老師起碼互相磨合一個月才比較符合我的要求。而且一定要維持溝通，不要想當然以為人家知道你的想法。另外，如果你要求超出一般慣例，多付錢是肯定的。
作者: asweetmom 時間: 17-9-22 22:45
little_yolky 發表於 17-9-22 16:17
我覺得自己似象媽多D。
象媽注重情感，你注重成就，一點都不象。
作者: asweetmom 時間: 17-9-22 22:50
little_yolky 發表於 17-9-22 13:16
其實上得EK多, 開始覺得我係咪對小朋友太苛刻, 可能我兩個已經算好出色了。 ...
是否出色的準則是甚麼呢？
你已經多次說別人對兩女很滿意，但你依然意難平。
作者: Vanadium 時間: 17-9-22 23:15
家長，要對自己同自己小朋友有信心，小朋友要成長，必定要有令佢成長既經歷。
小四....若然仲未識自已抄手冊，仲有甩漏，應教佢....而唔係一個一個幫佢跟。佢跟唔好，由得佢出錯，由得佢比老師罰，罰完返黎再教佢，可能過程有少少痛苦，但只有呢D經歷先可以叫佢成長，或一段時間後就會做得好好多。
香港家長唔想子女受傷，不斷保護，奈何到大個受到傷害更大。
作者: Jessy 時間: 17-9-25 12:12
我都試過搵私補叫佢收便宜d, 佢又真係減左少少比我喎!!
我會明白點解樓主覺得個補習老師無品, 如果我幫人補習 (就當全個行業都無得傾減價啦) 有個家長唔知頭唔知路問我有無得便宜D, 我會禮貌地回應無呢D行規, 唔會同個家長講話乜你咁奇怪, 我無遇過你呢D咁既家長.
或者唔應該用無品, 用無禮貌會唔會適合D?
咁樓主唔知試堂要比錢, 樓主都解釋了因為好耐無搵過私補誤會了, 雖然係怪D但不知者不罪, 又唔係有心走數, 不過應該比左錢先BLOCK人否則比人誤會你想走數羅.
作者: little_yolky 時間: 17-9-27 12:27
本帖最後由 little_yolky 於 17-9-27 12:29 編輯
asweetmom 發表於 17-9-22 22:50
是否出色的準則是甚麼呢？
你已經多次說別人對兩女很滿意，但你依然意難平。
...
因為唔知點解, 我成日只見到佢哋D缺點。
例如, 點解阿大咁勤力但考唔到第一, 點解阿細咁聰明但懶到條蟲咁.............真係可以馬上寫一百字佢哋D缺點。
作者: brother4 時間: 17-9-27 12:46 標題: 回覆樓主:
勤力不—定考第一，如第二便有交待，聰明又叻就不用上來呻
作者: BB-2006 時間: 17-9-28 20:19
Jessy 發表於 17-9-25 12:12
我都試過搵私補叫佢收便宜d, 佢又真係減左少少比我喎!!
我會明白點解樓主覺得個補習老師無品, 如果我幫人 ...
程序上我係唔應該block 佢先既。今次經一事長一智,我會以後小心揀老師
作者: BB-2006 時間: 17-9-28 20:20
Vanadium 發表於 17-9-22 23:15
家長，要對自己同自己小朋友有信心，小朋友要成長，必定要有令佢成長既經歷。
小四....若然仲未識自已抄手 ...
作者: moniko 時間: 17-10-8 03:15 標題: 回覆樓主
1。 $160/hr 睇兩個小四， 算平啦。
2。負責任既補習老師係負責教上堂唔明而又問唔到老師既地方， 唔係單單對功課。
3。負責任既家長， 上堂前要拎齊要做既野俾老師， 包括手冊（如果你想佢對） 範圍。 「教」 係可以無限大， 睇功課亦有好多種， 你要講清楚。
4。 我收你錢， 去對手冊， 對功課， 我會好開心， 因為呢d係工人姐姐都可以做既野， 我有著數。
5。 默書都可以好有heart， 好花時間。 默完， 塞本書俾個細路， 叫佢自己背， 同教個細路拆部首， 用方法記， 講下每個字既故事， 已經兩回事。
6。 未俾錢就block人， 俾人send SMS 。。。 呢樣唔多講。
其實攰， 參加功課班啦。有試堂， 對功課， 岩你需要。 有抱負既補習老師， 都會當自己係老師， 以「教」 為主， 唔係湊仔。 了解自己需要先請就唔㑹勞氣啦。
作者: bbsonyy 時間: 17-10-8 15:46 標題: 回覆樓主:
所以不嬲都話網上既野， 信一半好了， 就講這個po, 樓主講既絕對係片面之辭， 只講人地唔好， 自己就完全冇問題
1,話人地唔拎手冊逐樣對， 大家以為佢小朋友好細， 點知原來已經小四……
2, 如果我唔問， 佢只係話320/2hrs , 就甘睇唔平， 但原來係同一時間補兩個小四
3, 只係話人地send msg 話佢， 但又唔講自己未比錢就block左人
作者: Sappy_Kerry 時間: 17-10-9 10:46
1998Ruby1998 發表於 17-9-22 15:23
回覆 little_yolky 的帖子
我阿媽以前有講過：「抵你死，欠交功課，小息唔抄功課，上堂唔專心，結果咪漏做 ...
我都係咁同阿囡講，雖然我囡只有小一
不過我發覺阿媽懞d,個囡真係會對自己的事上心d,可能比人罰得多
作者: halvard 時間: 17-10-10 11:26
自己當年大學時期做過中小學補習,
1x 年前已經係$100/hr起標
$320/2hrs 兩個小四 仲要講價?？？？
講價係一個好唔尊重人地能力既問題
以奇怪既家長去回應
已經好比面
成件事都係講尊重
補習係要用心機同知識教
有心教唔單係教知識
仲有身教同價值觀
作者: bananaGi 時間: 17-10-11 12:31
MissUmuch 發表於 17-9-18 22:52
又要功課班+ 補習班 , 又壓價當你正常， 得75 分鐘， 你有無比雙陪價先 ?
你話我唔好得去邊 ? 我要癲，可 ...
作者: bananaGi 時間: 17-10-11 12:32
bbsonyy 發表於 17-10-8 15:46
所以不嬲都話網上既野， 信一半好了， 就講這個po, 樓主講既絕對係片面之辭， 只講人地唔好， 自己就完全冇 ...
作者: bananaGi 時間: 17-10-11 12:36
Jessy 發表於 17-9-25 12:12
我都試過搵私補叫佢收便宜d, 佢又真係減左少少比我喎!!
我會明白點解樓主覺得個補習老師無品, 如果我幫人 ...
樓主係好典型既銷費者態度, 但仲要走數......
小四都仲expect老師幫佢執齊功課, 佢應該平時對個仔服待周到....
作者: littlehoneymum 時間: 17-10-19 09:54
你未比$就block人，嘩 !
作者: littlehoneymum 時間: 17-10-19 12:07
我自己都係家長，從未補完帶小朋友走，又未比$，走數，block老師，仲係網上數人地
作者: Cocomada2 時間: 17-10-19 15:31
首先是誰對你說social work.的學生有愛心呢？我所見既social workers（除左TV入面果d)都係心地壞，好是非，愛人事爭鬥，落井下石，害人不淺的倒是不計其數。
其次，".我比錢出嚟請補習老師" 呢d說話就5好講啦。
作者: 菇芝bebi 時間: 17-10-19 23:54 標題: 回覆樓主
我都係補習老師，如果要跟全科功課，默測考，真係要一星期5日，每日1.5～2hrs至可以跟得足，一個鈡只可以跟功課，如果要跟默、測、考就要專科才能跟得足，小朋友學習要時間消化，無得速成，如果易教，你都唔洗請補習啦！
大姐姐學生會平D，但都無得要求個咁年青的老師可以食得住咁細的小朋友，我自己是媽咪級，有教小朋友和教讀寫障礙學生經驗，一定收得貴過大姐姐，呢D叫一分錢一分貨
作者: 菇芝bebi 時間: 17-10-20 00:00
BB-2006 發表於 17-9-21 18:37
你好,我只係miss咗,唔係唔答你,$320兩個鐘係補2個升小四的小朋友,大家既觀點角度都唔同,好難去衡量合唔合 ...
$320/2hrs補2位P4, 呢個價錢合理喎
| 歡迎光臨 教育王國 (/) |
Powered by Discuz! X1.5 |