教育王國

標題: 初學普通話DVD或youtube or CD [打印本頁]

作者: sandrah 時間: 17-9-18 17:28 標題: 初學普通話DVD或youtube or CD

小兒現k3,(學校只有普通話唱遊,屋企冇人講普通話)為升小一普敦中準備,剛跟普通話老師學拼音 ((1星期1次),有冇逍合k3初學普通話DVD或youtube or CD介紹? 或其他方法Thx!

作者: little_yolky 時間: 17-9-18 17:43

sandrah 發表於 17-9-18 17:28
小兒現k3,(學校只有普通話唱遊,屋企冇人講普通話)為升小一普敦中準備,剛跟普通話老師學拼音 ((1星期1次),有 ...

唱歌仔, 背唐詩。

作者: simonwan 時間: 17-9-19 23:49

sandrah 發表於 17-9-18 17:28
小兒現k3,(學校只有普通話唱遊,屋企冇人講普通話)為升小一普敦中準備,剛跟普通話老師學拼音 ((1星期1次),有 ...

K3 唔駛學普通話拼音，棧搞！
不停比佢睇普通話卡通或 audio book 就得。

作者: sandrah 時間: 17-9-20 17:32

simonwan 發表於 17-9-19 23:49
K3 唔駛學普通話拼音，棧搞！
不停比佢睇普通話卡通或 audio book 就得。
...

simonwan, 可否解釋k3唔駛學普通話拼音?太深?幾時學比較適合?

作者: simonwan 時間: 17-9-20 20:17

sandrah 發表於 17-9-20 17:32
simonwan, 可否解釋k3唔駛學普通話拼音?太深?幾時學比較適合?

一個 K3 人仔識幾多個中文字呢？退一萬步，算呢個細路好醒，學識曬漢語拼音，又識得拼，但佢大部分字未認到，甘佢會話點會講到？例如，佢唔識個“國”字，佢識讀 guo , 會發到 guo 音，但系佢平時講野，唔會知中國要讀 zhongguo. 如果佢識讀中國，衹是老師講過，或睇電視、卡通學會，唔系因爲拼音學返來。

漢語拼音的用處有兩個：
第一，比母語系國語的小孩學認字、學閲讀，5，6歲時，佢地已經識講但唔識睇，識左拼音后，佢地睇書時知道 “中國” 兩字發音系zhongguo , 知道就系中國的意思。其實情況同 phonics 一樣，原意系比母語系英文的孩子學閲讀。

第二，比無語境的成人學國語。如果無機會聽國語，唯有睇書，睇拼音，就知道D 字點讀。而且，有好多成人的耳朵已經聽不出外語的細微分別，所以要靠拼音讀準 D 字。如果耳朵天生好靈，又有語境，其實成人都可以唔學拼音而學得好好。MC Jin 幾個月前一句國語都唔識，而家講得很好，唔好話拼音，佢連中文都唔識睇。無他，他本身語言能力高，系大陸住左幾個月就識講。呢D 人我親身都見好多。

細路仔天生耳朵靈敏，仲未退化，無需要用拼音學國語，衹要不停比佢聽發音準確的國語就可。佢地會學得好快，學拼音衹會浪費時間，事倍功半。而且，唔系個個細路學拼音會學得好，浪費時間浪費錢。

仲有，有D細路會將漢語拼音同phonics 搞亂，到時仲得不償失。

作者: sandrah 時間: 17-9-21 22:58

回覆 simonwan 的帖子

thanks!

歡迎光臨教育王國 (/)