教育王國

標題: 舊版check資優同新版有乜分別？ [打印本頁]

作者: 海仔媽 時間: 17-9-13 22:26 標題: 舊版check資優同新版有乜分別？

同個仔睇情緒問題，健康院check時話資優，不過因而家五歲幾未夠六歲，只用舊版幫佢睇，其實準唔準確？
同埋資優同情緒病係咪真係一個package??我情願佢係優秀或中上但無病，好過資優但有情緒問題。。。我個仔暫時check到既情緒病，亦同智力測試一樣，懷疑但未confirm...

同埋應該點幫佢揀學校？我原本打算幫佢選間二線中的，一來15分自行搞掂，二來我聽聞佢對付啲情緒special student有一手，不過而家check到佢資優（？），又1516係咪應該進取啲，唔好浪費佢。。。

大家過來人有乜提議？

作者: 小曳人 時間: 17-9-14 10:29

我認為健康院排到咪做囉，有懷疑，就過兩年再做，無問題架~

孩子成長中需要嘅野响唔同時間會唔同，我個人傾向解決叻行為/情緒嘅問題先，學術呢d嘢... 去到再深嘅學校都未算夠！佢地如果有學習動機的話，去到邊都無問題，自己讀到書！

但相反，如果去到一d老師唔識處理情緒問題嘅學校的話，問題有機會加劇！咁嘅情況，都唔好講讀書啦...

btw, 如果真係讀到書，課堂上無問題，過幾年插班都可行嘅

作者: 海仔媽 時間: 17-9-14 10:44

小曳人發表於 17-9-14 10:29
我認為健康院排到咪做囉，有懷疑，就過兩年再做，無問題架~

孩子成長中需要嘅野响唔同時間會唔同，我個人 ...

thx... 我都覺得搞掂情緒比較優先，原本已一早諗定左呢間二線中，不但越近九月越聽人講得多小學野越1516,突然知道呢啲addition info, 更心囉囉攣，可能要學我啲朋友話齋，等過左九月交左表先會安心啲吧？

尤其有時同朋友傾起，（當時未知係資優，但佢地都已覺佢雖脾氣差但有啲醒），好多都係同我講唔好嘥左佢，講到好似我害佢咁，好大壓力。。。

作者: 小曳人 時間: 17-9-14 10:54

我嘅意見係：唔理佢係咪資優，總之幫佢愛閱讀 (自學能力)，保持好奇嘅心，多探索，多自理，搞掂性緒問題

另外，真正有才能嘅人，EQ比IQ重要！越係唔想浪費佢嘅天份，越係要搞好情緒！
讀書~係一世人嘅事！

作者: noverzero 時間: 17-9-14 10:54

海仔媽發表於 17-9-14 10:44
thx... 我都覺得搞掂情緒比較優先，原本已一早諗定左呢間二線中，不但越近九月越聽人講得多小學野越1516, ...

搵間有愛心好緊要

唔好咁大壓力, 你要諗最多小二小三都可以轉校

作者: 小寶貝兒 時間: 17-9-15 14:49

新版同舊版的分別好似係多左D PARTS 但果D PARTS有D不計入總分的~
我女今年初去做, 佢問我揀咩版, 因為我女要用英文版, 所以就有得揀(當時中文版未有得揀), 我記得佢好似係咁樣講~

另外資優同情緒未必係PACKAGE, 我女係冇乜情緒問題果種, 但就平均, 冇話邊方面好突出咁, 所以仲摸索緊點樣教佢好~

作者: 海仔媽 時間: 17-9-16 22:44

小寶貝兒發表於 17-9-15 14:49
新版同舊版的分別好似係多左D PARTS 但果D PARTS有D不計入總分的~
我女今年初去做, 佢問我揀咩版, 因為我女 ...

本帖最後由海仔媽於 17-9-16 22:47 編輯

聽到你咁講都好啲。。。因為醫生話佢有幾種情緒病，但幾種都係初期，未駛食藥，加上幾種互相制衡中。。。隨時搞掂一個病另一個病就會加深要食藥。。。

希望佢大大下，真係可以控制好啲情緒吧

作者: sillydad 時間: 17-9-18 00:43

先處理情緒先。我仔5歲check到有SEN，到上年三年級，學校推薦了去中大資優計劃，暑假上課。幼稚園無學任何課外東西學，只是上情緒班，社交班，專注力班，還按醫生指示，讀了兩年K3
，

作者: choichoibb2011 時間: 17-9-19 17:33

sillydad 發表於 17-9-18 00:43
先處理情緒先。我仔5歲check到有SEN，到上年三年級，學校推薦了去中大資優計劃，暑假上課。幼稚園無學任何 ...

請問你仔仔之前評係邊類sen? 咁佢細個時係咪已經有跡象係資優? 三年級有咩轉變過?

作者: vvik 時間: 17-10-6 21:44

海仔媽發表於 17-9-16 22:44
本帖最後由海仔媽於 17-9-16 22:47 編輯

聽到你咁講都好啲。。。因為醫生話佢有幾種情緒病，但幾種都 ...

請問你睇邊個醫生？可介紹嗎？

作者: zngo 時間: 17-10-7 07:43

海仔媽發表於 17-9-13 22:26
同個仔睇情緒問題，健康院check時話資優，不過因而家五歲幾未夠六歲，只用舊版幫佢睇，其實準唔準確？
同埋 ...

情緒病同資優完全沒有任何關係，跟本二件事，資優又帶有情緒嘅只係咁啱，而且只佔極少數，大部分資優都冇情緒病㗎，不過好多資優同時有SEN就真，但亦有資優完全冇附帶其它問題！只係因為香港對資優太過沒有認識同協助，所以好多人都帶咗有色眼鏡誤會咗資優生啫！

作者: zngo 時間: 17-10-7 07:48

海仔媽發表於 17-9-13 22:26
同個仔睇情緒問題，健康院check時話資優，不過因而家五歲幾未夠六歲，只用舊版幫佢睇，其實準唔準確？
同埋 ...

點都好，首先必定處理情緒病，搵一間真正有愛同願意照顧這些學生嘅學校啦，唔好只聽人講，自己去校附近睇下啲學生返放學情況，去多幾次自己睇下重實際！

作者: 海仔媽 時間: 17-10-7 22:09

vvik 發表於 17-10-6 21:44
請問你睇邊個醫生？可介紹嗎？

健康院轉介心理醫生，如有需要，會轉介去精神科醫生

歡迎光臨教育王國 (/)