教育王國

標題: 玩敲擊樂有刺耳感覺 [打印本頁]

作者: WongPigPig 時間: 17-9-13 16:18 標題: 玩敲擊樂有刺耳感覺

本帖最後由 WongPigPig 於 17-9-13 16:18 編輯

阿女學左2年敲擊樂, 上年入埋校隊,一直都學得好開心, 今年開始話唔想再學, 佢話因為轉左打琴之後,發覺D琴聲有刺耳既感覺, 但佢又話佢係鍾意敲擊樂架喎,佢自己都好似好矛盾咁, 請問有冇小朋友都有遇過呢D情況呢? 因為我自己聽佢打琴又冇呢D刺耳既感覺,又唔覺得佢聽覺有咩問題, 老師建議佢用耳塞, 有冇小朋友會用耳塞上堂架呢?有冇小朋友玩敲擊影響左聽覺架呢? 想聽下大家既意見, 謝謝!

作者: ch-cheung 時間: 17-9-19 02:52 標題: 回覆樓主

提示: 作者被禁止或刪除內容自動屏蔽

作者: yk2 時間: 17-9-20 04:09

WongPigPig 發表於 17-9-13 16:18
阿女學左2年敲擊樂, 上年入埋校隊,一直都學得好開心, 今年開始話唔想再學, 佢話因為轉左打琴之後,發覺D琴聲 ...

正常打琴唔會有以上程況，自己小學玩了多年都唔會，鐵片，铜片，木片，小鼓都有玩都冇，是否耳鳴? 建議去睇睇中醫調理吓。

作者: janetgordon 時間: 17-9-20 12:26 標題: 回覆樓主：

本帖最後由 janetgordon 於 17-9-20 12:29 編輯

我仔喺屋企練琴時，我都會覺得有點刺耳，可能係因為屋企細，我會坐遠d同叫佢輕力d打，鋼片琴高音係有少少刺耳，但又未至於會唔舒服
我仔玩左4年，冇話過耳仔唔舒服；佢地上堂時，一間房仔放5、6部琴

作者: WongPigPig 時間: 17-9-20 15:01 標題: 回覆樓主

多謝大家嘅回覆。
阿女話用學校大嘅琴就冇問題，但係打自己屋企細果個某幾個音就會唔舒服，其他情況又未試過有耳鳴嘅感，我諗都係同佢檢查一下好啲，尋日係學校練習又唔聽佢講有唔舒服，奇怪

作者: lillymarie 時間: 17-9-20 16:25

WongPigPig 發表於 17-9-20 15:01
多謝大家嘅回覆。
阿女話用學校大嘅琴就冇問題，但係打自己屋企細果個某幾個音就會唔舒服，其他情況又未試 ...

屋企細果個是否鐵片琴？另外亦可能是屋企有些物件打那某幾個音時出現共鳴，變得特別大聲。有無試過換換位置？

作者: kahei1028 時間: 17-9-21 01:03 標題: 回覆樓主:

可能係空間細，我有時係細嘅地方打鋼片琴高音太大聲的話都會咁。

歡迎光臨教育王國 (/)