教育王國
標題: 紀律，被遣忘了的價值。 (有感而發) [打印本頁]
作者: Lalaji 時間: 17-9-3 08:30 標題: 紀律，被遣忘了的價值。 (有感而發)
先此聲明，我無心褒眨任何一間學校及教學模式，只是有些慨嘆現時子女教育有點矯枉過正。
我小正處入pn階段，想信有不少家長和我一樣下不少功夫比較不同學校，希望找到一間“好學校”為孩子鋪路。不少家長甚至己考慮到小學或中學的涵接問題。其中國際學校vs本地也是重要的考慮。
我和大家一樣通常看該校名氣，學術為先，例如升小派位就成為了大家重中之重的核心價值。有人可能會着重品德，這也是本人十分重視的。但紀律呢，似乎大家己經遣忘了。 也許大家都認為而家著重講道理 。老師亦不經不覺失去了權威，亦懒理學生問題，因為總有些家長會出頭反 駁， 將問題複雜化。 回想起以前老師有相當嘅權威，唔單止學生怕老師，連家長亦都忌老師幾分，因此老師在訓導時師容易， 家長亦信任老師會教好小朋友。
最近我有個親戚小孩子讀頗有名的IB學校小一，出現學生欺凌，甚至有些少暴力行為。雖然只係小學雞嘢，但問題在於老師完全唔理，張問題交回家長處理，相信一來這些較外國思维的學校一向較自由，二來不少家長是權貴，老師亦费事招麻煩。但我心想俾着我以前，此類問題就算唔洗記缺點，亦要罰留堂之類。
紀律呢樣嘢有時啲人會覺得係一種大石砸死蟹嘅嘢， 因為始終係由一位 比較有權力嘅人去執行。 當中服從係一個好重要嘅元素，但係唔知幾時開始， 紀律同埋服從就被定性為一種死板，高壓 ，同好守舊嘅一種模式。 我個人認為呢個可能就係大家見到 現時年輕人太自我，唔聽人講， 同埋難以同人(尤其是年長或較高级的人)合作 嘅原因。
所以有時我比較傾向將小朋友擺番喺本地學校，用傳統嘅方法教佢， 因為畢竟我自己條路都係咁行返嚟的。 但又有唔少人同我講而家世界變咗，本地課程 太谷太辛苦， 令小朋友冇曬創作力云云。 又話香港很危險，日後要去外國讀書等等。
唔好意思要大家聽聽我廢噏講咗咁多嘢， 我有啲懷念以前嚴師出高徒嘅日子。 唔知大家喺選校過程裏面有冇諗過類似嘅嘢？
作者: Jane1983 時間: 17-9-3 08:51
你講的欺凌事情，有幾嚴重呢？我都唔鍾意hea住唔想理，事事推莊的老師。不過家長只聽自己小朋友講事件的一面，未必有事實的全貌。加上小一d小朋友仲細，又剛開學，老師可能係放一放，唔想一開始就罰和大鬧，未必真係咁鬆。
作者: mimi222shi 時間: 17-9-3 09:23
我個人好重視紀律, 唔守規距讀書幾叻都無用
社會真係變左好多, 好多引誘,就算小學生都可以滿口粗言穢語(我自己從不講粗口), 沉迷打機... ...
欺凌點會無(我小朋友學校無, 只係一句稍為唔尊重同學的說話, 老師已會捉他們講道理, 但聽朋友們的經歷都唔少)
正確觀念要從小培養, 尤其品德/紀律.
作者: Yanamami 時間: 17-9-3 09:46
紀律从小由家庭做起~
作者: Yanamami 時間: 17-9-3 09:46
紀律从小由家庭做起~
作者: mimi222shi 時間: 17-9-3 10:05
樓主小朋友仲係pn, 揀間好幼稚園好重要
以自己小朋友為例, 在幼稚園時出名活潑, 考超過十間直私.
在面試前好多時要集合, 我發現絕大部分小朋友會企唔定/搞人/有好多小動作等.
我發現原來自己小朋友可以好守規矩, 耐心等候, 聽老師指令, 那一刻我肯定自己選對了幼稚園.
小朋友好喜歡自由, 如果我選紀律鬆的學校, 我相信老師唔會點理佢, 而他永遠也不知道什麼是紀律.
如果幼稚園寬鬆, 上小學才收緊, 相信小朋友會感辛苦.
同意家教好重要, 但朋輩影響仲緊要(尤其越大越重要)
作者: moniko 時間: 17-9-3 10:25
Lalaji 發表於 17-9-3 08:30 
先此聲明，我無心褒眨任何一間學校及教學模式，只是有些慨嘆現時子女教育有點矯枉過正。
我小正處入pn階段 ...
其實我覺得品行係家責任。
作者: cherrieshum 時間: 17-9-3 10:42
Lalaji 發表於 17-9-3 08:30
先此聲明，我無心褒眨任何一間學校及教學模式，只是有些慨嘆現時子女教育有點矯枉過正。
我小正處入pn階段 ...
我絕對支持紀律及服從，尤其小學時期
作者: mimi222shi 時間: 17-9-3 10:52
我和另一半都曾經覺得幼稚園超嚴(嚴過小學), 但絕不會在小朋友面前提, 揀得間學校就要配合.
一定要家校合作!
幼稚園只上半天
小學返全日時, 就會感受到朋輩影響係非常重要.
如果同學興打機/粗口/煲劇(從幾位朋友口中得知-一線學校)...你做左另類有機會被人排斥,幾個同學夾埋玩一個都常有
有好多老師HEA 教, 教書求求其其, 無咩大事都唔會理.
作者: Lalaji 時間: 17-9-3 14:49
Jane1983 發表於 17-9-3 08:51
你講的欺凌事情，有幾嚴重呢？我都唔鍾意hea住唔想理，事事推莊的老師。不過家長只聽自己小朋友講事件的一 ...
唔係好嚴重，但畢竟有人受傷，父母有責任教小朋友，但老師亦有責任跟進事件，不是要歸咎任何小朋友，而是做好為人師表的教導角色，用事件教好小朋友，引以為戒
作者: Lalaji 時間: 17-9-3 15:02
Yanamami 發表於 17-9-3 09:46
紀律从小由家庭做起~
同意，但畢竟依家小朋友在校時間越來越長，越大越受同學影響。老師如不管好校內紀律，壞風氣一長，好難改正。其實我想講既係，今時今日的學習風氣係我地家長一手造成。試問幼稚園，升小，升中的討論中，有幾可聽人揾一間重紀律，教得嚴的學校？人人都想揾一間又happy, 但又派位好的學校。係咪missing something even more important? 如今教學商業化，有咁大demand話要成绩好，但要happy唔鬧得，咪supply返啲咁嘅目標為本嘅學校俾大家。
作者: Lalaji 時間: 17-9-3 15:09
mimi222shi 發表於 17-9-3 10:52
我和另一半都曾經覺得幼稚園超嚴(嚴過小學), 但絕不會在小朋友面前提, 揀得間學校就要配合.
一定要家校合作 ...
返全日係重點。同學影比我哋以前再大咗。唔反對有家長話品德操行係家庭責任，但學校亦不應只是操書的兵工廠。
我有朋友在校風較差的小學任教。我很同意他說同學間對小朋友的影響遠超家長。所以他必須為自己仔女尋找校風较好的學校
作者: Lalaji 時間: 17-9-3 15:12
mimi222shi 發表於 17-9-3 10:05
樓主小朋友仲係pn, 揀間好幼稚園好重要
以自己小朋友為例, 在幼稚園時出名活潑, 考超過十間直私.
其實我正取捨本地定國際學校。一方面我擔心本地變本加厲填鴨式教育，另一方面又擔心國際學校太冇王管
作者: Yanamami 時間: 17-9-3 15:24
本帖最後由 Yanamami 於 17-9-3 15:26 編輯
Lalaji 發表於 17-9-3 15:02
同意，但畢竟依家小朋友在校時間越來越長，越大越受同學影響。老師如不管好校內紀律，壞風氣一長，好難改 ...
明白。喺EK有幾位家長都有提過幼稚園階段要培養小朋友紀律同自理（b4升小一），例如早睡早起、自己食飯、如厕、做功課收拾書包......等。我女小學就好重視德育同家校合作，面試會問到家長如何面對老師罰小朋友（當然喺有需要時），同學都尊重老師、同學。學校喺群體生活，就會注意到群體既相處。我諗小、中學唔喺軍校，多用善誘同提點多過嚴同紀律黎達到教小朋友既目的。其實band2、3有好多中學都嚴、規矩多。個人覺得小學先教已經喺遲，好多觀念喺幼稚園時植入喺最佳時機，家長對住小朋友既時間多，喺佢地第一個老師，小學喺加強已有觀念既時候。
作者: thousandtwinkle 時間: 17-9-3 17:20
Lalaji 發表於 17-9-3 08:30
先此聲明，我無心褒眨任何一間學校及教學模式，只是有些慨嘆現時子女教育有點矯枉過正。
我小正處入pn階段 ...
非常同意
作者: rabbittwin 時間: 17-9-3 23:16 標題: 回覆樓主：
本帖最後由 rabbittwin 於 17-9-3 23:18 編輯
小朋友今年P1，第一日返學就話老師拍枱罵人，因為個小朋友畫人地本書，又畫自己隻手。我覺得老師要嚴，但唔可以惡或嚇的方式下馬威。這個拍枱行為，我都有同小朋友解釋，或因為老師不開心所致，要體諒老師但千萬不可跟或學。正正這些行為亦會影響小朋友分辨是非的能力。我們這代的老師很威嚴，受人尊敬，但從來不是以惡或破口大罵的方法壓制學生呀,。無可否認，而家老師壓力極大。
作者: 1998Ruby1998 時間: 17-9-3 23:33
我依家就算補習都要訓練返小朋友自己收拾桌面、玩具、唔準拉凳拉檯，要提起檯凳、執返地下垃圾（有個小妹妹紙巾跌落廚房地下，佢話 dirty 唔肯執，我話：「反正你都要洗手，快 d 執起佢 dum 落垃圾桶！」）同時我都會要佢地尊重老師，落堂可以做朋友，但係上堂一定要聽話專注。
不過都唔怪得，依家好多小朋友有工人，工人好少會教道理、個人休養（有補習學生個姐姐會教禮儀，真係好好彩）。以前老師唔太算係鐵飯碗行列，真心想做老師嘅人多。依家老師成為真正嘅鐵飯碗，好多人都未必懂得教書／教德育。唯有做父母，自己儘量多教。 
作者: ar_mak 時間: 17-9-4 01:27
提示: 作者被禁止或刪除 內容自動屏蔽
作者: yovin 時間: 17-9-4 05:57
Jane1983 發表於 17-9-3 08:51
你講的欺凌事情，有幾嚴重呢？我都唔鍾意hea住唔想理，事事推莊的老師。不過家長只聽自己小朋友講事件的一 ...
以前细個認為破格的人好突出、好有型。
現在長大了，在工作上才明白纪律的重要性。原來個人突出唔理會章規，是會為其他人帶來好多麻煩。
即使自己認為再對都好，也要服從規則，重視紀律。因為人人都覺得自己是對的，想做就去做，完來是危險的。
現在媒體常常歌頌個人注意，放大了破格的人嘅英雄感，容易令人忽略紀律的重要性。
作者: siubbsw 時間: 17-9-4 07:42
rabbittwin 發表於 17-9-3 23:16
小朋友今年P1，第一日返學就話老師拍枱罵人，因為個小朋友畫人地本書，又畫自己隻手。我覺得老師要嚴，但唔 ...
對付d曳男仔，唔惡係唔得，講道理當你唱歌
作者: mytambb 時間: 17-9-4 07:56
Lalaji 發表於 17-9-3 08:30
先此聲明，我無心褒眨任何一間學校及教學模式，只是有些慨嘆現時子女教育有點矯枉過正。
我小正處入pn階段 ...
欺凌未必是紀律的問題。
有些情況可能是家長平日過份使用紀律權威或暴力。
作者: retriever 時間: 17-9-4 07:56
同意自律紀律嘅重要。
香港家長揀選學校大部份跟風跟潮流。
但香港讀國際學校，大部份家庭都係有米家庭。呢啲華人家庭有幾多會從小配合培養細路仔獨立自立嘅能力呢?
所以有時揀學校，你係睇嗰啲學校吸引咗乜嘢家長。而家好多 happy school, 本來概念係好。但吸引左一批家長同學生都想HEA 讀既，又係咪好事？
作者: mimi222shi 時間: 17-9-4 08:09
小朋友多數易放難收(大人有時也是)
我以前諗傳統名校唔得(當然成績要咁上下), 先去國際都唔遲.
有些小朋友真係好難教, 沒紀律會影響課堂秩序.
不過, 老師一味靠惡未必得 (我都好惡, 不過從小到大, 越惡小朋友越反叛)
有些老師好有辦法, 上堂開心又個個守秩序.
作者: MrBeast 時間: 17-9-4 08:15
retriever 發表於 17-9-4 07:56
同意自律紀律嘅重要。
香港家長揀選學校大部份跟風跟潮流。
作者: MrBeast 時間: 17-9-4 08:25
在香港揸車發現有個現象，司機好多時唔打燈，高速公路慢行又霸住條快線，came to the conclusion 大部分人只是為考試去記規則，而不明白規則背後的用意。
講返小朋友，玩係天性，學前階段attention span 短係正常不過，有時家長要包容下，但若kg老師不懂得處理，要lum下好唔好轉校
作者: mimi222shi 時間: 17-9-4 08:34
我親身經歷係, 如果認為間學校好, 真係唔好隨便轉校(首先要睇問題出於邊度, 如果在小朋友, 我希望係盡量配合學校)
如果老師唔包容/無愛心/學校混亂, 就早走早著.
作者: retriever 時間: 17-9-4 09:46
MrBeast 發表於 17-9-4 08:15
又唔可以一捉高打一船人，我有些舊同學都有些家底，教細路都好嚴，不過佢都選擇local ，反而casual 的是自 ...
想講係, 鬼佬果套教育理念, 配對佢地從小培養獨立自立.
華人家庭有米揀鬼佬教育理念, 但細路從小, 係事事關心幫出頭.
作者: hkpapa852 時間: 17-9-4 09:54
Lalaji 發表於 17-9-3 08:30
先此聲明，我無心褒眨任何一間學校及教學模式，只是有些慨嘆現時子女教育有點矯枉過正。
我小正處入pn階段 ...
從來只是被成人所遺忘, 沒有被任何學校遺忘.
就算國際學校對學生行為較包容, 也要求紀律.
大家自己諗吓, 通常最沒有紀律既人, 係大人還是小朋友?
家長如果自己不要求/重視紀律, 學校可以做到的, 又有多少呢?
記著, 學校都只係每天提供幾小時教育予小朋友, 小朋友更多既時間, 都係參與緊"家庭生活".
想嚴格訓練小朋友紀律既, 可能係要送佢地去軍營寄宿兼受訓.
作者: Lalaji 時間: 17-9-4 10:25
mytambb 發表於 17-9-4 07:56
欺凌未必是紀律的問題。
有些情況可能是家長平日過份使用紀律權威或暴力。
其實我認為小朋友在成長過程中，做啲曳1事好正常，問題係發生在學校，老師不能置身事外。
作者: mcl203 時間: 17-9-4 10:29
hkpapa852 發表於 17-9-4 09:54
紀律
從來只是被成人所遺忘, 沒有被任何學校遺忘.
紀律，好多家庭係外判俾姐姐去負責，配合平板手機為工具，再加上淘寶既協助，從而教導小朋友係成長路既思想行為~~~
作者: Lalaji 時間: 17-9-4 10:38
hkpapa852 發表於 17-9-4 09:54
紀律
從來只是被成人所遺忘, 沒有被任何學校遺忘.
同意成人係紀律被遣忘的元兇，但這些家長亦“感染”了學校老師的做事方法。
現時家長成日話世界變啦，依前果套唔work, 小朋友唔鬧得，唔罰得。老師一嚴啲就投訴，甚至唱衰佢。老師得唔到信任同尊重，咪管少啲。
作者: retriever 時間: 17-9-4 10:56
hkpapa852 發表於 17-9-4 09:54
紀律
從來只是被成人所遺忘, 沒有被任何學校遺忘.
我又唔係咁睇.
當然家長唔重紀律, 物都係假.
但話說回頭, 紀律亦係眾數下才更顯重要亦更易訓練.
作者: mimi222shi 時間: 17-9-4 10:57
一被工人姐姐和長老幫手湊就大件事，免得就免
現在，很多老師都亂罰亂罵(從朋友口中得知)，學生家長當然怕怕
有幾多老師能做到以理服人！？
作者: L+H 時間: 17-9-4 11:31
mytambb 發表於 17-9-4 07:56
欺凌未必是紀律的問題。
有些情況可能是家長平日過份使用紀律權威或暴力。
作者: retriever 時間: 17-9-4 11:34
mimi222shi 發表於 17-9-4 10:57
一被工人姐姐和長老幫手湊就大件事，免得就免
現在，很多老師都亂罰亂罵(從朋友口中得知)，學生家長當然怕 ...
"一被工人姐姐和長老幫手湊就大件事，免得就免"
作者: BBKDWLAM 時間: 17-9-4 12:13 標題: 回覆樓主:
紀律係羣體生活的規範，唔同羣體，標準唔同。中國人一般嚴啲，唔比小朋友大庭廣眾亂嚟，鬼佬會由得小朋友轆地沙。所以我覺得㨂得“真正”國際學校，就要接受人哋果套紀律標準。
我小朋友都算乖同文靜，當年選小一，我選了區內出名老師惡同嚴的小學讀，當時我擔心的主要係自己小朋友的安全問題，驚佢比人虾。
作者: mcl203 時間: 17-9-4 12:15
BBKDWLAM 發表於 17-9-4 12:13
紀律係羣體生活的規範，唔同羣體，標準唔同。中國人一般嚴啲，唔比小朋友大庭廣眾亂嚟，鬼佬會由得小朋友轆 ...
作者: MrBeast 時間: 17-9-4 12:35
又要share my fav arnold movie clip
https://youtu.be/IMQADg1Dp9g
| 歡迎光臨 教育王國 (/) |
Powered by Discuz! X1.5 |