教育王國
標題: 50港生英簽證未批 難趕開學 恐遲畢業 [打印本頁]
作者: elbar 時間: 17-9-1 13:42 標題: 50港生英簽證未批 難趕開學 恐遲畢業
【明報專訊】教育界立法會議員葉建源近日收到多名香港學生求助，表示申請英國留學簽證逾期未獲批，已知涉事學生達50人。有報讀英國碩士課程的事主表示，原定今日於英國開學，但仍未取得簽證，若下周三未到學校報到就要延遲畢業一年，感徬徨無助。
碩士生8月17日申請 至昨日未批
將赴英國就讀財經碩士課程的男事主向本報表示，8月17日經網上申請優先處理簽證服務，根據官方網頁資料，審理簽證需時3至5個工作天，惟事主辦理簽證至昨天仍未獲批。部分受影響的學生在連登討論區討論，並開設即時通訊群組交流情况，目前群組內有26名學生，有人稱已被英國校方通知要延遲一年畢業。
有人稱聯絡不到內政部 葉建源函英領事
該男事主前日曾到英國駐香港總領事館，以及辦理英國簽證的機構查詢，均未能獲得實質回覆。他又稱聯絡不上英國內政部，批評處理簽證的有關部門「好不負責任」。他續說，未知能否於下周三或之前到當地學校報到，眼見群組內一個個受影響學生升學計劃受阻，「擔心下一個就是自己」。
教育界立法會議員葉建源收到多宗求助，估計涉事學生至少有50人，形容情况緊急及嚴重，已就有關情况去信商務及經濟發展局長邱騰華。信中表示，受影響學生全部於8月20日之前申請留學簽證，根據正常情况應已獲批，至今仍未有結果，而8月20日之後才申請的學生反而陸續獲批，葉建源要求政府跟進及處理學生的留學申請。葉建源亦已去信英國駐港總領事求助。
英總領館：應親致電內政部查詢
英國駐港總領事館發言人回覆本報表示，有關簽證申請由英國內政部處理，申請人應親自致電公眾熱線向內政部查詢。
作者: ANChan59 時間: 17-9-3 02:17 標題: 回覆樓主
讀碩士，奇怪咁遲先申請簽證，最遲六月已經知畢到業，有成績表，還欠什麼？
當年自己開學前兩三個月已經有簽證，因為一有大學正式收咗，學校已經有齊資料可以申請！
現在是否不同了，因為遲申請碩士？大學遲通知？因爲上網申請？因為要打長途電話詢問？
作者: Yanamami 時間: 17-9-3 17:19
ANChan59 發表於 17-9-3 02:17 
讀碩士，奇怪咁遲先申請簽證，最遲六月已經知畢到業，有成績表，還欠什麼？
當年自己開學前兩三個月已經有 ...
作者: ANChan59 時間: 17-9-3 19:28
Yanamami 發表於 17-9-3 17:19
我地網友女都喺上機果日早上先收到visa咋.......人手好有問題~
作者: ABC-DAD 時間: 17-9-3 21:58
己完咁高調，真係幫到手咩，EK 個帖六月就出啦。好乾，抽乾
作者: ANChan59 時間: 17-9-4 09:42 標題: 回覆樓主
上網查過，要三個星期處理，20/8 申請，10/9 才夠時間！
七、八月是申請旺季，內政部都要一視同仁，不是只有香港學生申請學生簽證，脫歐後，將來可能重耐！
作者: MC1128 時間: 17-9-4 11:13
ANChan59 發表於 17-9-4 09:42
上網查過，要三個星期處理，20/8 申請，10/9 才夠時間！
七、八月是申請旺季，內政部都要一視同仁 ...
如果去海外帖睇下就知，不只是時間問題，有申請已交文件後遺失，要重新做，但又搞錯簽證種類。不少申請是超過三周仍不知去向
作者: ANChan59 時間: 17-9-4 11:35
MC1128 發表於 17-9-4 11:13
如果去海外帖睇下就知，不只是時間問題，有申請已交文件後遺失，要重新做，但又搞錯簽證種類。不少申請是 ...
If urgent , of course apply fast services. For delivery, I always use two ways courier services for passport renewal. Some parents are using wrong services and forms.
Lost of documents may due to agents and not Uk Home Office.
作者: nintendo 時間: 17-9-4 12:31
Some applied very late August, and within a couple of days, they started to complain.
作者: nintendo 時間: 17-9-4 12:33
ABC-DAD 發表於 17-9-3 21:58
己完咁高調，真係幫到手咩，EK 個帖六月就出啦。好乾，抽乾
議員想見報！有好多係 late offer ，入 form 幾日就投訴。
作者: MC1128 時間: 17-9-4 12:45
nintendo 發表於 17-9-4 12:33
議員想見報！有好多係 late offer ，入 form 幾日就投訴。
有啲係，有啲唔係啦
我睇晒所有post, 超過一個月的申請都有。見到前人咁，家長擔心是可以理解
作者: ABC-DAD 時間: 17-9-4 13:09
我正正就係想指出議員純抽水。
隨便話幫手，有人信左，放軟手腳就累死人。
真係靠有經驗家長指點分享，加上親力親為，香港郵政高效率配合，先解決到困境。要讚。
作者: nintendo 時間: 17-9-4 13:11
MC1128 發表於 17-9-4 12:45
有啲係，有啲唔係啦
我睇晒所有post, 超過一個月的申請都有。見到前人咁，家長擔心是可以理解
個個都擔心，但只申請幾日，嘈乜？搞到找議員。
所謂前人，有大部分如 anchan 講，是 agent 問題，有甩漏。
點都好，人地有晒 timeline，只申請幾日都嘈，分明搏大霧，想一齊 expedite，
咁搞串個 party ，令人反感。
作者: nintendo 時間: 17-9-4 13:25
教育界議員，選民是本地教育界，
多年來，只見佢地為業界爭取利益，冇乜為學生。
拿不到 visa ，點會找佢幫？
佢熟程序嗎？
作者: MC1128 時間: 17-9-4 14:28
nintendo 發表於 17-9-4 13:11
個個都擔心，但只申請幾日，嘈乜？搞到找議員。
所謂前人，有大部分如 anchan 講，是 agent 問題，有甩 ...
我無份申請
但的確有家長申請咗好耐（指超出普通/快證的批出時間）都未能取回護照，有人錯過開學前的summer course, 有人改機票，有人取消旅行，有人擔心到交咗HKU留位費（呢個我都唔明）
當然，也有人準時取回簽證護照。
但，無人知道自己的申請交上後，會否成為唔好彩嗰個，定準時收到。所以，即使交申請不久，關心問多句也是人之常情，到遲咗錯過航班，講都無用。
作者: ANChan59 時間: 17-9-4 15:09
MC1128 發表於 17-9-4 14:28
我無份申請
但的確有家長申請咗好耐（指超出普通/快證的批出時間）都未能取回護照，有人錯過開學前的summ ...
唔好信哂EK家长啲嘢，部分是以訛传訛，例如你自己申请，你用申請编号是可以在网上知道申请进度，我奇怪点会唔知道，因为网上提醒你留下 编号以作日后查询！
例如你在网上申请，有錯漏是去不到下一页，最后可以 preview ，一㩒 submit 就立刻收到 confirmation email. 我见有人遞交，话两三日后先收到 confirmation email，因为他遞俾 agent 唔系內政部，唔见嘢又係 agent ，死猫:自然是內政部！
Agent 或自己填錯表，应该怪自己唔小心，或者信錯人，嘥錢兼激气！
作者: ANChan59 時間: 17-9-4 15:15
nintendo 發表於 17-9-4 13:11
個個都擔心，但只申請幾日，嘈乜？搞到找議員。
所謂前人，有大部分如 anchan 講，是 agent 問題，有甩 ...
我估唔到咁多“精明EK家长”咁易俾人老点！咁简单推理能力都失却，正是关心则乱。
作者: linrongyao 時間: 17-9-4 15:16
今早看報，陶傑想到，英國的公務員不合作 ？
作者: ANChan59 時間: 17-9-4 15:23
MC1128 發表於 17-9-4 12:45
有啲係，有啲唔係啦
我睇晒所有post, 超過一個月的申請都有。見到前人咁，家長擔心是可以理解
超過一個月是 Agent 的問題！Agent 甩漏或遲遞交！
我的經驗，兩年前要 speed service ，網上是七個工作天，四天已經速遞到家中，前靣所講三個星期已經是旺季時間！
作者: ANChan59 時間: 17-9-4 15:25
linrongyao 發表於 17-9-4 15:16
今早看報，陶傑想到，英國的公務員不合作 ？
為某 agent 開脫啫！
教育產業在英國是大生意，唔會倒米呱！
作者: MC1128 時間: 17-9-4 15:32
ANChan59 發表於 17-9-4 15:23
超過一個月是 Agent 的問題！Agent 甩漏或遲遞交！
我的經驗，兩年前要 speed service ，網上是七個工作 ...
孩子出門, 已經很多事情要處理及安排
找方法希望解決事情而已, 希望唔好講到家長好似自己攞嚟咁?
有好意見、好建議請提出, 讓家長解決眼前問題,亦讓其他家長下次申請時有所改善
作者: ANChan59 時間: 17-9-4 16:04 標題: 回覆樓主：
本帖最後由 ANChan59 於 17-9-4 16:09 編輯
我事實上已經講咗正確點做。眼前冇得解決，我覺得他們可以發 email 或者 call 學校，解釋 visa 問題，學校都會將就，我唔認為學校會咁絕情，這個時候唔收你，除非箇中另有問題， agent 更加肉緊，冇$收點算！
首先 Agent 賺錢是大學介紹費，不是申請簽證費，他們只當服務，信自己好過信班(emoji)仔亂咁嚟！
自己或者要個子女上網申請簽證，他們點都要學識！
最實際就是我以前所講，兩手準備，一早申請UCAS，預備個安全網，一個高分CO，一個保險位CO，萬一失手都立即有揸拿！一出公開試成績，勢色唔對，爭取香港學位之餘，立即行B計劃，七月中開始做功夫，不用等到教育展，confirm offer ，就可以驗身，齊資料就申請簽證，如果擔心慢，就排快證！
我有時都唔明，每年用幾十萬，驗身費用，快證，速遞有幾多錢，不應該慳這些錢！
作者: elbar 時間: 17-9-4 17:07
赴英港生獲通知可親領簽證 個別稱已獲簽 議員要求特首與英交涉
【明報專訊】逾百港生申請英國留學簽證逾期未獲批，協助受影響學生的立法會教育界議員葉建源昨表示，部分學生稱收到簽證中心電話通知，可於昨天即日到簽證中心領取簽證，亦有個別學生表示已收到簽證。葉建源已致函行政長官林鄭月娥，要求政府關注事件和為受影響學生與英國方面交涉。
葉建源議員辦事處表示，截至昨天下午，共收到逾680個求助個案，辦事處會把新增個案交予英國駐港總領事館跟進。
6優狀元8月初申請無回音
另一方面，原本不於周日辦公的簽證中心，陸續通知申請人前往領取簽證，葉建源表示，部分學生昨收到電話通知毋須等候郵件派遞，可直接到中心領取簽證。葉建源要求英國駐港總領事館提供現時處理留學簽證的進度及具體數字，並盡早協助情况特別緊急的求助人。
較以往多用1倍時間
今屆文憑試6優考生黃匯烺將到倫敦政治經濟學院修讀法律，他8月初已申請簽證，截至昨天也未收到，相關簽證機構也沒任何通知。黃表示，該校於9月尾開學，已購買本月中旬前往英國的機票，暫未計劃向大學通知簽證受阻事宜，只盼能及時收到簽證。
海升國際教育服務中心資深升學顧問鄧志榮表示，最受影響的是前往英國就讀寄宿學校的學生，因大都在今天或上周開學，有學生前日才收到簽證，已連忙通知學校。他又說，今次受影響的簽證申請較以往需多用1倍時間，提醒考生每天檢查電郵和接聽沒來電顯示的電話，也可於contact-ukvi.homeoffice.gov.uk/app/visa_application/checkvisastatus查閱簽證申請情况。
作者: MC1128 時間: 17-9-4 18:47
政務司司長張建宗今日（九月四日）上午與英國駐港澳總領事賀恩德會面，就多名香港學生至今仍未取得本學年在英國就讀的簽證，表達深切關注。
作者: Ruby1219 時間: 17-9-4 22:54
ANChan59 發表於 17-9-4 16:04
我事實上已經講咗正確點做。眼前冇得解決，我覺得他們可以發 email 或者 call 學校，解釋 visa 問題，學校 ...
我認同有部分家長八月尾先apply 而家過咗幾日已經complain,但亦知道有啲家長唔係第一次自己申請，亦俾咗錢做快證，都係出問題，成個月都未批到，又真係好慘。
我都即刻擔心出年輪到阿仔，八月中先出成績，大學九月尾開學，要九月中飛去嘅話，分分鐘做快證都無用？
咁英國簽證保門收得成$2000 extra 嚟做快證，最後成個月都搞唔掂，最衰係要人比錢先可以email or 電話問，但有係hea 你，感覺真係坤錢囉。
作者: william99 時間: 17-9-6 00:52
ANChan59 發表於 17-9-4 16:04
我事實上已經講咗正確點做。眼前冇得解決，我覺得他們可以發 email 或者 call 學校，解釋 visa 問題，學校 ...
本帖最後由 william99 於 17-9-6 01:27 編輯
作者: whiskym 時間: 17-9-7 18:31
Ruby1219 發表於 17-9-4 22:54
我認同有部分家長八月尾先apply 而家過咗幾日已經complain,但亦知道有啲家長唔係第一次自己申請，亦俾咗錢 ...
英國visa 個priority service 3-5個工作天唔係guarantee service來，所以ukvi收左學生extra錢並不一定係會快批。
作者: JustAParent 時間: 17-9-8 08:55 標題: 回覆樓主:
咁大個人，唔駛乜都搵議員既，特首都唔理學生啦，你搵個唔知老幾議員有鬼用咩！
英國教育係一門重要產業，我敢同任何人賭，我就唔信學校會因為遲少少報到而延遲你仔女學業一年，大學上少幾堂唔駛死既，冇人會記佢缺點㗎。最重要係你比學校知你仔女發生乜事， 點解遲。個小朋友依家無Visa無passport，父母有啩？真係緊張子女前途，父母先飛去英國親身同入學組解釋，商量下點做，總好過係香港嘈係agent門口瞓過夜賴死唔走。
| 歡迎光臨 教育王國 (/) |
Powered by Discuz! X1.5 |