教育王國
標題: 返左2星期學之園。。。 [打印本頁]
作者: 忌廉烏冬 時間: 17-8-28 13:42 標題: 返左2星期學之園。。。
本帖最後由 忌廉烏冬 於 17-8-29 13:52 編輯
話說因為覺得學之園學術比起N班間學校好，同埋INTERVIEW時校長講過好重視品德培養，係學術同品德並重，所以好唔捨得舊學校的情況下轉了學之園，但返左2星期，真係好唔慣
-返學放學接送情況混亂：
返學--》普通人一條隊，排隊量體溫入校門，但當校車黎到，D校車嬸嬸衝過黎就打尖企係校門正中，然後就要等校車D小朋友入哂去，先到原本普通小朋友入去，好多時明明12：45已經返到，但就等到12：55先入到去，同時，好多好多人係度塞住好嘈好亂（等入校門的學生／入左校門既家長企係門外吹水／嬸嬸／姐姐，一大堆人係度又嘈又混亂）
放學--》原本話係排隊俾咭同排隊接小朋友，但實際情況係，無論係咪輪到果班，D家長或姐姐都塞住條隊，到職員收咭，D人就湧上前去俾咭，然後成堆人堆住係門口，排隊位置就一堆姐姐係度吹水玩電話 。放學時間，D人又係塞住個門口吹水，點解唔識得行遠少少先吹呢，校門外係密封的室內，嘈到不得了，嘈到自己都聽唔到自己講野
-小朋友返學喊--》D職員好粗魯咁推同扯小朋友入去，同校長所講“交俾我地啦，我地有方法處理，要正面同保持正面情緒“，完全2回事
-搭升降機：小朋友大聲喧哇，大人大聲講野，好嘈，淨係果程升降機那經嘈到頭痛，甚至小朋友係入面踩板車
-之前INTERVIEW時，以為係學術同品德並重，但返學呢2星期，眼見，小朋友無禮，打尖，推撞，大聲喧哇，隨地掉糖紙，追逐，甚至，而家先聽到有家長同我講，曾經係會所玩，有2個著學之園校服既學生，大大聲話，我地係男拔架，你地行開呀
-除左小朋友，大人都一樣，送左入校門／等接放學／接左放學，都係塞住個門口係度吹水，大聲呼叫小朋友，推撞，好多時我小朋友出到黎，我係俾D接左細路但仲企係門口吹水既家長頂住左我去唔到接個小朋友
。。。太長，下面繼續
作者: 忌廉烏冬 時間: 17-8-28 13:42 標題: 回覆樓主：
本帖最後由 忌廉烏冬 於 17-8-29 11:04 編輯
以上情況，係以前讀N班既學校完全唔會出現，以前間學校接送返學放學都係俾咭先有得接，但過程好有效率好有條理，家長小朋友有禮，職員對小朋友友善有愛心，搭升降機時好安靜大家細聲談話，返左學放左學都唔會塞住路中心吹水，而且個個小朋友由N到K3都有禮貌又有良好品德，係遊樂場遇到都好有禮貌，但呢D情況同學之園完全相反，我返左2星期學真係覺得好恐怖，
我老公話，你預左架啦，要佢重學術又點會教得小朋友有品德，我話但校長講過係好注重品德學習，佢話你要品德好只可以返去你以前間學校
究竟係大部份學校都係好似學之園咁樣呢D情形，只係我N班間學校太好所以我覺得學之園奇怪？
定係只係呢間學之園係咁？
N班間學校唔出名但超好，老師超有愛，有條理，老師家長姐姐小朋友都有禮有品德，唔係為左學術真係唔捨得走
（果D咩野咁你轉番去舊學校囉果D說話唔洗講喇，我只係想知佢係正常定係佢真係混亂同品德教育麻麻）
（定係而家社會D人都係無禮貌／推撞／大聲喧哇／踩板車入LIFT撞到人都當無事／鍾意企係路中心塞住條路唔覺得自己擋住人／打尖／呼喝。。個個都覺得無問題，所以以上情況只係我一個覺得奇怪？）
（下面有人估到喇，係LH學之園）
作者: like_yan 時間: 17-8-28 13:53 標題: 回覆樓主:
聽聞。。。其實好多出名既學校或稱神校。。。都係咁。。。啲小朋友對眼係生係頭頂。。。啲家長又無咩禮貌。。。
不過我都係聽聞。。。帶定頭盔先
作者: hkgra 時間: 17-8-28 14:06
唔知道,但可能你未發現學校好既一面
純粹路過~
作者: 忌廉烏冬 時間: 17-8-28 14:06
like_yan 發表於 17-8-28 13:53 
聽聞。。。其實好多出名既學校或稱神校。。。都係咁。。。啲小朋友對眼係生係頭頂。。。啲家長又無咩禮貌。 ...
之前考慮民生定學之園，民生我預左唔會教佢品德修養，但學之園明明係校長親口同我講過會注重呢樣野，但而家咁樣，好錯愕。
有同學既媽媽話以前讀GREENFIELD，完全無教品德，所以佢個小朋友都無禮貌，搶野，打尖。。之類，都話希望呢度會教番好，但而家都唔會抱有希望。
作者: maomaofafa 時間: 17-8-28 14:41 標題: 回覆樓主
點解無揀民生？一條龍band 1
作者: Kkkshanng 時間: 17-8-28 14:55
St. Catxxxxxx 既學生都係咁，我自己親身遇過2次，一次佢地參觀科學館，另一次佢地畢業禮係迪士尼酒店
完全無禮貌唔排隊
作者: blueaqua 時間: 17-8-28 15:10
可否講吓係九龍區邊間學之園?
其實我唔覺得學術同品德教育不可並重, 聽樓主咁講, 似乎係家長同小朋友的質素問題多D? 不過始終只係開咗學2星期啫, 或者D小朋友要多D時間先學乖?
另外想問吓樓主點解放棄一條龍的民生揀學之園? 小朋友是父母母校必收生嗎?
作者: ylylylyl 時間: 17-8-28 15:12
如果要求品德修養兼且是名幼的話，看來課程配合傳統小學的幼稚園例如KV，KM更適合樓主。至於民生大班教學，相信老師也會對小朋友有品德要求的。不過既然樓主巳選了LH，就嘗試觀察一下其他的好處吧
作者: OP妮歌 時間: 17-8-28 15:28
ylylylyl 發表於 17-8-28 15:12
如果要求品德修養兼且是名幼的話，看來課程配合傳統小學的幼稚園例如KV，KM更適合樓主。至於民生大班教學， ...
朋友兩個女在兩間不同幼讀過，大的在九龍幾出名的有全日班的學卷校畢業，細的在KM讀
佢話KM係教學術的地方，至於品德禮貌就要靠屋企人了
作者: maomaofafa 時間: 17-8-28 15:44
OP妮歌 發表於 17-8-28 15:28
朋友兩個女在兩間不同幼讀過，大的在九龍幾出名的有全日班的學卷校畢業，細的在KM讀
佢話KM係教學術的地 ...
請問哪間品德學術並重？
作者: 孟母3000 時間: 17-8-28 15:48 標題: 回覆樓主：
本帖最後由 孟母3000 於 17-8-28 15:49 編輯
除左學校教育，家庭教育都好重要。個小朋友一日3個鐘係學校，其餘時間都係屋企人湊，無可能交左比學校就咩都唔理吧。
而且返學坐B車，我覺得係父母問題多過學校問題。我個仔2歲開始無用Bb車，大多數時間自己行，佢扭抱我就抱佢返屋企，同佢講要抱就返屋企休息唔唔好落街，佢好明白出街係要自己行。
作者: 孟母3000 時間: 17-8-28 15:48
ylylylyl 發表於 17-8-28 15:12
如果要求品德修養兼且是名幼的話，看來課程配合傳統小學的幼稚園例如KV，KM更適合樓主。至於民生大班教學， ...
我親戚教小學，話KV學生品德無學校講到咁好。
作者: 忌廉烏冬 時間: 17-8-28 15:52
我平時都一直好注重品德教育，唔會放哂手交哂俾學校，而家担心佢在過去3年所學到既品德及良好行為等，會黎到學之園後慢慢俾其他人傳染D唔好既行為
作者: nixphoenix 時間: 17-8-28 15:55 標題: 回覆樓主
戴定頭盔先
我見到可能只係片段
上年我去九龍區某LH open day
見到啲在讀生排隊玩遊戲時係咁打尖同推我個小朋友
點解我知佢地在讀生？
因為見到家長義工同佢地打招呼仲俾佢地玩先
老師都見到佢地推人推得太過份叫佢地停...
但戴頭盔先
我見到嘅都係一刻嘅片段
知道未必代表所有
但個刻係我心目中已經打咗折扣
作者: ylylylyl 時間: 17-8-28 16:08
OP妮歌 發表於 17-8-28 15:28
朋友兩個女在兩間不同幼讀過，大的在九龍幾出名的有全日班的學卷校畢業，細的在KM讀
佢話KM係教學術的地 ...
其實如果想求証一下，有空放學後去果2間學校觀察一下就知道LH同佢地既分別了。(emoji)
不過當然，品德修養，我相信家庭教育多於學校教育呢。
作者: 水皮仔 時間: 17-8-28 16:33
本帖最後由 水皮仔 於 17-8-28 17:03 編輯
我小朋友都係返左2星期學，我既感覺同你相反，小朋友適應班時，我坐後面陪佢地上堂，小朋友大多都好醒目，主動答問題唔怕羞，除左1個感覺唔太乖之外，學校有德育書， 鼓勵小朋友有好嘅行為，岩岩生日會小朋友都表示好開心，佢坐校車既所以接送方面未知情況，但校車安排滿意，落雨唔會濕身，老師拖住上車，校長要求佢地禮貌，點頭，有唔好既行為課堂上有提醒，第1日我係有驚訝小朋友咁乖咁定佢地都挑選過先入黎，我同小朋友都好滿意，老師有打電話關心，黎緊又要見面時間跟進初開學情況，又安排同校長對話茶會，小朋友keep住乖乖，品德我一向重視所以全職湊小朋友，以身作則,學校既影響力遠不及屋企而且由細陪養比起要改正容易得多
作者: pollywcw 時間: 17-8-28 16:56
小女之前讀學之園N班, 但今年會去另一間龍校升k1.
關於品德問題, fair d 講一句間間學校都有頑劣嘅學生. 小朋友嘅德育唔可以單方面推哂俾學校, 自己乜都唔理. 身教先最重要!
學校自己有編制德育書, 觀課嘅時候都守規則, 冇爭嘢玩嘅情況. 至於校外, 就要靠家長自己提醒. 唔好乜嘢都諗住靠晒學校
作者: 忌廉烏冬 時間: 17-8-28 17:25 標題: 回覆樓主：
本帖最後由 忌廉烏冬 於 17-8-28 19:06 編輯
家庭教育當然重要，問題係，而家眼見好多大人都已經唔教，如果連學校都唔教，第日個個長大左個社會都唔知點算。
好簡單，淨係去遊樂場，學校每日都有得去遊樂場玩，但玩緊時推撞，打尖，我地唔同你玩，呢D，學校好應該要教喇卦？但無囉。
搭升降機，成部LIFT，有大人有工人有小朋友，得我女一個會㩒住部LIFT既開門制，呢D係佢以前間學校同埋我自己都有教佢。
如果屋企教，學校唔教，或者學校教，屋企唔教，都係唔會學得好
又另一例子，以前我個小朋友食野會慢慢食，斯斯文文咁食，會叫人“各位老師各位同學請食茶點“，但而家2星期之嘛，食野琴琴青，粗魯，擘大個口JAP JAP聲咁咬，我問佢學校係點（之前陪上課都有見到），佢話老師派左餅乾，大家齊齊唱首歌，就開始食，期間點食，食成點，污糟，儀態，禮貌，乜都無教無理，我個小朋友而家食到又粗魯又污糟，我當然有教佢，但佢話係學校都係咁，唔通我同佢講老師同學唔啱，咁佢第日聽唔聽老師教？
作者: 孟母3000 時間: 17-8-28 17:40
nixphoenix 發表於 17-8-28 15:55
戴定頭盔先
我見到可能只係片段
暑假去多幾轉科學館，因有幼稚園會去field trip，仲見到更多唔同學校幼稚園學生（包括非x利大機構學卷幼稚園）有幾曳，搶玩具、唔排隊都係小兒科。
作者: 孟母3000 時間: 17-8-28 17:42
忌廉烏冬 發表於 17-8-28 17:25
家庭教育當然重要，問題係，而家眼見好多大人都已經唔教，如果連學校都唔教，第日個個長大左個社會都唔知點 ...
本帖最後由 孟母3000 於 17-8-28 17:44 編輯
個人覺得你老公講得岩，時間就係得咁多，老師要趕學術課程，自然德育課程就少左時間教。學校可以講到好完美，但執唔執行得好，就靠家長自己用眼睇。樓主唯有係屋企係品德方面自己著緊d
作者: ylylylyl 時間: 17-8-28 18:03
忌廉烏冬 發表於 17-8-28 17:25
家庭教育當然重要，問題係，而家眼見好多大人都已經唔教，如果連學校都唔教，第日個個長大左個社會都唔知點 ...
樓主言之有理。為人父母，都想孩子德育及學業並重。
我都經常帶孩子去公園，每當遇上頑劣既小朋友既惡行，我都在旁提點一下孩子，咁樣係唔啱，唔好學。慢慢地，佢就會識分是非黑白。心境上假設學校冇教德育而自教，可能成效更大。
另外學校強調自編教材例如德育書，係學校既賣點，但我自已既睇法，係一種tangible用家可以睇到既marketing tools 推廣手法多D。有心教小朋友，多D去圖書館睇德育圖書都得呢。
以上只是個人感受，無意針對學校。不喜勿插(emoji)
作者: maomaofafa 時間: 17-8-28 18:05
忌廉烏冬 發表於 17-8-28 17:25
家庭教育當然重要，問題係，而家眼見好多大人都已經唔教，如果連學校都唔教，第日個個長大左個社會都唔知點 ...
可以打去民生睇下可否收番你？
作者: nixphoenix 時間: 17-8-28 18:11
孟母3000 發表於 17-8-28 17:40
暑假去多幾轉科學館，因有幼稚園會去field trip，仲見到更多唔同學校幼稚園學生（包括非x利大機構學卷幼稚 ...
同意
小朋友仲細呢搶嘢個啲真係小兒科
尤其是field trip佢地仲興奮
所以我多數會睇埋老師或家長有無處理...
如果無處理...
咁我報學校時會小心一啲選擇
而我上次見到幾個片段係....無乜處理
所以記憶幾深
作者: dreamdream081 時間: 17-8-28 18:14
maomaofafa 發表於 17-8-28 18:05
可以打去民生睇下可否收番你？
作者: 孟母3000 時間: 17-8-28 18:24
nixphoenix 發表於 17-8-28 18:11
同意
小朋友仲細呢搶嘢個啲真係小兒科
尤其是field trip佢地仲興奮
多數見親都係老師同家長義工唔理，有時d細路唔係蝦我個仔，蝦其他小朋友，我睇唔過眼都會出聲。
作者: Monstereasy 時間: 17-8-28 18:36
忌廉烏冬 發表於 17-8-28 13:42
話說因為覺得學之園學術比起N班間學校好，同埋INTERVIEW時校長講過好重視品德培養，係學術同品德並重，所 ...
我子女已離校多年，過往開學亦有發生接送混亂，可以直接同學校反影你既擔憂，學校會安排多兩位老師係門口睇住，及出通告提醒家長同學生注意行為。
品德教學校一定有教，仲教埋家長在家點處理學生行為，始終係頭兩個星期適應期，睇定d先。
作者: OP妮歌 時間: 17-8-28 18:37
maomaofafa 發表於 17-8-28 15:44
請問哪間品德學術並重？
得三個鐘，一定只側一方啦。
作者: pollywcw 時間: 17-8-28 19:01
老師見到人打尖推撞, 當然會理同教育.但佢地唔會人叮人咁睇得咁實，作為父母就應該教導小朋友, 如果有人推撞或打尖, 就叫佢排隊, 佢唔聽, 就同老師講. 樓主需要調節下心態, 無一間學校可以教到個個學生都咁聽話
作者: 忌廉烏冬 時間: 17-8-28 19:08
又另一例子，以前我個小朋友食野會慢慢食，斯斯文文咁食，會叫人“各位老師各位同學請食茶點“，但而家2星期之嘛，食野琴琴青，粗魯，擘大個口JAP JAP聲咁咬，我問佢學校係點（之前陪上課都有見到），佢話老師派左餅乾，大家齊齊唱首歌，就開始食，期間點食，食成點，污糟，儀態，禮貌，乜都無教無理，我個小朋友而家食到又粗魯又污糟，我當然有教佢，但佢話係學校都係咁，唔通我同佢講老師同學唔啱，咁佢第日聽唔聽老師教？
作者: maomaofafa 時間: 17-8-28 19:23
忌廉烏冬 發表於 17-8-28 19:08
又另一例子，以前我個小朋友食野會慢慢食，斯斯文文咁食，會叫人“各位老師各位同學請食茶點“，但而家2星 ...
如果真係好不認同學校，只好盡快搵過第二間，或者返番之前嗰間。
作者: halvard 時間: 17-8-28 19:29
我地都開左學，都係大把人番學放學，但係無你形容既情況
大家都靜靜排隊，細細聲傾計，大同細嘅一個排一個
食茶點都幾好禮儀
我地番嘅都係唔錯嘅學校
你講既情況絕對不會係大部分學校都應該會發生
作者: sweetbride119 時間: 17-8-28 20:22
提示: 作者被禁止或刪除 內容自動屏蔽
作者: amoyresident 時間: 17-8-28 21:43
Kkkshanng 發表於 17-8-28 14:55
St. Catxxxxxx 既學生都係咁，我自己親身遇過2次，一次佢地參觀科學館，另一次佢地畢業禮係迪士尼酒店
完全 ...
學之園學生的紀律，應該已經好過st cxt. 要品德好，應該揀聖公會，kv
作者: Cicikiki 時間: 17-8-28 22:11
正如樓主所講,大人同賓賓係門口吹水,你話好難頂,依d我諗唔關學校事呀?依d大人唔通係學校教出黎,人有好多種,唔會每一個人都好似樓主咁有家教,你睇現今香港就知.另一方面接送放學我覺得樓主可向校長或主任反影,我相信佢哋係會聆聽.止於德育方面我亦信學校係會教,學之園係出名德育好,點解有d直資或私小咁喜歡收學之園學生,唔係因為學之園學術特別好,係因為係學術以外佢嘅德育都好,比少少時間自己,你既然有民生唔要,而要學之園,你一定有你原因,可能你想要一間比民小還要好的小學.當然要樓主自己先知,不過如我無估錯的話,學之園係一個好選擇.係茶敍同校長傾吓你所見所聞同提出你嘅意見.
作者: Msolivialeung 時間: 17-8-28 22:15
家長，姐姐打尖，企係門口吹水，相信間間學校都有！
見過2次創價老師帶小朋友到對面公園玩！
小朋友當然有啲跑啊，推啊，正常！
但老師控制好好，亦即場教導，小朋友亦聽話，相信品德方面良好！
見到我女2歲，都會小心同聽老師講禮讓。
作者: fluty 時間: 17-8-28 22:16
我估樓主講緊奧運果間？
因為我上緊little hubs ，每次放學我都撞正佢地下午班放學既時間。完全feel 到樓主既感受。
一片混亂。
唔評論小朋友既品德，因為好主觀。
但就真係唔明點解會咁混亂呢？
我既n 班同樣是一間九龍區名幼，仲要搭一條電梯再排隊先接。
學校會分晒班，比晒低班先到高班同學仔接送。
一直秩序都好好（唔清楚係咪lh 果間分校人多d?）
不過可能學校係請左位保安幫手維持秩序，所以效果好d?
作者: 73662710 時間: 17-8-28 22:48
忌廉烏冬 發表於 17-8-28 14:06
之前考慮民生定學之園，民生我預左唔會教佢品德修養，但學之園明明係校長親口同我講過會注重呢樣野，但而 ...
上個星期六是家長迎新日，老師告訴一個星期四天有普通話老師上堂，另那個男NET 是UK Manchester 來的，英文口音十分純正，民生NET 是長駐的，不過他每日只要交足貨比心機教足45分鐘我已經十分滿意。
作者: MissMissMiss 時間: 17-8-28 23:37
Cicikiki 發表於 17-8-28 22:11
正如樓主所講,大人同賓賓係門口吹水,你話好難頂,依d我諗唔關學校事呀?依d大人唔通係學校教出黎,人有好多種, ...
下?學之園出名德育好?真係未聽過...
反而我自己識幾個學之園現讀生，真係好似樓主所講，無乜禮貌，亦唔覺得佢地好係出面啲人所講好presentable,至少見面連姨姨都無叫一聲，亦無眼神接觸...
帶返頭盔先!係我自己感覺only,不喜勿插!
作者: fluty 時間: 17-8-28 23:56
MissMissMiss 發表於 17-8-28 23:37
下?學之園出名德育好?真係未聽過...
反而我自己識幾個學之園現讀生，真係好似樓主所講，無乜禮貌，亦唔覺 ...
「學之園得育好？」- 應是指學校想提升佢地重視德育。
因為我second in 見校長，佢都不停提佢地好著重德育。我估係佢地既學術好已經出晒名，唔需要再強調，所以佢地想同時提升埋德育呢一項，咁就變做幼稚園最強了。
作者: jani.l 時間: 17-8-29 00:32
73662710 發表於 17-8-28 22:48
民生接放學，基本好有秩序地15分鐘清場，首先坐校車的學生先走，然後到家長親自接送的學生。至於品德民生也 ...
Manchester 啲英文好難聽得明
作者: 73662710 時間: 17-8-29 07:38
jani.l 發表於 17-8-29 00:32
Manchester 啲英文好難聽得明
作者: jjkrist 時間: 17-8-29 08:26 標題: 回覆樓主:
民生未開學,樓主是否已放棄民生學位?
作者: 忌廉烏冬 時間: 17-8-29 10:34
jjkrist 發表於 17-8-29 08:26
民生未開學,樓主是否已放棄民生學位?
俾左5千幾註冊費，口頭講左退學，當日打去退學，佢喺電話度已經好快手即刻DELETE我個名，叫我補寄封信，不過我唔記得左仲未寄，不過應該已經無左我個學位，但唔會轉番去民生咯，要小朋友轉得咁密，佢會好辛苦
作者: halvard 時間: 17-8-29 10:59
回覆 忌廉烏冬 的帖子
你有乜野打算呀？
會繼續留低定係試下K1報其他學校?
作者: L+H 時間: 17-8-29 11:12
本帖最後由 L+H 於 17-8-29 11:13 編輯
樓主，唔入都入左，唯有正面面對。我相信家庭教育在德育上的位置點都重要過學校(呢個階段)，不過你辛苦d，亦要身教。
針無兩頭利，要執壞習慣、紀律係要花時間的，注重成績既學校實際可以做到幾多？我相信佢地會教，但小孩做得唔好時未必可以糾正他們，最後德育只係流於口號。以上並不是針對某校。
作者: THEPOOH914 時間: 17-8-29 13:38 標題: 回覆樓主
我女讀嘉德麗n，雖然唔太出名，但佢地十分注重品德，第一星期番1.5小時，已學識老師早，嬸嬸早，英文就學stand up please ,sit down please ,line up please, 第二星期就學識謝謝老師....以品行溶入教學，之後會正常番3小時，就每日20分鐘NET英文堂，20分鐘普通話堂，重品德之餘都學到嘢,老師嬸嬸好有耐性
作者: busydaddy 時間: 17-8-29 13:40 標題: 回覆樓主:
小孩子有十分active,也有十分靜的。每間學校出去也一定有人打尖搶玩具。問題是家長老師有無合作教導互相體諒。看見一小点事不能以偏概全。
學之園是好學校，考小學成積亮麗。教一個小孩不是兩星期的事而是三年積累下去的。兩星期就把自己的選擇太快了吧
作者: 忌廉烏冬 時間: 17-8-29 13:44
L+H 發表於 17-8-29 11:12
樓主，唔入都入左，唯有正面面對。我相信家庭教育在德育上的位置點都重要過學校(呢個階段)，不過你辛苦d， ...
多謝你，
只係當日天真地相信校長所講好注重德育，但原來事實係另一回事，覺得非常失望，
自己會更加努力地做好家庭教育果方面，
頭先返學前，我問我小朋友，返學有無同人玩，佢話無，然後話：「學之園D小朋友好曳，成日尖叫，打人，玩滑梯又打尖，我唔鍾意同佢地一齊玩」，我問佢老師見到有無教佢地唔好打尖，佢話老師淨係企埋一邊，見到都無理，我小朋友仲話，以前間學校D人好禮讓好開心，好唔鍾意返學之園，好想返以前間學校。
唉，聽到佢咁講，好傷感
作者: letterland 時間: 17-8-29 13:55
忌廉烏冬 發表於 17-8-29 13:44
多謝你，
只係當日天真地相信校長所講好注重德育，但原來事實係另一回事，覺得非常失望，
學之園收既學生都係較多活潑好動
對你小朋友黎講可能唔習慣
我小朋友一開始返學零規舉，老師好有耐性慢慢教，幾個月進步好多囉。
作者: supermom1 時間: 17-8-29 13:59
本帖最後由 supermom1 於 17-8-29 15:09 編輯
to be fair, 小朋友剛剛先k1 , 而大部分小朋友來自不同學校，老師不可能一兩星期就可以把小朋友變乖! 教小朋友需要好漫長既時間，家校合作！另外教學語言變了英普，小朋友都需要一段時間去適應！
工作上曾接觸不同學校學生，KV, Sc, MS, PC, LH, 全部都有乖乖形，活潑形！
作者: hkpapa852 時間: 17-8-29 14:00
忌廉烏冬 發表於 17-8-29 13:44
多謝你，
只係當日天真地相信校長所講好注重德育，但原來事實係另一回事，覺得非常失望，
過多一排, 可能"習慣"了, 又會認為沒有之前想像中般差
如果真係接受唔到, 要認真考慮吓下學校或下一年轉校吧!
相比傳統名幼, 如KV (著重學生能否適應小一生活), SC (令學生不怕英語, 著重訓練學生自學), LH係較現實, 目標係協助家長考取直資/私立學校
作者: Nemo_baby 時間: 17-8-29 14:02
忌廉烏冬 發表於 17-8-29 13:44
多謝你，
只係當日天真地相信校長所講好注重德育，但原來事實係另一回事，覺得非常失望，
以我所知，大部分下午班嘅學生都唔係pn 直升，係外來生，只係開咗學兩星期，公道d，要俾時間老師同學校教導。
樓主之前話 greenfield d 小朋友好曳，老師冇教德育，相信只係小部分學生係咁。仔仔讀緊greenfield, 老師教得 d 小朋友好好。今年開學時情况有d混亂，但向校長反映完，已大大改善。
作者: 忌廉烏冬 時間: 17-8-29 14:03
之前講漏左，仲有個別幾個校車嬸嬸
拖住堆小朋友衝過黎，完全無講“唔該借借“之類，直接就用手就推開D大人同其他小朋友以便自己果隊校車小朋友可以企門口正中排隊，俾佢地推既，除左D塞住門口既大人，仲有係排緊隊等緊探熱入校門既小朋友，佢咁樣乜都唔理自己衝入黎仲要伸手推人，俾小朋友睇住，第日就學哂佢D行為
由其是差不多夠鐘，佢地為左唔令自己果隊遲到，一衝埋黎直打打尖，將排緊隊既小朋友果條隊推開，攝自己隊人入去，好離譜，學校唔教，職員同嬸嬸又咁無禮，D家長又本身又咁無禮，小朋友想係度學到品德，真係無乜可能，
學好要好耐功夫，學壞就好容易，就算屋企點努力教，要個小朋友係咁既環境下成長，我真係唔知點講好
我以前間學校，由校長至嬸嬸，個個都謙虛有禮有愛心，每個職員對所有小朋友即使唔係自己照顧開果班都有愛有耐性，
HL學之園呢個情況持續係咁，同時如果我個小朋友個行為有倒退，我K2會轉走，細佬妹都一定唔會讀呢度
問左我D朋友，佢地讀其他分校，無呢D情況，就算有曳既小朋友，只係個別事件，我D其他分校既朋友話，老師同職員都有愛心，同埋其他野都唔會好似呢度咁惡劣
作者: 忌廉烏冬 時間: 17-8-29 14:05
Nemo_baby 發表於 17-8-29 14:02
以我所知，大部分下午班嘅學生都唔係pn 直升，係外來生，只係開咗學兩星期，公道d，要俾時間老師同學校教 ...
唔係我話GREENFIELD，係同學個媽媽講我知，我覆述啊，唔好誤會我啊
作者: novelle 時間: 17-8-29 14:07
回覆 忌廉烏冬 的帖子
民生學術較淺，但品德教育不錯。始終基督教學校，規律要求比較嚴謹。
作者: invisible2007 時間: 17-8-29 14:37
忌廉烏冬 發表於 17-8-29 14:03
之前講漏左，仲有個別幾個校車嬸嬸
拖住堆小朋友衝過黎，完全無講“唔該借借“之類，直接就用手就推開D大 ...
同學大部份都好乖好醒又淡定。
我小朋友係好怕其他小朋友搞佢果種人，但佢返學返得好開心，証明佢d同學(至少坐佢附近果d)都係定的，唔會無啦啦搶野搞人...
另外接送果度，我地間分校校長在簡介會時都有不斷提醒家長接送時要守秩序同埋唔好阻塞，佢都有重申家長(屋企人或姐姐)係大人，校長老師係唔會鬧呢班人，所以要靠大家自律。
同埋搭校車的小朋友要入學校先又可以理解，因為佢地係無大人睇住，老師送左佢地入學校又要去接其他搭校車的小朋友，好難同佢地一齊在校外排隊，都希望家長接送的家長會明白。(利申:我小朋友係搭校車，頭幾日小朋友自己搭校車時返放學我都有親自在學校外觀察情況)
校長都有提過開學初期返放學接送係會有d混亂，佢都有不斷提醒家長要忍讓...所以我自己又覺得佢地都有盡力處理呢方面..
其實LH好重視家校合作，我地分校校長都經常鼓勵我地家長有咩問題或意見可直接同老師或校長反映。而且學校好快又有課程簡介會同茶聚，媽媽你都可以趁呢d機會同學校溝通多d，等佢地可以改善，同知道你的不滿。
作為一個新生的家長，so far我又覺得LH的表現合符我的期望。希望你小朋友都可以快D開開心心返學啦!
作者: 水皮仔 時間: 17-8-29 14:41
本帖最後由 水皮仔 於 17-8-29 14:42 編輯
我應該同你唔同分校，試試同老師反映，我相信學校會樂意聽家長意見，呢間對我而言係一間好學校，各方面都唔錯，小朋友喜歡舊學校會有唔捨得係理解既，比啲時間大家，盡量多講學校既開心事情，家長都要喜歡學校感染小朋友 黎緊學校主題係家庭，尋晚同小朋友睇左其中一本書，主題係尊敬長輩，課程係好既
作者: pollywcw 時間: 17-8-29 14:51
其實心態上一定有新不如舊, 就正如我自己都覺得宜家間幼稚園都唔夠學之園好, 如課程配套, 老師經驗. 你都係返咗2星期, 過咗半年你都咁不滿意先再作打算. 我都從未聽過話讀完LH , 會劣評呢間學校
作者: bape0060 時間: 17-8-29 16:27
回覆 孟母3000 的帖子
好認同, 好多名校側重學術真係無咁重德育~我朋友個仔都係LH, 我去探佢都覺得佢個仔說話比較囂(可以話好有自信既) , 有D大左讀名校既亦唔知咩叫謙虛, 呢個係我觀察所見~
所以德育好靠家長, 同要唸清楚自己想小朋友成長是一個點既人~
品格由小培養, 有一些傳統學校同有宗教背景既係好著重~~所以呢D學校會比較好
作者: Yaudb 時間: 17-8-29 16:34
回覆 bape0060 的帖子
十分讚同
作者: maomaofafa 時間: 17-8-29 16:52 標題: 回覆樓主
請問是否大角咀分校？
作者: supermom1 時間: 17-8-29 17:12
回覆 bape0060 的帖子
都要睇下邊間，有些傳統教會學校老師會用惡或鬧方式去教學生！這方法我個人不太認同！
作者: aquasee 時間: 17-8-30 01:43
我個女係LH畢業，小學攞操行獎wor...應該德育都可以過得去吧😅😅
樓主請體諒，剛開學有很多小朋友還沒太適應，哭鬧可能多ㄧ點。如果學之園的德育不好，我也不會俾細仔讀。
作者: sweetbride119 時間: 17-8-30 07:17
提示: 作者被禁止或刪除 內容自動屏蔽
作者: sweetbride119 時間: 17-8-30 07:26
提示: 作者被禁止或刪除 內容自動屏蔽
作者: Zootopia 時間: 17-8-30 09:48 標題: 回覆樓主：
本帖最後由 Zootopia 於 17-11-27 23:50 編輯
本帖最後由 Zootopia 於 17-11-27 23:48 編輯
本帖最後由 Zootopia 於 17-8-30 10:02 編輯
作者: ChocoMilk33 時間: 17-8-30 10:16
Zootopia 發表於 17-8-30 09:48
我也是LH家長，這兩星期接放學是有點混亂，但以我的小朋友多年來在LH，我看到各位家長接返學放學時也很禮讓 ...
相信樓主只是想分享自己見聞與感受，及徵詢其他家長的意見作參考。不要說是「公審」咁嚴重。
作者: ylylylyl 時間: 17-8-30 10:59
ChocoMilk33 發表於 17-8-30 10:16
樓主的問題是：「究竟係大部份學校都係好似學之園咁樣呢D情形，只係我N班間學校太好所以我覺得學之園奇怪？ ...
贊同。樓主只是有疑問提出問題而已。而且EK既LH die hard fans 多的是, 樓主沒有因為自身是用家而偏倚立場，相信樓主比起其他人更懂得培養孩子品德。
作者: 忌廉烏冬 時間: 17-8-30 11:17
ChocoMilk33 發表於 17-8-30 10:16
樓主的問題是：「究竟係大部份學校都係好似學之園咁樣呢D情形，只係我N班間學校太好所以我覺得學之園奇怪？ ...
本帖最後由 忌廉烏冬 於 17-8-30 11:18 編輯
正是，多謝你呀
作者: 忌廉烏冬 時間: 17-8-30 11:18
ylylylyl 發表於 17-8-30 10:59
贊同。樓主只是有疑問提出問題而已。而且EK既LH die hard fans 多的是, 樓主沒有因為自身是用家而偏倚立場 ...
多謝你呀
作者: maomaofafa 時間: 17-8-30 11:36
ChocoMilk33 發表於 17-8-30 10:16
樓主的問題是：「究竟係大部份學校都係好似學之園咁樣呢D情形，只係我N班間學校太好所以我覺得學之園奇怪？ ...
贊同。樓主只是分享自己親眼所見，並提出疑問。始終與原本期望出入太大，呻下無妨。況且樓主還繼續給時間觀察。不過如果問題持續，建議樓主向校方反映，可看看校方點處理。
作者: Beautyabimama 時間: 17-8-30 15:12
忌廉烏冬 發表於 17-8-28 13:42
以上情況，係以前讀N班既學校完全唔會出現，以前間學校接送返學放學都係俾咭先有得接，但過程好有效率好有 ...
完全明白樓主的憂慮，全人發展真的很重要。
但平心而論，樓主選擇LH學之園不會只為品格成長的，應有其他因素吧！
學之園是活動教學，以鼓勵來改善行為，循循善誘教導學生，相信用家一般會認為學之園的學生是活潑開朗的。約樓主要求貴子女的教育訓練是用傳統方法的話，學之園真的不適合貴子女。
另小朋友比較喜歡舊校，我是認同的。我們成人轉工也要半年適應期，何況小孩更要多些時間認識新朋友及新的教學方式。
另樓主説學校沒愛心，這方面真的不能認同。小孩有強烈的分離憂慮，他們喊是非常平常，學校老師不把小朋友帶回學校，聰明的小朋友會知道喊就不用返學，請問這是貴家長想要的嗎？
現在是開學初期，很多父母都緊張自己的小孩，多家長接放學很平常，家長相見大家寒暄是平常事，噪音只怪長實起樓樓底太底，令聲音回響大。
LH學之園好唔好用家一定知道，校長及老師全都認得學生名字及接放學的家長樣貌就不是每間幼稚園可以做到。
對不起其他偏激的帖我不想談論，只希望樓主從貴子女的性格，喜好選擇一所你們都喜歡及適合小朋友的學校。
利申：我是用家，直到現在我非常滿意及感謝LH學之園的校長，主任，老師及姊姊這幾年教導我的小朋友，不論在學術及性格上的問題，他們都不介意於晚上7:00打電話來了解及提供家校解決方法。
我的小朋友在現住屋苑的管理員，街坊，清潔人員都會認同他是有禮貌的小朋友。
謝謝閲讀
作者: bebrave 時間: 17-8-30 15:52
ChocoMilk33 發表於 17-8-30 10:16
樓主的問題是：「究竟係大部份學校都係好似學之園咁樣呢D情形，只係我N班間學校太好所以我覺得學之園奇怪？ ...
討論下啫⋯⋯公審...指控太嚴重了...
作者: musicfreer 時間: 17-8-30 16:39 標題: 回覆樓主:
其實只係返咗學兩星期啫, 可能老師仲觀察緊, 俾多啲時間佢地, 我相信情況一定有改善的
作者: 莫失莫忘 時間: 17-8-30 17:25
其實奧運O個間學之園都唔新, 好奇點解冇處理好放學接送混亂既問題。其實安排多少少職員去門口安排家長/姐姐接送,待一兩個星期家長/姐姐習慣左就唔駛再特別安排職員。我小朋友番個間幼稚園接放學時學校都有嚴陣以待好清楚話俾接放學既人知要點做。所以雖然多人但都冇混亂。
不過公平D講, 呢間學之園個位置又真係有少少難搞, 佢個樓底咁矮D聲音真係散唔到。
作者: Vanadium 時間: 17-8-30 20:22
雖然我個人唔太喜歡學之園，但樓主以兩星期，仲要係N班既情況去咁快下定論，似乎早左少少。
一年後都係咁，或者再比少少評價會好D。
其實做呢D中產家庭既幼稚園老師唔易，一陣間你"教"個小朋友兩句，個小朋友又唔開心，又向父母講，父母可能又覺得小朋友仲細無理由咁"教"佢，又會唔like。
德育同禮貌家家有唔同要求，要做最重要都係家庭做起，如人地唔排隊，唔代表自己唔排隊嘛，兩樣野黎，小朋友都要學。
作者: 忌廉烏冬 時間: 17-8-31 00:51
maomaofafa 發表於 17-8-30 11:36
贊同。樓主只是分享自己親眼所見，並提出疑問。始終與原本期望出入太大，呻下無妨。況且樓主還繼續給時間 ...
多謝你呀
另外都多謝各位明白我既JM，
呢2日聽完校長個茶聚，講左好多育兒資訊，似乎都好重視品格同行為既培養，希望過多一排，一切上了軌道後，可以消除我對學校的疑慮同不安，小朋友讀得開心， 大人放心
同埋我估學校可能有睇到呢個POST， 由尋日開始，放學有職員指示D未輪到但排定隊既人， 話未到佢地接放學，叫佢地排後D， 不過都係治標唔治本，因為今日放學又係塞住左， 返學就無乜改善，又係很多大人堆住個普通隊入口／正門入口／門口玻璃傾計，我唔想一齊塞住個門口，所以行遠D，但行遠D就望不到我個小朋友行入去。（果D吹水家長塞住但佢地D小朋友已經入哂去好耐）同埋呢2日係家長茶聚，返學時間少左好多人，暫時未知返學個混亂情況有無改善，不過如果真係因為睇左呢個POST而作出行動，我好欣賞同感謝校長，要俾個LIKE佢。
校長，如果你真係睇到，可唔可以都同D校車嬸嬸提示下，叫佢地都保持身教啊，因為我個小朋友真係問我“點解呢個嬸嬸拖住班小朋友過黎既，佢地（之前）去左邊？“ 我話佢地係搭校車返學所以係另一隊人，佢就問我“點解佢地唔排隊“ ，我話搭校車唔係唔排隊，係另一條隊，同我地排緊呢條唔同，佢就話，但我見到個嬸嬸係推開果個小朋友打尖喎媽咪，點解學之園D小朋友都打尖（之前講過去遊樂場玩時佢話D同學打尖同推撞），點解呀媽媽，點解呀BLAH BLAH BLAH。。。好彩輪到佢探熱，我唔洗再答落去，因為真係唔識解釋點解嬸嬸推開人插隊
作者: maomaofafa 時間: 17-8-31 01:17
忌廉烏冬 發表於 17-8-31 00:51
多謝你呀
另外都多謝各位明白我既JM，
你小朋友好叻，K1識問咁多思考性問題。我相信只要你好好引導佢，就算學校係點都唔會影響佢本身嘅品格。學校只係一個輔助，小朋友或許會受到四周的環境和同學影響，但最重要還是父母。而且我覺得你是一位重視身教的家長，不用太擔心呢。
作者: Hopeforb 時間: 17-8-31 01:18
回覆 忌廉烏冬 的帖子
我諗你有誤會啊，我係民生用家，我覺得學校品德培育好重視喎，而且同學之間嘅互動亦都講求紀律，禮貌，尊重和守規矩啊，我非常滿意德育上邊嘅培養喎！
作者: 忌廉烏冬 時間: 17-8-31 01:21
莫失莫忘 發表於 17-8-30 17:25
其實奧運O個間學之園都唔新, 好奇點解冇處理好放學接送混亂既問題。其實安排多少少職員去門口安排家長/姐姐 ...
你講中左我想講既野啊，
撇除德育果方面，淨係關於返學放學，首先佢唔係新校，即係接送返學放學已經唔係第一年既事，但都咁混亂，我心諗：如果從前已經有人覺得有問題，應該一早有人提出左，就唔會出現而家既情形，但又事實上我舊學校放學一樣咁多學生但完全無咁既情況，所以我先好疑惑，所以提出左「究竟係大部份學校都係好似學之園咁樣呢D情形，只係我N班間學校太好所以我覺得學之園奇怪？ 定係只係呢間學之園係咁？」呢個問題囉～
今日我鼓起勇氣問左好幾個家長，原來好多人都同我一樣諗法，只係大家都唔敢出聲同學校講，同埋我見呢度都有幾位JM回覆話都覺得混亂，即係其實真係好混亂
作者: 忌廉烏冬 時間: 17-8-31 01:24
Hopeforb 發表於 17-8-31 01:18
回覆 忌廉烏冬 的帖子
我諗你有誤會啊，我係民生用家，我覺得學校品德培育好重視喎，而且同學之間嘅互動亦 ...
竟然係咁
我真係誤會左，以為佢無乜德育只係谷學術但谷得黎又唔夠其他學校強
誤會哂
作者: Hopeforb 時間: 17-8-31 01:38
本帖最後由 Hopeforb 於 17-8-31 01:39 編輯
回覆 忌廉烏冬 的帖子
民生每個月都有I can do it, 目的是培育幼兒全人發展，裏邊有教聖經嘅金句和品德，待人接物，個人成長的規條，父母要跟小朋友記錄每個月做唔做得到然後交俾老師。這是一個好好嘅題材家長可以教導小朋友。內容例如有:。與人交談時有眼神交流；別人幫助我是會說謝謝；我不怕困難並願意多嘗試新事物；我會與人互相分享合作和幫助幼小
我會同我仔係朗讀嘅時候會加以解釋和與日常生活相連起來。
有一次我個仔講開要寬恕別人。我好開心佢自己識得講返金句，應用係日常生活：寬恕別人的過失便是自己的榮耀！
我好開心佢會明白可以寬恕別人其實亦是一種美德。
所以我非常滿意民生係德育上面嘅培育。
作者: 忌廉烏冬 時間: 17-8-31 01:40
maomaofafa 發表於 17-8-31 01:17
你小朋友好叻，K1識問咁多思考性問題。我相信只要你好好引導佢，就算學校係點都唔會影響佢本身嘅品格。學 ...
本帖最後由 忌廉烏冬 於 17-8-31 01:46 編輯
佢唔思考架，一味問問問架咋
可能因為舊學校教德育教守規矩都教得幾入腦，我平時又長氣CHUM氣，所以佢自己都好重視呢樣野，
同埋大前提係佢排緊果條隊俾人推開左，人地條校車隊探熱先，佢地企哂係度等，影響左佢，所以佢問個不停然後話唔鍾意人地打尖繼而不停話唔鍾意學之園
哈
作者: maomaofafa 時間: 17-8-31 02:02
Hopeforb 發表於 17-8-31 01:38
回覆 忌廉烏冬 的帖子
民生每個月都有I can do it, 目的是培育幼兒全人發展，裏邊有教聖經嘅金句和品德， ...
聽你咁講又真係幾好
作者: maomaofafa 時間: 17-8-31 02:07
忌廉烏冬 發表於 17-8-31 01:40
本帖最後由 忌廉烏冬 於 17-8-31 01:46 編輯
佢唔思考架，一味問問問架咋
識得問已經好好，有時小孩子同佢講都未必入腦。一係佢好聽你話一係你教得好好。我覺得你繼續咁教啱架啦，唔好俾其他人影響到佢，佢要知道咩係岩咩係錯呢不過學校涉及咁多人，又好難話可以控制全部人的紀律。除非佢哋真係搵人守住維持秩序之類。學校會唔會有老師接送校巴來和走的小朋友呢？如果有的話我諗家長和校巴ee 也會比較守秩序呢
作者: Beautyabimama 時間: 17-8-31 02:13
忌廉烏冬 發表於 17-8-31 00:51
多謝你呀
另外都多謝各位明白我既JM，
其實你那麼多太滿，為何不直接同校長講，而要在此發文呢？
講到自己是受害者，同時又貶低其他學之園的同學，你是否係打手呀？
你自己就要睇自己個仔入學校，難道其他家長不要？那麼學校門口邊有那麼多位？學校門口得一個，請問搭校車的小朋友怎樣入學校？帶領搭校車的姨姨及老師巳不停説「唔該，唔該」請問你有無聽到。
請你在發帖前客觀覆核你的內容，免得人哋話你是怪獸家長。
我相信所有幼稚園都重視德育發展，但這亦要家長合作，你那麼多不滿，請問怎樣做到家校合一？
作者: vinvinceho 時間: 17-8-31 07:57
Beautyabimama 發表於 17-8-31 02:13
其實你那麼多太滿，為何不直接同校長講，而要在此發文呢？
講到自己是受害者，同時又貶低其他學之園的同 ...
其實討論區唔可以按自己所見所聞而發文，咁何謂討論區呢？何況樓主困惑的，只是一般學校應妥善安排的返放學及禮貌問題，何來怪獸？你過往亦發帖不滿pn班令小朋友一返學就肚痾，遭遇不相伯仲吧，大家何不理性討論？
作者: sushimama 時間: 17-8-31 08:32
其實選得學之園，自然是希望學術上較強吧，人人都想全人發展，十項全能加品行好，但每日上學三小時，每間學校自然有不同的比重。
Happy School 唔通返學什麼也不做，happy school 也會有英普堂，家長覺得足夠與否是家長的判斷，正如LH一定會教品德，但放多了時間在其他地方，總會有取捨吧
作者: DengCK 時間: 17-8-31 09:27 標題: 回覆樓主：
本帖最後由 DengCK 於 17-8-31 09:28 編輯
delete
作者: csy_blingbling 時間: 17-8-31 09:49
回覆 OP妮歌 的帖子
請問"全日班的學卷校"指邊間?
作者: csy_blingbling 時間: 17-8-31 09:58
回覆 fluty 的帖子
LH有second in!!?!?!?
作者: maomaofafa 時間: 17-8-31 11:03
Beautyabimama 發表於 17-8-31 02:13
其實你那麼多太滿，為何不直接同校長講，而要在此發文呢？
講到自己是受害者，同時又貶低其他學之園的同 ...
咁我相信大部份幼稚園都係得壹個門口出入嘅
其他學校可以做到守秩序守規矩
我相信學之園亦有能力安排到呢樣野
我自己個仔間學校做法就係
首先會比校車的同學仔放學上校車
當然佢哋放學的時間會早少少
咁門外的家長就先在旁邊直線排隊等候
門口有守衛看住咁
小朋友出來時都是由老師護送上校巴的
大概一個老師帶兩三個小朋友吧
校車ee就負責在校巴上迎接
上學的時候也是這樣，不過其他同學也可以同時一起進門，因為不會很多人同一時間進門
校巴離去後其他家長就可以根據守衛檢查接送咭後進入校園內各自的班房迎接小朋友了
過程相當有秩序的
作者: Beautyabimama 時間: 17-8-31 11:07
vinvinceho 發表於 17-8-31 07:57
其實討論區唔可以按自己所見所聞而發文，咁何謂討論區呢？何況樓主困惑的，只是一般學校應妥善安排的返放 ...
認同討論區是發問及發表事實。
若發言人不能客觀的分析，那與現今只懂投訴，自私，怪獸有何分別。況且樓主的公子只返LH兩個星期，學校做了什麼，用何方法教導學生，請問佢知唔知？學校重視家長意見，她沒有與學校接觸，就comment間學校及其他學生，那公平嗎？
我看了他的發言，只覚她不懂怎樣解釋俾兒子知，其實佢的煩惱可同老師講，佢哋會處理。
我之前所窵的是我的小朋友因在那所學校吃了不㵖的腸粉作小點而患上洛沃克病毒，一個2歲小朋友的茶點是腸粉不知有無問題。你要知道洛沃克病毒有機會脫水而死，所以我才發帖。告訴大家小心。
不明原因的人是可以不負責任的批評人，不理別人感受。真無奈，這是現今文化。
作者: Beautyabimama 時間: 17-8-31 11:25
maomaofafa 發表於 17-8-31 11:03
咁我相信大部份幼稚園都係得壹個門口出入嘅
其他學校可以做到守秩序守規矩
我相信學之園亦有能力安排到呢 ...
其實學校就是這樣做，返學放學時校巴接送亦有老師及校車姨姨一齊。小朋友是手牽手行，行動是慢的，因有低年班學生。學校亦非常小心，確保沒有學生遺留。放學亦有用咪說明現在收邊班學生的放學咭，門口亦貼上放學班別的安排。另放學多人是因小朋友想同其他同學牽手去搭Lift.並不是樓主說企係度傾計。樓主未感受到是因為他的兒子暫時未有好朋友，所以不能客觀評論學校。同時我發現她只認同與她意見一樣的人，做法唔公平所以我才覆。
我自己及我們班裹其他家長都覺得放學是順暢的。
她發表的意見中肯與否，大家自己評論。
作者: aquasee 時間: 17-8-31 11:32
回覆 忌廉烏冬 的帖子
樓主, 概然你昨天有參加茶聚, 會上校長應該有講可以用什麼的方法和學校溝通聯絡. 你這樣擔心和不確定校長看不看見你在討論區的留言, 為何不跟從學校的方法去聯絡. 學之園是一間著重家校合作從善如流的學校, 家長的意見一定會跟進的, 要不是學校不斷的改善進步, 學校也不能發展得這樣快.
另外校車嬸嬸一個睇10個, 我個人覺得就算沒有學校的優先次序, 禮讓有需要的人也是應該的. 而且也有很多其他學校也是會俾座校車的同學先入學校, 不過可能那些學校有側門/後門/校車可直入操場, 所以樓主才不太覺.
HL校的隔離今年開了Little Hab 的playgroup, 所以接放學的家長和人數也多了, 可能開學初期的接送安排需要有點調整.
學校下星期一晚還有K1的課程簡介會, 家長記得參加和勇躍發問,相信這樣定能讓家長增加對學校的了解, 和協助學校去改進.
BTW, 如果家長還是覺得HL未能付合家長的要求, 家長可以考慮轉校, 找一間適合自己的學校, 最緊要的還是能滿足小朋友的成長需要. 老套點講句 "這個世界沒有最好的學校, 只有最適合自己的學校".
作者: meloC 時間: 17-8-31 11:45
回覆 忌廉烏冬 的帖子
我女PN讀Greenfield,老師同嬸嬸都好好又有愛, 返放學都冇話好亂哦
作者: supermom1 時間: 17-8-31 11:51
本帖最後由 supermom1 於 17-8-31 12:10 編輯
見樓主之前post全部都係投訴唔同學校！好難唔認同閣下是怪獸家長！
坐校巴小朋友因為沒有家長看管所以會優先進入學校是正常不過做法！只要解釋給小朋友知便可以！這樣做也可以教識小朋友學會體諒別人！
作者: auntie7 時間: 17-8-31 12:42
忌廉烏冬 發表於 17-8-31 01:40
本帖最後由 忌廉烏冬 於 17-8-31 01:46 編輯
佢唔思考架，一味問問問架咋
明白樓主你好重視德育，或者樓主呢個時候可以教下女兒同理心！當佢不停問點解校車姨姨打尖時，你可以解釋或引導佢諗：「校巴小朋友得一個姨姨同老師睇住，俾佢地入先因爲怕佢地走散，你有媽咪陪住，我地何不讓佢地行先呢？」簡單一個解釋就可以讓小朋友換個角度思考，又知道事情不是非黑即白！
又或者當你女兒不停問「點解佢地咁...」而你又不懂答時，你又可以答：「媽咪都唔係好清楚學校情況和唔欣賞佢地嘅行為，不如等媽咪問下老師校長，睇下大家有冇方法可以改善！」你咁樣答小朋友又會明白，如有疑慮應該主動直接問當事人，唔駛自己估估下，慢慢小朋友就會有探究解難精神，又會主動發問！
我有呢個凡事不要只看表面或自我感受係因為我自己試過一次見前面條人龍好慢，我好心急好忟，以為有人打尖，我上前看過究竟後原來係有個老婆婆佢行動不變，大家都讓著老婆婆慢慢行，我見到後好慚愧，自此之後我學會想法正面，少點埋怨！
你又有冇想過可能你女太鍾意舊校？我想大家都聽得多小朋友唔想轉校所以係interview 時表現特別差，希望不用轉校？或者你都可以從唔同角度諗下女兒的想法，協助佢適應新學校！
加油！
作者: fluty 時間: 17-8-31 14:24
csy_blingbling 發表於 17-8-31 09:58
回覆 fluty 的帖子
LH有second in!!?!?!?
本帖最後由 fluty 於 17-8-31 14:24 編輯
Yes both pn and k1 also has 2nd in
Usually only siblings no need 2nd in has straight in offer
| 歡迎光臨 教育王國 (/) |
Powered by Discuz! X1.5 |