教育王國
標題: 體藝成績對考中學的影響 [打印本頁]
作者: Sappy_Kerry 時間: 17-8-22 22:01 標題: 體藝成績對考中學的影響
正為小囡選擇課外活動，考慮學游泳/籃球，除了希望她可以學識外，亦希望她所學的能對升中有幫助，請問以上2項，哪一項比較好呢？
作者: Jane1983 時間: 17-8-22 23:01
籃球唔熟唔敢講，但游泳游得出色，係好出路。一兩年前南華早報有篇講港隊女將，除了幾個難捨母校留係聖心和St Paul，其他全部被女拔收編晒。幾個升大學亦順利游入唔記得Michigan 定 UC Berkeley 。
作者: Jane1983 時間: 17-8-22 23:08
不過係要游得好top，每日的訓練亦係好刻苦。除非小朋友有潛質，又有興趣，否則用練習的時間讀書，亦可以讀得好好。
學體藝係全人發展，我一向贊成。但事實上睇番朋友的仔女，小朋友本身未必有咁精益求精的追求。要升好中學，尤其官津，搞好成績反而簡單直接。
作者: Sappy_Kerry 時間: 17-8-22 23:31
Jane1983 發表於 17-8-22 23:08 
不過係要游得好top，每日的訓練亦係好刻苦。除非小朋友有潛質，又有興趣，否則用練習的時間讀書，亦可以讀 ...
本帖最後由 Sappy_Kerry 於 17-8-22 23:37 編輯
本帖最後由 Sappy_Kerry 於 17-8-22 23:36 編輯
其實我囡一向有學游水，因為想身體變好，以前讀幼稚園時，她經常傷風感冒，又咳，往往一病就病2星期，所以把心一橫，由8月開始，將游水堂加至一星期3天，出奇地身體變得好好，再無傷風感冒，但身邊有親戚說學籃球有助將來升中，可能加上我囡手長腳長，我親戚覺得佢有打籃球的天份卦，所以我又重新考慮應該給囡囡學什麼好~
但其實我囡游水唔叻，學了一個暑假，仍未游到10米
作者: Jane1983 時間: 17-8-22 23:55
回覆 Sappy_Kerry 的帖子
你親戚係對籃球有認識，定係隨口講？不過無所謂，小朋友在初小未係好忙，可以試多幾個活動，搵出佢的潛質和興趣，可以又游泳，又打籃球的。
作者: Sappy_Kerry 時間: 17-8-23 00:03
Jane1983 發表於 17-8-22 23:55
回覆 Sappy_Kerry 的帖子
你親戚係對籃球有認識，定係隨口講？不過無所謂，小朋友在初小未係好忙，可以試 ...
佢係籃球教練
作者: Jane1983 時間: 17-8-23 00:11
回覆 Sappy_Kerry 的帖子
咁近水樓台，聽佢指點吓。學體藝，有個好教練識教、識啟蒙，會鼓勵，係好好多。
作者: Sappy_Kerry 時間: 17-8-23 00:17
Jane1983 發表於 17-8-23 00:11
回覆 Sappy_Kerry 的帖子
咁近水樓台，聽佢指點吓。學體藝，有個好教練識教、識啟蒙，會鼓勵，係好好多。 ...
本帖最後由 Sappy_Kerry 於 17-8-23 00:25 編輯
deleted
作者: 1998Ruby1998 時間: 17-8-23 09:54
本帖最後由 1998Ruby1998 於 17-8-23 10:09 編輯
除非你要入體藝，或者挑機拔萃、St Paul Coed 等直資／私立學校，否則成績先係第一考慮。不過我有朋友咩體藝都冇，單靠成績同面試入 St Paul Coed 。佢個面試官問「你覺得自己聰唔聰明？」
香港重視學業成績，體藝成績可有可無。我有學游水同籃球，籃球係校隊，不過全部冇寫落 portfolio，去考 Maryknoll 同東九龍匯基都成功，反而我個多才多幹嘅同學做左「陪跑」，證明真係可以只靠成績同面試入。
不過認真講句，體育係可以幫小朋友讀好 d 書，冇咁容易病，專注能力提高，大壓力都可以透過運動發洩。我覺得籃球唔錯，可以訓練到群體精神同合作能力，每次落場就算係同一班隊友／敵友，次次比賽結果都會唔同。
作者: mcl203 時間: 17-8-23 10:01 標題: 回覆樓主
籃球打得好對升中係有D幫助既，協恩，女拔都有需求，相對，游泳要求更高，訓練時間更刻苦，都係睇番小朋友是否有興趣，升中始終信成績穏陣D～～～
作者: 仔仔錫錫你 時間: 17-8-23 20:56
要體藝有成績，每個星期操十個八個鐘冇走雞，如果一心諗住咁樣入名校，倒不如用呢d時間來專心讀書比較實際。
游水/籃球間間學校都要人，籃球要打得好除左睇教練，重要睇家長識唔識打，如果家中無人陪練波，會進步得好慢，另外，如果小學校隊唔掂，就算你好叻，都好難比人睇中入名校。相反游水就簡單得多，一個字“快“，1年有過百個比賽，機會多多，只要很練一定有牌
作者: Sappy_Kerry 時間: 17-8-23 23:30
仔仔錫錫你 發表於 17-8-23 20:56
要體藝有成績，每個星期操十個八個鐘冇走雞，如果一心諗住咁樣入名校，倒不如用呢d時間來專心讀書比較實際 ...
照你咁講，囡囡學游水好d, 因為起碼我自己識游（雖然唔叻），同埋記得自己學的時候，老師係點教嘅！
作者: Sappy_Kerry 時間: 17-8-23 23:32
仔仔錫錫你 發表於 17-8-23 20:56
要體藝有成績，每個星期操十個八個鐘冇走雞，如果一心諗住咁樣入名校，倒不如用呢d時間來專心讀書比較實際 ...
本帖最後由 Sappy_Kerry 於 17-8-23 23:40 編輯
另外，請問跳舞的成績係咪較少學校會睇呀？
其實我囡學芭蕾舞也是有原因的，因為她扁平足，上幼稚園時返緊e位，問過職業治療師說因為芭蕾舞都多用腳尖跳舞的動作，所以對發展她的足弓有幫助，所以就一直以來都有學
作者: RunningPig 時間: 17-8-24 16:02 標題: 回覆樓主:
請問樓主的女兒現在讀小幾
作者: mcl203 時間: 17-8-24 16:48
Sappy_Kerry 發表於 17-8-23 23:30
照你咁講，囡囡學游水好d, 因為起碼我自己識游（雖然唔叻），同埋記得自己學的時候，老師係點教嘅！
...
游水同操水係兩樣野~~~ 
作者: leafun 時間: 17-8-24 18:27
回覆 Sappy_Kerry 的帖子
除非學校係有校隊跳舞(而你又一定會參加)，又或你個女跳到出面啲新星大賽攞奬，如果唔係學校都只係當課外活動之一。
我姪女而家跳芭蕾舞跳到INTER，當年考學校時，雖然係BAND 1，但自己心水學校無一間收。學校都係睇成績先。同埋跳舞條路都唔易行，去到六年級每星期要返芭蕾舞學校跳三日，上到中學要跳四日。另外平日響屋企要成日拉筋。我姪女話佢有啲同學會日日返學校練舞。
作者: 仔仔錫錫你 時間: 17-8-24 23:43
唔好太功利，最好以小朋友興趣為先。如果純為考中學，應該睇左心儀中學要咩人而又配合自己身型才選咩運動，這樣才是最化算。
好似我對仔女都係以興趣為先，自己小學無校隊照玩，亦無理中學要唔要(太專項，唔多學校有)，總之想玩想試就去。
作者: jc2009 時間: 17-8-25 11:50
Jane1983 發表於 17-8-22 23:08
不過係要游得好top，每日的訓練亦係好刻苦。除非小朋友有潛質，又有興趣，否則用練習的時間讀書，亦可以讀 ...
作者: Sappy_Kerry 時間: 17-8-25 17:47
RunningPig 發表於 17-8-24 16:02
請問樓主的女兒現在讀小幾
對不起，因為家中發生大事，所以遲了回覆
她現在升小一
作者: RunningPig 時間: 17-8-25 21:52
Sappy_Kerry 發表於 17-8-25 17:47
對不起，因為家中發生大事，所以遲了回覆
她現在升小一
體育要頂尖，對升中才有用。你的女孩還小，現階段應讓她試不同的運動，然後才選她最有興趣的來培訓。没有很大的興趣是很難堅持下去的。
作者: newlife2015 時間: 17-8-26 18:54 標題: 回覆樓主
操水係好刻苦，好難捱，全程都係一個人不斷游游游。依家只係小一，俾小朋友接觸多D唔同運動再決定吧。
作者: k-pa 時間: 17-8-26 20:21 標題: 回覆樓主
想問下如果籃球
小學嘅校隊籃球本身唔係出名勁
單憑一個學生
點樣可以操到籃球勁
同埋有突出嘅成績？
作者: little_yolky 時間: 17-8-26 20:47
Sappy_Kerry 發表於 17-8-23 23:32
本帖最後由 Sappy_Kerry 於 17-8-23 23:40 編輯
另外，請問跳舞的成績係咪較少學校會睇呀？
作者: 1998Ruby1998 時間: 17-8-26 20:49
回覆 little_yolky 的帖子
我小學花式跳繩隊，咪到依家都係扁平足 
作者: 無知人 時間: 17-8-27 00:14
既然真想用體育做特異功能，咁要打探清楚成本同回報。
有幫助升中既體育，咁係講當年全港所有適齡升中該項目排第幾，唔係有獎牌就得，唔係個別機構辦既獎牌都得，非全港性係無意義的。
無神校直接聯絡，咁唔係該項體育無幫助升學，係該項成績唔足夠打抵其他競爭者。
有d冷門既項目競爭少，會易d，只係有需求學校亦少。
其實俾細路玩唔同項目，當係娛樂仲好，要將體育當神技，咁相當於雞糊唔做要清一色仲要槓上模。
無心插柳咪當執到，最大機會係中中等等，咁升中有樣體育活動玩得下，中學生活都滋潤d。
作者: 仔仔錫錫你 時間: 17-8-27 13:28
扁平足係先天，只可在發育時靠矯形鞋夾硬矯正，希望發育後d骨生定而改善扁平足問題。跳舞跳繩多用鞋掌肌腱，加強肌腱從而改善足弓塌下時間，絕對唔會跳得多就無扁平足。
作者: Sappy_Kerry 時間: 17-8-27 16:58
仔仔錫錫你 發表於 17-8-27 13:28
扁平足係先天，只可在發育時靠矯形鞋夾硬矯正，希望發育後d骨生定而改善扁平足問題。跳舞跳繩多用鞋掌肌腱 ...
本帖最後由 Sappy_Kerry 於 17-8-27 17:08 編輯
游水/打籃球可以加強腳掌肌腱嗎？
因為若跳舞只是加強腳掌肌腱，我會考慮停學跳舞，找其他運動代替
作者: yanyan6 時間: 17-8-28 03:01
本帖最後由 yanyan6 於 17-8-28 03:07 編輯
想問下，我女點計都係band2 ,小四操行 A ,B,有做義工有5張嘉許狀，自行見中學有冇用呢，學校又對義工依d點睇，另外就只有幾張繪畫果d 証書，田徑有2張參與証書，即係沒有獎，有沒有用? 唔該晒
作者: MonkeyGirl 時間: 17-8-28 16:58
回覆 yanyan6 的帖子
我女當年都係無獎. cert Only 義工..無其他啦..成績一般.. 我覺佢係band 2 頭.. 甘既情況..都係順其自然...考試盡了力, 便可..再同班主任商議咩中學岩佢...講真, 入錯banding , 佢會讀得好辛苦....要讀6年喎
作者: ericby 時間: 17-8-30 16:10
游泳
作者: greentea000 時間: 17-9-8 10:33
1998Ruby1998 發表於 17-8-26 20:49
回覆 little_yolky 的帖子
我小學花式跳繩隊，咪到依家都係扁平足
你覺得花式跳繩花既練習時間多嗎？除左訓練時間，自己另外練習幾多時間，比賽要加操嗎？
作者: 1998Ruby1998 時間: 17-9-8 12:44
回覆 greentea000 的帖子
我地學校低調，唔參加比賽，但係適逢學校週年 Open Day，所以要加操。本來一堂課餘活動 45 分鐘，連下一堂嘅自修課都攞埋黎練習，每日放學都要。冇辦法，因為係團隊，十幾人，一定要用多幾倍時間練。
作者: greentea000 時間: 17-9-8 12:57
1998Ruby1998 發表於 17-9-8 12:44
回覆 greentea000 的帖子
我地學校低調，唔參加比賽，但係適逢學校週年 Open Day，所以要加操。本來一堂課 ...
多謝意見，睇黎我要重新考慮。
| 歡迎光臨 教育王國 (/) |
Powered by Discuz! X1.5 |