教育王國
標題: 有家長會刻意拖慢腳步唔教小朋友嗎？ [打印本頁]
作者: scgift 時間: 17-8-17 08:26 標題: 有家長會刻意拖慢腳步唔教小朋友嗎？
小朋友學習能力不錯，熱愛閱讀，常在伴讀中/遊戲中/生活中學到很多。小朋友9月升K2(普通屋村劵校),自己只係隨住小朋友能力興趣隨心隨意教佢野。冇一定要考到直資私小既心態，只是盡心栽培，考到又好，考唔到都算打好底子叩門/升小學。
但有朋友久唔時就提下我，話我教到個小朋友咁叻，分分鐘k3時已識小三啲野，到時如果只係讀普通屋村津校，啲同學程度差好遠既話，小朋友會有個心態覺得自己叻晒(自大)或因為冇差唔多程度既同學而感到寂寞。仲話遠既唔講，近既k2k3與同學都會有好大分野，能力差距只會更大，叫我一係同小朋友轉讀私幼，一係就唔好再教快。
天外有天，我自己認為就算屋村津小都一樣會有叻仔叻女，就算係普通屋村劵校幼稚園都一樣有叻人+家長有心有力。但被朋友一而再咁提我，加上最近小朋友就4歲，佢可能覺得自己大個女好叻，唔識謙遜(可能太細)，而且尋日發生左一件嚇死我既大件，我發現佢真心覺得自己大個女有能力，令我真係有點擔心再咁發展落去唔知會變成點T_T
想請教下各位前輩，請問你地會否曾經有類似既考量？你地選擇點做？小朋友升小後情況又如何呢？
作者: karen55407 時間: 17-8-17 08:33 標題: 回覆樓主
父母是孩子的第一位老師，好老師應因材施教，別理會那些塘邊鶴⋯雖則我也是一隻塘邊鶴。
作者: scgift 時間: 17-8-17 09:08
karen55407 發表於 17-8-17 08:33 
父母是孩子的第一位老師，好老師應因材施教，別理會那些塘邊鶴⋯雖則我也是一隻塘邊鶴。
...
謝謝支持。其實我問過K1班主任意見，班主任認為我可以按照小女程度自行教授，學校課程/教具設計會兼顧到同學之間能力高/低既差異，而且平常也會找能力高既同學做小老師幫手教導能力冇咁好既同學。所以我覺得幼稚園階段應該問題不大。不過聽朋友講得多，就有點擔心小學階段…
作者: mytambb 時間: 17-8-17 09:08
scgift 發表於 17-8-17 08:26
小朋友學習能力不錯，熱愛閱讀，常在伴讀中/遊戲中/生活中學到很多。小朋友9月升K2(普通屋村劵校),自己只係 ...
自信是重要的。繼續保持着，不論什麼困難，相信自己吧！加油。
作者: retriever 時間: 17-8-17 09:09
本帖最後由 retriever 於 17-8-17 10:16 編輯
scgift 發表於 17-8-17 08:26
小朋友學習能力不錯，熱愛閱讀，常在伴讀中/遊戲中/生活中學到很多。小朋友9月升K2(普通屋村劵校),自己只係 ...
教生活知識幾時都唔嫌早...
出街, 指著紅綠燈, 指著架車又講下; 去行山, 指著樹, 指著斜波又講下; 身體既運作, 食物既營養....
當然唔係教佢串字, 背乘數表啦...
仲有自理都要早教, 呢樣影響各方面, 唔止係所教技能本身,
作者: karen55407 時間: 17-8-17 09:26
retriever 發表於 17-8-17 09:09
教生活知識幾時都唔嫌早...
出街, 指著紅綠燈, 指著架車又講下; 去行山, 指著樹, 指著斜波又講下; 身體既 ...
我覺得小朋友想學又有能力學便儘量教，可能早教咗，只要灌輸返在上課時依然要留心老師教學，儘管已經識晒，可以當温故知新。孩子求知慾強甚至資優，都應該讓佢增加課外知識，以滿足孩子學習需要。我小朋友正是早學了也不會影響上課專注度。
作者: retriever 時間: 17-8-17 10:26
karen55407 發表於 17-8-17 09:26
我覺得小朋友想學又有能力學便儘量教，可能早教咗，只要灌輸返在上課時依然要留心老師教學，儘管已經識晒 ...
同意專注及謙遜可另外教.
個人比較強調生活知識, 係因為: 一, 細路較多機會用得著; 二) 較多機會遇到, 比佢反覆思考.
家長教學術既野, 比較易走向DRILL IN, 易框框左.
作者: IloveJJ 時間: 17-8-17 10:43
提示: 作者被禁止或刪除 內容自動屏蔽
作者: retriever 時間: 17-8-17 10:47
IloveJJ 發表於 17-8-17 10:43
我在我仔幾個月時，已不斷教佢，直至佢PN,我有點擔心佢識得太快，返學變得好悶，我就開始慢落嚟，無再教佢 ...
鬧人？ 呵呵。
想知你點解釋返學既意義。
作者: IloveJJ 時間: 17-8-17 10:49
提示: 作者被禁止或刪除 內容自動屏蔽
作者: 1998Ruby1998 時間: 17-8-17 10:56
回覆 retriever 的帖子
老師鬧人真係可以鬧成堂，以前最開心就係有同學唔帶書、欠交功課，最好就係慣犯，因為老師就會用連堂嘅時間鬧到個同學體無完膚。我唔知有咩可以咁多黎鬧，不過咁樣變相空堂，可以傾計、畫畫、做功課。
作者: IloveJJ 時間: 17-8-17 10:56
提示: 作者被禁止或刪除 內容自動屏蔽
作者: 1998Ruby1998 時間: 17-8-17 11:24
話說回來，我個補習妹妹吸收能力好好，資質幾好，就算我未教佢，佢已經係學校係考頭幾名嘅同學。因為學校教得真係好淺，佢又成日想故事，又有好多字唔識，我同個媽媽建議教深 d，唔好浪費佢呢個「海綿」。
佢升小二個暑假，已經大概掌握到小三大部份課題，但係都冇唔專心上堂，不過英文功課明顯「落力」左好多，尤其作文，次次都加紙，老師評語：You are a hardworking and clever student.
後來媽媽覺得繼續留低，對佢發展唔公平，都怕佢因為學校冇挑戰性而學「懶」同「蠢」，所以就考下插班，結果得左，有兩個好 offer。問個妹妹意見，佢都話想轉，因為另一間英文好 d，又多活動，所以就決定轉。
我以前都有試過，不過就唔係父母教，而係自己無師自通，地理科超越左課堂進度。當我班同學係度不斷諗緊邊個國家都咩首都，我已經一望即知。正當我想做工作紙後面「飛行時間」問題果陣，老師走埋黎，話我唔專心上堂，冇聽指令「唔準做後面住」。後來考中期大測，我呢個大部份科目都考得唔好嘅學生竟然考到好頭，佢就冇再對我咁嚴格。
英文堂就睇老師，有 d 老師鍾意我，畀我 go further 自修，有 d 老師就唔太鍾意，覺得控制唔到我，就壓低我分數，要我跟返大隊。
作者: scgift 時間: 17-8-17 11:29
retriever 發表於 17-8-17 09:09
教生活知識幾時都唔嫌早...
出街, 指著紅綠燈, 指著架車又講下; 去行山, 指著樹, 指著斜波又講下; 身體既 ...
生活常識基本上早在bb時期只要佢係開眼既情況，出街我就好似個傻婆咁對住個女咩都講一餐，睇地上一片樹葉可以講到一年四季光合作用，連枕邊人都覺得我係傻既。而家大左更加睇得多知得多。
生活自理方面唔錯，基本上係全部自己搞掂，大人唔使理佢。也喜歡幫忙做家務，拖地晾衫洗米打蛋等簡單工作也可以做到。
學術方面我係隨心隨意睇書/遊戲/日常生活中順便教，如個位加減數，單雙數，分數，時間等(乘除數唔打算咁早教住)。英文方面佢聽音能串簡單英文生字，拆開音節發音可串出長一點既字，但重點我只係鍛煉佢既聽力，從沒要求佢記住啲生字要點串。我就係唔想咁細個咁偏重學術，才唔報讀私幼，唔想k1寫字k2默書。
作者: Jane1983 時間: 17-8-17 11:34
本帖最後由 Jane1983 於 17-8-17 11:54 編輯
如果小朋友有興趣學，咁跟着興趣走，去教佢無問題。我小朋友讀K時，都有類似情况。多睇課外書，學習多種常識，自理和情感表達，這種早教多多益善。
但除非小朋友成績唔好，否則唔好跟住學校課本去預習，因為咁可能會令佢上堂悶。
作者: scgift 時間: 17-8-17 11:35
IloveJJ 發表於 17-8-17 10:43
我在我仔幾個月時，已不斷教佢，直至佢PN,我有點擔心佢識得太快，返學變得好悶，我就開始慢落嚟，無再教佢 ...
我個女未返k1前基本上除了認字外，學校課程已全部識晒。我問過老師，老師話佢上堂都好留心好定。知佢好記性(就算唔認得字都可以你講一次後就讀返幾句句子出來)，老師會有辦法氹佢一齊讀多幾次。而我個女係好喜歡返學，所以暫時睇就問題不大。只係聽朋友說得多，就有點擔心之後上k2k3甚至小學…
作者: gigiic 時間: 17-8-17 11:40
scgift 發表於 17-8-17 11:29
生活常識基本上早在bb時期只要佢係開眼既情況，出街我就好似個傻婆咁對住個女咩都講一餐，睇地上一片樹葉 ...
作者: scgift 時間: 17-8-17 11:42
Jane1983 發表於 17-8-17 11:34
如果小朋友有興趣學，咁跟着興趣走，去教佢無問題。我小朋友讀K時，都有類似情况。多睇課外書，學習多種常 ...
謝謝分享。我從來冇研究學校課程，通常係見到授課報告/評估表後才知道原來學校已經教左咩咩野。我一直只要求小朋友上堂要留心老師教咩，功課自己返來做好。我唔會幫佢備課，都冇幫佢温習學校既書本/認字卡。一直只係學校有學校教，我有我同佢睇書玩遊戲中教。不過還是被人說我教得太多太快…
作者: brother4 時間: 17-8-17 11:51 標題: 回覆樓主：
本帖最後由 brother4 於 17-8-17 12:00 編輯
賺在起跑線，輸在。。。的道理，另見有成績名列前矛及自信心強，一時想不開玩高中飛人，so sad....自己不叻，25歲才 會考，不懂伴讀，也不玩遊戲等，每個孩孑不用太花心思/時間去教，小學成績考尾尾
，功課也不理，常欠教及留堂，反而有空同孩子打遊戲games,看漫畫，上YouTube 等，孩子亞大入咗本地心儀大學，亞細高中部學生會亞四/什工(會長)
。。。其因材施教便可
作者: Jane1983 時間: 17-8-17 12:08
回覆 scgift 的帖子
咁就得啦! 朋友有佢既角度和經歷，佢的意見未必適合你小朋友。
小朋友慢慢長大，佢的興趣會不断轉變，會迷上新的事物，會忘記已學的知識，亦未必時時咁好學。所以佢有求知欲，想學的時候，梗係教佢啦。
作者: IloveJJ 時間: 17-8-17 12:11
提示: 作者被禁止或刪除 內容自動屏蔽
作者: little_yolky 時間: 17-8-17 12:19
scgift 發表於 17-8-17 08:26
小朋友學習能力不錯，熱愛閱讀，常在伴讀中/遊戲中/生活中學到很多。小朋友9月升K2(普通屋村劵校),自己只係 ...
題外話, 有研究顯示, 幼兒期集中文字閱讀既小朋友, 佢哋小學階段後對圖像較為忽略, 而對圖像有興趣, 又正正同創造有關連。不過, 當然文字有優勢, 响現今香港對考學校係有絕對既影響, 要家長衡量一下了。
就你最後既問題, 如果係我, 我唔會在意佢學快對上學有乜影響, 我更在意如何可以教導小朋友全面發展。至於小朋友係咪自大, 八九成都係睇屋企家長原有態度, 謙虛既家長, 好少會出現自大狂小朋友的。到長大以後, 如果佢仍然真正咁叻, 佢當然會在佢叻既領域自信驕傲, 但同時會有謙虛既態度學習, 如果佢無謙虛既態度, 即係佢叻極有限。因為佢响學問上謙虛, 所以獲得更多知識; 因為佢有超越其他人既知識, 所以佢驕傲; 因為佢想獲得更多知識, 所以佢會常常保持謙虛, 不斷循環不息。
作者: little_yolky 時間: 17-8-17 12:27
scgift 發表於 17-8-17 11:35
我個女未返k1前基本上除了認字外，學校課程已全部識晒。我問過老師，老師話佢上堂都好留心好定。知佢好記 ...
所以, 你要自己觀察下小朋友, 做父母既個個都係要tailor made, 無話一本天書可以套响所有人身上既。我最大既目標係唔好教個港女同啃老族出嚟。
作者: IloveJJ 時間: 17-8-17 12:47
提示: 作者被禁止或刪除 內容自動屏蔽
作者: scgift 時間: 17-8-17 13:03
IloveJJ 發表於 17-8-17 12:11
咁其實你自己心中已有答案，無需要出帖問呀！咪照住去囉！
你出帖問，自然有唔同答案，我唔係要評論邊種 ...
我就係最近開始擔心自己係咪做錯了…雖然暫時冇影響到佢返學上堂，但我擔心佢因為自己能力高過同學仔而變慢慢由自信變成自大認叻…
因為昨日發生左件事，令我開始懷疑自己一慣既教育方針…諗緊係咪真係有需要停一停，或想辦法挫下佢既自信心…=.="
作者: IloveJJ 時間: 17-8-17 13:31
提示: 作者被禁止或刪除 內容自動屏蔽
作者: retriever 時間: 17-8-17 13:43
scgift 發表於 17-8-17 11:29
生活常識基本上早在bb時期只要佢係開眼既情況，出街我就好似個傻婆咁對住個女咩都講一餐，睇地上一片樹葉 ...
咁你無咩好驚喎...
最緊要唔好理佢咁多, 唔好怕佢蝕底就OK...
作者: bobbob 時間: 17-8-17 14:03
little_yolky 發表於 17-8-17 12:27
你要自己觀察下小朋友, 做父母既個個都係要tailor made, 無話一本天書可以套响所有人身上既。
作者: noming 時間: 17-8-17 14:50
回覆 scgift 的帖子
發生左咩事令你懷疑既教育方針?
作者: scgift 時間: 17-8-17 15:47
little_yolky 發表於 17-8-17 12:19
講到教叻小朋友, 我又真係無乜發言權。不過, 我覺得學前階段, 除咗學問仲有更多嘢可以學習, 尤其這些都是學 ...
好多謝你既意見。你講得啱，我除左學術以外都好著重其他方面既發展，禮儀品德更為重要。小女算乖巧受教，但令我有點擔憂既係佢可能理解到自己有點小聰明，慢慢覺得自己好叻…例如見佢用心算計數，我讚下佢啦，佢會話"xx同學要數手指唔叻"; 玩益智遊戲極速ko咁多關，我地話"好似個遊戲簡單左啲，不如玩其他好嗎？" 佢會話"個遊戲一啲都唔簡單，係我叻呀！" 有時同佢傾開學校啲野，佢有時又會講xx同xx唔叻/啲同學好bb都唔識野既(好彩既係都有讚某幾個同學叻)…
平時家中大人同佢講野都唔會拎啲小朋友做比較既，我都盡量少用"叻""聰明"呢啲字眼來讚佢，通常係讚"唔錯喎""你好努力/好認真/專心做喎"等等
但唔知係咪喺學校被老師讚得多，定係佢自己留意到自己同同學仔既能力差異，所以開始變得認叻。當然，佢唔係成日掛喺口邊讚自己叻好自大嗰種。只係偶然聽到佢咁講，我內心覺得唔舒服，開始有啲擔憂…
作者: scgift 時間: 17-8-17 15:53
IloveJJ 發表於 17-8-17 13:31
我覺得「自信」/「自大」，唔係因為你有幾多本事，而係你性格而嚟。
好似我兩個仔，大仔識既野，你問佢得 ...
我個女係自己認為有能力既佢會好有信心咁答問題/試做某啲野。但一覺得唔肯定既事，例如問佢啲開放式題目，佢唔確定答案既佢會話"唔知喎"/唔試。要我鼓勵下才敢試答(通常都答啱或有紋有路既)。所以我才擔心會否越教越多，佢自信心就越大…之後就…
作者: scgift 時間: 17-8-17 16:17
retriever 發表於 17-8-17 13:43
咁你無咩好驚喎...
最緊要唔好理佢咁多, 唔好怕佢蝕底就OK...
唔理佢咁多…我做唔到呀，尋日嚇死我了T_T我已深切反醒，以後都唔會再咁大意，請各位前輩唔好鬧我T_T
話說尋日同2個朋友仔一齊去左玩，喺玩具店內見佢同朋友仔玩緊+有2位朋友仔媽咪喺度睇住，我就行開一陣睇下野(同一店內，在她們10步距離內)，睇左唔夠2分鐘返去搵佢地，點知阿女唔見左!之後搵均成間鋪搵埋職員幫手出埋廣播都搵唔返阿女!正當我諗緊使唔使報警時，屋企大廈管理處打電話俾我，話阿女自己返左屋企!
由玩具店返屋企要20分鐘左右，要經過3個商場+落3條扶手電梯+過1條馬路!一個4歲未夠小女孩，唔見左媽咪竟然冷靜到自己返屋企，中途完全冇搵大人幫手(佢清楚知道走失應該留喺原地等/請著制服既職員幫忙)!我返到去見到佢，佢個樣係完全冇發生過特別事咁，唔驚唔喊。我問返佢唔見左我點解自己返屋企，佢話想試下自己返屋企，仲話自己識路，識上落扶手電梯，過馬路有等綠燈才過…完全係膽大包天!!!!佢真心覺得自己有能力，能夠自己做得到，更為佢真係做到了而高興!
就係因為呢件事，我怕左佢，4歲未夠就咁，再大啲點算!所以諗緊係咪應該改一改我既教育方針…不如唔好教咁多，等佢冇咁精明，冇咁有信心…T_T
作者: scgift 時間: 17-8-17 16:18
noming 發表於 17-8-17 14:50
回覆 scgift 的帖子
發生左咩事令你懷疑既教育方針?
32樓答左T_T
作者: IloveJJ 時間: 17-8-17 16:26
提示: 作者被禁止或刪除 內容自動屏蔽
作者: retriever 時間: 17-8-17 16:28
scgift 發表於 17-8-17 16:17
唔理佢咁多…我做唔到呀，尋日嚇死我了T_T我已深切反醒，以後都唔會再咁大意，請各位前輩唔好鬧我T_T
話 ...
呢樣一定要鬧佢!
但內心你應該欣賞佢好醒!
老實講句, 我細路都試過類似, 係出奇地冷靜!
作者: IloveJJ 時間: 17-8-17 16:29
提示: 作者被禁止或刪除 內容自動屏蔽
作者: little_yolky 時間: 17-8-17 16:33
scgift 發表於 17-8-17 15:47
好多謝你既意見。你講得啱，我除左學術以外都好著重其他方面既發展，禮儀品德更為重要。小女算乖巧受教， ...
作者: little_yolky 時間: 17-8-17 16:34
bobbob 發表於 17-8-17 14:03
呢句真，所以我都甚少講點教仔，其他家長啱用嘅方法往往響我仔身上行唔通 ...
作者: retriever 時間: 17-8-17 16:36
scgift 發表於 17-8-17 15:47
好多謝你既意見。你講得啱，我除左學術以外都好著重其他方面既發展，禮儀品德更為重要。小女算乖巧受教， ...
最重要, 叻唔係個結果, 係個過程!
你要多D 讚佢肯努力, 多D 問佢思考過程, 而唔係個結果岩唔岩所以讚佢!
作者: HaYi 時間: 17-8-17 16:37
我讚成早教, 只要是佢有興趣的, 早教只是開了一度門, 讓他們早些有能力自學.
另有些小朋友天資好高, 就算家校冇早教, 佢地識的都已超好多, 到小學時可能會悶等, 但家長可以解釋俾佢聽返學可以學到更多的知識, 識朋友, 所以如果上堂老師教的識, 就可以留時間想下老師的教的有冇另一些方式可用, 橫向思考下又可以學得更有趣. 又可以縱向自學喜歡的野, 掘多些, 更投入些. 千萬不要以為自己識晒睇唔起人, 成為井底蛙, 此種才是天才型要多學習的地方.
況且如果是語文能力超前, 冇所謂識得晒, 沙翁寫的都是英文, 每個人都可以學得更多的. 處理得好, 學習態度正確, 我不相信有超前會悶的事.
作者: scgift 時間: 17-8-17 16:52
IloveJJ 發表於 17-8-17 16:26
我細仔係幾叻幾醒又多人鐘意嗰種，加埋本身性格，佢其實自信心好強，我一早知道，所以我唔會點讚佢，但佢 ...
是的，我就係唔希望小朋友自我形象過高，所以諗緊辦法想壓一壓佢。
自問對佢有一定要求，甚至曾經被朋友話我對個4歲唔夠既人仔要求過高…自己也盡力做好身教，但最近見佢咁開始有點氣餒…
睇完你既分享，我會再努力諗辦法去改變佢。謝謝。
作者: brother4 時間: 17-8-17 16:52
little_yolky 發表於 17-8-17 12:27
俾多個例子你, 我細個時阿爸晨早買晒教科書俾我, 我就暑假已睇晒所有書, 識晒。但我上堂會好留心, 因為我會 ...
good 叻孩子
作者: scgift 時間: 17-8-17 16:55
retriever 發表於 17-8-17 16:28
呢樣一定要鬧佢!
但內心你應該欣賞佢好醒!
係，我內心覺得佢好醒，但我真係怕左佢T_T
我有同佢講左好耐道理+罰左佢，但橫睇掂睇佢都係唔知驚=.="
作者: scgift 時間: 17-8-17 17:00
little_yolky 發表於 17-8-17 16:33
咁, 佢同你分享佢幾叻, 其他小朋友唔叻既時候, 你就要引導佢其他同學都叻 (當然你要具體講點叻啦), 俾佢知 ...
我有呀，會再努力啲教佢欣賞其他人既能力/努力。還好佢本身都會讚某啲同學叻/乖而唔係自己叻晒(佢會話xx同學第1叻，xx同學第2叻，自己第3叻，唔會話自己最叻)。
作者: scgift 時間: 17-8-17 17:03
HaYi 發表於 17-8-17 16:37
我讚成早教, 只要是佢有興趣的, 早教只是開了一度門, 讓他們早些有能力自學.
另有些小朋友天資好高, 就 ...
謝謝你既意見。我個女又唔會因為識而覺得上堂悶，佢都算係樂意重複學習既類型。我只係怕過多早教令佢自以為自己好叻。我會努力調整下佢既諗法。
作者: brother4 時間: 17-8-17 17:12 標題: 回覆樓主：
本帖最後由 brother4 於 17-8-17 17:17 編輯
方法簡單給另一半教便可，跌不重要而反是好事，逆境求變能做到才是難事。。。
(自己以為是好藥，別人眼光是毒藥)
作者: 1998Ruby1998 時間: 17-8-17 17:13
回覆 scgift 的帖子
女女咁就好！只要你繼續灌輸「不卑不亢」、「不恥下問」、「虛心學習」等概念，一定得。如果有信教嘅，星期日去教會，陶冶性情。宗教教到好多待人接物嘅道理。
作者: 小曳人 時間: 17-8-17 17:54
想分享個故事，我希望當事人唔會介意...
有一個家庭，長女自少聰敏獨立，想學乜家長都會教佢，搵好多學習機會俾佢，上到傳統女校，得到歧視，同老師關係唔太好
家長見長女响學校遇到嘅困難，決定唔教KG已對家姐小學數學書有興趣嘅弟弟！結果，弟弟响傳統男校讀得好唔開心，全無學習動機，六年過後升唔到原校中學，轉咗去一間有開英文班嘅B2中學，重拾學習興趣+自信，聽聞數學係全級第一！
對一個有極大學習動機嘅小朋友，一定唔可以唔餵佢，當然速度可調節，但一旦失去學習動機的話，其他嘢都會做得唔好，亦會有行為問題！所以，千萬要保住學習動機！
可考慮學習非學術嘅嘢，多探索..
作者: 小曳人 時間: 17-8-17 17:59
scgift 發表於 17-8-17 17:03
謝謝你既意見。我個女又唔會因為識而覺得上堂悶，佢都算係樂意重複學習既類型。我只係怕過多早教令佢自以 ...
佢細，你仲以為可以"調節"
但你估佢唔覺得自己識嘅嘢多d，諗嘅嘢同其他人唔同？！
你又知唔知嗰d"唔同"，有機會變成否定自己？
當然，人人唔同，但我個人傾向係肯定佢，帶出"努力"嘅重要，話佢自係因為佢好學，花時間响某d事情上，所以日子有功，識得比人多。要幫佢認識自己，接受人與人之間嘅唔同
作者: mytambb 時間: 17-8-17 18:33
scgift 發表於 17-8-17 17:00
我有呀，會再努力啲教佢欣賞其他人既能力/努力。還好佢本身都會讚某啲同學叻/乖而唔係自己叻晒(佢會話xx同 ...
本帖最後由 mytambb 於 17-8-17 18:35 編輯
小朋友的年少時世界就是叻叻。佢識個字，父母話佢叻。佢自己睇書，父母又話佢叻。佢地對自己的自我形象慢慢建立起來，希望別人認同。
當佢地再大一點，見得人多，佢地會明白社會一些規範。佢知道真「叻」是什麼，如果真係真「叻」是否要認呢？
所謂認叻/自信是人類自然的事。不用太過緊張。自滿、自大一般是高估自己，慢慢也會受外界的回響而改變。
因此不用太在意，順其自然。
作者: shadeslayer 時間: 17-8-17 18:56
IloveJJ 發表於 17-8-17 10:56
我解釋俾佢知返學係學與人相處囉！例如:佢之前好少朋友，而家佢好多朋友，佢發現原來係因為佢經常好慷慨咁 ...
有好多老師的教導/啟發是非常重要，不是自學可以，尤其高小以後。
作者: IloveJJ 時間: 17-8-17 18:57
提示: 作者被禁止或刪除 內容自動屏蔽
作者: shadeslayer 時間: 17-8-17 21:03 標題: 回覆樓主:
不少本地傳統教學，學術比標準低，或比標準高，都是問題學生。
作者: IloveJJ 時間: 17-8-17 21:31
提示: 作者被禁止或刪除 內容自動屏蔽
作者: shadeslayer 時間: 17-8-17 21:38
IloveJJ 發表於 17-8-17 18:57
所以我話我覺得中學先係「學習知識」囉！
本帖最後由 shadeslayer 於 17-8-17 22:15 編輯
唔係，幼小都係學習知識。唔識淺的知識，如何學深的。不過家長在孩子的學科學習的角色，到高小迅速減退。學校的作用，無可能只是社交。
作者: IloveJJ 時間: 17-8-17 22:10
提示: 作者被禁止或刪除 內容自動屏蔽
作者: IloveJJ 時間: 17-8-17 22:12 標題: 回覆樓主:
提示: 作者被禁止或刪除 內容自動屏蔽
作者: shadeslayer 時間: 17-8-17 23:04
IloveJJ 發表於 17-8-17 22:10
如果家長咩都唔教，咁佢返到學校的確係學知識。但因為好多時，我日常生活、閱讀，都已教咗佢好多野，咁佢 ...
就算係初小，家長未必有教學訓練和廣闊的知識層面教孩子正確的學術。
作者: shadeslayer 時間: 17-8-17 23:06
IloveJJ 發表於 17-8-17 21:31
睇過幾個科學家傳記，都係無返學既。天才應該好難適應群體學習。
除非你好肯定孩子係天才級。。。。但天才級就咪鬼上EK啦。
作者: retriever 時間: 17-8-18 05:27
mytambb 發表於 17-8-17 18:33
本帖最後由 mytambb 於 17-8-17 18:35 編輯
小朋友的年少時世界就是叻叻。佢識個字，父母話佢叻。佢自 ...
我諗，讚叻個重點要考究下。。。
有一種說法係，不要讚細路聰明，應讚佢努力。
個人會覺得過程比結果重要得多。 應多問細路思考過程，並讚佢過程中見到既努力同主動。
作者: retriever 時間: 17-8-18 07:34
IloveJJ 發表於 17-8-17 10:56
我解釋俾佢知返學係學與人相處囉！例如:佢之前好少朋友，而家佢好多朋友，佢發現原來係因為佢經常好慷慨咁 ...
某天聽到一個分享，很難得係父子同台，老豆講下點諗，呀仔又講下佢點諗。
講到呀仔留學，環境非常復雜，更難得呀仔會反思。 去到完全不同環境，佢話突然諗起，點解有不少同學，逢周未去開P，自己就去工作做項目。點解有D野佢覺得唔岩，掂都唔會掂，在開放既國度，佢現在既同學又物都做齊？
佢諗返，對錯觀係源於學校長久以來既潛而默化。在學校學如何與人相處，縱使有矛盾又如何合作。
佢自認成績不好。
作者: brother4 時間: 17-8-18 07:55
retriever 發表於 17-8-18 05:27
我諗，讚叻個重點要考究下。。。
有一種說法係，不要讚細路聰明，應讚佢努力。
good
作者: brother4 時間: 17-8-18 08:35 標題: 回覆樓主:
旁觀者清，當局者迷。。肯出声是真正的朋友。。唔通現今D家長不懂得賺在起跑的方法，一定不是，她們寧願多D陪伴小朋友，星期六日家庭樂等。。見Facebook 常常post上，小朋友都愉快生活上成長，小學選普通學校，朋友是中產家庭，選擇讀書以外教育。。。
作者: IloveJJ 時間: 17-8-18 08:38
提示: 作者被禁止或刪除 內容自動屏蔽
作者: retriever 時間: 17-8-18 08:53
IloveJJ 發表於 17-8-18 08:38
所以，响學校面對如何與人合作係一個機會，但家長响屋企，又要再與孩子傾談引導，以免孩子因為求存，而做 ...
所以咪唔少父母唔係教徒，都帶細路返教會囉
作者: brother4 時間: 17-8-18 08:56 標題: 回覆樓主:
學 感恩?
作者: Honey 時間: 17-8-18 09:28 標題: 回覆樓主:
唔需要擔心，幼稚園時期，家長係啟蒙老師，可以盡教。去到小學，就算中文字筆劃都同家長認識的有所不同，一切以學校為準。計數心算幾叻都好，考試寫少一個step都扣分。家長要教小朋友虚心學習，某一項叻唔代表全級考第一，特別係呈分試要求的是全科都A。
我大仔好喜歡中史，小五六已有中學程度，我會考時都冇咁深入，睇的書係佢追求知識我一定比。但中史只係小五常識科某一學期一部份，雖然現在作用不大，話唔定佢未來靠中史為生。
作者: brother4 時間: 17-8-18 09:57 標題: 回覆樓主:
教得快/叻不一定好，記得當年神童上電視表演數學比計算機還快及準，現好似牛房做文員
作者: brother4 時間: 17-8-18 10:09 標題: 回覆樓主:
平常心便可，會考狀元 做巴士車長，讀law畢業相夫教子，醫生影裙底避虎媽都有。。So sad
作者: scgift 時間: 17-8-18 10:42
IloveJJ 發表於 17-8-17 16:29
咁我唔覺得呢啲叫識得多喎!我覺得佢大膽啫!
識得多既話，佢應該知道過馬路唔係剩係睇紅綠燈，响街行可能有 ...
其實佢一向好細膽，去公園稍為高少少既攀爬架都唔敢上，未去過既公園就連上幾級樓梯溜滑梯都要我陪住，睇三隻小豬又驚隻大野狼…=.="
所以今次走失事件真係完全冇諗過可能會發生。佢一向習慣出街一定會拖住我，未夠3歲已知道走失後應該要留喺原地，可以搵著制服既人幫手，都知道街上會有壞人可能會被帶走以後都見唔到家人，也知道有可能會有變態佬，知道要叫唔好同救命…
今次諗返轉頭，計下啲時間，由發現佢唔見左，到收到通知佢自己返左屋企(喺管理處被管理員留住)，中間既時間應該就係佢所需要既步行時間，所以我強烈懷疑佢根本冇搵過我或同學仔等人就直接返屋企。仲要我問佢咩原因時佢竟然係陰陰咀笑咁話覺得得意好玩，想試下自己一個人返屋企。所以我才會覺得佢自己認為有能力既範疇上好有自信…=.="
作者: IloveJJ 時間: 17-8-18 10:45
提示: 作者被禁止或刪除 內容自動屏蔽
作者: scgift 時間: 17-8-18 10:46
1998Ruby1998 發表於 17-8-17 17:13
回覆 scgift 的帖子
女女咁就好！只要你繼續灌輸「不卑不亢」、「不恥下問」、「虛心學習」等概念，一定得 ...
謝謝建議，不過我地唔信教既。
作者: IloveJJ 時間: 17-8-18 10:47
提示: 作者被禁止或刪除 內容自動屏蔽
作者: scgift 時間: 17-8-18 11:19
IloveJJ 發表於 17-8-18 10:45
咁佢都講咗個原因啦！咁你有無同佢講返個危險性响邊?
當然有講左一大輪，佢都話知道，但繼續話佢唔驚囉，吹脹!
作者: brother4 時間: 17-8-18 11:20
IloveJJ 發表於 17-8-18 10:47
所以我覺得教做人緊要過教知識!尋日中環跌死既健身教練，讀名校，外國畢業返港，但為興趣做健身教練，咁都 ...
識得好，現在好多人有學識，無常識。。。成績是次要，自知自覺安全才重要。。。小朋友是家長鏡中自己，將來做好人/壞人决定在家長手中，越叻越聰明就越容易學壞。。。如學校裝cam影女同學更衣等
作者: scgift 時間: 17-8-18 11:24
小曳人 發表於 17-8-17 17:54
想分享個故事，我希望當事人唔會介意...
有一個家庭，長女自少聰敏獨立，想學乜家長都會教佢，搵好多學習 ...
多謝分享，我一向都盡量滿足阿女既求知慾既，只係發生左走失事件後有點擔心，驚佢知得越多越自信膽大…
關於你分享既故事，姐姐本身都係熱愛學習，而家人又盡量滿足佢…請問上小學後係因為咩原因而被歧視呢？因為太叻嗎？
作者: scgift 時間: 17-8-18 11:29
小曳人 發表於 17-8-17 17:59
小心~
佢細，你仲以為可以"調節"
但你估佢唔覺得自己識嘅嘢多d，諗嘅嘢同其他人唔同？！
多謝指教，我會加強讚賞佢努力既過程。平時因為佢好記性，好似唔使點努力就記到，我就好少(唔知點)讚佢個過程。聽左你地啲意見後，我改為喺閱讀時讚佢認多左字係因為平時努力認真咁去記。
作者: IloveJJ 時間: 17-8-18 12:52
提示: 作者被禁止或刪除 內容自動屏蔽
作者: IloveJJ 時間: 17-8-18 12:56
提示: 作者被禁止或刪除 內容自動屏蔽
作者: wan_sosin 時間: 17-8-18 13:32
scgift 發表於 17-8-18 11:19
當然有講左一大輪，佢都話知道，但繼續話佢唔驚囉，吹脹!
本帖最後由 wan_sosin 於 17-8-18 13:34 編輯
除了小朋友驚唔驚，大唔大膽，危唔危險之外，小朋友還要學懂尊重別人，尊敬父母!
你囡囡識唔識考慮你嘅感受?知唔知你關心佢，佢知唔知佢咁做係傷害咗你。
呢D係人同人之間的相處，點叻都好，要識得同人相處。
我仔22個月大試過跟人搭走咗，搵返佢之後，佢都好淡定，佢同我講，曳曳，自己走咗，算是向我認錯!
你要囡囡明白，呢D唔叫叻，大個咗邊個唔識自己搵路行?但要學識明白別人想法。
危險性方面，你已講咗，日後仍要再講，但關係都是非常重要要去學懂的。
作者: jane-wang 時間: 17-8-18 13:56
scgift 發表於 17-8-17 08:26
小朋友學習能力不錯，熱愛閱讀，常在伴讀中/遊戲中/生活中學到很多。小朋友9月升K2(普通屋村劵校),自己只係 ...
在K期間，學術方面只要求閱讀，狠抓閱讀其它學術問題都交給學校老師，我們父母比較注重生活習慣培養，通過聊天交流增加常識理解，重點也落在運動，增強體質提高免疫力，增強大小肌肉的訓練，半天村屋幼稚園，下午至少2個小時樓下公園運動跑步打球踩單車....整個幼稚園期間happy沒有什麼功課也不要求寫很多字，到小學反而寫字速度很快，被同學綽號：first printer，功課基本上學校完成，回到家又只是閱讀和運動或和朋友玩
作者: 小曳人 時間: 17-8-18 14:55
scgift 發表於 17-8-18 11:24
關於你分享既故事，姐姐本身都係熱愛學習，而家人又盡量滿足佢…請問上小學後係因為咩原因而被歧視呢？因為太叻嗎？
...
比較多麻煩事，老師唔教都識，甚至高小/初中叻過老師
日子不好過
作者: 200904 時間: 17-8-18 15:05
scgift 發表於 17-8-17 15:47
好多謝你既意見。你講得啱，我除左學術以外都好著重其他方面既發展，禮儀品德更為重要。小女算乖巧受教， ...
否則，你期望小朋友在你面前怎麽說呢？
作者: bobbob 時間: 17-8-18 15:24
小曳人 發表於 17-8-18 14:55
可以話因為太叻啦
比較多麻煩事，老師唔教都識，甚至高小/初中叻過老師
日子不好過
作者: 200904 時間: 17-8-18 15:30 標題: 回覆樓主：
本帖最後由 200904 於 17-8-19 09:42 編輯
其實，我都曾經有類似樓主想法的一刻。但最後我還是覺得，應該因材施教。
我兩個孩子在幼稚園時期，每次家長日，老師都有“學習能力超前”的評價。但她們大多數時間都能認真聽講，且幫助老師教，安撫其他小朋友。當然，有時，因爲老師教了很多次，她們也會悶，思想會出去旅行。幸好老師瞭解她們，不會腦她們。
現在小學，我從來沒有提前教她們學術上的東西，她們喜歡閲讀，除了做功課，就自己看書，晚上，只要我有空，會和她們聊天，聊聊彼此生活中，或者書中學到的東西。我覺得，反而，從中，她們都能從中學到很多，知道我在意什麽，知道謙遜，知道不恥下問。
作者: 200904 時間: 17-8-18 15:40
回覆 bobbob 的帖子
所以，我覺得選擇一個與小朋友對口的學校十分重要。
學校的教育風氣，理念很重要（這個要靠選校時觀察）；個別老師的教學熱情，態度也很關鍵（這個要靠運氣）。
有些老師，只想做好一份工，上堂教完就走，不會為學生爭取什麽。有些老師，除了上堂，還關心小朋友的生活，做小朋友的伯樂，為小朋友創造不同的鍛煉機會。
似乎走題。呵呵。
作者: scgift 時間: 17-8-18 16:02
retriever 發表於 17-8-18 05:27
我諗，讚叻個重點要考究下。。。
有一種說法係，不要讚細路聰明，應讚佢努力。
從小到大，我一次都冇讚過阿女聰明。但佢希望自己聰明，想叻。佢好鍾意玩益智遊戲，唔少遊戲都可以好快速咁就過到關，甚至玩得比我還要利害。有朋友叫我收起晒啲益智遊戲(只俾佢玩唔使用腦既玩具)，唔好俾佢沉浸喺"好易"既成功感之中。請問你有何睇法？我曾經煩惱應否搜羅一些更深更難既遊戲俾佢玩，但始終唔係咁想超前鍛煉佢個腦筋…
作者: scgift 時間: 17-8-18 16:05
brother4 發表於 17-8-18 08:35
旁觀者清，當局者迷。。肯出声是真正的朋友。。唔通現今D家長不懂得賺在起跑的方法，一定不是，她們寧願多D ...
我呢位朋友，曾經幫佢既小朋友考均全港九既名幼n/k1,因無offer才覺得自己小朋友唔夠班，所以放棄考直資私小唔再早教。佢也曾經叫我幫阿女轉讀私幼+瘋狂外補+瘋狂自己跟，以搏出年考直私…
作者: 200904 時間: 17-8-18 16:06
回覆 scgift 的帖子
我女都喜歡益智游戲。爲什麽不讓她玩？我想不出理由不讓她玩。她覺得好玩就好。
當然，也要玩一些所謂不用腦的游戲，但其實我覺得每一樣游戲都需要用腦，手眼協調，身體協調都需要用腦。我可惜的是，我沒有時間和體力與她們玩這些游戲。
作者: 小曳人 時間: 17-8-18 16:07
bobbob 發表於 17-8-18 15:24
聽你咁講唔係小朋友嘅錯，只怪老師學生們器量狹窄，容不下能力強嘅學生或同學 ...
但一個小朋友同老師之間，如果硬要係老式嘅"老師大哂"教室，咁叻嘅小朋友一定好難生存
相處，一定要學習互相遷就、互相欣賞
我聽家長訴說，的話係有個別老師覺得孩子"唔需要返學"
作者: scgift 時間: 17-8-18 16:12
200904 發表於 17-8-18 15:30
其實，我都曾經有類似樓主想法的一刻。但最後我還是覺得，應該因材施教。
我兩個孩子在幼稚園時期，每次家 ...
謝謝你既分享。暫時阿女喺學校都冇咩問題，老師會安排佢做小老師教同學或做示範，希望k2k3轉了班主任都可以繼續冇問題。可能係我太敏感太緊張了，對一句未夠4歲既童言咁上心。我會繼續通過閱讀，希望佢大啲時會明白及做到謙遜。
作者: scgift 時間: 17-8-18 16:13
Honey 發表於 17-8-18 09:28
唔需要擔心，幼稚園時期，家長係啟蒙老師，可以盡教。去到小學，就算中文字筆劃都同家長認識的有所不同，一 ...
明白，我會繼續多啲提點佢上課做功課要專心小心。
作者: scgift 時間: 17-8-18 16:19
IloveJJ 發表於 17-8-18 12:52
有無俾最近幾單女仔被強姦既新聞佢睇先?
以前有同佢提過這類新聞，最近沒有，可能佢始終細個及我冇好深入咁講解，佢冇咩大反應。不過今日咁橋佢自己揀左家計會既性教育繪本叫我同佢睇，又咁橋佢要睇《我從哪裡來？》當中有爸爸媽媽親密行為既畫面，我就繪形繪聲咁講到如果自己一個人遇到變態佬時會有咩遭遇。哈，今次佢識驚啦，個樣係好驚好驚，係咁攬實我鍚我個咀，唔想我再講落去XDDD
作者: 200904 時間: 17-8-18 16:21
回覆 scgift 的帖子
呵呵。其實我都承認我是個“緊張大師”。我都很緊張孩子的成長。所以，我都在學習。
幸好，我們家的爸爸比我更緊張，對孩子的要求更高，才讓我有機會不斷提醒自己，不斷要求自己要“寬容”，要“感恩”，要“理解”。
孩子的成長，不會各個方面都叻的，一定有這樣和那樣的不足，這個時候，除了帶領也要理解。孩子有時候能力的確比較高，就要和孩子一起感恩有這方面的能力，一起為自己能更好地運用這種能力而努力。當然，也會和孩子一起欣賞其他小朋友在其他方面的能力，讓孩子知道，每個人都有不同的天賦，每個人都不同，無需驕傲，也無需自卑。
作者: little_yolky 時間: 17-8-18 16:21
shadeslayer 發表於 17-8-17 23:04
就算係初小，家長未必有教學訓練和廣闊的知識層面教孩子正確的學術。
作者: 200904 時間: 17-8-18 16:23
回覆 little_yolky 的帖子
啊？錯誤知識？是否年紀較大的老師，然後和時代脫節那種？
作者: little_yolky 時間: 17-8-18 16:23
scgift 發表於 17-8-18 16:19
以前有同佢提過這類新聞，最近沒有，可能佢始終細個及我冇好深入咁講解，佢冇咩大反應。不過今日咁橋佢自 ...
記得好多年前, 有個8歲小朋友, 同阿爸講, 自己大個識睇車, 叫阿爸放心俾佢自己返屋企, 點知第一日就俾車撞。
作者: scgift 時間: 17-8-18 16:24
200904 發表於 17-8-18 16:06
回覆 scgift 的帖子
我女都喜歡益智游戲。爲什麽不讓她玩？我想不出理由不讓她玩。她覺得好玩就好。
其實佢有各式各樣既玩具，益智遊戲只係當中一部份。我自己係希望佢通過玩耍而鍛煉到各方面既能力。我朋友係叫我收起嗰啲佢能瞬間ko既益智遊戲，免得佢成日覺得好易自己好叻…=.="
作者: scgift 時間: 17-8-18 16:28
little_yolky 發表於 17-8-18 16:23
仲有交通意外。
記得好多年前, 有個8歲小朋友, 同阿爸講, 自己大個識睇車, 叫阿爸放心俾佢自己返 ...
我今日直頭講埋n年前啲人成日講既捉啲小朋友去砍手砍腳去行乞+捉去開肚攞左佢啲內臟，嚇死佢XDDD
以前成日講既係被人帶走見唔到爸爸媽媽/遇交通意外，見你無動於衷我就再講得恐怖啲，務求嚇死佢XDDD
我今日真係好鬼衰呀XDDD
作者: little_yolky 時間: 17-8-18 16:29
200904 發表於 17-8-18 16:23
回覆 little_yolky 的帖子
啊？錯誤知識？是否年紀較大的老師，然後和時代脫節那種？
成日鐘意吹水唔抹咀, 亂吹一通！唔係吹教科書D嘢, 係其他嘢。
| 歡迎光臨 教育王國 (/) |
Powered by Discuz! X1.5 |