教育王國

標題: 雷瑞德夫人S位 [打印本頁]

作者: limlimhimhim 時間: 17-8-11 22:37 標題: 雷瑞德夫人S位

剛剛收到信，唔知點算？其實，平日上堂做咩，上幾耐？有咩老師？可否分享下？

作者: babecat1 時間: 17-8-12 16:01

limlimhimhim 發表於 17-8-11 22:37
剛剛收到信，唔知點算？其實，平日上堂做咩，上幾耐？有咩老師？可否分享下？
...

其實除左有一般幼稚園學術堂外，也有3T服務(物理、職業和言語治療師)註冊社工和護士提供專業意見和舒緩家長壓力，而每一個課程也是根據小朋友的能力而獨立制定，對小朋友的發展幫助很大。

作者: limlimhimhim 時間: 17-8-12 16:30

babecat1 發表於 17-8-12 16:01
其實除左有一般幼稚園學術堂外，也有3T服務(物理、職業和言語治療師)註冊社工和護士提供專業意見和舒緩家 ...

阿仔在國際學校到左一年n班，9月上k1，有到校（Ot,St,SEN),出面做緊感統同st。突然收到信現在唔知點揀

作者: Bridgetdarcy 時間: 17-8-15 20:54

limlimhimhim 發表於 17-8-12 16:30
阿仔在國際學校到左一年n班，9月上k1，有到校（Ot,St,SEN),出面做緊感統同st。突然收到信現在唔知點揀
...

係真正既國際幼稚園? 英基那種? 還是本地所謂國際幼稚園? 將來繼續國際學校條路? 因為真正既國際學校其實包容好多, 亦唔會要追學術進度咁多。但本地既始終有進度要追, 升小學如讀本地學校就更加要追。當初評估你小朋友要入S 位即係佢當時既能力較差, 需要更密集既訓練, 但而家已經過左一段時間, 你自己覺得佢同同齡小朋友係咪只差d d ? 有冇問到校同私人既治療師意見? 佢地覺得佢需要S 位嗎？如果佢地覺得需要你就盡快入讀, 比佢追返進度, 如果佢地覺得唔需要你就盡快通知S 位唔要學位, 比更有需要既小朋友囉！

作者: limlimhimhim 時間: 17-8-16 09:16

Bridgetdarcy 發表於 17-8-15 20:54
係真正既國際幼稚園? 英基那種? 還是本地所謂國際幼稚園? 將來繼續國際學校條路? 因為真正既國際學校其實 ...

係真正的國際學校！阿仔除左到校都有在出面上oT同ST，感統有進步，言語仍然未講但多左自己玩聲。從長遠看，國際學校包容D，學術要求低D，當然對呢D仔好D，所以先要諗！

作者: Bridgetdarcy 時間: 17-8-16 12:42

limlimhimhim 發表於 17-8-16 09:16
係真正的國際學校！阿仔除左到校都有在出面上oT同ST，感統有進步，言語仍然未講但多左自己玩聲。從長遠看 ...

如果你長遠係讀國際學校, 而私家治療又足夠, 治療師都覺得佢應該繼續咁樣讀, 咪唔使轉囉！但相反, 治療師都覺得佢既能力不足, 需要更多治療, 咁就應該讀S 位。當然去讀S 位又未必一定有超大進步, 睇你遇到咩治療師同老師, 你再諗諗啦！唔要S 位就盡快通知, 等其他人可以讀。

歡迎光臨教育王國 (/)