教育王國
標題: 要補習社好還是私教好？ [打印本頁]
作者: kelly6688 時間: 17-8-11 17:39 標題: 要補習社好還是私教好？
本帖最後由 kelly6688 於 17-9-13 13:13 編輯
1）補習社 ：功課班+ 一星期一堂專科
2）公文式 ，有自己的教學模式，功課班不會俾補充練習。
3） 私補 如何穩到好的老師。
作者: little_yolky 時間: 17-8-11 18:07
kelly6688 發表於 17-8-11 17:39 
1）補習社 ：功課班+ 一星期一堂專科 .有教開啊女學校的學生 ， 對這間學校有相對了解 . 但老師嚴，小朋友 ...
3. 老師有無覺得佢有學障, 真係諗諗check check佢, 因為教法可以好唔同。一般小朋友懶如我細女, 都唔會唔合格, 最多6X分, 因為小一上學期D嘢實在係溫返幼稚園, 下學期既嘢溫下書都唔會唔合格喎。學校係咪教快一年?
事實證明補習社又好, 私補又好, 似乎都幫唔到你女女, 要搵一下問題根源响邊好D。學校老師點講?
作者: kelly6688 時間: 17-8-11 18:14
little_yolky 發表於 17-8-11 18:07
1. 女女間學校係咪好勁? 最好俾D hints, 因為你覺得普通, 可能實際係好勁。太勁跟唔上就不如轉校。2. 點解 ...
班主任老師教她寫多些讀多D ，話啊女能力沒跟上，再努力點就會慢慢好， 啊女幼稚園時玩樂多些，學術唔多， 但叩門到本區前幾名的學校。所以都係想再幫她先努力努力，暫時唔想轉校.
作者: kelly6688 時間: 17-8-11 18:18
little_yolky 發表於 17-8-11 18:07
1. 女女間學校係咪好勁? 最好俾D hints, 因為你覺得普通, 可能實際係好勁。太勁跟唔上就不如轉校。2. 點解 ...
老師一直都話啊女唔係學障，但我都請求老師幫我女安排評估，現在排期中。
作者: little_yolky 時間: 17-8-11 18:28
kelly6688 發表於 17-8-11 18:18
老師一直都話啊女唔係學障，但我都請求老師幫我女安排評估，現在排期中。
...
老師講得啱, 做練習係治標唔治本, 要睇多D書至得。我兩個女幼稚園雖然話係happy school, 但都睇好多書, 同埋無電子奶咀, 睇電視只可睇英文卡通。多睇書+練習會好好多。暑假就嚟完了, 既然佢跟你上班, lunch time可以同佢讀下故事書, 1X分鐘一個, 放工又可以睇下, 睇得幾多得幾多。唯有自己跟緊D功課, 睇下有咩唔掂, 個個禮拜清, 無理由唔合格的。
作者: kelly6688 時間: 17-8-11 19:22
little_yolky 發表於 17-8-11 18:28
我哋幼稚園都係happy school。佢既然係叩門入, 一定有佢既長處既。排期排政府嗎? 不如多少少錢去協康, 快D ...
係啊，我地還是是會自己跟緊，我係公司整日都跟她 幫她溫習，我地係自己做小生意 ，時間自由。 咁你覺得每天還需要幫她請老師活去補習社2-3個小時嗎？老師會否有方法D？唔該曬呀
作者: brother4 時間: 17-8-11 20:42 標題: 回覆樓主:
還有5年追，會看一次小學雜談，估一個月便可，會有很多方法及家長經驗，記得有方法幫起步慢一點小朋友，另外考慮戶外活動如游水。。。自己有看過。。獲益良多
作者: Jane1983 時間: 17-8-11 20:50
咁經過暑假的努力，你覺得小朋友有無進步？中英文認字、理解有無改善？數學有無識計多咗？
作者: cherrieshum 時間: 17-8-11 20:54
kelly6688 發表於 17-8-11 17:39
1）補習社 ：功課班+ 一星期一堂專科 .有教開啊女學校的學生 ， 對這間學校有相對了解 . 但老師嚴，小朋友 ...
多閱讀，多伴讀，作少許數學練習，幾個月後應有進步
作者: kelly6688 時間: 17-8-11 23:08
brother4 發表於 17-8-11 20:42
還有5年追，會看一次小學雜談，估一個月便可，會有很多方法及家長經驗，記得有方法幫起步慢一點小朋友，另 ...
她有學游水(emoji)，希望有幫到
作者: MrBeast 時間: 17-8-12 08:31
本帖最後由 MrBeast 於 17-8-12 08:38 編輯
kelly6688 發表於 17-8-11 18:18
老師一直都話啊女唔係學障，但我都請求老師幫我女安排評估，現在排期中。
...
有個＂行為量表＂可作初步評估，google 下，另外有些小組班比初小疑似讀障的小朋友。
有時間自己都可以去下講座，eg 中大耳鼻喉科之前不時有不同發展問題的講座
作者: kayi0556 時間: 17-8-12 09:37
搵個有經驗的補習老師， 一對一咁專科補習
自己亦要同老師配合， 有時間就講下故仔認下字，
如果專科補習有進步， 可以嘗試放手俾佢自己做， 專科教得ok 的小朋友做功課一定唔會唔識， 所以我經常講， 要做習的， 就要搵經驗老師補， 功課班只會助長小朋友的倚賴性
同時亦要安排測試， 睇下有冇學障， 如果係SEN的， 就要請專業人士幫手了， 同時亦都要互相配合
作者: planetearth 時間: 17-8-12 10:27
kelly6688 發表於 17-8-11 17:39
1）補習社 ：功課班+ 一星期一堂專科 .有教開啊女學校的學生 ， 對這間學校有相對了解 . 但老師嚴，小朋友 ...
你囡囡入到好學校，證明她有一定能力。你囡囡情况跟小兒小一時情况相近。我一度以為他有讀寫障礙。有些研究說人有不同learning style. Visual spatial learner圖像學習型對於學習寫字會較慢，這種學習型小孩比較喜歡創作。
如果你自已教，要先引起她學習興趣，試下買塊白板，跟她玩寫字及認字，不同部首用不同颜色畫。
至於數學，也多用圖像解釋。
小孩子會因為焦慮而影響了表現，要多鼓勵，先增加強自信心。
如果請補習老師，最好跟老師跟進她的進度，可以跟老師plan她的學習目標。或者你现在可以用學校的教學内容，幫她搞清不明的地方。當然，阅讀是每天都要保持的良好習慣，如果認字不夠，不要強迫自己讀，以免影響閱讀興趣。可以慢慢試下你一句我一句。有不懂的字，可立即幫她讀，以免影響她對故事内容的樂趣。
作者: MrBeast 時間: 17-8-12 11:41
補充一下，學習上有些問題未必一定是讀寫障，可能只需合適的方法，而比讀寫障的方法可能十分有用，至於C補，未必懂這些方法，若找到夾的當然好，但不是必然
作者: little_yolky 時間: 17-8-12 15:31
kelly6688 發表於 17-8-11 19:22
係啊，我地還是是會自己跟緊，我係公司整日都跟她 幫她溫習，我地係自己做小生意 ，時間自由。 咁你覺得每 ...
其實小一小二嘢都好淺, 就算係一線學校, 都係有範圍。最易搞合格應該係數學, 小一都係加減數, 就算教快都係乘數啫, 要學返識, 然後個個禮拜教乜topic, 每個topic make sure佢明白。合格應該無乜難度。
如果小朋友係中文小學, 要好好搞好科中文, 因為中文一科好, 起碼中文、數學、常識都搞掂, 好好多。常識科又係每教一課溫下個總結, 抽出其中生字學識寫。中文就睇下學校計分組合, 好似默書呀、說話呀計唔計分, 如果計分, 每次默書、說話測考都準備一下, 因為呢D有得攞盡分, 積小成多。其次就真係要多看書了。也可以一同看看閱讀理解練習的文章, 教下小朋友如何理解, 如何找答案, underline D重點同答案。一般初小閱讀理解答案都可以在文章內直接找到的。唯有小小, 小小咁追返。開頭目標係科科合格, 其餘再慢慢嚟, 唔好俾小朋友覺得佢好唔掂, 一泄氣就好弊, 無咗個鬥志, 覺得自己乜都唔得。
作者: kelly6688 時間: 17-8-12 17:13
回覆 planetearth 的帖子
OK. Thanks . 我們會盡量跟他閱讀多些。
作者: Rubycocoruby 時間: 17-8-12 17:46 標題: 回覆樓主
主要是教良好的習惯，成绩便會好
作者: kelly6688 時間: 17-8-12 17:54
little_yolky 發表於 17-8-12 15:31
好老師真係可遇不可求。
其實小一小二嘢都好淺, 就算係一線學校, 都係有範圍。最易搞合格應該係數學, 小一 ...
好的 謝謝您
作者: retriever 時間: 17-8-13 09:43
kelly6688 發表於 17-8-11 17:39
1）補習社 ：功課班+ 一星期一堂專科 .有教開啊女學校的學生 ， 對這間學校有相對了解 . 但老師嚴，小朋友 ...
自己教，當你排除左做練習，就會諗多好多選項。
補習似食補健品，自我覺得做左野。真正健康都係從飲食習慣多做運動王道D。
作者: lui 時間: 17-8-13 10:39
kelly6688 發表於 17-8-11 17:39
1）補習社 ：功課班+ 一星期一堂專科 .有教開啊女學校的學生 ， 對這間學校有相對了解 . 但老師嚴，小朋友 ...
個人建議：你自己教。邊教邊調適。老師沒有這麼好耐心，尤其21-22歲女生。我以前也教過不同小朋友，不同小朋友友也要不同方法。沒有人比媽媽更有耐心，願意不斷調適。不過你要有心理準備，你小朋友不會是可以走到前列位置（不重要，因為沒有很多人是這樣）一直令他明白讀書對自己有什麼好處，讓他有多點責任感。我教大女，現在15歲，我還是教一兩科。教學教人生。努力
作者: Lu324 時間: 17-8-13 13:13 標題: 回覆樓主
小小意見。認字方面，先認好常用字，eg 因為所以如果還有他她牠，當小朋友睇書會順利d, 成功感大d，認到多d字。提及一個字時，再介紹埋相似字，eg怕帕右石。我係咁同仔認字。
作者: Foodielam 時間: 17-8-14 00:35
睇你女女個情況私補好似啱佢啲。我補習社同私補都做過，補習社嘅好處係可以迫到啲小朋友做嘢快手D，但鬧人係少不免。同埋補習社係不斷提供練習比小朋友，但係如果你女女本身唔理解題目嘅話做幾多都冇用。相反，如果私補嘅話，佢可以針對你女女嘅性格/情況慢慢諗方法改善。eg.如果係專致力不足既話就要軟硬兼施，要求佢set一個認為自己可以專心嘅time period，過咗就比佢抖。但如果佢起自己set嘅時段內玩就罰。又eg.如果佢考試唔合格係因為做唔切嘅話就要比佢操下卷，等佢熟悉考試個tempo...:)
作者: mytambb 時間: 17-8-14 07:55
kelly6688 發表於 17-8-11 17:39
1）補習社 ：功課班+ 一星期一堂專科 .有教開啊女學校的學生 ， 對這間學校有相對了解 . 但老師嚴，小朋友 ...
本帖最後由 mytambb 於 17-8-14 15:39 編輯
有經驗嘅補習社會幫到多啲。
私補就算幾多年經驗（你仲簡個後生嘅？？？）都係見得少人。
補習社又最好同學介紹，起碼學校上課嘅事情跟到。
比多啲時間，一兩個月，老師同佢先熟絡，你又轉；咁係冇用。起碼半年啦。千其唔好太快轉！你睇醫生成日轉都唔得啦！
我反而覺得要放手，同佢講一定要返。老師惡係一定㗎，你聽話做嘢老師就錫你啦。你自己教或私補一定唔得。教不嚴師之惰，佢唔嚴反而冇用。你自己就唔好再教，愈教她就愈亂，放鬆一下。
大家瞎子摸象都係唔可以對証下藥。
希望幫到你!
作者: scgift 時間: 17-8-14 07:55 標題: 回覆樓主:
你小朋友本身認字係咪麻麻？理解力如何？專注力如何？我教過小學到校功輔班又做過私補，見過唔少成績好差既小一學生，最大問題係識字少，睇唔明題目，所以功課唔識做測驗考試唔及格。有啲專注力差+唔識字，佢地好多時讀埋題俾佢地聽都唔留心，要1:1係咁勾返佢地個魂魄返來。以上2類學生大多數情況下都係讀題後佢地係理解題目問咩既，亦能自行寫出/做出正確答案。所以個人覺得如果根本問題係係認字差，咁就補習社同私補都幫唔到幾多。
現階段還是努力幫佢認多點字吧，自己有時間就自己跟最好。如果真係要補習的話，私補會適合啲。另外就係同佢玩下小遊戲，從遊戲中學習+提升專注力。特別係初小數學，可以玩遊戲/生活化啲咁教，好似我自己教阿女咁，睇睇下繪本可以順住故事內容攞埋玩具出來邊玩邊學埋分數(佢9月升k2,玩住學已經學識左)。升小二，理解力邏輯力應有返咁上下，用對方法去教會事半功倍，加油。
作者: benjuli 時間: 17-8-14 10:54
scgift 發表於 17-8-14 07:55
你小朋友本身認字係咪麻麻？理解力如何？專注力如何？我教過小學到校功輔班又做過私補，見過唔少成績好差既 ...
有興趣你提及的書和玩具，可介紹嗎?
作者: kelly6688 時間: 17-8-15 15:00
回覆 scgift 的帖子
系啊， 她認字麻麻，剛開始又唔肯寫多字，所以字量唔多。 謝謝你分享經驗。 好有用。
作者: kelly6688 時間: 17-8-15 15:02
回覆 mytambb 的帖子
謝謝， 有幫到呀。
作者: scgift 時間: 17-8-15 16:21
benjuli 發表於 17-8-14 10:54
有興趣你提及的書和玩具，可介紹嗎?
書冇咩特別，唔係專門教數學的，只係咁啱睇開書時內容可以帶出數學概念，我就另外同阿女講多幾句吧了。
至於有關分數既玩具，我有用KUMON TOYS的，有隨手拎起玩具如煮飯仔既蛋糕/蘋果等，又或食飯時啲餸切開幾件一人分一件/幾件都可以教。
早幾日睇科學常識漫畫，講開冰山露出水面既體積唔夠整座冰山既1/10，阿女問我1/10即係幾多，我就用KUMON TOYS既1/10板去教，佢就馬上清晰知道1/10即係幾多。有時食野我將一條長蟹柳一分為二每件咪係1/2，每邊再切一刀咪變1/4，再切變8件就1/8。我又會叫小朋友自己諗下，如8件之中我食2件，即係我食左幾多份之幾，我原本想睇下佢會唔會答2/8(暫未教過1/x以外既例子)，佢最後答我1/4，咁我又順便講下2/8都可以係答案。總之我係隨心隨意，生活化地教，盡量俾機會小朋友自己諗下。
圖片附件: 346_G_1472668505675.JPEG (17-8-15 16:21, 131.84 KB) / 下載次數 21
/forum.php?mod=attachment&aid=MTU5OTM4fGU0NDViY2M0fDE3NTMzNjgxOTh8MA%3D%3D
作者: py84ko 時間: 17-8-16 02:31 標題: 回覆樓主:
我小朋友小ㄧ上學期讀卷四大主科中，英，數及常識，都只係炒中及英(只有3x分），下學期二月份揾咗專補中文的教育中心，冇讀卷之下，4月考試中文有5x分（60分才合格），但英文仍冇起色，仲加埋數學唔合格，炒剩常識，跟住去咗數研補數學，六月考試又係炒剩常識，但中，英及數都有5x分，其實進步咗少少，好過3x分。
到升小二的暑假，我索性揾私人補習老師補英文，到了小二，上學期分別11月及1月的考試，只是英文仍然只取5x分，中，數及常識合格，數學竟然有7x分，其實當中發現我仔對中文理解比較弱，所以中文及數學文字題多，唔合格是正常，到了下學期4月考試發覺成績冇乜太大突破，我就把中，數同時轉了找私人補習老師幫手，補習老師話佢都係中文好弱，所以數學文字題理解差，計數完全冇問題，但寫字好慢，因為小肌弱，後來再發現佢好懶，見到題目多字就唔願去睇，結果補了短短兩個月，在六月的考試中文竟然有7x分，英文合格有6x分，英作一向只是緊緊合格，但竟然有8x分，數學也keep住7x分，而常識一向有7x分，但進步了有8x分。
當然不能跟ㄧ些科科有9x分的同學去比較，但佢各科的確比之前進步了。
現在佢下個月升小三，佢中，英及數亦會keep住私人專科專補，其實遇到好的補習老師固然重要之外，做家長的也不能偷懶，雖然我外判比補習老師，但我亦配合補習老師的要求，叫佢每日都朗讀各科課文一次比我聽，當佢每天讀，佢就自然上哂腦，遇著考試每科的供詞填充，及題目都會記得答案是什麼，只是佢識唔識寫到出來，所以平時英文，中文默書都非常重要。這些以上我嘅經歷和分享，希望幫到你。
作者: py84ko 時間: 17-8-16 02:50 標題: 回覆樓主:
補充多少少:
我見樓主轉補習老師都好密下，其實老師與學生都需要時間磨合，亦最少用半年時間去觀察，我仔的各科補習老師都係補了ㄧ年，我才今年佢小二4月考完試之後才轉。同埋我唔會揾全職學生幫我仔補習，因為我仔考試時佢又考試，又或者趕assignment, 趕project不能為我小朋友補習才爽約，所以我會揾全職補習老師比較好。
作者: skkeung 時間: 17-8-16 08:58
kelly6688 發表於 17-8-11 17:39
1）補習社 ：功課班+ 一星期一堂專科 .有教開啊女學校的學生 ， 對這間學校有相對了解 . 但老師嚴，小朋友 ...
小一！成績唔好就補習！似乎系公式！
作者: kelly6688 時間: 17-8-16 10:48
py84ko 發表於 17-8-16 02:31
我小朋友小ㄧ上學期讀卷四大主科中，英，數及常識，都只係炒中及英(只有3x分），下學期二月份揾咗專補中文 ...
謝謝 你的經驗對我好有幫助 . 咁私補你係請全科老師補還是各科的專科老師補？ 唔該
作者: py84ko 時間: 17-8-16 10:56
kelly6688 發表於 17-8-16 10:48
謝謝 你的經驗對我好有幫助 . 咁私補你係請全科老師補還是各科的專科老師補？ 唔該
...
我係專科專補，但中，數是同一個老師，小組補習。而英文就單對單。
作者: kelly6688 時間: 17-8-16 13:18
py84ko 發表於 17-8-16 10:56
我係專科專補，但中，數是同一個老師，小組補習。而英文就單對單。
請問專科係跟學校課程教嗎？ thx
作者: 1998Ruby1998 時間: 17-8-16 19:32
回覆 kelly6688 的帖子
未必。
我有補習學生，個媽媽話學校課程教得太淺（的確以 Band 1 來講，係好輕鬆），要求跟返出面其他 Band 1 嘅進度。佢升小二個暑假我就教定佢 Past tense 同其他野，佢又真係跟得上。今年成功插班去其他學校。佢話畀我聽 d 英文科插班試真係好難，如果跟返佢學校進度而冇教深嘅話，插班機會會低好多。我都有一對姐弟，個家姐就可以學深 d，個細佬就保底同埋學定少少二年班嘅野。
不過補習好講人緣，但係就唔建議密轉，因為又要從頭開始適應。導師年齡大少各有好處。年輕嘅，容易搵到活力同有愛心嘅導師，很大機會同小朋友夾到，但係因為年輕，如果小朋友鬧情緒唔做野嘅話，通常都唔敢鬧。我都試過有學生唔合作，家長睇 cam 打電話即刻鬧。最壞試過完全唔合作，d 答案全部寫曬 “look it yourself”／“I don't know”／“Because it says that”，動口又動手，忍無可忍之下迫我動粗，迫佢埋牆角，武力鎮壓，佢先肯認真做。老成嘅，大多有經驗，小朋友比較少機會「蝦」導師，會認認真真上堂，吸收會好 d，但係有機會未必 100% 擺曬心機落去課堂，可能會趕住去下一個補習學生。
作者: Cocohei 時間: 17-8-16 20:25
kelly6688 發表於 17-8-11 18:14
班主任老師教她寫多些讀多D ，話啊女能力沒跟上，再努力點就會慢慢好， 啊女幼稚園時玩樂多些，學術唔多， ...
你可以參考下我嘅個案，我大仔好文靜喜歡畫畫同音樂，細仔好好動坐唔定，唔喜歡畫畫、看書、音樂，我用哥哥套方法教細仔(溫書、默書、做練習）但成績3科啱啱合格，同時發現細佬認字、默書比哥哥差好多好勞氣，之後同老師講，做咗評估係有輕微讀寫障礙，當時心情好差好唔開心，學校俾左d課程佢上同埋默書會比其他同學少d字，老師話佢會比其他吸收得慢同埋唔可以急
作者: Cocohei 時間: 17-8-16 20:40
Cocohei 發表於 17-8-16 20:25
你可以參考下我嘅個案，我大仔好文靜喜歡畫畫同音樂，細仔好好動坐唔定，唔喜歡畫畫、看書、音樂，我用哥 ...
本帖最後由 Cocohei 於 17-8-16 21:20 編輯
補充；我試過小二上學期交俾補習社，但成績重差咗，除左數學其他都唔合格，因為仔仔理解能力低同慢，所以d老師唔理他明唔明就講答案比佢知,所以最好俾耐性自己跟，唔冇急慢慢同佢解釋題目同意思，小二下學期中英啱啱合格數都有B
作者: py84ko 時間: 17-8-17 02:28
kelly6688 發表於 17-8-16 13:18
請問專科係跟學校課程教嗎？ thx
是跟足學校課程去補，所以開學會影教科書目錄比老師，而每次上堂也會帶該科的教科書。
作者: kelly6688 時間: 17-8-17 17:32
retriever 發表於 17-8-13 09:43
自己教，當你排除左做練習，就會諗多好多選項。
補習似食補健品，自我覺得做左野。真正健康都係從飲食習 ...
(emoji)你比喻得真好，之前真係送去補習社回家就沒怎溫習，所以好多唔識(emoji)現在自己日日同她溫。
作者: kelly6688 時間: 17-8-17 17:37
lui 發表於 17-8-13 10:39
個人建議：你自己教。邊教邊調適。老師沒有這麼好耐心，尤其21-22歲女生。我以前也教過不同小朋友，不同小 ...
(emoji)教學教人生. 我會向您地學習，繼續耐心教導她.
作者: kelly6688 時間: 17-8-17 17:44
1998Ruby1998 發表於 17-8-16 19:32
回覆 kelly6688 的帖子
未必。
Thanks 明白 ， 因為啊女間學校都深，所以我想老師跟學校課程 .
作者: kelly6688 時間: 17-8-17 17:48
Cocohei 發表於 17-8-16 20:40
本帖最後由 Cocohei 於 17-8-16 21:20 編輯
補充；我試過小二上學期交俾補習社，但成績重差咗，除左數 ...
Thanks. 啊女之前去補習社我都係覺得她唔明又唔敢問老師 ， 老師又講的快，所以她都係一頭霧水
作者: jadenhayden 時間: 17-8-17 20:43
kelly6688 發表於 17-8-17 17:48
Thanks. 啊女之前去補習社我都係覺得她唔明又唔敢問老師 ， 老師又講的快，所以她都係一頭霧水
...
本帖最後由 jadenhayden 於 17-8-17 23:37 編輯
本帖最後由 jadenhayden 於 17-8-17 20:51 編輯
我個仔舊年小一時，我初初都俾佢補中文！諗住外判，自己冇咁辛苦！但愈補就愈差！後來，下學期測驗仲唔合格添！咁我先自己睇下發生乜嘢問題啦！
嗰時好慌張，見佢閱讀理解一塌糊塗！填啲答案非常咁九唔搭八！咁就慢慢睇下佢地嘅考卷，啲練習，然後發現，其實啲嘢並唔難！喺下學期測驗到考試短短兩個月，我自己親自教佢答題技巧，教佢搵答案！唔再俾佢補習！因為我個仔本身都有睇開書，認字都唔太差！咁慢慢一星期同佢做一篇閱讀理解！最後考試由唔合格變成8x分！
我想帶出，其實初小啲嘢，問得好簡單好直接，如果家長肯俾小小心機睇住個課程黎教小朋友，唔好乜嘢搞唔掂就出去補！小朋友一定可以進步得好快！外面補習，佢唔會就住你小朋友黎教的！
同埋我個仔佢點解愈補愈差，其實我最後發現，佢根本唔識搵答案！補習老師當初有教的，不過教嘅時候，可能我囝佢未掌握到！咁人地補習嘅野，唔係就你一個架嘛，唔會再番轉頭教你，指點你！所以結論係，真心想小朋友好，不如自己教啦！真的唔同架！
作者: 茄茄媽媽 時間: 17-8-30 11:44
py84ko 發表於 17-8-16 02:31
我小朋友小ㄧ上學期讀卷四大主科中，英，數及常識，都只係炒中及英(只有3x分），下學期二月份揾咗專補中文 ...
你好請問你的專科私補 是日日補 還是一星期一次 謝謝
作者: little_yolky 時間: 17-8-30 12:09
jadenhayden 發表於 17-8-17 20:43
本帖最後由 jadenhayden 於 17-8-17 23:37 編輯
本帖最後由 jadenhayden 於 17-8-17 20:51 編輯
小一無事喎, 因為有讀題, 佢唔認得字, 但佢聽得明, 所以成績OK。但到二年級就死喇, 要自己睇篇閱讀理解, 佢3X分錯咗大半, 其他又有D錯, 扣扣埋埋得返6X分！咁我一睇, 無問題, 係閱讀理解錯得多啫, 好易KO, 咁我教佢做閱讀理解同埋睇多D書啦。點知到考試都仲係6X分！點解? 因為今次閱讀理解錯好少, 論到其他嘢錯返多。
真係激到血都嘔埋。
作者: miujoey 時間: 17-8-30 13:53
回覆 little_yolky 的帖子
我囡都係中文識字好少, 因為我一向都同佢睇英文書多, 現在知驚因為升小二無讀題, 唯有選一d佢有興趣的漫畫開始, 咁樣佢又肯去睇效果不錯 (要伴讀), 我選了他鐘意的叮噹, 以前我抗拒漫畫書, 怕佢慣了看圖 以後不看全文字書, 現在又不同想法, 同佢一齊看叮噹漫畫佢都學識好多字,有d 我地認為好簡單的詞語原來佢係不明白, 現在看得多加上有圖佢自然會估到是什麼意思. 有興趣好緊要, 因為看書無得迫
作者: little_yolky 時間: 17-8-30 17:00
miujoey 發表於 17-8-30 13:53
回覆 little_yolky 的帖子
我囡都係中文識字好少, 因為我一向都同佢睇英文書多, 現在知驚因為升小二無讀題 ...
作者: moniko 時間: 17-8-31 00:26
miujoey 發表於 17-8-30 13:53
回覆 little_yolky 的帖子
我囡都係中文識字好少, 因為我一向都同佢睇英文書多, 現在知驚因為升小二無讀題 ...
漫畫最大問題係無組織， 圖與圖之間既對白無連貫性。 作為小吃無問題， 當主菜未必收到好效果。
作者: moniko 時間: 17-8-31 00:30
kelly6688 發表於 17-8-11 17:39
1）補習社 ：功課班+ 一星期一堂專科 .有教開啊女學校的學生 ， 對這間學校有相對了解 . 但老師嚴，小朋友 ...
其實你自己有時間， 學歷又應付到既， 自己教係最好啦。 教小朋友要好細心睇出佢有咩問題。 學上面jm講， 媽媽先有果種耐性。
佢細個happy school， 可能心態上未明白點解要咁「辛苦」 記咁多野， 寫咁多野。 你可以日日生活慢慢引導佢。
另外媽媽教既好處係你清楚佢程度， 平時都可以練習。 行街食飯， 坐車都可以當遊戲來玩。 數理問題， 英文串字， 中文配詞， 全天候24小時浸， 成績好快上
作者: tingting_mum 時間: 17-8-31 09:15
如果自己有時間， 有心力， 唔驚俾呀女激死的， 當然自己教最好
但有時真係激到嘔血， 真係教到佢唔癲， 我都癲
講左一次， 佢識左， 第二日又再係咁錯返， 鬧到自己就快要睇心理醫生， 我老公講到出聲， 話唔想家嘈屋閉， 同我講寧願俾專業人仕教
作者: Jane1983 時間: 17-8-31 09:57
如果父母有時間、有心有力，自己教係最好，會快同埋貼身定做咁有針對性。但每個小朋友和家庭情況唔同，我亦唔會話補習一定點點點。
朋友個仔係出去補中文和數學，望落效果唔大，一定無自己跟咁好。但個男仔和媽媽的關係就超級好，無乜投訴和反感。他的媽媽有每日伴讀、傾計，但heavy lifting佢就話寧願留給外人做。
作者: py84ko 時間: 17-9-3 00:00
茄茄媽媽 發表於 17-8-30 11:44
你好請問你的專科私補 是日日補 還是一星期一次 謝謝
ㄧ星期ㄧ堂，每堂一小時，如果考試期間會加堂。
作者: Bunnygirl 時間: 17-9-13 09:11
小女有同樣問題. 吾想做功課吾想溫習,成日話淨係想玩.佢話中文好難吾知老師講乜(普教中). 學習動機低. 小一期中測驗吾知點好! 成日話好掛住幼稚園......
作者: little_yolky 時間: 17-9-13 09:24
Bunnygirl 發表於 17-9-13 09:11
小女有同樣問題. 吾想做功課吾想溫習,成日話淨係想玩.佢話中文好難吾知老師講乜(普教中). 學習動機低. 小一 ...
1. 同佢玩拆字, 因為中文字係方塊字, 好多字有聲符、字符, 同佢一齊研究分析一下, 好好玩。我知坊間有類似玩具。
2. 一齊睇課文。同佢深入了解一下課文, 雖然係普教中, 但只要佢了解得好, 你同佢用廣東話講, 考筆試都會有幫助。
3. 夜讀故事。呢個先係重點, 尤其D成日掛住幼稚園既BB小一生, 晚晚瞓前陪佢讀故事書15分鐘, 又sweet, 又培養到閱讀既興趣, 呢個先係學好中文既重點。開始時可以揀D圖多字少D既書, 或西遊記等有章回既故事, 可以一晚講一D, 好似一千零一夜個故事咁, 晚晚講D吊住佢條癮。
作者: Bunnygirl 時間: 17-9-16 11:44
回覆 little_yolky 的帖子
Thanks! 另外仲有英文問題想請教.小女聽、講英文ok. Reading 都可以自己讀出簡單書. 但一到串字就怕怕. 死都吾肯寸or 用phonics串(不過係錯! Eg love 會串luv).... 10月開始英文要默書了.....吾知點好! 請教有乜野方法可以同佢串字....thanks!
作者: little_yolky 時間: 17-9-18 09:13
Bunnygirl 發表於 17-9-16 11:44
回覆 little_yolky 的帖子
Thanks! 另外仲有英文問題想請教.小女聽、講英文ok. Reading 都可以自己讀出簡 ...
作者: Bunnygirl 時間: 17-9-18 09:28
回覆 little_yolky 的帖子
Thanks for your advise, much appreciated!
so have to "keep one eye open and one eye shut"......
作者: Bunnygirl 時間: 17-9-18 09:31
回覆 little_yolky 的帖子
Really thanks for your tips! she really like reading with us. but just she spent too much time during the day and left only 10 mins before sleep for the reading. I read "greenfield" series with her and she likes the story too. guess I have to do it step by step ... to induce her interest in reading first before the improvement in Chinese comes. I hope her school will give her times to adapt to primary life....
作者: little_yolky 時間: 17-9-18 10:30
Bunnygirl 發表於 17-9-18 09:31
回覆 little_yolky 的帖子
Really thanks for your tips! she really like reading with us. but just s ...
作者: IloveJJ 時間: 17-9-18 11:41
提示: 作者被禁止或刪除 內容自動屏蔽
作者: IloveJJ 時間: 17-9-18 11:43
提示: 作者被禁止或刪除 內容自動屏蔽
作者: little_yolky 時間: 17-9-18 12:00
IloveJJ 發表於 17-9-18 11:43
咁你有無問到你小學升上中學(其他B1英中)之後，屬於邊個level?例如，要補底定精英班?
我上星期問咗個師兄 ...
作者: IloveJJ 時間: 17-9-18 13:37
提示: 作者被禁止或刪除 內容自動屏蔽
作者: little_yolky 時間: 17-9-18 14:18
IloveJJ 發表於 17-9-18 13:37
自行嗰啲一定係啦！咁你哋無抽獎，又無呢個問題既。我哋有抽獎，就驚囉！
...
作者: ch-cheung 時間: 17-9-19 02:57 標題: 回覆樓主
提示: 作者被禁止或刪除 內容自動屏蔽
作者: retriever 時間: 17-9-19 07:35
IloveJJ 發表於 17-9-18 11:41
搵人教，就搵單對單，一大班，唔適合補底。要針對性，就要私人補。
唔係錢多錢少咩？
你心水定左未？
作者: IloveJJ 時間: 17-9-19 08:09
提示: 作者被禁止或刪除 內容自動屏蔽
作者: may850307 時間: 17-9-27 00:14
scgift 發表於 17-8-15 16:21
書冇咩特別，唔係專門教數學的，只係咁啱睇開書時內容可以帶出數學概念，我就另外同阿女講多幾句吧了。
...
請問有無好的英文私人補習老師介紹？
作者: scgift 時間: 17-9-27 09:10
may850307 發表於 17-9-27 00:14
請問有無好的英文私人補習老師介紹？
你問下1998Ruby1998(emoji)
| 歡迎光臨 教育王國 (/) |
Powered by Discuz! X1.5 |