教育王國
標題: 考直私小：津幼+外補 vs 私幼 [打印本頁]
作者: Sailor-Moon 時間: 17-8-8 23:42 標題: 考直私小：津幼+外補 vs 私幼
請教各位經歷過考小一的家長：
眾所周知，私幼考直資私小勝算比津小高好多
但倘若"津幼+外補"能否做到私幼效果呢？
謝謝！
作者: lileikam 時間: 17-8-9 00:34 標題: 回覆樓主:
我覺得唔關私or津校，最緊要個小朋友表現同報考個間學校係咪覺得你小朋友符合學校收生準則。(直升學校另話)
作者: lingan 時間: 17-8-9 01:18
Sailor-Moon 發表於 17-8-8 23:42 
請教各位經歷過考小一的家長：
眾所周知，私幼考直資私小勝算比津小高好多
每人答案不同，到考小學時太多變數。
我揀私幼，津幼+外補好辛苦，條數分分鐘貴過私幼。
作者: 1998Ruby1998 時間: 17-8-9 02:48
我又唔覺得關津幼／私幼事。咁多變數，同埋個個細路資質唔同，唔可以一概而論。如果做到咁嘅效果，咁個個家長都已經做。
感覺如果套用於小學生身上，條方程式就變做：普通小學＋補習＝DGS／DBS，相信大部份家長都唔會覺得係 100% 真。
當然，按道理外補會提升小朋友能力，面試時候會較容易表現自己。不過難保私幼嘅家長唔會外補，咁樣咪又會壓低津幼小朋友表現？
作者: mytambb 時間: 17-8-9 07:28
Sailor-Moon 發表於 17-8-8 23:42
請教各位經歷過考小一的家長：
眾所周知，私幼考直資私小勝算比津小高好多
唔能夠。一般來說，學校一睇就知有冇靠進補提升表現。你都唔會食味精當正餐啦？找一間好嘅幼稚園先係好方法。
作者: RunningPig 時間: 17-8-9 09:22 標題: 回覆樓主:
很難一概而論。如果你講緊最好的津幼加外補同最好的私幼比，後者的效果通常更好。你的小朋友每日有三個鐘係學校，很難靠外補去搭夠。
作者: littlemilky 時間: 17-8-9 09:41 標題: 回覆樓主
好多私幼再外補㗎
作者: Rubycocoruby 時間: 17-8-9 09:47
回覆 Sailor-Moon 的帖子
絕對不可能, 外補, 阿仔能力強左, 番學會好悶, 不想上堂,
私幼給的詞境, 絕不是津幼比到,
根本是2個不同的世界, 在津幼可能好TOP, 但私幼可能根本聽不明英文
作者: 小曳人 時間: 17-8-9 09:53
讀咩KG，都要愛閱讀，都要主動有禮，坐得定
當有一定嘅閱讀能力，其他學術能力唔會太差
只要家長有時間陪孩子，教孩子，根本就唔需要外補 (除得別情況/個別項目，同埋外補嘅意思係乜)
我兩個仔KG時分別出去學運動同興趣班，唯一最學術嘅係細仔有需要外面學phonics，因為我地覺得唔學好phonics的話，上到小學默書好大鑊，呢個已經唔係考學校嘅問題...
作者: Sailor-Moon 時間: 17-8-9 10:13
小曳人 發表於 17-8-9 09:53
讀咩KG，都要愛閱讀，都要主動有禮，坐得定
當有一定嘅閱讀能力，其他學術能力唔會太差
只要家長有時間陪孩 ...
伴讀，禮儀從小已開始，平時亦有跟進小兒學習。外補如英文、面試班，是想能否縮小與私幼的差距
作者: whitepurin 時間: 17-8-9 10:21
純粹個人及身邊朋友經驗, 名幼有著數(係名幼唔係一般私幼), 除非外補到小朋友超班加本身性格外向健談, 不然一次面試或筆試可能成績上分別不大, 學校始終會先選名幼.
例外當然一定有, 但父母需要花好多心力囉.
作者: 小曳人 時間: 17-8-9 10:21
本帖最後由 小曳人 於 17-8-9 10:22 編輯
Sailor-Moon 發表於 17-8-9 10:13
伴讀，禮儀從小已開始，平時亦有跟進小兒學習。外補如英文、面試班，是想能否縮小與私幼的差距
...
我個人反對去面試班，如英文係phonics的話，私幼都可能要"補"
個人認為，如果已有phonics 班，就唔需要再加會話班
所以，唔見得外補能"縮小" 差距，學校面試先睇孩子係咪學校要搵嘅學生，而唔係佢地讀緊邊間KG，當然，個別小學的確有偏好啦
作者: HK-MAN 時間: 17-8-9 11:15
本帖最後由 HK-MAN 於 17-8-9 11:16 編輯
Sailor-Moon 發表於 17-8-8 23:42
請教各位經歷過考小一的家長：
眾所周知，私幼考直資私小勝算比津小高好多
如果是為了考直私小..最好就係上下午分別返2間不同類型既私幼,晚上伴讀3小時,星期六日就去進補...咁應該機會大啲.
作者: Monosaru 時間: 17-8-9 11:36
小曳人 發表於 17-8-9 09:53
讀咩KG，都要愛閱讀，都要主動有禮，坐得定
當有一定嘅閱讀能力，其他學術能力唔會太差
只要家長有時間陪孩 ...
同意，我個仔讀屋企附近讀學卷幼稚園，從小培養閱讀興趣，有禮貌，自己訓練佢show and tell， 逢星期六日出去郊外玩。。。
外補嘅有游水，普通話，數學，打鼓。而自己用past paper教佢考咗cambridge starters, 自己教佢朗誦。
考私小不過不失，叩門亦好成功，唔打算讀咩名校，讀屋企附近唔錯嘅津小就可以。。。
作者: tantanmama 時間: 17-8-9 11:51
就算津幼+外補=私幼效果, 但大部份私幼生係私幼+外補喎. 如讀津幼又想考直私有理想成績, 應該要"津幼+外補+特強家教"
作者: AgapePa 時間: 17-8-9 12:13
Sailor-Moon 發表於 17-8-8 23:42
請教各位經歷過考小一的家長：
眾所周知，私幼考直資私小勝算比津小高好多
最強組合梗係：
私幼+外補+FTM+家敎
作者: anpanman_baby 時間: 17-8-9 12:22
Sailor-Moon 發表於 17-8-9 10:13
伴讀，禮儀從小已開始，平時亦有跟進小兒學習。外補如英文、面試班，是想能否縮小與私幼的差距
...
我身邊的朋友大部份私幼+外補，例如有KV的話中數強所以外補英，York 的英文強所以外補數，得出結論普遍宜家讀咩類型的幼稚園生都會外補
作者: ar_mak 時間: 17-8-9 12:29
提示: 作者被禁止或刪除 內容自動屏蔽
作者: HK-MAN 時間: 17-8-9 12:32
anpanman_baby 發表於 17-8-9 12:22
我身邊的朋友大部份私幼+外補，例如有KV的話中數強所以外補英，York 的英文強所以外補數，得出結論普遍宜 ...
作者: ar_mak 時間: 17-8-9 12:38
提示: 作者被禁止或刪除 內容自動屏蔽
作者: retriever 時間: 17-8-9 12:48
Sailor-Moon 發表於 17-8-8 23:42
請教各位經歷過考小一的家長：
眾所周知，私幼考直資私小勝算比津小高好多
絕對唔認同。
細路學野最好生活化。
出面學，市場推動，迎合客仔，一定係啖啖肉。
做唔到幼稚園浸既效果。
作者: ar_mak 時間: 17-8-9 12:50
提示: 作者被禁止或刪除 內容自動屏蔽
作者: retriever 時間: 17-8-9 12:52
anpanman_baby 發表於 17-8-9 12:22
我身邊的朋友大部份私幼+外補，例如有KV的話中數強所以外補英，York 的英文強所以外補數，得出結論普遍宜 ...
本帖最後由 retriever 於 17-8-9 12:53 編輯
結論而家咩嘢類型幼稚園大部份人外補，唔等於外補有用喎。
作者: meowloo 時間: 17-8-9 12:52 標題: 回覆樓主：
本帖最後由 meowloo 於 17-8-9 12:52 編輯
只要家長有心做，我相信學券+外補（或家長自己跟）+管教一定有私幼效果。
始終讀私幼而零直私offer的也有人在，所以我覺得重點在於家長是否用心了解小朋友的特質和需要並懂得協助，而不是盲目花錢去勞役子女。
作者: ar_mak 時間: 17-8-9 12:55
提示: 作者被禁止或刪除 內容自動屏蔽
作者: anpanman_baby 時間: 17-8-9 12:55
retriever 發表於 17-8-9 12:52
本帖最後由 retriever 於 17-8-9 12:53 編輯
結論而家咩嘢類型幼稚園大部份人外補，唔等於外補有用喎。 ...
我認同呀
作者: mcl203 時間: 17-8-9 12:55 標題: 回覆樓主
原來做私幼會好咁多，唔怪得當年間港島區咁受歡迎既KG，被學卷左後被家長嘈到加番幾舊水，去脫離學卷幼稚園眼光，做番私幼從而提高學術水平~~~ 
作者: whitepurin 時間: 17-8-9 13:17
meowloo 發表於 17-8-9 12:52
只要家長有心做，我相信學券+外補（或家長自己跟）+管教一定有私幼效果。
始終讀私幼而零直私offer的也有 ...
以我所知某較新進名幼(其實都好多年, 叫相對九龍塘嗰D), 直頭"嵌入式"課程安排已經有埋面試班咁, 又安排埋學校參觀, 咁比起家長自己勞心勞力教梗係方便D.
我個人都覺得唔係必需嘅, 我自己小朋友讀一般津幼都SO FAR SO GOOD (當然考小一時都有D FRUSTRATION), 亦覺得學習漫漫長路, 頭幾年谷到好似好叻也不代表什麼. 不過如果樓主以入直私名校為目標, 錢又不介意的話, 咁有得揀梗係揀名私幼.
作者: retriever 時間: 17-8-9 13:37
mcl203 發表於 17-8-9 12:55
原來做私幼會好咁多，唔怪得當年間港島區咁受歡迎既KG，被學卷左後被家長嘈到加番幾舊水，去脫離學卷幼稚園 ...
做學卷，教局有要求同限制。
跟轉直資類似，有幾間知名幼園轉非學園，唔想政府攪攪震。
作者: meowloo 時間: 17-8-9 13:48
本帖最後由 meowloo 於 17-8-9 14:06 編輯
whitepurin 發表於 17-8-9 13:17
其實係嘅, 但名私幼(要重申係名嗰D), 始終有名牌效應, 唔係話實掂但點都有D著數, 正如一個FRESH GRAD搵工, ...
我覺學校面試主要係透過幾輪面見去identified一班有能力跟上課程及性格合適嘅學生；部分會再睇家長取態後決定，而唔係考慮佢讀緊邊間幼園；不過，某幾間學校的確係對某幾間幼稚園有偏好，但唔佔多數。
如金錢、時間、交通許可而又有offer，讀亦無妨。至少名幼在叩門階段較有優勢，而且這些學校對考小一直資私校的支援亦較充足。名牌效應我覺得會有，但不會是我地普羅大眾去考呢類，而係另外某三數間門檻甚高的幼稚園。
作者: HK-MAN 時間: 17-8-9 14:02
meowloo 發表於 17-8-9 13:48
我覺學校面試主要係透過幾輪面見去identified一班佢地想要嘅學生，部分會再睇家長後決定，而唔係考慮佢讀緊 ...
作者: ar_mak 時間: 17-8-9 14:43
提示: 作者被禁止或刪除 內容自動屏蔽
作者: whitepurin 時間: 17-8-9 15:51
本帖最後由 whitepurin 於 17-8-9 15:51 編輯
剛巧我認識一班同年的媽媽中(10個左右), 入到名直私的 (雖然不是最名嗰D), 全是名幼+FTM, 我認同不是包生仔配方, 但話完全無關就太巧合了.
作者: Monstereasy 時間: 17-8-9 16:24
whitepurin 發表於 17-8-9 15:51
剛巧我認識一班同年的媽媽中(10個左右), 入到名直私的 (雖然不是最名嗰D), 全是名幼+FTM, 我認同不是包生仔 ...
我又巧合認識幾位有神校offer朋友，媽媽都有博士學位。
想子女入神校，媽媽可以考慮進修下
作者: lovececing 時間: 17-8-9 16:31 標題: 回覆樓主
你就算攞同樣學費去外補，其實都好難同私幼去比，因為人地係每日返學嘅時間都係英普咁，你出去外補咪最多個半鐘
作者: assado 時間: 17-8-9 17:41
Sailor-Moon 發表於 17-8-8 23:42
請教各位經歷過考小一的家長：
眾所周知，私幼考直資私小勝算比津小高好多
考直/私要入圍, 其本條件是中, 英, 數要好, 所以, 私幼語文環境較好, 較有優勢。其實, 私幼好多都仲要外補加強。
作者: whitepurin 時間: 17-8-9 17:45
Monstereasy 發表於 17-8-9 16:24
我又巧合認識幾位有神校offer朋友，媽媽都有博士學位。
想子女入神校，媽媽可以考慮進修下
...
而特別是在職媽媽, 返屋企食埋飯最早都已經7點幾, 而返工也有累的時候, 有時真的未必咁多心力去額外TRAIN UP個小朋友, 所以交一部份比學校(注意是一部份, 家長一定有更大責任), 都係無辦法之中的辦法.
我自己正正是經歷過, 在職媽媽+津幼+外補, 條路一D都唔好行. 不過, 呢個只係講緊小一考直私呢關啫, 如果放遠D睇就確實不是必要.
作者: retriever 時間: 17-8-9 17:59
whitepurin 發表於 17-8-9 15:51
剛巧我認識一班同年的媽媽中(10個左右), 入到名直私的 (雖然不是最名嗰D), 全是名幼+FTM, 我認同不是包生仔 ...
公道D 講句，歷史悠久既名幼唔係流既，唔係得個名。家長長年支持總有原因。
同樣地，FTM 都唔會係只得個名。
如果做FTM 只係當自己係MANAGER，全程外判，又或者當自己係菲傭姐姐或者長老咁，只管吃喝拉撤，咁FTM 亦係個空名。
作者: scgift 時間: 17-8-10 08:43
retriever 發表於 17-8-9 17:59
公道D 講句，歷史悠久既名幼唔係流既，唔係得個名。家長長年支持總有原因。
同樣地，FTM 都唔會係只得個 ...
我鍾意自己一手一腳教自己個小朋友。覺得自己有能力而小朋友又鍾意我教，完全冇必要外判。但偏偏就有同是FTM既媽咪成日同我講應該要幫個女轉校，由津校轉去私幼+"瘋狂"外補以增加考到直私既機會。成日話自己教唔到幾多，人地私幼/外補機構有晒教材配套，效果一定比自己教來得好喎。
重點係:我唔一定要個女考入直私小學，只係抱住考到就唔錯，考唔到都唔緊要，當攞定經驗之後去叩門，叩唔到都唔係世界末日。唔明白何解我按住自己小朋友步伐去施教，旁人都要說三道四多多意見。一時話你小朋友天資好，唔谷行佢考直私就佢浪費左佢，一時就話你自己教雖然係教得好好，但俾佢返私幼+外補個效果一定會比你自己教來得好…救命!
作者: whitepurin 時間: 17-8-10 08:58
scgift 發表於 17-8-10 08:43
我鍾意自己一手一腳教自己個小朋友。覺得自己有能力而小朋友又鍾意我教，完全冇必要外判。但偏偏就有同是F ...
重點確是1）自己有無心力；2）是否一定要入直私名校。有心力，一定自己教最好，外補不會tailor-made, 唔自己跟進其實讀來都無咩，不過語境始終未必自己做到。另一方面如果以名校為目標，當然讀深d好d, 正如其他人説，根本好多人係私幼+外補，如果要同人爭就何必自己令自己處於下風，除非錢是問題。
作者: retriever 時間: 17-8-10 10:25
scgift 發表於 17-8-10 08:43
我鍾意自己一手一腳教自己個小朋友。覺得自己有能力而小朋友又鍾意我教，完全冇必要外判。但偏偏就有同是F ...
一般男士唔會話見到人地用名牌相機，覺得一定要買返個名牌機先影到靚相。
市場上唔少既推動，源於媽媽既不安感。
就算考小，我夠膽講，吹到程度要求天咁高，係市場上有心人推波助瀾。其實考小唔係咁恐怖既事，絕大部份係生活化既野，當然有D 野係要早培養，指行為態度習慣果D。
就算下風D 內向既小朋友。改善方法亦唔係去上社交班，而係去游樂場多D 同其他小朋友互動。
近年係學咩都要上物物班，媽媽們覺得上左班就做左野，安心D。市場亦回應媽媽們既要求。
作者: retriever 時間: 17-8-10 10:37
whitepurin 發表於 17-8-10 08:58
重點確是1）自己有無心力；2）是否一定要入直私名校。有心力，一定自己教最好，外補不會tailor-made, 唔自 ...
問題係，有D 野生活化學習先有效。上物物班第一感覺係做左野，但係效率沒有生活化學習有效。而且其他LOGISTIC 安排，可能成件事得不嘗失。
不想考小處下風，但外補是否有效方法？
大家都知要健康，多菜少肉多運動。但貴貴既健康食品唔少人買，愈貴愈有人信。食左安心D，但效用又如何？
作者: whitepurin 時間: 17-8-10 11:30
retriever 發表於 17-8-10 10:37
問題係，有D 野生活化學習先有效。上物物班第一感覺係做左野，但係效率沒有生活化學習有效。而且其他LOGIS ...
只能説，考小想好成績一定不會是一般幼稚園教就應付到，有心有力自己教故然最好，但有需要時外補也不是洪水猛獸。
作者: scgift 時間: 17-8-10 12:00
whitepurin 發表於 17-8-10 08:58
重點確是1）自己有無心力；2）是否一定要入直私名校。有心力，一定自己教最好，外補不會tailor-made, 唔自 ...
錢不是問題，但我重視既係小朋友既意願。而家讀緊既劵校係我個女自己揀既，而且返得好開心，佢唔會願意轉校。外補我只俾佢上興趣型式既英文班(如之前上Trinity YPC drama，而家改上開心英文班)志在一班小朋友開開心心接觸下英文。其他學術方面既野都能自己教，所以唔想外判減少寶貴既親子時間。
語境的確讀劵校係冇私幼咁好，不過我在家有盡量製造語境: 睇有英文卡通/睇英文書(點讀聽原聲)/聽audio book/聽兒歌。只想小朋友喺愉快自然既情況下自然吸收。
作者: hha 時間: 17-8-10 12:50
Sailor-Moon 發表於 17-8-8 23:42
請教各位經歷過考小一的家長：
眾所周知，私幼考直資私小勝算比津小高好多
睇你係邊間津幼同小朋友資質，如果屬於有名氣嘅津幼加小朋友學術能力好，根本唔需要太多外補。
如果小朋友資質平庸，家長又要求高，然後中英數外補之餘再加興趣班，就真係辛苦過返兩間學校。
有啲家長人補我又補，好似話幼稚園數學,根本唔使咁快出去操數,偏偏卻係一部份家長覺得必須嘅補品。
作者: mimi222shi 時間: 17-8-10 13:02
名幼係勁多人都出去外補同有好多課外活動
我自己就覺得幼稚園階段, 大量閱讀好重要, 唔需要補習.
作者: ar_mak 時間: 17-8-10 14:43
提示: 作者被禁止或刪除 內容自動屏蔽
作者: Sailor-Moon 時間: 17-8-10 15:19
ar_mak 發表於 17-8-10 14:43
如果針對番樓主條問題去作答,潛台詞已經講清楚左,私幼係比津幼佳(是從樓主考直私小既角度出發,我只係引述), ...
一言難盡⋯
綜合觀點，都一致認為私幼對考直私小有不可取代的優勢，有點出乎意料
Anyway，我會繼續做好家長的主導角色，與孩子一起迎接升小之戰
作者: scgift 時間: 17-8-10 15:21
retriever 發表於 17-8-10 10:25
一般男士唔會話見到人地用名牌相機，覺得一定要買返個名牌機先影到靚相。
市場上唔少既推動，源於媽媽既 ...
是的，我有個ftm朋友以前係小學英文科老師，但佢都話自己唔會教小朋友，會外判，覺得人地教會好啲。
我自己就盡量做好自己能做既，阿女9月升k2, 一早已係書迷無書不歡，乖巧受教，坐得定，專注力好，邏輯記性及學術都唔錯。唯一令我頭痛既就係你所講既"下風"了。阿女從小超級慢熱怕羞，喺屋企同學校以外基本上係唔同陌生人/唔熟既人講野。我已經係從小帶佢返playgroup,興趣班，日日去公園遊樂場玩…佢都可以態度依舊=.="最近發現佢有啲進步，只係喺我同爸爸面前特別內斂，如果我地離開佢既視線範圍，佢係可以好正常咁同唔熟既大人傾談…請問前輩，對於呢類小朋友，可以用咩方法去幫佢改善呢？學校/興趣班老師全部都話佢係好"正常"，但就偏偏喺家長面前特別怕羞唔同人講野，明明我係ftm湊佢而且佢係超級痴我…=.="
作者: whitepurin 時間: 17-8-10 15:42
Sailor-Moon 發表於 17-8-10 15:19
一言難盡⋯
綜合觀點，都一致認為私幼對考直私小有不可取代的優勢，有點出乎意料
其實真係睇你想要咩。如果你不是求名校，但求有d back up唔使抽獎咁徬徨，咁津幼外補都ok的。不過如果心頭高，津幼要好努力囉！
作者: whitepurin 時間: 17-8-10 15:46
scgift 發表於 17-8-10 15:21
是的，我有個ftm朋友以前係小學英文科老師，但佢都話自己唔會教小朋友，會外判，覺得人地教會好啲。
我自 ...
坦白說好擇使（我女當年就係呢d), 一係全力train學術，一係平常心去面對考小一。
作者: Sailor-Moon 時間: 17-8-10 16:03
whitepurin 發表於 17-8-10 15:42
其實真係睇你想要咩。如果你不是求名校，但求有d back up唔使抽獎咁徬徨，咁津幼外補都ok的。不過如果心頭 ...
前者
自行只有15分預咗陪跑，不想安於大抽獎唯有努力考直私
作者: retriever 時間: 17-8-10 16:05
scgift 發表於 17-8-10 15:21
是的，我有個ftm朋友以前係小學英文科老師，但佢都話自己唔會教小朋友，會外判，覺得人地教會好啲。
我自 ...
我件無咁怕醜。純分享下。。。
儘量俾細路同其他大人互動。譬如我之前在其他帖成日推介，叫細路幫手俾錢找錢，又計下數，老闆呀姐一定讚佢乖。
有一樣我覺得特別留意，唔少家長不自覺幫細路代答，或者俾細路先悄悄話。而家外面D 叔叔姨姨好多時無咩耐性。見細路答唔清楚或講太細聲，會望著家長。我通常見對方問多次，或細路答多次，一定唔代答。
去PLAYGROUND 儘量家長企得遠遠，等細路見唔到，未到流血事件，唔好過去。
另外豬肉獎都去跑下，等佢多D 見人講下野。
作者: Binlojai 時間: 17-8-10 16:09
本帖最後由 Binlojai 於 17-8-10 16:10 編輯
scgift 發表於 17-8-10 15:21
是的，我有個ftm朋友以前係小學英文科老師，但佢都話自己唔會教小朋友，會外判，覺得人地教會好啲。
我自 ...
唔知你地同阿女相處係點？對佢嘅態度如何？會唔會成日好似閉路電視咁監察佢嘅一言一行？成日糾正佢嘅行為態度等等？見阿女似乎係你地面前特別收埋自己及注重自己嘅言行, 所以有此猜測, 如果估錯, 希望唔好介意~~
因為我覺得如阿女對住外人好正常, 咁父母應該檢視同阿女嘅相處模式...
作者: Binlojai 時間: 17-8-10 16:16
scgift 發表於 17-8-10 15:21
是的，我有個ftm朋友以前係小學英文科老師，但佢都話自己唔會教小朋友，會外判，覺得人地教會好啲。
我自 ...
我仔又係好痴我, 所以佢係我面前特別依賴唔夠獨立, 以前我帶佢去遊樂場佢都要我死跟住佢... -_-"
反而C6帶佢去玩, 佢可以唔理個老豆自己行開去玩...
後來我都調整自己同佢嘅相處方式, 唔會事事以佢為先, 唔好對佢太緊張之餘, 亦鼓勵佢自己多D嘗試, 近呢幾個月佢明顯改善左...
作者: scgift 時間: 17-8-10 16:35
whitepurin 發表於 17-8-10 15:46
坦白說好擇使（我女當年就係呢d), 一係全力train學術，一係平常心去面對考小一。
...
其實都係平常心，考到既好，考唔到都唔係世界末日。自己盡了力悉心栽培就算了。
作者: scgift 時間: 17-8-10 17:02
retriever 發表於 17-8-10 16:05
我件無咁怕醜。純分享下。。。
儘量俾細路同其他大人互動。譬如我之前在其他帖成日推介，叫細路幫手俾錢 ...
多謝分享。其實你講既，除左去跑豬肉獎外，我已全部做齊了…佢以前真係可以人地問兩三次都唔回應，到最近可以蚊茲咁聲去回應。最初我擔心個女係自閉，學校校長就話阿女喺學校好正常，叫我俾時間小朋友…有時都諗係咪自己太心急:(
作者: 1998Ruby1998 時間: 17-8-10 17:11
回覆 scgift 的帖子
我細個對陌生人都係咁，怕醜到爆炸，連早晨、再見都唔想講（我都唔知點解，阿媽又鬧又打都唔肯講），我有 d 同學仲怕醜過我，對朋友都唔咁講野，要好有耐性先至可以令佢開口（中學同佢出街食飯買野就好似帶住個幼兒園小朋友咁）。
所以唔洗咁快驚，畀多少少時間，唔係個個小朋友一出世都開朗大膽。
作者: whitepurin 時間: 17-8-10 17:14
Binlojai 發表於 17-8-10 16:16
你話你女超級痴你... 可能呢樣都有關係...
我仔又係好痴我, 所以佢係我面前特別依賴唔夠獨立, 以前我帶佢 ...
本帖最後由 whitepurin 於 17-8-10 17:31 編輯
性格問題好大程度天生的，我大女細女完全唔同性格咪又係同一對父母同一個家庭。性格後天可tune但唔係咁易同咁細個改到。大人唔健談嘅明知interview點都會開口，但咁細個又點識去爭取表現。
作者: whitepurin 時間: 17-8-10 17:18
scgift 發表於 17-8-10 17:02
多謝分享。其實你講既，除左去跑豬肉獎外，我已全部做齊了…佢以前真係可以人地問兩三次都唔回應，到最近 ...
其實好正常，只是考小學呢個遊戲就被人標籤成唔出眾啫。大把成年人都唔鍾意social 啦！
作者: scgift 時間: 17-8-10 17:19
Binlojai 發表於 17-8-10 16:09
唔知你地同阿女相處係點？對佢嘅態度如何？會唔會成日好似閉路電視咁監察佢嘅一言一行？成日糾正佢嘅行為 ...
其實我個女本身係好乖(巧虎教得好XDD),所以基本上行為冇咩需要被糾正。而且一般如果冇傷害性既事，我係由得佢做唔會責備佢既。另外，佢喺外人面前對住家人講野/行為都好正常，只係唔同外人講野=.="佢k1下學期開始會在我面前同同學仔傾計/玩(上學期係完全唔啋人)，但唔會直接同其他家長講野(會笑/點頭搖頭作答，就係唔開口)。
最離奇既係我一直同佢返開親子音樂班，上堂都好正常有回應導師問題，但幼稚園學校觀課就完全唔出聲(班主任話我一離開課室，佢就馬上回復正常)。暑假上跳舞班頭2堂家長陪上，佢喺我同一大班唔識既家長面前又好正常咁跳跳跳…我真係估唔到佢咩事…=.="
作者: scgift 時間: 17-8-10 17:26
whitepurin 發表於 17-8-10 17:18
其實好正常，只是考小學呢個遊戲就被人標籤成唔出眾啫。大把成年人都唔鍾意social 啦！
...
佢怕羞既程度真係唔正常，我曾經擔心佢係自閉或選擇性緘默症=.="例如佢10m開始到2歲返親子playgroup,可以每堂都完全唔出聲，但導師叫做既野就做齊晒。後來自已上堂，導師話佢warm up既時間比一般小朋友耐，一般小朋友三幾分鐘就warm up完，我個女係到落堂才warm up好=.="返k1最初又係完全唔講野，係返返下才變正常…連啲同學仔媽咪都話佢咁怕羞，點解老師會揀佢出來參加講故事比賽=.="
作者: Binlojai 時間: 17-8-10 17:27
whitepurin 發表於 17-8-10 17:14
性格問題好大程度天生的，我大女細女完全唔同性格咪又係同一對父母同一個家庭。性格後天可tune但唔係咁易 ...
只係嘗試用唔同方法鼓勵下小朋友, 佢性格如此亦不能刻意強求...
其實內歛有內歛好, 只係依家呢個社會似乎要求小朋友一定要健談活潑主動...
作者: Binlojai 時間: 17-8-10 17:35
scgift 發表於 17-8-10 17:19
其實我個女本身係好乖(巧虎教得好XDD),所以基本上行為冇咩需要被糾正。而且一般如果冇傷害性既事，我係由 ...
我都識朋友個女好乖讀書又叻, 但就係怕羞, 對住陌生人或權威人士如老師校長等, 個女完全唔敢出聲, 因為緊張同怕自己講錯嘢... 佢都係唯有鼓勵多D...
我仔其實都會咁, 一開始唔敢嘗唔敢玩, 到人地玩完走嘞, 佢先開始投入... 
只係.. 出奇地近呢幾個月佢唔同左, 可能真係大個左啦...
作者: whitepurin 時間: 17-8-10 17:36
scgift 發表於 17-8-10 17:26
佢怕羞既程度真係唔正常，我曾經擔心佢係自閉或選擇性緘默症=.="例如佢10m開始到2歲返親子playgroup,可以 ...
我都曾經擔心過係自閉或selective mutism, 但隨著年紀大咗同埋多咗同細妹互動而家好咗，不過點都係文靜型唔會主動撩人傾計嗰d囉。
作者: scgift 時間: 17-8-10 17:38
Binlojai 發表於 17-8-10 16:16
你話你女超級痴你... 可能呢樣都有關係...
我仔又係好痴我, 所以佢係我面前特別依賴唔夠獨立, 以前我帶佢 ...
雖然我個女好痴我，但佢又唔會要我跟實佢既。喺屋企好多時我有我做家務，佢有佢玩/有時做下小幫手。去公園會想我喺附近陪住，但基本上都可以自己玩，我在遠處望到佢就ok。喺公園被人蝦時佢會望住我(應該想我開口幫佢)，除非有危險，否則我會忍住唔出聲，但佢真係可以被人蝦就算，唔出聲唔反抗(我同佢講過好多次被人蝦時要適當保護自己，但講左等於冇講)=.="
作者: scgift 時間: 17-8-10 17:43
Binlojai 發表於 17-8-10 17:35
咁唯有接受佢+俾D時間佢...
我都識朋友個女好乖讀書又叻, 但就係怕羞, 對住陌生人或權威人士如老師校長等, ...
多謝鼓勵，佢好明顯3.5歲後呢半年進步左好多，我唯有等佢再大啲希望會再好啲。
作者: Binlojai 時間: 17-8-10 17:47
scgift 發表於 17-8-10 17:43
多謝鼓勵，佢好明顯3.5歲後呢半年進步左好多，我唯有等佢再大啲希望會再好啲。
...
我仔5歲先開始改變咋~~
作者: scgift 時間: 17-8-10 17:47
1998Ruby1998 發表於 17-8-10 17:11
回覆 scgift 的帖子
我細個對陌生人都係咁，怕醜到爆炸，連早晨、再見都唔想講（我都唔知點解，阿媽又鬧又 ...
多謝鼓勵。我女又係早晨再見例牌唔會同唔熟既人講，好似屋企樓下既管理員，見足4年都唔敢叫人。以前直頭出入管理處會低頭用手遮住自己對眼，而家可以望住啲管理員笑了(但唔肯開口)。
作者: scgift 時間: 17-8-10 17:51
Binlojai 發表於 17-8-10 17:47
咁佢都係仲細, 4歲未夠...
我仔5歲先開始改變咋~~
希望我女5歲時都好似你囝囝咁有所改變啦，趕得及考學校XDDD
作者: moniko 時間: 17-8-11 01:47 標題: 回覆樓主
自己以前都教過細路。 講真， 好多都亂來， 混水摸魚。 唔會俾左錢=個仔叻。 所以外補都要睇你搵唔搵得岩。
名幼出名一定係佢交到貨，教得好。 即係話唔洗亂試亂撞。
作者: Rubycocoruby 時間: 17-8-11 16:39
我阿仔之前讀C 幼, 現在轉了一年讀名私幼, 老師質素真是有分別...
| 歡迎光臨 教育王國 (/) |
Powered by Discuz! X1.5 |