教育王國
標題: 寧為雞首，不作牛後 [打印本頁]
作者: DengCK 時間: 17-8-3 12:00 標題: 寧為雞首，不作牛後
睇到篇文，幾有意思。同大家分享下。
港姐：寧為雞首，不作牛後
2017年8月3日
朋友的妹妹自小讀書成績不錯，小學時經常考頭五名，但升中學沒有上第一志願，結果派入了她覺得很普通的學校，不甘心到哭了三天。父母一向也對子女頗高要求，所以家中氣氛非常鬱悶。
沒多久朋友生日，請我去她家中吃飯，朋友的父母問起我當年升中的事。我便借機分享了一點想法，希望鼓勵一下朋友的妹妹，順便開解一下她的父母。
作者: DengCK 時間: 17-8-3 12:01
當年我派到了自己的第一志願，不過我選的第一志願不是Band 1中的頂級中學。當年分Band 1至Band 5，我唸的那間，以該校區的師奶們的講法，是Band 1尾，Band 2頭的學校。
為什麼我會選這間學校為第一志願呢？很簡單，因為我雖不特別聰明，但卻極具自知之明。那時我才是個小學生，尚未聽過「寧為雞首，不為牛後」，但心中卻已有這樣的概念。
我知道自己不是天才，而我也沒有興趣拼命後天追上，我樂於做普通人。正如當時那些逼自己孩子上頂尖中學的長輩所講，我的確是懶散、不夠上進、怕被人比下去。但我不覺得這有什麼問題，我只想輕輕鬆鬆，也只是順應自己的能力及個性而行。
作者: DengCK 時間: 17-8-3 12:01
結果，我居然在升上中學的第一年期末考試，考到了全班第一名。這是我人生第一次考第一，也是最後及唯一一次……因為升上中二便去了所謂的「精英班」，而在「精英」中，我只排在大概8至12名。
不過在全級百多二百人中可以排在這位置，我已非常高興，自信心Ba Ba聲番曬黎。
也許正是因為這股前所未有的自信心，令我唸書愈唸愈起勁，不曾感到任何壓力，很順利地會考完升六，再順利地高考完升大學。全程輕輕鬆鬆鄧梓峰，快快樂樂上學去。
一位小學時比我成績好的同學，雖然升上了很厲害的中學，但卻因跟得太辛苦而愈來愈沒信心，經常哭著打電話給我說很大壓力，覺得自己很蠢很沒用。最後，她沒有考上大學，也沒再跟我聯絡。
我深深體會到「寧為雞首，不為牛後」的道理，並將之列入我最喜愛人生諺語頭三位。
這個故事說不出什麼大道理，但當中的小道理卻是非常有用。
人活在人群中，必定有各方各面、各式各樣的比較，你不想比還是要比。而在比較中，你其實可以選擇令自己比較舒服的比較圈。
一個人的自信心多多少少會因比較而受影響，沒有人喜歡被人比下去。排名影響心情，心情影響發揮，這是一個循環。
天外有天，人外有人，絕對有人比你聰明、比你漂亮、比你有錢、比你幸運。何苦要擠進一個自己比不太上的級別中去辛苦自己呢？
我覺得人最重要的是「自知」，了解自己的能力及位置。有「自知之明」，然後「盡其本步而遊於自得之場」。
可以游刃有餘的話，何必每事每時都力爭上游逼死自己？
是的，世界的確很大，但是，其實你根本不需要跟全世界比呀。
作者: siden 時間: 17-8-3 12:05
DengCK 發表於 17-8-3 12:01 
結果，我居然在升上中學的第一年期末考試，考到了全班第一名。這是我人生第一次考第一，也是最後及唯一一次 ...
作者: 千語mami 時間: 17-8-3 12:07 標題: 回覆樓主
多謝分享
非常認同，自信心的建立，比是否讀名校，對一個人的發展來說真的比較重要呢。所以，小朋友入到名校當然高興，入不到也不用太失望，塞翁失馬吧了
作者: DengCK 時間: 17-8-3 12:07
小小讀後感：「怪獸」家長除左因為社會風氣外，某程度上係家長們未能接受孩子天資平庸。如果只要不停催谷就可以做最top,呢個世界就無勁人/無咁勁的人之分。適量催谷可能會激發到孩子的潛能，但如果長期、大力地催谷都沒有明顯效果，家長可能就要接受現實，無謂辛苦自己同孩子。每人都不同，天資都唔一樣。
作者: gwenstephen 時間: 17-8-3 12:10
DengCK 發表於 17-8-3 12:00
睇到篇文，幾有意思。同大家分享下。
港姐：寧為雞首，不作牛後
呢啲故仔十分個人，作為安慰心灵的雞湯係好嘅，但作為目標我便不会認同。
做人沒有 take2, 你怎知你小朋友在雞中係首，在牛中在後？ 在 第 N志願學校必在前列嗎，如在差啲嘅學校仍在後怎算？
作者: Felix223 時間: 17-8-3 12:16 標題: 回覆樓主
感謝分享，非常勵志正面的故事。
作者: ChocoMilk33 時間: 17-8-3 12:21
對呀! 人貴自知。清楚了解自己的水平，而因應作出選擇，其實也是一種「能耐」。
作者: DengCK 時間: 17-8-3 12:25
ChocoMilk33 發表於 17-8-3 12:21
對呀! 人貴自知。清楚了解自己的水平，而因應作出選擇，其實也是一種「能耐」。 ...
講得好。呢個都係我一直的想法。而呢樣野的確如你所說，係一種能耐，唔係咁易有。
作者: ar_mak 時間: 17-8-3 12:33
提示: 作者被禁止或刪除 內容自動屏蔽
作者: ar_mak 時間: 17-8-3 12:37
提示: 作者被禁止或刪除 內容自動屏蔽
作者: Felix223 時間: 17-8-3 12:50 標題: 回覆樓主：
本帖最後由 Felix223 於 17-8-3 12:51 編輯
唔好認為呢個故事係安慰的心靈雞湯，我見過身邊有活生生的例子，親友由小到大都是名列前茅，今時今日已移居外國的專業人士，但因家人自小催谷丶過度期望、自己對自己的要求各種因素，在讀書畢業時開始爆煲，證實抑鬱症。事過多年，早陣子和親友通電話時，仍然長期失眠，需要持續吃抗抑鬱藥物，見到佢咁，都非常感慨。當年的教育制度一定無今天咁瘋狂，個個認為鬥催谷就是好，作為家長真的要反思一下，做人真的沒有take 2 ！
作者: T96 時間: 17-8-3 13:09
感謝分享
作者: Papamama111 時間: 17-8-3 13:13
謝謝分享。剛剛也做了一個相近的決定。
作者: gwenstephen 時間: 17-8-3 13:33
Felix223 發表於 17-8-3 12:50
唔好認為呢個故事係安慰的心靈雞湯，我見過身邊有活生生的例子，親友由小到大都是名列前茅，今時今日已移居 ...
本帖最後由 gwenstephen 於 17-8-3 14:27 編輯
过分摧谷在雞、牛中也是錯哂，我同意
我說的是心態問題，一、二歲時，个个家長都会話: 小朋友的潛力無限，everything is possible; 但一到五、六歲，小學，便成日聽到家長話佢唔係呢啲材料，佢唔得架... 但係这些家長平日成日掛住玩，又冇比小朋友學野，又唔了解小一入學程度，最後，入唔到心儀學校便有一大堆原因; 但我最唔 like就是認為個小朋友唔得，而可能唔得的原來係個家長
作者: b16a 時間: 17-8-3 13:40 標題: 回覆樓主
我聽得最多應該係「寧做雞頭 莫做鳳尾」...... 
作者: Mrs.Luckycat 時間: 17-8-3 14:13
DengCK 發表於 17-8-3 12:07
小小讀後感：「怪獸」家長除左因為社會風氣外，某程度上係家長們未能接受孩子天資平庸。如果只要不停催谷就 ...
"某程度上係家長們未能接受孩子天資平庸。" Good point !
作者: hkpapa852 時間: 17-8-3 14:52
回覆 DengCK 的帖子
雖然有點勵志, 但坦白說, 沒有任何單一方法, 是每一個人都可行.
不去要求最Top, 生活可以輕鬆一點, 當然理想, 但是否必然? 又是否全沒有壞處呢?
假設有兩位小朋友, 小朋友A要死谷爛谷先勉強留到B1邊緣, 不強求佢入最Top 的B1中學, 退一步自然會海濶天空
小朋友B沒有補習, 只靠平常的溫習, 一樣能擠身B1, 退一步可能對佢係浪費
再者, 小朋友性格亦有大影響, 到底小朋友是遇強越強? 還是遇強即屈呢? 亦係一個考慮因素.
還有一點, 長期把小朋友留在comfort zone, 是否就係對佢好呢?
而且, 唔同水平既學校, 學習風氣, 學習環境, 可以接觸既視野, 都不盡一樣.
千萬不要以為, 所以事情, 只要做雞首, 就一定係好的了!
其實呢個論點, 同以前多次既小池大魚等類似.
作者: DengCK 時間: 17-8-3 15:19
hkpapa852 發表於 17-8-3 14:52
回覆 DengCK 的帖子
雖然有點勵志, 但坦白說, 沒有任何單一方法, 是每一個人都可行.
我有個小小讀後感在六樓。其實最重要係有自知之命，不要勉強。
作者: HK-MAN 時間: 17-8-3 15:27
hkpapa852 發表於 17-8-3 14:52
回覆 DengCK 的帖子
雖然有點勵志, 但坦白說, 沒有任何單一方法, 是每一個人都可行.
作者: mytambb 時間: 17-8-3 15:29
DengCK 發表於 17-8-3 12:00
睇到篇文，幾有意思。同大家分享下。
港姐：寧為雞首，不作牛後
本帖最後由 mytambb 於 17-8-4 04:34 編輯
其實讀書姐，又唔洗咁悲壯。
我記得自己細個，考過全級尾二。後來同一學校發揮到，又考過全級第一。做人總會有希望。
好多問題。睇人睇時間睇環境⋯ 不能一概而論。
作者: punlik 時間: 17-8-3 15:37
提示: 作者被禁止或刪除 內容自動屏蔽
作者: DD仔 時間: 17-8-3 15:43
我觉得最好是“顺其自然，加少少勉强”。
“勉强”太多，会很不快乐。
“勉强”太少，会很懒散。
从来找个平衡点是最困难的事。
作者: DengCK 時間: 17-8-3 15:52
punlik 發表於 17-8-3 15:37
一個故事，亦可以有不同既解讀.
五個Band, Band2頭Band1尾學校一部分學生考得比Band1學校好. 好正常.
我的解讀係：最緊要有自知之名。不去強求做唔到（唔屬於自己層次）的野。係自己所屬層次盡全力發揮。要明白天外有天。
作者: DengCK 時間: 17-8-3 15:55
DD仔 發表於 17-8-3 15:43
我觉得最好是“顺其自然，加少少勉强”。
“勉强”太多，会很不快乐。
“勉强”太少，会很懒散。
本帖最後由 DengCK 於 17-8-3 15:56 編輯
本帖最後由 DengCK 於 17-8-3 15:56 編輯
說得對。呢個都係我的解讀。如何界定太多太少，看看家長的慧根。正如我其中一個留言，怪獸家長其中一個成因，係未能接受孩子資質平庸，認為只要加以催谷外補必有成事之日，仍未成功只是孩子「不夠努力」。奈何世事豈能盡如人意，很多事可以是徒勞無功。催谷過，嘗試過，無起色，就要接受現實吧。
勉強無幸福，苦了孩子苦了家長。
作者: HK-MAN 時間: 17-8-3 15:56
punlik 發表於 17-8-3 15:37
一個故事，亦可以有不同既解讀.
五個Band, Band2頭Band1尾學校一部分學生考得比Band1學校好. 好正常.
作者: DengCK 時間: 17-8-3 15:57
HK-MAN 發表於 17-8-3 15:56
我覺得筆者意思係話有時退而求其次比盲目追求出來既結果更好.讀書只係比喻啫.. ...
正是
作者: punlik 時間: 17-8-3 16:00
提示: 作者被禁止或刪除 內容自動屏蔽
作者: DengCK 時間: 17-8-3 16:05
punlik 發表於 17-8-3 16:00
人地既雞首是指Band2頭Band1尾既精英班.
雞首同牛尾，先要搞清楚雞是咩野雞,牛是咩野牛.
文有好多篇，最緊要睇得舒服
作者: starrymama 時間: 17-8-3 16:06
係,自信心好緊要.
冇自信,幾叻都冇用. 可以做到大塘大魚最好, 否則寧做小塘小魚
作者: Felix223 時間: 17-8-3 16:09
認同, 有咁多種湯, 最緊要係飲得舒服.
作者: punlik 時間: 17-8-3 16:23
提示: 作者被禁止或刪除 內容自動屏蔽
作者: DengCK 時間: 17-8-3 16:26
punlik 發表於 17-8-3 16:23
朋友的妹妹自小讀書成績不錯，小學時經常考頭五名，但升中學沒有上第一志願，結果派入了她覺得很普通的學校 ...
希望你早日參透到呢篇文的意思啦
作者: punlik 時間: 17-8-3 16:38
提示: 作者被禁止或刪除 內容自動屏蔽
作者: mytambb 時間: 17-8-3 17:01
DengCK 發表於 17-8-3 15:55
本帖最後由 DengCK 於 17-8-3 15:56 編輯
本帖最後由 DengCK 於 17-8-3 15:56 編輯
其實人人都谷個仔，但人人都想谷個仔咩？個個都想隨緣。
作者: DengCK 時間: 17-8-3 17:15
mytambb 發表於 17-8-3 17:01
其實人人都谷個仔，但人人都想谷個仔咩？個個都想隨緣。
所以要靠父母去為仔女定個「止催谷位」。
作者: punlik 時間: 17-8-3 17:36
提示: 作者被禁止或刪除 內容自動屏蔽
作者: DengCK 時間: 17-8-3 17:46
punlik 發表於 17-8-3 17:36
有一個笑話：
一隻鸚鵡和一頭豬在飛機上，鸚鵡跟空姐說“給爺來杯水”，豬也說“給爺來杯水”。一會兒鸚鵡 ...
咁可以有不同解讀既
我的解讀係：有料咪可以多多要求（催谷），無料的多多要求（催谷）盞害死自己
作者: punlik 時間: 17-8-3 17:53
提示: 作者被禁止或刪除 內容自動屏蔽
作者: DengCK 時間: 17-8-3 17:55
punlik 發表於 17-8-3 17:53
我既解讀是作者既雞首同自己既雞首 是唔同既.唔好盲從.
本帖最後由 DengCK 於 17-8-3 17:57 編輯
delete
作者: DengCK 時間: 17-8-3 17:57
punlik 發表於 17-8-3 17:53
我既解讀是作者既雞首同自己既雞首 是唔同既.唔好盲從.
你仲係講緊雞頭呀？ 我真係搭唔到咀。唔緊要啦，每人都可以有唔同解讀，最緊要你解讀得舒服就得。
作者: beagoodman 時間: 17-8-3 17:57 標題: 回覆樓主
謝謝樓主的分享。但相信唔會改變到什麼，入天主教堂宣揚佛教。
作者: punlik 時間: 17-8-3 17:59
提示: 作者被禁止或刪除 內容自動屏蔽
作者: DengCK 時間: 17-8-3 17:59
beagoodman 發表於 17-8-3 17:57
謝謝樓主的分享。但相信唔會改變到什麼，入天主教堂宣揚佛教。
你的比喻好有趣到肉
作者: DengCK 時間: 17-8-3 18:03
punlik 發表於 17-8-3 17:59
怕我言多必失，沒意得罪。
只要互相尊重，各持己見都可以交流一下，不用過慮
作者: Charlotte_mom 時間: 17-8-3 18:28 標題: 回覆樓主
作者自問懶散、不夠上進，揀band one尾覺得最適合，ok。個人選擇。
朋友個女長期考頭5，應有不同考慮吧！升中派位除資質亦要講運氣。派位失敗不是罕見之事。
作者在文中用朋友女兒作例子，批評別人擠進一個自己比不太上的級別、無自知、迫死自己，sorry ，我覺得毫不尊重別人選擇，令人反感。
我揀愉快，但會尊重別人選最top囉。唔同人有唔同性格唔同要求，難道你嘅comfort zone一定等於人地comfort zone?!
作者: mytambb 時間: 17-8-3 19:35
Charlotte_mom 發表於 17-8-3 18:28
作者自問懶散、不夠上進，揀band one尾覺得最適合，ok。個人選擇。
朋友個女長期考頭5，應有不同考慮吧！升 ...
完全同意
作者: siden 時間: 17-8-3 20:03
Charlotte_mom 發表於 17-8-3 18:28
作者自問懶散、不夠上進，揀band one尾覺得最適合，ok。個人選擇。
朋友個女長期考頭5，應有不同考慮吧！升 ...
我又唔覺文中作者有唔尊重別人選擇
佢冇反對有能力有鬥心嘅人去爭取最top喎
佢只係唔贊成別人盲目為了「最好最top」，卻因錯配而迫到冇哂信心入咗死胡同- -搞成咁旁人也很難認同吧
作者: mytambb 時間: 17-8-3 20:45
siden 發表於 17-8-3 20:03
我又唔覺文中作者有唔尊重別人選擇
佢冇反對有能力有鬥心嘅人去爭取最top喎
本帖最後由 mytambb 於 17-8-4 04:40 編輯
「小學時經常考頭五名，但升中學沒有上第一志願，結果派入了她覺得很普通的學校，不甘心到哭了三天。父母一向也對子女頗高要求，所以家中氣氛非常鬱悶。」
我想看清楚。其實99%類似發言都係叫人放棄，唔好嘗試。宿命論者太悶了！有很多事情，你肯努力、肯改進，未必係想像中咁差。先天不足，但後來居上的個案比比皆是，只要肯努力。為什麼未試過先認輸？
最近EK好似多咗好多這樣消極的想法。
老實說，我是她朋友的妹妹，也會不同意這消極的想法。為什麼考頭五也要入一間不合意的中學？你會同意因為要認命嗎？
作者: raymoney 時間: 17-8-3 20:50 標題: 回覆樓主
有d亞Q精神☝(emoji)
作者: siden 時間: 17-8-3 21:05
mytambb 發表於 17-8-3 20:45
本帖最後由 mytambb 於 17-8-3 20:55 編輯
「小學時經常考頭五名，但升中學沒有上第一志願，結果派入了 ...
「為什麼考頭五要入一間不合意的中學？」
咁唔入都入了，可以點？我假設佢叩唔走la,叩得走都走咗la。
唔甘心咁可以點？爬上告士打道天橋抗議嗎？
呢個唔係認唔應命嘅問題，係接受現實，在現實中找到可取之處，俾自己安慰同勇氣繼續走下去。
執著於往上爬，但果一個moment係冇辦法走出呢個困局，咁死唔認命唔認輸在新校充滿負能量會讀得好嗎？
在「普通」學校讀得好，中2咪去插班囉。如果在「普通」學校都不能上上游，咁唔甘心入不了top school又係為乜？！
作者: ar_mak 時間: 17-8-3 21:07
提示: 作者被禁止或刪除 內容自動屏蔽
作者: mytambb 時間: 17-8-3 21:26
ar_mak 發表於 17-8-3 21:07
呢單野我係咁睇,首先叫作者去食生日飯,可能真正原因都唔係為左生日,而係想借佢把口去開解妹妹. 因為故事背 ...
本帖最後由 mytambb 於 17-8-3 22:01 編輯
同意。
故事中心是作者「寧為雞首，不作牛後」的想法。她以朋友的故事説明何苦要擠進一個自己比不太上的級別中去辛苦自己呢？人要有自知之明。我覺得有點比喻不佳。
相信她朋友妹妹未必會照做，也會繼續叩門或者下年插班。因為她們根本不是什麼不自量力或辛苦了自己的問題！
作者: gwenstephen 時間: 17-8-4 09:36
mytambb 發表於 17-8-3 20:45
本帖最後由 mytambb 於 17-8-4 04:40 編輯
「小學時經常考頭五名，但升中學沒有上第一志願，結果派入了 ...
我也是唔 like对宿命論
但當然，到了八月了，唔放開可以做什麼，死嗎？
But my point is, 考前五為何不如意？多數同其小學过往的成績有關; 佢咁入呢间小學之前，有冇睇清楚其師兄姊派位情況？ 再遠啲，有冇從幼稚園開始便鋪路？'
作者: hkpapa852 時間: 17-8-4 10:06
mytambb 發表於 17-8-3 20:45
本帖最後由 mytambb 於 17-8-4 04:40 編輯
「小學時經常考頭五名，但升中學沒有上第一志願，結果派入了 ...
如果佢只係入唔到MCS, 派去旅港, 咁文章作者既建議還是可以, 因為旅港都係一間非常好既B1中學
但如果係B1派入B2, 咁作者既建議, 就係不知所謂既堅離地
作者: siden 時間: 17-8-4 10:22
hkpapa852 發表於 17-8-4 10:06
咁我認為要睇吓所謂不合意, 係點不合意
如果佢只係入唔到MCS, 派去旅港, 咁文章作者既建議還是可以, 因為旅 ...
呢個case唔會係b1頭去咗b2所以不滿la
真係都叩走咗la
作者: Charlotte_mom 時間: 17-8-4 10:53 標題: 回覆樓主
其實無需太認真。網上寫文，借題發揮開場白吧了。係咪真係有個世侄女派位失敗都未知，可能根本飯局云云純屬虛構
派位失敗，可能心頭高，who knows! 學hkpapa話齋有可能入旅港都叫失敗
不過用級5派位失敗呢個例子黎叫人「自知」，真係好嘔血！
作者: siden 時間: 17-8-4 11:23
Charlotte_mom 發表於 17-8-4 10:53
其實無需太認真。網上寫文，借題發揮開場白吧了。係咪真係有個世侄女派位失敗都未知，可能根本飯局云云純屬 ...
級頭5定班頭5都未知la
可能去唔到BPS去咗Canossa咪唔高興
作者: hkpapa852 時間: 17-8-4 11:40
siden 發表於 17-8-4 11:23
級頭5定班頭5都未知la
可能去唔到BPS去咗Canossa咪唔高興
作者: siden 時間: 17-8-4 11:53
hkpapa852 發表於 17-8-4 11:40
又咁講, 有D學校級頭5都未必會係B1生......
咪就係囉。
作者: siden 時間: 17-8-4 12:15
本帖最後由 siden 於 17-8-4 12:15 編輯
hkpapa852 發表於 17-8-4 11:40
又咁講, 有D學校級頭5都未必會係B1生......
Deleted
作者: suslau2004 時間: 17-8-5 15:12
DengCK 發表於 17-8-3 12:00
睇到篇文，幾有意思。同大家分享下。
港姐：寧為雞首，不作牛後
十分認同，我自己深深体會通，自知我家小朋友資質平庸，希望佢係間普普通通的学校去到中上游位置，佢又開心，我又冇咁辛苦就算了……
作者: IYY 時間: 17-8-5 15:52
回覆 hkpapa852 的帖子
好一句"長期把小朋友留在comfort zone, 是否就係對佢好呢?"
Comfort zone 同訓練鬥心之間想取得平衡, 真係好難好難。現在正為如何令孩子能重拾遇強愈強的能力而苦惱。當人開始怕輸時就會開始多停留在 comfort zone 。
作者: tommyxsarah 時間: 17-8-6 00:22 標題: 回覆樓主
好文
十分認同
所以我從不求最top既學校
但求最適合我小朋友同我既學校
快快樂樂上學是最緊要 同埋作為working mum 勉強去d 好谷既學校讀書 根本是難為了我同c6
同埋有自信 才是日後成功既原動力
所以真係好怕d 學校 只要考比少人地一分 就碌後廿幾三十名 既學校 小朋友既心係好脆弱 日日比分數折磨係好慘
其書讀書的路真的很長很長 還是好好享受上學的生活吧
作者: wongtw 時間: 17-8-6 01:31
本帖最後由 wongtw 於 17-8-6 01:36 編輯
爬文有神校家長講，8X分頭，排位已經跌到落全級一百左右，叻人多無辦法，神校拿奬特別多，我睇過佢奧數成綪，幾十人去參加，又真係拿一，二等奬的人數多過拿三等奬的人數，咁拿8X分個批學生，如果唔明白，又無人同佢解說，真係少的信心都被打沉（如果能夠知道全港排名，應該信心會返晒來）。要求不高的家長，普通津校8X頭應該排3，4X左右，同神校差成60位，家長開心個子女又唔會失去信心。
作者: cmchang0927 時間: 17-8-6 01:56
回覆 wongtw 的帖子
這好像不是神校津校的問題，似是學校出卷深和淺的問題。。。
卷深的學校可能全級也沒有十人拿9x分，卷淺的學校反而可以全級四份三人9x分，鬥的是小心而已。
作者: 已刪除用戶 時間: 17-8-6 07:08
mytambb 發表於 17-8-3 20:45
本帖最後由 mytambb 於 17-8-4 04:40 編輯
「小學時經常考頭五名，但升中學沒有上第一志願，結果派入了 ...
我都覺得而家好多年輕人都有類似的想法，唔想打拼，安於現況！
作者: 一家三口 時間: 17-8-6 08:08
hkpapa852 發表於 17-8-3 14:52
回覆 DengCK 的帖子
雖然有點勵志, 但坦白說, 沒有任何單一方法, 是每一個人都可行.
(emoji)(emoji)(emoji)(emoji)(emoji)(emoji)
作者: Potato001 時間: 17-8-6 08:27 標題: 回覆樓主:
其實資料太少，沒有提及小學屬哪個組別，中學是哪兩間又不知道，小朋友真正水平不清楚，很難比較那隻牛和雞相差幾遠，第一志願學校，想入讀的原因是成績好? 神校? 課外活動勁? 多朋友入讀?
派了入一間被認為很普通的學校，這兩間學校相差有多遠? 如果真的不甘心，又自認為好有實力，就去叩門; 叩門不成就留在普通學校，加倍努力，去考中二插班。
如果是band one 學生派入了band two 學校，而小學時一向乖巧伶俐，又真的是頭幾名，找校長向相熟的band one尾學校寫封推薦信拿去叩門，應該不難。只怕是心頭太高，有心無力又不自知。
作者: siden 時間: 17-8-6 09:56
本帖最後由 siden 於 17-8-6 10:16 編輯
IYY 發表於 17-8-5 15:52
回覆 hkpapa852 的帖子
好一句"長期把小朋友留在comfort zone, 是否就係對佢好呢?"
同意針冇兩頭利。
基本上留在"comfort zone"嘅人，可以扯盡來完全發揮自己potential 嘅機會，多數係比在"fighting zone"嘅人低。
問題就係：本身身性格唔係遇強越強，你擺佢係fighting zone，而佢卻身處中後列，只會消耗佢嘅上進心同自信心。
所以做大池小魚定小池大魚最重要係睇小朋友性格。咁當然，如果小朋友係band1，大池就係band1a，小池就係band1b/c。小池並唔係講緊band2/3，因為呢啲叫錯配。
我發覺好多Ek家長都強調小朋友要「盡」展所長，「盡」佢嘅能力做到最好，downgrade 少少個小朋友都嫌失禮，其實呢種諗法冇話有問題，人地父母人地仔女，我梗係尊重la。
邊個小朋友適合扯到盡，邊個唔適合，父母有責任識得分，而且面對現實。
有人問我呢，我就會答：「除咗呈分試同DSE,其他時候佢發揮80%我已經滿意。」
有邊個父母唔想小朋友chur足100%？問題就係個「盡」字。中國人有句俗諺叫「凡事唔好去到咁盡」。因為一chur到盡，風險就大增。小朋友性格愈弱，風險就越大。小朋友越硬淨，風險就冇咁大。
有人會話：「小朋友潛力無限，你未試過點知佢唔得？」呢種講法唔係錯哂，因為總有小部分孩子是這樣。但以升中生來說，實在太天真。有兩個孩子已經讀緊中學嘅家長，尤其係資質平凡嘅家長會好明白，「突然爆發潛能」呢樣野係有，不過發生嘅機會率，唔係大家想像中咁高。除非小朋友在高小成績一般嘅主要原因係懶而未努力，咁升中後生性咗成績突飛猛進就機會大些。
楼主篇文個主角，冇人知底細因為冇校名。但事實係主角基本上都冇得揀la，叩得走都一早走咗。個女仔真係有咁叻，成件事有咁錯配，一早叩走咗la。一線學校考級頭5同二線學校考班頭5已經可以係兩個世界。筆者咁樣安慰個世姪女，我覺得非常妥當。
作者: Yanamami 時間: 17-8-6 10:27
siden 發表於 17-8-6 09:56
同意針冇兩頭利。
基本上留在"comfort zone"嘅人，可以扯盡來完全發揮自己potential 嘅機會，多數係比在" ...
作者: DengCK 時間: 17-8-6 10:32
yuenkw 發表於 17-8-6 07:08
我都覺得而家好多年輕人都有類似的想法，唔想打拼，安於現況！
我就係呢d安於現狀的中年人，幾開心，無咩問題。
作者: beagoodman 時間: 17-8-6 10:40 標題: 回覆樓主
其實無論樓主和文章作者都是善意的。現實是有超過一半學生都未能升上所謂band1中學，莫講話所謂band 1A丶所謂神校。那些佔多數的非所謂band 1A丶所謂神校學生也要生活下去吧，也絕不應對他們過早下定論，事實上所謂band1A學生也有不少到後來DSE成績比不上一些非band1學生，相信這篇文章是對他們是作出安慰和鼓勵。只不過Ek充斥著大量神校丶band1A家長、準神校band1A家長、目標只入band1A家長、自以為一定是band1A家長......等等，這篇文章就變成消極丶不思進取的言論。
樓主，希望你明白我之前講入天主教堂宣揚佛教的意思。
作者: 已刪除用戶 時間: 17-8-6 10:45
DengCK 發表於 17-8-6 10:32
我就係呢d安於現狀的中年人，幾開心，無咩問題。
人生衝有時、停有時。年輕時就要衝，
人到中年選擇停，無可厚非！
作者: DengCK 時間: 17-8-6 11:04
yuenkw 發表於 17-8-6 10:45
人生衝有時、停有時。年輕時就要衝，
人到中年選擇停，無可厚非！
本帖最後由 DengCK 於 17-8-6 11:13 編輯
我由細到大都係咁。小學至中三年年全級頭三（天才波）之後仍然打天才波就不管用了。但符符碌碌原校升讀，又符符碌碌升到三大。之後又符符碌碌搵到不錯既工。
小學時校長係都過要寫推薦信俾我入女拔。但我媽因為遠俾我去一間地區名津。雖然唔知假如我入左女拔會點，但據我理解自己性格，我係唔逼得的，入到去可能就變籮底橙仲俾人勸退
講咁多都係想講，尊重小朋友意願，父母只能指出正確方向，不要太過介入。教識佢地做人要為自己的決定行為負責就得喇。呢個係我小小分享。
作者: DengCK 時間: 17-8-6 11:10
beagoodman 發表於 17-8-6 10:40
其實無論樓主和文章作者都是善意的。現實是有超過一半學生都未能升上所謂band1中學，莫講話所謂band 1A丶所 ...
當然明白了
所以想信佛教的，睇下呢篇文更堅定自己的決定。
不信佛教的咪當了解下人地宗教咩思想
我點解信佛教呢，因為我由細到大打天才波，真心係懶到出汁果d,眼見身邊同學出盡九牛二虎之力仍然表現平平，有點覺得有d野無謂勉強，亦勉強不來。如果你信「書緣」呢樣野，就會相信有dd人天生係讀書材料。
作者: Yanamami 時間: 17-8-6 11:25
DengCK 發表於 17-8-6 11:04
本帖最後由 DengCK 於 17-8-6 11:13 編輯
我由細到大都係咁。小學至中三年年全級頭三（天才波）之後仍 ...
我十二分同意你最尾－段肺腑之言！
作者: DengCK 時間: 17-8-6 11:32
Yanamami 發表於 17-8-6 11:25
呢个又係－个myth. DGS入边原來唔係个个要strive for excellence, 原來有唔少係安於現狀~中中间间就夠｡
我 ...
本帖最後由 DengCK 於 17-8-6 11:52 編輯
我無入到DGS我阿媽話嫌遠。我小學年年起碼兩三個入，如果我媽當時肯應該入左
我識的DGS都係strive for excellence, 有d仲係好勝到令人驚驚添，可能唔係果d已經俾人篩左出黎
作者: cmchang0927 時間: 17-8-6 12:01
回覆 DengCK 的帖子
你識嗰D會不會是我們已經大人這代?
以前D人就算讀屋村band 1都拼搏好多哦。其實我見唔合格2至3科都可以升班的，上堂半班偷玩ipad iphone。。。。父母小朋友不介意成績，基本上壓力比其他學校仲少，唔會篩走人的。。
作者: DengCK 時間: 17-8-6 12:07
cmchang0927 發表於 17-8-6 12:01
回覆 DengCK 的帖子
你識嗰D會不會是我們已經大人這代?以前D人就算讀屋村band 1都拼搏好多哦。 ...
我識果d係同我同一代。其實我都唔係好中年，3字頭的
作者: beagoodman 時間: 17-8-6 12:25
Yanamami 發表於 17-8-6 11:25
呢个又係－个myth. DGS入边原來唔係个个要strive for excellence, 原來有唔少係安於現狀~中中间间就夠｡
我 ...
誰説DGS入面個個都strive for excellence?DGS校長都保證唔到，起碼我姨㽒唔係，佢係輕鬆讀，全無補習，一年至少去4次旅行。不用太神化DG, 有狀元，也有33222不達標的。
作者: cmchang0927 時間: 17-8-6 12:35
回覆 DengCK 的帖子
咁3字頭嗰代都係勤力D了。。我都仲係差不多4字頭，但eg我先生(同年)以前讀沙田屋村band 1中學，知道自己英文唔好會自己背字典，佢D同學冇錢補習，自己努力讀書都做醫生等專業人仕。但而家呢代如果小朋友英文唔好會係家長擔心然後想辦法解決，讀不上就plan去外國讀，基本上諗法已經不同了。。
作者: Yanamami 時間: 17-8-6 12:53
DengCK 發表於 17-8-6 11:32
本帖最後由 DengCK 於 17-8-6 11:52 編輯
我無入到DGS我阿媽話嫌遠。我小學年 ...
作者: cmchang0927 時間: 17-8-6 14:56
回覆 Yanamami 的帖子
Yeah 優哉派!
其實我覺得壓力來自名次。我女以前小學部的中學，每科也派級名次，整體又派級名次，每年又跟名次重新排ABCDE班，同學們當然要strive for excellence，你讀咩班都基本上知你級排咩range了。仲有，中英數有不合格只可試升or even留班。。
作者: wongtw 時間: 17-8-6 15:18
回覆 DengCK 的帖子
無錯只要有過目不忘的天生能力，對讀書來講就足夠了，就算差少少睇一次記到8成已經足夠。我以前有個同學做完工課即時去玩年年考級一，朋友個女從無外補工課自理，普通直資級一，升中外闖考入名中，但她其它野就好大頭蝦。
作者: ar_mak 時間: 17-8-6 15:36
提示: 作者被禁止或刪除 內容自動屏蔽
作者: Heyheyjoyjoy 時間: 17-8-8 23:51 標題: 回覆樓主
「人貴自知」、「凡事量力而為」--這永遠是對的。
問題只是如何知自己有幾多斤兩？自問自己活到現在，造了阿媽，看著孩子的困難，才悟出自己的斤兩！從前讀書都是隨波逐流，我當年是去幫人補習幫補洗費的，父母小學都無得讀，讀書、學生活動等整靚自己resume的事全由自己一手一腳。如果當年我父母像今天大多數父母般給我催谷、比我學不同的東西增廣見聞，今天可能我不止於此。--這應該是今天大部份父母最害怕的事情，怕無谷而害了孩子，所以會先催谷，唔得再算。但何時衡量是否谷得？往往到爆煲……才後悔當初孩子出生只希望他健康快樂。
而催谷之路不止是孩子的事，也是整個家庭的事，孩子是否谷得，家庭能否支持（財政上時間上，逢週末去上堂…等）？唔谷的家庭又能否撐起催谷派的關心、成績落後的比較？
作為算帶著自己人生遺憾的母親，我不埋怨父母，他們盡心教了我造人的道理，給了我快樂童年，充滿自信活到成年，如今豐衣足食，還欠甚麼？個人潛能的極致發揮，是天時地利人和的結果。--父母們，孩子不會亦不應怨你，可能多跟他們傾計、生活，等他們了解自己、亦看看別人的經驗，早點開竅，達到「自知」又能「量力而為」的境界，才應是父母的最重要的工作。
樓主提出除了成績排名，還要看性格，承受壓力的能力，失去自信心，就算入到神校，畢唔到業，或以失敗之姿過6年，為乜？
作者: HaYi 時間: 17-8-9 10:42
「人貴自知」、「凡事量力而為」
在剛開始的時候如己如此想, 某程度上會被視為消極.
我覺得在定立目標時, 可以稍高, 到努力試過仍欠缺一些控制不到的天地因素, 就要在反省調整時明白"量力而為", 自己因而舒坦一些, 有力重新定立可行的新目標再次起航.
此將會是一個漫長的人生學習過程, 只有邊學邊做才能體會.
作者: byoung 時間: 17-8-9 10:58
DengCK 發表於 17-8-3 12:01
結果，我居然在升上中學的第一年期末考試，考到了全班第一名。這是我人生第一次考第一，也是最後及唯一一次 ...
(emoji)(emoji)
作者: ar_mak 時間: 17-8-9 13:08
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |