教育王國

標題: 如果小朋友所有興趣班都給藉口話唔返，怎麼辦? [打印本頁]

作者: 521joanne 時間: 17-7-29 10:19 標題: 如果小朋友所有興趣班都給藉口話唔返，怎麼辦?

只是合唱圑，話劇和溜冰，全部他其實也喜歡(因為喜歡音樂)，上完堂也開心著…但就是懶惰不願出街

每次給我不同藉口…

作者: BabyBookBu 時間: 17-7-29 11:48

My child is same as yours :) So ma fan

作者: scgift 時間: 17-7-30 09:00 標題: 回覆樓主：

本帖最後由 scgift 於 17-7-30 09:04 編輯

本帖最後由 scgift 於 17-7-30 09:03 編輯

如果係自己幫小朋友安排既興趣班，我會尊重小朋友唔會迫佢返。

話說我個女係"聞歌起舞"既人，今年暑假幫佢報左kids pop,暫時跳左2堂，見佢成堂都係跳得好開心(頭2堂家長陪上)，但問佢暑假完左後想唔想繼續上跳舞班，佢就話唔想，原因係覺得跳成堂好攰(我見到佢真係跳左大半堂後明顯幾攰)。

雖然我女好喜歡音樂好喜歡跳舞+老師教得幾好+我想阿女跳下等身體協調度好啲，但係我唔會迫佢繼續上，唔想咪唔跳囉。

P.S.我女恆常有上開音樂班，我女係幾眼瞓幾攰甚至病住都會想去上堂，仲要係由屯門出尖沙咀上堂。所以佢開口話唔想上既，一定係唔夠吸引佢/真係覺得辛苦。

作者: hippo1115 時間: 17-7-31 14:00

我囝都係,開頭英文堂唔番,而家連佢鍾意既畫畫都唔番,點算...

作者: peacefulsea 時間: 17-7-31 18:06

521joanne 發表於 17-7-29 10:19
只是合唱圑，話劇和溜冰，全部他其實也喜歡(因為喜歡音樂)，上完堂也開心著…但就是懶惰不願出街
每 ...

我仔都會架要問原因例如我仔可能佢覺得運動班有D動作做唔到就想逃避唔想返但係其實鍾意返的又例如我仔每次去畫畫班都好主動自己入畫室但係問親佢都話唔想去原來佢覺得一個鐘太長唯有繼續鼓勵佢上 unless佢好唔鍾意返甘一定唔會逼啦

作者: mamami2017 時間: 17-8-3 11:19 標題: 回覆樓主

可能小朋友攰所以唔想返，如果係我會暫停所有活動起碼幾個月先再問下小朋友想唔想學返。依家繼續學落去「挨」嘅感覺只會越來越重。我自己鍾意跑步，彈琴、等都有時想停下，休息下。三樣活動雖然唔係好多，但加埋交通時間又定時定候都可能會辛苦

作者: now_mom 時間: 17-8-9 16:24

scgift 發表於 17-7-30 09:00
本帖最後由 scgift 於 17-7-30 09:03 編輯

如果係自己幫小朋友安排既興趣班，我會尊重小朋友唔會迫佢返。

agree. 睇下唔想返嘅程度同原因, 興趣班係想小朋友快樂學習,培養興趣, 如果要迫就無意思.
如果有3個班, 我會減少1或2個班, 留返佢比較唔抗拒嘅班. 有時小朋友上堂都會有壓力同累~

作者: AmandaY 時間: 17-8-9 18:26

scgift 發表於 17-7-30 09:00
本帖最後由 scgift 於 17-7-30 09:03 編輯

如果係自己幫小朋友安排既興趣班，我會尊重小朋友唔會迫佢返。

可否 pm kids pop 資料給我，我一直搵緊 pop dance 資料，謝謝

作者: Mansmum 時間: 17-9-14 15:22

peacefulsea 發表於 17-7-31 18:06
我仔都會架要問原因例如我仔可能佢覺得運動班有D動作做唔到就想逃避唔想返但係其實鍾意返的又例如我仔 ...

同意，有時原因唔一定係小朋友冇興趣，可能唔鐘意老師，可能有朋友仔蝦佢，可能逃避，所以要旁敲側擊了解。

歡迎光臨教育王國 (/)