教育王國
標題: 過英國陪小朋友開學 [打印本頁]
作者: 過客 時間: 17-7-23 21:23 標題: 過英國陪小朋友開學
請問有冇媽媽陪小朋友去開學? 媽媽會點安排行程?
學校又點安排? 第一日到學校, 學校是否比媽媽留在小朋友 borading house 同佢汁行李出黎及同佢地擺放好? 同埋之後數日會否去學校了解一下及留意下小朋友有冇問題出現?
作者: katrinafu 時間: 17-7-23 21:51
過客 發表於 17-7-23 21:23 
請問有冇媽媽陪小朋友去開學? 媽媽會點安排行程?
學校又點安排? 第一日到學校, 學校是否比媽媽留在小朋 ...
本帖最後由 katrinafu 於 17-7-23 21:53 編輯
我去年有陪女兒去開學！
如果你Agent 肯幫忙， 可叫Agent 代勞， 你又可自己都可直接聯絡學校， 可預約買校服和參觀學校及宿舍 。
我去年是 在開學前10天到倫敦， 落機後休息一天， 第3天到學校 買校服和參觀學校和宿舍 （我自己與學校預約）， 第4天約了監護人和參觀宿舍 ， 其餘時間都是參觀倫敦名勝， 讓孩子了解一下當地 ，還有是買野， 被、床單，枕頭，衣服， 上學黑皮鞋 ， 沖涼液洗頭水，零食 ， 學校要求 網球拍 ，牙膠 等等 ！
到開學那天陪同女兒開學， 在宿舍幫她收拾行李， 學校有安排 每一班 開家長會 。
作者: brother4 時間: 17-7-24 09:02 標題: 回覆樓主:
同上 佢話得好好，想什麽同 學校講，學校會安排的。。一般同小朋友入宿舍放低行李，之後會參觀學校，自己會在學校一起尓小朋友食lunch後離開，到附近往多幾天，同有什麽要補充/買。。
作者: 3b 時間: 17-7-24 14:08
過客 發表於 17-7-23 21:23
請問有冇媽媽陪小朋友去開學? 媽媽會點安排行程?
學校又點安排? 第一日到學校, 學校是否比媽媽留在小朋 ...
學校還沒有提供入住日的run down? 阿仔學校在5月已給了時間表, 由早上9點到校開始, 暫放行李, 選床舖, 之後度身買校服, 見護士, 交個人詳細健康表格, 見舍監, 交低護照及零用錢, 跟校長老師及寄宿同學一齊吃午餐, 初步互相認識, 校內參觀, unpack行李, 大約5點家長就要離開, 之後兩日學校及buddy會詳細講解學校手則, 第三日正式開學.
現在學校正放暑假, 你最好問下agent是否有資料可以提供, 因為每間學校的安排都不同
作者: 過客 時間: 17-7-24 16:59
本帖最後由 過客 於 17-7-24 17:01 編輯
3b 發表於 17-7-24 14:08
學校還沒有提供入住日的run down? 阿仔學校在5月已給了時間表, 由早上9點到校開始, 暫放行李, 選床舖, 之 ...
我有問 Agent, 我想陪佢開學, 但 Agent 話好似唔多方便, 但如果搵日 Visit 可以, 但要講定一日, 再看看學校可否.
我都聽過有媽媽話開學首日可以同小朋友一齊汁喼, 但 Agent 話男女有別, 可能未必方便. 請問你地是否這樣的?
作者: cwlam30 時間: 17-7-24 17:30
通常學校的開學日會有茶會，學校職員都會帶家長遊校園及boarding house, 可以叫agent問問學校如何安排
作者: katrinafu 時間: 17-7-24 17:48
過客 發表於 17-7-24 16:59
學校會有 Run Down? Agent & 學校都冇比過任何資料我.
我有問 Agent, 我想陪佢開學, 但 Agent 話好似唔多 ...
本帖最後由 katrinafu 於 17-7-24 18:59 編輯
你仔那間學校名 ？看看這裡有沒有同學家長，可以告訴你知 ！
學生性別有別，但都可以有家長協助unpack 行李，只會要幾點前離開宿舍，我女兒女校，都容許男性（爸爸 ） 上宿舍，但要5點前 離開。
學校開學都會有Run down , Agent 唔知唔出奇， 因為學校是 寄信件和Email 給我 ， 學校沒發資料給Agent .
學校可能分兩日不同級別開學（每間學校不同）， 你留意 學校寄 信件或email 給你有提及 ， 或上學校網看看 ！
最好方法是直接email 問學校 ！
作者: DindinChoi 時間: 17-7-24 18:36
相信每間學校 第一天開學都會有茶會 再安排參觀校社 我阿仔都好 你問清agent
作者: 過客 時間: 17-7-24 21:16
多謝各位回覆.
學校有張好簡單的時間表.
第一天 :3:00pm 到校. 4:00pm 茶會. 6:00pm 其餘學生回校.
第二天 正式開學.
就是這麼簡單, 沒有提及新宿生參觀學校, 宿舍等, 亦沒有提及 "家長" 兩字.
作者: katrinafu 時間: 17-7-24 21:57
過客 發表於 17-7-24 21:16
多謝各位回覆.
學校有張好簡單的時間表.
第一天 :3:00pm 到校. 4:00pm 茶會. 6:00pm 其餘學生回校.
參觀 ⋯是我預約 提早幾天去參觀 。
你主動向學校提問 ！
作者: 3b 時間: 17-7-25 09:18
過客 發表於 17-7-24 16:59
學校會有 Run Down? Agent & 學校都冇比過任何資料我.
我有問 Agent, 我想陪佢開學, 但 Agent 話好似唔多 ...
你的agent講法好奇怪, 什麼"好似唔多好"? 你用那間agent?
如果學校沒有在到校日安排學生及家長參觀, 你可以要求他們問學校, 到時可否早些到學校, 又或者早一日過去看看? 另外, 什麼"男女有別"的說法更搞笑, 阿仔學校是男校, 難道只有同性別才可以去學校? 只怕是你的agent太懶, 不想跟進. 如果這麼不幸運, 只好自己發電鄱直接問學校
作者: cwlam30 時間: 17-7-25 11:59
你可以出個email問問如果提早進校可唔可以參觀，通常開學第一日都無咩問題，正如3b話齋，如果Agent太懶 唯有自己出email問問
| 歡迎光臨 教育王國 (/) |
Powered by Discuz! X1.5 |