教育王國
標題: 淺談行為治療 [打印本頁]
作者: janejanewu 時間: 17-7-18 00:15 標題: 淺談行為治療
大家有咩問題，關於行為治療、自閉症教學等等相關嘅都可以問我呀！我最近有時間，好想同大家分享下，但逐個逐個回覆大家嘅私訊太唔方便啦，所以開post開心share啦。 我識答都會答，隨便問。
作者: pig_mug 時間: 17-7-19 09:28 標題: 回覆樓主
想請問下遊戲治療與行為治療有什麽分别？
我仔5歲時做過政府評估，應該唔算自閉/專注力不足/過度活躍，但係心理醫生話佢有d焦慮，要多加留意，尤其佢升小一要特别留意（佢來緊9月升小一），不過就無需返去跟進。
我們留意到佢真的跟＂社交焦慮＂的很相似，出去其他學校考試，到學校門口哭得很厲害。
最近，他的態度很差，佢自己好忟，出手打妹妹，特别容易哭，好想引導他可以講出了，但係佢唔識表達，仲想逃避我地一齊傾，有什麽辦法？
作者: janejanewu 時間: 17-7-24 09:49
回覆 pig_mug 的帖子
想請問下遊戲治療與行為治療有什麽分别？
行為治療係針對孩子嘅行為，就自閉寶寶黎講，就可以係矯正佢做一啲社會上不接納不歡迎，同獎勵佢做多d好嘅行為，等佢可以建立簡單嘅社交活動。
現時，行為治療都算係最幫助到自閉寶寶嘅訓練，因為訓練時用到嘅指令簡單直接，行為之後嘅獎勵同後果亦都好明確，變左小朋友好快就學到要做乜野。
而遊戲治療會透過玩嘅過程，達至治療嘅目的，可能就會係玩玩下去觀察同分析小朋友點解要咁樣玩。我會覺得遊戲治療係比小朋友一種抒發方法，好讓大人治療師明白佢嘅世界，從而去幫佢。
我本人認為遊戲治療適合一d識得玩嘅小朋友，其實學識玩對自閉寶寶黎講都唔易。因為玩都會需要到社交、同理心、專注力、想像力等等嘅技巧。所以你可以同佢地去玩，但未必有直接幫助到自閉寶寶。不過咁唔代表自閉寶寶唔可以玩！！！
好嘅治療師其實會按小朋友嘅能力去進行訓練，更加會用綜合嘅方式去教，有行為治療師都會同小朋友透過遊戲一齊去學習社會常規。
你嘅情況可能透過行為治療，減低焦慮情況，教佢控制自己當下情緒同用言語表達，課餘時間可以加上遊戲治療，未必要佢自己講出，要靠你去觀察分析，俾佢抒發到情緒即可。
難得嘅係佢有妹妹，可以係屋企訓練社交！
作者: leungsweethome 時間: 17-7-24 10:00
janejanewu 發表於 17-7-18 00:15 
大家有咩問題，關於行為治療、自閉症教學等等相關嘅都可以問我呀！我最近有時間，好想同大家分享下，但逐個 ...
如果2歲小朋友有時發脾氣，行為自我，可以怎樣訓練他。
我都有言語告知他不對，他就好不開心
。
例如和哥哥爭玩具後，發脾氣，有什麼良方，請錫教！
作者: janejanewu 時間: 17-7-24 10:31
回覆 leungsweethome 的帖子
如果2歲小朋友有時發脾氣，行為自我，可以怎樣訓練他。
我都有言語告知他不對，他就好不開心
。
例如和哥哥爭玩具後，發脾氣，有什麼良方，請錫教！
首先要明白同情兩歲小朋友會經歷依個發展階段，佢會透過爭玩具去建立自尊自我，如果自己乜都做唔唔到，佢會覺得好羞恥。可以睇下Erikson Developmental Stage theory
你明白依點呢之後，就可以同哥哥聯手一齊教佢，用行為治療。
玩嘅時候，媽媽要告知咩係岩嘅「搶」玩具方法：
遵守約定：例如事前講明要論流玩，遵守約定嘅小朋友，就可以玩先。
忍耐等待：分玩具之前要佢地一齊等一陣先玩，肯等嘅就可以玩。
用語言表達：教佢可以拍拍或指住玩具表達佢想要，而非想要就即刻用手搶。不論哥哥弟弟，你都要大讚！佢做到就要大讚
行為治療會就小朋友嘅行為，作出回應同俾個後果小朋友，等佢知道要「搶」玩具應該點樣做先岩。但重要嘅係，家長同治療師要識得睇時機，邊個行為要糾正，點樣稱讚，都好影響治療成效。記住：喊同發脾氣要唔好理會，甚至要沒收玩具，爭就兩個都無得玩。
另外，千祈唔好因為佢係弟弟就迫哥哥讓佢，家長要做到公平，要理哥哥嘅感受。你可能會係讚哥哥嘅時候，令弟弟見到原來讓玩具出來都有好處，媽媽會讚。
記得唔好用死一套方法，行為治療中，可以心平氣和傾下計，講下道理，媽媽有信心不妨預測下小朋友嘅感受，講出黎，等佢地知道媽媽明白佢地感同身受，就會受教d嫁啦。又或者媽媽可以動動腦筋，令到件玩具要有兩個人要分享先好玩嘅，佢地就會明白分享嘅重要！
作者: leungsweethome 時間: 17-7-24 13:35
janejanewu 發表於 17-7-24 10:31
回覆 leungsweethome 的帖子
如果2歲小朋友有時發脾氣，行為自我，可以怎樣訓練他。
謝謝
作者: pig_mug 時間: 17-7-25 04:01
janejanewu 發表於 17-7-24 09:49
回覆 pig_mug 的帖子
Thank you very much.
作者: bksummer 時間: 17-7-26 12:32 標題: 回覆樓主:
請問亞氏仔講野大聲，對聲音很敏感，有咩方法可以糾正?多謝先
作者: janejanewu 時間: 17-7-26 21:00
bksummer 發表於 17-7-26 12:32
請問亞氏仔講野大聲，對聲音很敏感，有咩方法可以糾正?多謝先
未知你個小朋友幾大，方法可以唔一樣。
細嘅話: 你可以試下當佢太大聲時 俾圖咭佢睇,示意俾佢知 你覺得佢大聲。訓練佢見到個張圖咭,就要降低聲線!
大啲嘅話：
一開始可以準備啲真人嘅相片，都要係以上聽到大聲嘅人嘅表情同反應，俾佢睇，等佢學識辦認對方嘅表情先。
如果佢開始明，就可以教佢睇真人尾頭眼額，你可以同佢傾計時 e.g 刻意做um 耳仔嘅動作/身體向後/皺住尾 俾直接反應佢（可以拎埋上面用個張圖咭/相片）
當佢做到講嘢用適當聲線時或會嘗試細聲講，你可以讚佢 「我鐘意同你傾計」「同你傾計好舒服」 。當然加粒糖或者power hug 都可以。
作者: bksummer 時間: 17-7-26 23:18
janejanewu 發表於 17-7-26 21:00
未知你個小朋友幾大，方法可以唔一樣。
細嘅話: 你可以試下當佢太大聲時 俾圖咭佢睇,示意俾佢知 你覺得佢 ...
多謝分享 我仔5歲 距識睇人面色(特別係家人)，但講野如急於表達就不知不覺容易興奮跟住大聲，我地有口頭提示距，不過距成日忘記
作者: wh1901 時間: 17-8-2 10:42
想問ABA的不足之處？
作者: Activehealth 時間: 17-8-2 12:37
wh1901 發表於 17-8-2 10:42
想問ABA的不足之處？
政府無，要私家才有。貴因要人手密集的（尤其係當小朋友叻咗，要多人角色扮演），三年（最多）每星期要做四十小時（二十五至四十小時），計落要過百萬，唔係個個負擔得起，仲要好睇治療師功力，唔係間間個個治療師得，有啲直程呃錢。
https://www.verywell.com/how-much-applied-behavioral-analysis-is-enough-259915
作者: wh1901 時間: 17-8-2 13:09
Activehealth 發表於 17-8-2 12:37
政府無，要私家才有。貴因要人手密集的（尤其係當小朋友叻咗，要多人角色扮演），三年（最多）每星期要做 ...
本人無想過試，只是考慮當中的問題，如當中的獎賞方法，會否易放難收，怎樣去除獎賞方法，孩子仍然做到，甚至於去到能夠真正內心明白而自願行動呢？想也可以想像到要很長時間，花費一定不少。
作者: Activehealth 時間: 17-8-2 15:59
wh1901 發表於 17-8-2 13:09
如有些是厄錢，家長如何能分別出來？
本人無想過試，只是考慮當中的問題，如當中的獎賞方法，會否易放難收 ...
治療師無正式資歷，又無經過正統ABA訓練。無short term/ long term goals, 做嚟做去都唔知train 咗乜。
有間叫AUTXXX RECOVXXX NETWXXX 老闆「癲佬」專請菲藉外傭扮專家去人地屋企幫A仔做ABA, 價錢唔平，知道唔少人上咗當，啲小朋友train 幾年都無進步。
之前post 都有jm話過個外甥領過野，叫其他人千祈唔好幫襯。
作者: cheechi 時間: 17-8-2 17:34
Activehealth 發表於 17-8-2 15:59
治療師無正式資歷，又無經過正統ABA訓練。無short term/ long term goals, 做嚟做去都唔知train 咗乜。
...
請問係邊個post ?thanks !
作者: jocelynqq 時間: 17-8-3 01:34
提示: 作者被禁止或刪除 內容自動屏蔽
作者: jocelynqq 時間: 17-8-3 01:43
提示: 作者被禁止或刪除 內容自動屏蔽
作者: janejanewu 時間: 17-8-3 10:07
wh1901 發表於 17-8-2 10:42
想問ABA的不足之處？
本帖最後由 janejanewu 於 17-8-3 10:09 編輯
我覺得行為治療最大嘅不足 係只講行為，無顧及小朋友嘅情緒、思考、自決等要素。 簡單黎講，行為治療好似係訓練梗狗，單純為左食物奬勵而做左適當行為。所以我覺得一個好嘅治療師一定要做到情理兼備，用integrated approach。行為治療可以係入門教小朋友basic嘢嘅方法，但當孩子有能力有認知發展就應該教小朋友滿足食物玩具以外嘅需求，例如自尊心 歸屬感 同人嘅親密⋯⋯ 正因為咁行為治療師其實唔知係獎你食粒糖禁簡單，佢地會用social praise拍手起哄、讚你做得好、攬住你⋯⋯等等，目的係想小朋友做好事好行為，唔係為basic needs 食，而係應該追求更高層次嘅需求。
另外，治療師其實會間中扮唔俾奬勵或者hea俾social praise 因為我地都知道 依個社會唔係一分耕耘一分收穫，現實生活中小朋友可能做左好嘢都未必有人讚。
始終任何治療方法都係只針對某方面，所以好多心理學家都選擇用多過一種嘅，佢地可以係某一個approach特別熟，但大家都一定會考慮到其方法嘅不足，再用自身或其他方法approach。
總括而言，行為治療係有不足，但好睇治療師知唔知同有無考慮小朋友其他需要發展，否則就真係train狗。
作者: janejanewu 時間: 17-8-3 11:59
wh1901 發表於 17-8-2 13:09
如有些是厄錢，家長如何能分別出來？
本人無想過試，只是考慮當中的問題，如當中的獎賞方法，會否易放難收 ...
家長點分好唔好，我會建議你真心了解行為治療係乜先，幫親左就一定要睇個仔女上堂或者向治療師請教同每事問，咁你就會識自己教同分得出教嘅人好唔好。 好多家長只肯俾得起錢，但唔肯學唔肯教，其實都會影響訓練成效進度。
作者: janejanewu 時間: 17-8-3 12:33
Activehealth 發表於 17-8-2 15:59
治療師無正式資歷，又無經過正統ABA訓練。無short term/ long term goals, 做嚟做去都唔知train 咗乜。
...
首先治療師無正式資歷係因為香港對行為治療師需求比起其他治療師speech同occupational唔大，所以依一行無得讀無香港政府認可資格，以致治療師質素唔係一定差，只係會參次啲，對家長好無保障。
治療師有無經過正統ABA訓練就要睇機構有無俾訓練佢地。
以我經驗，我supervisor 會訂iep俾學生，有哂goals 只係唔會寫明short term/ long term goal，其實上堂唔睇iep治療師係會知道train乜，因為佢地日日對住個kid 入哂腦嫁啦，但家長肯唔肯花時間去了解iep內容，知唔知人地train乜 就見仁見智啦。
另外，我開得post就唔介意分享同接受意見批評，亦唔介意公開身份。我正正係依間公司train出黎。所以都可以解答到你地對依間公司嘅疑問。
中文治療師同菲律賓好唔同，有文化影響，菲律賓嘅會揸緊啲獎罰，執行起aba會直接了當啲,小朋友服從性高; 不過我會更喜歡中文fresh grad個班(曾經嘅我)，佢地岩岩入行，好有passion 好有heart 真係當client係親生仔（菲律賓會做得來啲年資長有啲更係媽媽，所以會俾人覺得係受過專業訓練嘅多啲） 。
同埋香港治療師有受中國文化影響，會教到小朋友同理心，會講多啲感覺內心嘅嘢唔只得行為，佢地好重視小朋友嘅mental health多過behaviour problem, 唔同美國菲律賓個種多講獨立自主。所以中文治療師會教到小朋友有同理心、合作等。
而且治療師每一個都有自己style, 唔可以一概而論，雖然我無再係依度做，但我認識過嘅治療師都有好好好好嘅，大家可以多了解先作判斷。
作者: bearmrsyee 時間: 17-8-3 13:40
想問下，仔早產2個月，出世 18個月，已知低張力，未行，發展遲緩，口肌弱，最令我頭疼的是，他近排經常玩眼，手，望牆，sofa,欄杆，床，人都射喱眼，拍手又拍歪，刻意望手，有辦法嗎？
你是上門治療師？治療那方面呢？？
作者: wh1901 時間: 17-8-3 13:49
本帖最後由 wh1901 於 17-8-3 13:55 編輯
janejanewu 發表於 17-8-3 10:07
本帖最後由 janejanewu 於 17-8-3 10:09 編輯
我覺得行為治療最大嘅不足 係只講行為，無顧及小朋友嘅情 ...
我自己訓練過動物（非狗，狗已是易處理一類），所以才明白ABA開始是像訓練動物，才提問ABA之不足，如治療師做得不好等。
相信家長自己訂立IEP去做，比交由他人做更好，因為家長才最了解孩子，免卻了由治療師教完，交回比家長，家長卻 follow 唔到的情況，或是小朋友固執只肯做比治療師等問題。
相信最艱是如何不斷提升小朋友（如何自己思考並行動），如果家長可以自己做到，會省卻大量花費，及可以在訓練過程中更了解自己孩子的想法。
作者: wh1901 時間: 17-8-3 13:55
janejanewu 發表於 17-8-3 12:33
首先治療師無正式資歷係因為香港對行為治療師需求比起其他治療師speech同occupational唔大，所以依一行無 ...
作者: cheechi 時間: 17-8-3 18:55
janejanewu 發表於 17-8-3 12:33
首先治療師無正式資歷係因為香港對行為治療師需求比起其他治療師speech同occupational唔大，所以依一行無 ...
你地有無人考BCBA?我曾經找有BCBA的治癒師，收費高昂令人腳步
作者: janejanewu 時間: 17-8-9 10:43
bearmrsyee 發表於 17-8-3 13:40
想問下，仔早產2個月，出世 18個月，已知低張力，未行，發展遲緩，口肌弱，最令我頭疼的是，他近排經常玩眼 ...
本帖最後由 janejanewu 於 17-8-9 11:13 編輯
本帖最後由 janejanewu 於 17-8-9 11:12 編輯
關於治療師問題，已pm
玩眼玩手就睇下面回覆啦。
作者: janejanewu 時間: 17-8-9 11:09
janejanewu 發表於 17-8-9 10:43
我見過不少自閉症小朋友會近排玩眼，玩拍手射喱眼，，等拍手又拍歪，刻意望手，有辦法嗎？
...
佢依啲係自我刺激行為，愈細介愈好，但有時佢地可能要做依啲動作先會覺得平衡舒服啲，所以我都數都唔會強烈阻止，特別係喺佢自己休息時間。相反，如果上梗堂學習梗就要停止佢玩眼玩手，要分散佢注意再重新回道學習梗嘅項目度。
如果佢自己無嘢做就玩眼玩手，家長得閒就應該搵嘢同佢一齊玩，可以係好簡單唱歌，令佢嘅自我刺激行為被取代成好嘅行為，又可以分散佢注意而令佢停止玩手玩眠，咁樣比直接出口話佢，比捉住佢隻手阻止佢，更加適合。
例針對拍手行為，你可以俾個鼓佢打，令佢拍打嘅行為可以被世俗眼光接受。
不過講到底，都係自身身體需要，佢地自己都控制唔到，所以行為治療針對依樣嘢係治漂不治本。
家長可以睇下有無感統訓練可以做，睇下可否減少小孩自我刺激行為，因為依方面我都唔熟悉。同埋玩眼玩手可能只係階段性，大啲就可能自然唔玩，但會玩其他嘢。所以唔好太緊張張迫佢地唔好玩眼玩手，可試下上面嘅方法，自然而行。
作者: kiuzoe 時間: 17-9-5 00:11 標題: 回覆樓主
你好，請問社交及情緒管理點様改善好？
小女現讀k3，老師見意去上有關課程。
小女智力冇特別問題，係比較懶做功課，要催住做。社交差，同同齡小朋友玩唔埋堆，鍾意自己玩 。同人溝通冇眼神接觸，同我講嘢，都成日望左第二度，要不斷提醒佢要望住人對眼睛講嘢。
性格好固執，唔聽指令，只做自己喜歡的事。
同家中小朋友爭玩具或零食時，咩都要搶住自己第一個享用，冇咩同理心，比較霸道。
做錯事，唔肯認錯，自我中心強。
遇上小小不如意就會即發脾氣，掉嘢或發脾氣，哭鬧不停。
以上行為，如果我在埸教育一下，會好少少。
其實係屬於sens一種嗎？
定係主攻社交情緖班改善？
是否遊戲方式較適合？
有冇機構可以介紹下，
Thank you so much.
作者: imsaige 時間: 17-9-10 18:36
提示: 作者被禁止或刪除 內容自動屏蔽
作者: kiuzoe 時間: 17-9-15 23:35
imsaige 發表於 17-9-10 18:36
睇你嘅形容，女女喺情緒社交方面有困難，而專心唔到最好搵到core 原因，例如有冇可能係 ADHD features.
...
感謝回覆，想了解更多有關以上課堂資訊，或介紹邊間中心比較好，thank you !!
作者: zeroma99 時間: 17-9-17 09:48
janejanewu 發表於 17-7-18 00:15
大家有咩問題，關於行為治療、自閉症教學等等相關嘅都可以問我呀！我最近有時間，好想同大家分享下，但逐個 ...
Can you give me some more details regarding The program?
作者: imsaige 時間: 17-9-21 00:13
提示: 作者被禁止或刪除 內容自動屏蔽
作者: vvik 時間: 17-9-29 00:56
imsaige 發表於 17-9-10 18:36
睇你嘅形容，女女喺情緒社交方面有困難，而專心唔到最好搵到core 原因，例如有冇可能係 ADHD features.
...
請問邊度有言語治療師俾小朋友改善社交及情緒問題？我小朋友同樓上jm所講的相似度有9成，而家都煩惱緊呢個問題，排緊政府同協康，想搵私家盡快處理同搵方法幫小朋友
作者: imsaige 時間: 17-9-29 13:01
提示: 作者被禁止或刪除 內容自動屏蔽
作者: dearmm 時間: 17-10-8 03:06 標題: 回覆樓主
小朋友讀高小，學術成績好，操行B＋，但二年級時受高年級欺凌影響結交朋友嘅自信心，現在社交能力已改善，但當有些同學重提佢二年級的花名，他就耿耿於懷，情緒低落，憤怒，請問我應如何教他面對和釋懷呢？
作者: dearmm 時間: 17-10-8 03:07 標題: 回覆樓主
另請問什麼是IEP?
作者: dearmm 時間: 17-10-8 03:11 標題: 回覆樓主
另請教如何改善容易和別人有衝突的社交問題呢？
作者: kiki82830 時間: 17-10-8 13:24
我個囡囡20個月大，剛開始有指指的行為，有bb話，我想問我佢算唔算遲呢？
如果算遲，佢係唔係要去上行為訓練和言語訓練？
有冇邊間有好啲專業啲嘅機構可以介紹下我呀？
| 歡迎光臨 教育王國 (/) |
Powered by Discuz! X1.5 |