教育王國
標題: 其實學校的老師會唔會"屈"學生 [打印本頁]
作者: Duffy15 時間: 17-7-13 10:48 標題: 其實學校的老師會唔會"屈"學生
阿女近排成日同我講老師成日屈佢，又話老師做事好唔公平，阿女好委屈同我講佢無咁做，老師就話佢有咁做，我又不在場，我又不知道事實真相，但我當然要先信阿女，老師表面好似好好，同從阿女口中又唔係咁，好大分別，有時阿女講返出黎，老師d說話好傷小朋友心。做家長可以點做?
作者: 小曳人 時間: 17-7-13 10:55
本帖最後由 小曳人 於 17-7-13 10:57 編輯
有無同其他家長私下傾過？有時自己嗰件講嘅嘢可能同其他小朋友見到嘅有出入，我傾向會問2-3個小朋友，然後重組故事
作者: barbiBB 時間: 17-7-13 11:04
提示: 作者被禁止或刪除 內容自動屏蔽
作者: Duffy15 時間: 17-7-13 11:04
小曳人 發表於 17-7-13 10:55 
有無同其他家長私下傾過？有時自己嗰件講嘅嘢可能同其他小朋友見到嘅有出入，我傾向會問2-3個小朋友，然後 ...
我係在職媽，好少見到其他家長，同時，老師通常叫她到教員室講，無其他同學在場，有一次，坐隔壁的老師還插嘴講在d令阿女好唔開心既說話。我怕老師標籤她，時常借意話她，令她越讀越唔開心(emoji)
作者: Duffy15 時間: 17-7-13 11:13
barbiBB 發表於 17-7-13 11:04
我認為感覺好主觀
小朋友或者會放大了被屈或被針對的感覺
但空穴來風 未必無因！
我就係唔知點可以搵出真相? 問老師，我又怕得罪學校，令阿女在校更難受。我都應為阿女無必要屈老師(因阿女向我投訴好多次)，我跟她說，係咪妳係學校做得唔好/頑皮，她就好嬲同我講，佢無咁做，妳唔相信我。唉！真的很煩。
作者: barbiBB 時間: 17-7-13 11:16
提示: 作者被禁止或刪除 內容自動屏蔽
作者: Duffy15 時間: 17-7-13 11:18 標題: 回覆樓主:
有無jm親身經歷過這種情況，可以分享下心得點樣面對。皆因阿女還有3年在這學校學習
作者: barbiBB 時間: 17-7-13 11:18
提示: 作者被禁止或刪除 內容自動屏蔽
作者: barbiBB 時間: 17-7-13 11:19
提示: 作者被禁止或刪除 內容自動屏蔽
作者: Duffy15 時間: 17-7-13 11:21
barbiBB 發表於 17-7-13 11:16
哎呀呢個係死穴！
不應該問女係咪佢錯
佢會覺得你偏幫老師
我知呀！之後我無咁做啦，我安慰她並跟她說爸媽知道妳的感受，我們會支持妳，叫她再有什麼不開心一定要跟爸媽分享，後來，我感到她開心一點，亦感覺到家人在支持她。
作者: barbiBB 時間: 17-7-13 11:22
提示: 作者被禁止或刪除 內容自動屏蔽
作者: cutieringo 時間: 17-7-13 11:29
Duffy15 發表於 17-7-13 10:48
阿女近排成日同我講老師成日屈佢，又話老師做事好唔公平，阿女好委屈同我講佢無咁做，老師就話佢有咁做，我 ...
老師係會「屈」小朋友，但我會建議你問返老師了解清楚件事，或者好似樓上講問多幾個小朋友先。
我細個都俾老師「屈」過，小學時學大人寫「9」字，數學老師當時係成班同學面前，捉我出黎問係咪自己寫定係人地幫我做，當時我解釋過我自己寫，佢唔信我仲話要打俾我媽咪，所以屈打成招我就認左係補習同學幫我做
我好彩遺傳我老豆樂觀，唔係自殺死左好多次！
作者: Duffy15 時間: 17-7-13 11:30
barbiBB 發表於 17-7-13 11:22
係！
但呢老師屈佢咩？
同埋老師咁harsh係因為學校勁？
我都唔知點解佢對阿女咁harsh，只係經常覺得阿女攪事，因阿女講野都叻，唔知係咪有時小朋友好單純，講左一d令老師唔開心說話都唔知? 但她身邊幾個好朋友都覺得這老師不公平。我都同阿女講今學期都完啦！下個學期自己做好d，希望她新學年能遇上位有愛心及包容學生的老師啦！
作者: santakit 時間: 17-7-13 11:31
barbiBB 發表於 17-7-13 11:04
我認為感覺好主觀
小朋友或者會放大了被屈或被針對的感覺
但空穴來風 未必無因！
記小過?
吾係要“完全冇合理疑點”先可以入罪嗎？ （我自己覺得standard吾係應該噤嚴謹嗎？
似乎學校真係是是但但。。。我都吾鍾意噤。。）
作者: barbiBB 時間: 17-7-13 11:37
提示: 作者被禁止或刪除 內容自動屏蔽
作者: barbiBB 時間: 17-7-13 11:38
提示: 作者被禁止或刪除 內容自動屏蔽
作者: Duffy15 時間: 17-7-13 11:43
cutieringo 發表於 17-7-13 11:29
老師係會「屈」小朋友，但我會建議你問返老師了解清楚件事，或者好似樓上講問多幾個小朋友先。
我細個都 ...
問老師，她只會話妳女不對唔通不停同她爭論 所以最終決定唔找老師問(自己都有諗自己係咪好無用，無為阿女爭取過)。另，因阿女好開心暑假會去遊學團，相信她有對同學及老師講此事，但老師打比我話叫她唔好係學校成日講喎，免其他同學難受。之後，我叫阿女唔駛每樣野都要周圍講，但事實小朋友開心同同學分享都是錯(可能阿女講得多過籠)。
作者: Duffy15 時間: 17-7-13 11:49
barbiBB 發表於 17-7-13 11:38
呀女女都會駁咀？
同佢講禮貌既重要
我諗阿女唔係駁咀，不過她會覺得唔係自己錯會同老師講返。但我覺得老師可能唔會鍾意學生這行為。我都有教阿女最緊要對老師有禮貌，唔係老師一定唔鍾意妳。叫她最好係學校唔好講咁多野。唉！
作者: barbiBB 時間: 17-7-13 11:54
提示: 作者被禁止或刪除 內容自動屏蔽
作者: 小曳人 時間: 17-7-13 11:57
Duffy15 發表於 17-7-13 11:04
我係在職媽，好少見到其他家長，同時，老師通常叫她到教員室講，無其他同學在場，有一次，坐隔壁的老師還 ...
你地無家長群組？有時可能醜d，但我真係會响群組問：今日阿仔發生過咩事俾老師話？
作者: Duffy15 時間: 17-7-13 12:03
小曳人 發表於 17-7-13 11:57
我唔係講阿女同老師講乜，而係~發生咩事，引至佢被老師"問話"總有人會見到發生過咩事
你地無家長群組？有 ...
我份工比較忙，所以無時間/機會接觸其他媽媽，我諗小四自己會抽d時間參與學校活動，借機會認識下同班家長先得。多謝各位jm回覆，希望阿女小四有運行
作者: Duffy15 時間: 17-7-13 12:03
barbiBB 發表於 17-7-13 11:54
小四就無事！
呢個情況都係今年姐！
放心
多謝鼓勵
作者: 小曳人 時間: 17-7-13 12:04
有個故事可分享
A同B係好朋友，一齊坐，A係乖學生，B係曳曳地嘅
有日有個同學想整古A，但A唔知情/無打開嘅情況下，俾咗B，B發現就怪A玩佢
老師發現，就問A係咪佢做嘅，A心諗：認咗無咁煩
於是認係自己做嘅
老師打俾家長，家長返去了解後同老師解釋，最後仲被老師哦一輪
結論：小朋友比家長聰明，了解人情世故，响學校，如果係小事，就唔好問錯對
作者: cutieringo 時間: 17-7-13 12:08
Duffy15 發表於 17-7-13 11:43
問老師，她只會話妳女不對唔通不停同她爭論 所以最終決定唔找老師問(自己都有諗自己 ...
遊學團係咪自己學校？
我明白佢周圍講係唔太好，但係佢肯講好過收埋係心！
雖然唔係好清楚係發生你個囡係咩事，我想問打俾你果位老師，係咪同一位老師？
不過我覺得你應該同返阿囡講你係支持佢，但係要佢自己面對，因為將來出黎做野，呢啲情況唔會少得過宜家！最重要屋企人既backup！
作者: Duffy15 時間: 17-7-13 12:11
小曳人 發表於 17-7-13 12:04
有個故事可分享
A同B係好朋友，一齊坐，A係乖學生，B係曳曳地嘅
阿女曾同我講過，有時有d事發生同老師講都無用，講多d就罰多d喎，我之前唔為意，係因為阿女同我投訴得多我才覺有點怪，我呢個媽真大意
作者: 1998Ruby1998 時間: 17-7-13 12:20
有，小二果陣有個代課老師攞左我本手冊，然後唔記得畀翻我。因為個代課老師冇講自己叫咩名，我又懵懵懂懂，翻到屋企冇手冊畀阿媽簽名。
第二日我話畀個班主任聽我冇簽名，因為個老師攞左我本手冊，個老師話我講大話，自己唔見左手冊賴落老師到。我又講唔出個老師叫咩名，於是班主任打電話畀阿媽，話扣 conduct。最慘係連阿媽都唔信我，連續兩晚鬧我打我。 
幾日後，班主任突然問我個老師點樣，我形容畀佢聽之後，第二日佢畀翻本手冊我，寫住「XX 很乖，沒有撒謊，代課老師表示抱歉」
好多時候老師會先入為主，尤其係操行比較差嘅學生。不過如果我阿媽肯相信我的話，我唔會咁冤枉畀班主任扣 conduct 寫埋 warning letter，受左兩晚嘅痛苦。（好彩老師收翻當冇事）
作者: Duffy15 時間: 17-7-13 12:22
cutieringo 發表於 17-7-13 12:08
遊學團係咪自己學校？
我明白佢周圍講係唔太好，但係佢肯講好過收埋係心！
唔係學校的遊學團，同幾個朋友仔自己係出面報個d。
其實，所發生係阿女身上的事，係我心目中我唔覺得好嚴重，但單方面從阿女口中得知，我只覺得d老師唔係咁有愛心及耐性教導學生。
我都覺得學校就是小社會，我會不斷教導阿女待人處事的道理。
作者: starrymama 時間: 17-7-13 12:27
點會唔會?
老師講野信一半好
作者: cutieringo 時間: 17-7-13 12:28
Duffy15 發表於 17-7-13 12:22
唔係學校的遊學團，同幾個朋友仔自己係出面報個d。
其實，所發生係阿女身上的事，係我心目中我唔覺得好嚴 ...
因為我細過呢啲情況遇唔少，所以慢慢訓練到我自己既心態同待人處事既相處！否則出黎工作，遇上更嚴重既事同人，佢會唔識處理！
慢慢同佢傾下啦
加油呀！
作者: Duffy15 時間: 17-7-13 12:33
1998Ruby1998 發表於 17-7-13 12:20
有，小二果陣有個代課老師攞左我本手冊，然後唔記得畀翻我。因為個代課老師冇講自己叫咩名，我又懵懵懂懂， ...
咁都好，可以還妳清白。
但現今社會，妳同學校投訴得多，又怕學校留難自己仔女。
但有無jm對學校夠惡，學校怕了，唔敢對自己仔女太過分?
(我假設)
作者: Duffy15 時間: 17-7-13 12:48
cutieringo 發表於 17-7-13 12:28
因為我細過呢啲情況遇唔少，所以慢慢訓練到我自己既心態同待人處事既相處！否則出黎工作，遇上更嚴重既事 ...
我都認同，好彩阿女都樂觀及大方，可能有幾個知心同學都感到老師有偏私，大家互相鼓勵。但若小朋友心靈弱d，就會影響學校生活，繼而影響學業成績。希望阿女繼續保持這心態處事。
作者: retriever 時間: 17-7-14 08:16
Duffy15 發表於 17-7-13 10:48
阿女近排成日同我講老師成日屈佢，又話老師做事好唔公平，阿女好委屈同我講佢無咁做，老師就話佢有咁做，我 ...
屈人有物咁奇。
MISS 平時有屈佢老公，咁順便屈埋學生都唔係奇事架？
作者: Duffy15 時間: 17-7-14 08:25
retriever 發表於 17-7-14 08:16
屈人有物咁奇。
MISS 平時有屈佢老公，咁順便屈埋學生都唔係奇事架？
Really即係平常事? 係我角度我仲係會覺得老師係有教無類，家校合作
作者: santakit 時間: 17-7-14 10:15
Duffy15 發表於 17-7-13 12:33
咁都好，可以還妳清白。
但現今社會，妳同學校投訴得多，又怕學校留難自己仔女。
你的問題我都想問，因為小一呢年我都覺得比老師“拾”，吾尊重，我想問點應對小二班主任? 是否開學時“先皆聲明”左先呢?
唉～其實我冇諗過讀小學是噤多呢d野諗既……小學的世界比大人世界更大人，我個心是總覺得吾舒服的，有d怪老師，好自私，亦吾自覺，大人世界d紛爭應留反響大人世界，吾好去左小朋友世界，老師小氣，學生自然會學左小氣呢d吾好既behavior）
作者: Duffy15 時間: 17-7-14 10:33
santakit 發表於 17-7-14 10:15
你的問題我都想問，因為小一呢年我都覺得比老師“拾”，吾尊重，我想問點應對小二班主任? 是否開學時“先 ...
係架，唔係位位老師都是有教無類，最希望新學年阿女有運行遇到一位有愛心、包容心和有耐性的好老師。
都有想同阿女插其他學校，但阿女又唔想，同埋，插班都好難
作者: santakit 時間: 17-7-14 10:42
Duffy15 發表於 17-7-14 10:33
係架，唔係位位老師都是有教無類，最希望新學年阿女有運行遇到一位有愛心、包容心和有耐性的好老師。
都 ...
我都想插班呀，去d活潑d既直私，個人personality development都好緊要架麻，但成績吾得，冇望，好慘。。。：（
吾想小朋友麻木從眾，見不平事吾敢出聲，多小都是中國社會陋習，怪老師自己吾做好自己，影響下一代。
作者: Duffy15 時間: 17-7-14 11:16
santakit 發表於 17-7-14 10:42
我都想插班呀，去d活潑d既直私，個人personality development都好緊要架麻，但成績吾得，冇望，好慘。。。 ...
真係好認同妳的講法，點解身為老師，可以咁對小朋友。其實小朋友好希望受到老師讚賞及認同，但老師處事不公平公正，小朋友真的很傷心及難受
作者: Lu324 時間: 17-7-14 11:52 標題: 回覆樓主
我係家長，亦比老師屈過
我明白佢係打份工，但太過份，我不能接受
作者: Duffy15 時間: 17-7-14 11:55
Lu324 發表於 17-7-14 11:52
我係家長，亦比老師屈過
我明白佢係打份工，但太過份，我不能接受
吓連家長都屈。屈妳什麼?
作者: Lu324 時間: 17-7-14 12:04
Duffy15 發表於 17-7-14 11:55
吓連家長都屈。屈妳什麼?
本帖最後由 Lu324 於 17-7-14 12:33 編輯
屈我事小，我受到。背後原因更緊要！包秘定忍藏？
我完全唔可能知。
你小朋友P3, 可以講，我小朋友太細仲係一舊飯。如果唔係擔心適應問題，已經轉走。
作者: 1998Ruby1998 時間: 17-7-14 14:25
本帖最後由 1998Ruby1998 於 17-7-14 14:27 編輯
回覆 Duffy15 的帖子
有一年有個新英文老師教書，通常英文老師都會對我好因為我成績都唔錯。但係就唔知得罪佢邊忽，第一堂就啄住我唔放。又話我唔跟班進度，因為佢教得淺，所以有時候我會選擇性聽書，但係我從來都唔會騷擾人，淨係寫文章、小說。我好想入 Drama，結果話我英文唔夠好，但係我望下入圍名單，全部都係英文唔得嘅同學。我份作文明明冇錯 grammar 又扣題，仲要有唔同嘅 vocab，佢居然畀 13/20 我，其他同學就算用字簡陋、唔扣題、錯 grammar，都攞高分過我！份作文 comment 係「要用翻適合你程度嘅詞彙」，真係嬲到一個點！
後來發現原來佢同我班入面好討厭我嘅一個同學係親戚，之後所有謎底都揭開，個同學英文分數其實屬於合格邊緣，但係果年佢成績進步十幾分、堂上分享佳作有佢份、Drama 擔大旗。如果我成績一向唔好，個老師對我唔好，我認命，知道自己抵死唔會嬲，但係呢啖氣真係點都吞唔落！
不過都要多謝佢，畀鍋咁嘅野我嘆，等我知道呢個世界咩人都有，需要學會「忍」。
作者: backyard 時間: 17-7-15 13:21
有無同其他家長或同學仔身上可以套到料？如果經常性發生要同班主任了解，好過兩邊估
作者: FT_mom_2011 時間: 17-7-16 22:04
Duffy15 發表於 17-7-14 10:33
係架，唔係位位老師都是有教無類，最希望新學年阿女有運行遇到一位有愛心、包容心和有耐性的好老師。
都 ...
我遇到一個有愛心而且喜歡小朋友的老師，但她是十分偏心的那種，揀自己喜歡的小朋友答問題，好明顯比我feel 到佢冇心係我小朋友到。家長日完全講d表面到唔表面嘅野，我這一年處於十分down 的狀態。
| 歡迎光臨 教育王國 (/) |
Powered by Discuz! X1.5 |