教育王國
標題: 如何發掘小朋友強項，加強自信？ [打印本頁]
作者: mlau216 時間: 17-7-13 08:58 標題: 如何發掘小朋友強項，加強自信？
我有對孖女5歳，今年9月升小一，極度冇自信，例子：
1. 做數學功課時明明知道答案，但冇勇氣寫出黎，一定要問左我先，確定係啱先寫。
2. 教佢讀英文生字，有時超細聲讀出（細聲到我要用隻耳仔貼住佢個咀先聽到），有時直頭唔肯讀
3. 去學畫畫，有時導師叫小朋友做啲嘢，佢地一定唔肯做第一個，好似好驚錯咁
4. 有次去玩小朋友電動車，成班細路都興奮到衝入去玩，我果兩個就企喺出面唔肯入去，細妹好想玩，但家姐唔去，所以佢唔去
5. 有時做到某啲野，我讚佢，佢會有啲唔自在，仲會用手'暗'住我個咀唔比我讚
不過平時喺屋企都好大脾氣，成日打交鬧交⋯⋯
我知佢地學術比較弱，比較無自信, ,所以希望佢係其他方面建立返啲自信,佢學過兩年芭蕾舞,之後無啦啦唔肯學,咁我冇再逼佢學,之後學畫畫同話劇,學左幾個月之後又話唔學，咁我問佢想學乜嘢，佢就話乜都唔想學，所以K3乜都無學，嚟緊九月升小一我已經同佢報咗陶瓷班同英語拼音班，當然係我自己一廂情願迫佢去上。其實係咪真係要學暈晒所有野先知道佢有咩叻？咁幾試落去都唔係辦法。。。錢係一個問題，同埋好似周身刀冇張利，大家有冇建議比我參考一下？我只係想發掘到佢嘅長處再慢慢加強佢嘅自信。。。
作者: Felix223 時間: 17-7-13 10:48 標題: 回覆樓主
你孖女兩個性格都是咁相似？有時候小朋友好同唔好的習慣/會互相影響或模仿，如果兩個都缺乏自信，兩個放埋一齊真的比較傷腦筋。
作者: MrBeast 時間: 17-7-13 12:49
細B？是full term ma? (因孖通常會早）
作者: mlau216 時間: 17-7-13 12:57
MrBeast 發表於 17-7-13 12:49 
細B？是full term ma? (因孖通常會早）
係11月細B，37週出世，都係足月，不過語言發展係有啲慢，老師成日話佢地咬字差，畫班導師就話佢地未戎BB話，但9月要上小一了，真係好擔心
作者: MrBeast 時間: 17-7-13 13:50
回覆 mlau216 的帖子
缺乏自信是細B possible後遺症（當然不是全部細都會），最簡單做法就是轉做大，我都明at this late stage會難，不過都不會是mission impossible，只是option會少。
若果將升的小學不是太谷，這暑假找職業治療師評估下有冇什麼地方要跟，每天重複練習好快便會追到，自己多些留意小朋友有什麼長處，衣照長處找一樣興趣發展
作者: little_yolky 時間: 17-7-13 14:34
mlau216 發表於 17-7-13 12:57
係11月細B，37週出世，都係足月，不過語言發展係有啲慢，老師成日話佢地咬字差，畫班導師就話佢地未戎BB話 ...
阿妹係2月大B, 真係好唔同架, 佢學業好唔掂, 但仍然自信爆棚架。
作者: mlau216 時間: 17-7-13 14:40
MrBeast 發表於 17-7-13 13:50
回覆 mlau216 的帖子
缺乏自信是細B possible後遺症（當然不是全部細都會），最簡單做法就是轉做大，我都 ...
其實都有諗過轉做大，但我地plan緊過多兩年返澳洲settle down , 所以又想留個repeat機會比澳洲返學時用。。之前有做過一啲發展評估(因當時懷疑佢有讀寫障礙），但評估結果係正常不過偏慢，個姑娘話6歲後如果冇改善可以再評估過。
今個暑假除咗學英文學畫畫之外，我仲搵咗私人補習老師同佢溫下一啲Basic嘅嘢，上左第一堂，靜到烏蠅飛過都聽到。。。。
細孖好奇心比較強，有時比部iPad佢哋兩個，家姐一定睇卡通片，細妹從來都唔睇卡通，淨係睇一啲有關於DIY或者做實驗呀，生活小百科之類嘅嘢，細妹一聽到音樂個身體就會郁，仲成日鍾意哼歌，呢啲係我留意到細孖嘅嘢，但唔知應該㸃幫佢去發展。大孖真係一個大食懶，食零食、睇卡通、發脾氣、唔鍾意出街。。。老實講真係唔知佢有咩叻！
兩個嘅共通點就係乜嘢都唔肯去嘗試！問佢地想唔想去學跳舞、唱歌、游水。。。乜都話唔想，我真係無佢辦法
作者: emma_kapo 時間: 17-7-13 14:51
mlau216 發表於 17-7-13 14:40
其實都有諗過轉做大，但我地plan緊過多兩年返澳洲settle down , 所以又想留個repeat機會比澳洲返學時用。 ...
我大女都係乜都唔肯試唔肯學....不過我最近發現左其實佢唔係真心無興趣唔想試，其實係因為無信心做到亦唔相信教佢個個人所以先乜都唔想學，多鼓勵要勁讚佢比d時間佢，同埋真係比佢學一樣就夠啦當kill time 同多d唔同小朋友相處唔好當真係有野學番黎咁大人細路都好過d
作者: mlau216 時間: 17-7-13 14:53
little_yolky 發表於 17-7-13 14:34
11月細B無自信係普遍現象, 點解唔做大B? 我大女都係11月細B, 佢係好聰明好勤力既, 但小朋友差幾個月差好遠, ...
本帖最後由 mlau216 於 17-7-13 14:58 編輯
其實我K1時都有同學校request過留班，但老師好反對，佢不停話我兩個女有能力升班，仲話如果留班會浪費左佢哋一年時間，所以我當時都俾佢勸服左。其實我覺得去到K3就真係見到個difference, 兩個位加減數同閱讀理解真係pick up 唔到，不過我哋計劃兩三年後返澳洲定居，所以想留返個留班機會第時用
作者: mlau216 時間: 17-7-13 14:59
emma_kapo 發表於 17-7-13 14:51
我大女都係乜都唔肯試唔肯學....不過我最近發現左其實佢唔係真心無興趣唔想試，其實係因為無信心做到亦唔 ...
我問佢佢一定話唔想學，其實第一次係咪要逼佢去呢？
作者: emma_kapo 時間: 17-7-13 15:09
mlau216 發表於 17-7-13 14:59
我問佢佢一定話唔想學，其實第一次係咪要逼佢去呢？
話說最近私心想個女學溜冰，咁問佢佢都一定一定答唔學....以前我係迫佢要佢去上堂既....今次我係上堂前同佢去溜過兩次佢終於同我講意思大約係話由一樣完全唔識由零開始再要一個唔識既人去教佢仲有一齊上堂個班唔識既小朋友，佢點會有安全感。所以要比大量心理準備佢同佢預習定到時係點，最緊要要讚佢要比時間佢
作者: little_yolky 時間: 17-7-13 15:31
mlau216 發表於 17-7-13 14:59
我問佢佢一定話唔想學，其實第一次係咪要逼佢去呢？
作者: emmyfok 時間: 17-7-13 15:37
mlau216 發表於 17-7-13 14:53
本帖最後由 mlau216 於 17-7-13 14:58 編輯
其實我K1時都有同學校request過留班，但老師好反對，佢不停 ...
作者: mlau216 時間: 17-7-13 15:48
emmyfok 發表於 17-7-13 15:37
K3要計兩位加減數？仲要閱讀理解？難怪小朋友被打沉。
係！我向學校投訴過，學校話咁樣係為小朋友好，因為上到小學佢哋會容易適應好多，佢間學校都真係幾din
作者: emmyfok 時間: 17-7-13 16:33
有沒有考慮找外籍英文老師單對單練oral？如果九月升讀普通津校，小一英文很淺，只要暑假努力閱讀、練oral，應該足以令小朋友在英文堂上充滿信心。此外，操好英文，對女兒到澳洲讀書也有幫助。
作者: mlau216 時間: 17-7-13 16:46
emmyfok 發表於 17-7-13 16:33
有沒有考慮找外籍英文老師單對單練oral？如果九月升讀普通津校，小一英文很淺，只要暑假努力閱讀、練oral， ...
而家有跟外藉老師學phonics,如果私補要起碼五、六百蚊一個鐘，有啲難負擔
作者: brother4 時間: 17-7-13 17:03 標題: 回覆樓主:
最簡單方法轉校，由目標性轉活動性的Ｋ３，自己的良藥可能是别人毒藥，講真自己孩子真係轉咗ｋ１，起碼開心咗。。。
作者: MrBeast 時間: 17-7-13 17:31
mlau216 發表於 17-7-13 16:46
而家有跟外藉老師學phonics,如果私補要起碼五、六百蚊一個鐘，有啲難負擔
...
作者: MrBeast 時間: 17-7-13 17:36
mlau216 發表於 17-7-13 15:48
係！我向學校投訴過，學校話咁樣係為小朋友好，因為上到小學佢哋會容易適應好多，佢間學校都真係幾din
...
作者: mlau216 時間: 17-7-13 17:41
MrBeast 發表於 17-7-13 17:31
若自己英文底子ok，phonics 其實自己教都得，oral 對話就要比人賺了。
我係教到但佢地完全唔聽，我啱啱先問佢：She 係男仔定女仔呀，媽媽唔記得左，不如你提吓我啦！，跟住佢即刻擰轉面話：我唔想講呀！
我教乜佢都唔聽，要外人同佢講嘢佢先會聽
作者: MrBeast 時間: 17-7-13 17:45
mlau216 發表於 17-7-13 14:40
其實都有諗過轉做大，但我地plan緊過多兩年返澳洲settle down , 所以又想留個repeat機會比澳洲返學時用。 ...
至於其他eca，有時間多餘＄咪玩下，或者亦可從中看到些長處。
ps 小小年紀盡量limit 小朋友電玩時間
作者: MrBeast 時間: 17-7-13 18:28
mlau216 發表於 17-7-13 17:41
我係教到但佢地完全唔聽，我啱啱先問佢：She 係男仔定女仔呀，媽媽唔記得左，不如你提吓我啦！，跟住佢即 ...
作者: 1998Ruby1998 時間: 17-7-13 19:30
我補習個小師妹都係膽小冇自信，慢熱，學野慢半拍，容易失憶，唔肯試做又唔鍾意用腦，成日話「唔識啊」然後 lur 答案（呢個係佢媽媽形容）。佢串字唔識用 phonics（我讀 stamp，佢可以串 sntap 
）。媽媽話跟過好多間英文中心，班導師話佢係學唔識，不如放棄。
我第一堂用左 2.5 小時去溝通（課堂應該係 1.5 小時），之後 phonics
練習有深有淺，慢慢再去 build up 自信。初初真係好辛苦，好想唔教佢，但係過多 2、3 堂之後，串字進步左 d，連 escape 呢隻字都可以自己串到出來（呢下真係好感動）。佢仲好開心攞住份練習同佢媽媽講：「媽咪，我份練習淨係錯左 3 題咋！」佢好鍾意食糖，不過我同佢講：「做功課／練習食糖會蠢架，會唔記得點串字」佢就真係忍到落堂先食，都冇再點 lur 答案（或者有可能佢知道 lur 我冇用掛）。有時候我咪陪佢玩下 word search、Scrabble、過三關、蓋棉被（當然要係咁易都要「鬆將」啦）佢都玩到咯咯笑，玩得認真，冇話怕醜而唔敢玩。可能又外人讚佢的話會效果好 d，容易有自信？
所以真係要慢慢去相處同建立自信，由基礎做翻起。你係佢親人，相信有朝一日一定會見到佢改變嘅一刻。
作者: NatalieBaby 時間: 17-7-13 21:03
1998Ruby1998 發表於 17-7-13 19:30
我補習個小師妹都係膽小冇自信，慢熱，學野慢半拍，容易失憶，唔肯試做又唔鍾意用腦，成日話「唔識啊」然後 ...
你很有心啊！
作者: brother4 時間: 17-7-13 21:23
1998Ruby1998 發表於 17-7-13 19:30
我補習個小師妹都係膽小冇自信，慢熱，學野慢半拍，容易失憶，唔肯試做又唔鍾意用腦，成日話「唔識啊」然後 ...
有時自己教唔到，要俾人教…自己孩子連補習社都唔收，為有請人教，方法—様打好個底先，再教深Ｄ…成績好就有自信
作者: mlau216 時間: 17-7-13 22:18
1998Ruby1998 發表於 17-7-13 19:30
我補習個小師妹都係膽小冇自信，慢熱，學野慢半拍，容易失憶，唔肯試做又唔鍾意用腦，成日話「唔識啊」然後 ...
你真係一個好好嘅補習老師！
作者: retriever 時間: 17-7-14 08:30
mlau216 發表於 17-7-13 08:58
我有對孖女5歳，今年9月升小一，極度冇自信，例子：
1. 做數學功課時明明知道答案，但冇勇氣寫出黎，一定要 ...
你覺得學課外可以增強自信？！
有D 講返轉頭，細路自信，由自理開始。佢覺得“我都做得到” 自信心慢慢會來。
佢點解會問過你先答人？ 你多唔多替佢代答，不自覺替佢做野？
有時外面叔叔姨姨較心急，第一次聽唔清楚，會望著家長，我會堅持叫細路答返人。
外面係好似默認父母幫拖，呢樣唔係好事。
作者: retriever 時間: 17-7-14 08:36
mlau216 發表於 17-7-13 14:53
本帖最後由 mlau216 於 17-7-13 14:58 編輯
其實我K1時都有同學校request過留班，但老師好反對，佢不停 ...
兩位加減，睇下點教。
直式橫式當然難明。
閱讀理解K3 係會做到，不會對培養閱讀習慣，係倒米之作。
作者: retriever 時間: 17-7-14 08:40
mlau216 發表於 17-7-13 17:41
我係教到但佢地完全唔聽，我啱啱先問佢：She 係男仔定女仔呀，媽媽唔記得左，不如你提吓我啦！，跟住佢即 ...
其實SHE/HE 出現得多(睇書多)，就知邊個性別。
點解你咁想知佢識唔識？
佢唔答可能玩野姐。
作者: retriever 時間: 17-7-14 08:41
little_yolky 發表於 17-7-13 15:31
除咗游水, 我無迫過阿女學任何嘢的。
同意。好媽!
作者: retriever 時間: 17-7-14 08:50 標題: 回覆樓主:
建議你多培養佢哋自理：
幫簡單家務，抺枱，擺餐具，掃地等。
出外叫佢幫叫埋單，計下幾錢找錢，什麼雙位加減甚至三位都識啦，D 叔叔姨姨一定又讚。
家庭內玩下講故事比賽，輪流講。佢哋可能講返睇返來既野，唔駛更正佢準唔準。講故事呢樣野有培養簡單邏輯思維，有得同父母姐妹比賽，亦會好玩。
作者: MrBeast 時間: 17-7-14 09:22
本帖最後由 MrBeast 於 17-7-14 09:23 編輯
retriever 發表於 17-7-14 08:50
建議你多培養佢哋自理：
幫簡單家務，抺枱，擺餐具，掃地等。
For low self esteem, better take one step back:
Bedtime story
Twins, 可分糖，一個比2粒，另一個比3粒…
作者: mlau216 時間: 17-7-14 09:50
retriever 發表於 17-7-14 08:50
建議你多培養佢哋自理：
幫簡單家務，抺枱，擺餐具，掃地等。
佢地自理不論在家或在學校都冇問題，試過好多次叫佢試吓自己叫野食，比錢果啲就死都唔肯試，如果迫佢只會攪到喺街上大哭大鬧！
睇書由3歲開始每晚陪佢睇，但到而家都唔肯睇字，只要我講比佢聽，我有時邊講邊指住啲字同佢認吓字，佢就會發脾氣話唔鐘意咁樣睇書。。唉我真係好灰！佢地最怕做功課，有時病佢都要話返學，問佢係咪好鍾意返學？佢話唔係，只係唔想之後一次過做返兩日嘅功課。
我見有啲小朋友自己做到一啲野就會好proud咁同人講，但我個女唔會，例如佢有一日自己喺我放工前做晒功課，我話佢好叻，我會話比爸爸知，但佢唔准我講。早幾日佢去完poo poo 自己清潔，我有讚佢大個女好叻呀，跟住我去同婆婆講，佢即刻衝過黎阻止我講。。。真係好奇怪
作者: MrBeast 時間: 17-7-14 11:13
mlau216 發表於 17-7-14 09:50
佢地自理不論在家或在學校都冇問題，試過好多次叫佢試吓自己叫野食，比錢果啲就死都唔肯試，如果迫佢只會 ...
作者: 1998Ruby1998 時間: 17-7-14 14:06
回覆 mlau216 的帖子
我以前都會咁，唔肯打招呼、唔肯自己叫野食（總之就唔想同外人講野，寧願唔食），同親戚講野都唔想，但係同父母或者同朋友就冇問題。你問我點解，我自己都唔知，總之就係怕醜。我中學都有同學繼續都係咁，唔肯自己叫餐，寧願餓死，做說話評估、Presentation，次次都細聲到冇人聽到。佢生得好可愛，眼大大、細路樣，我同朋友都唔忍心直接幫佢就算。後來我同佢一齊行去搭車果陣，我係咁玩，同佢講「我高過你」，佢先大聲 d 講「唔係啊，我高過你」，我同佢講：「我條腿長過你，跑得快過你」，佢二話不說，立即賽跑鬥快。
唔緊要，大大下就會好 d，順其自然，話唔定翻學隔離位果個同學就係改變佢性格嘅人呢。
作者: retriever 時間: 17-7-14 15:17
mlau216 發表於 17-7-14 09:50
佢地自理不論在家或在學校都冇問題，試過好多次叫佢試吓自己叫野食，比錢果啲就死都唔肯試，如果迫佢只會 ...
閱讀時認字唔駛太認真。
你考佢未必鍾意。
作者: mlau216 時間: 17-7-14 15:25
1998Ruby1998 發表於 17-7-14 14:06
回覆 mlau216 的帖子
我以前都會咁，唔肯打招呼、唔肯自己叫野食（總之就唔想同外人講野，寧願唔食），同 ...
多謝 鼓勵，希望佢大啲會改變啦！
作者: mlau216 時間: 17-7-14 16:06
MrBeast 發表於 17-7-14 11:13
繼續伴讀，其他的順其自然就得
唯有係咁啦，迫唔到亦唔鐘意同強迫方式去教小朋友，加上佢地情緒好容易失控，5歲細路已經會反鎖自己喺房發脾氣，有時我都好自責，大肚果陣試過多次崩潰，日日以淚洗臉，情緒起伏得好緊要（因為4個月時發現有第三者），可能係我既情緒另到佢地而家咁⋯⋯
作者: shanshankakamum 時間: 17-7-16 18:46
回覆 mlau216 的帖子
你搵native補係要四五百一個鐘，不如試搵本地老師或回流香港的人試堂，聽你講你小朋友是要活動形式的教學會較合適。
作者: shanshankakamum 時間: 17-7-16 19:07
回覆 mlau216 的帖子
似乎細孖可試試學做手工/摺紙/玩泥膠/合唱團之類的興趣班。其實小朋友唔肯學/試，係因為怕忙要成日練，少左時間玩，所以真係一個course起，兩個止。現還是起步階段，小學應該會有好多興趣班可以試的，慢慢來找興趣/強項，多問老師意見。另外如果你那裡近社區中心，可帶她們試參加社交小組、情緒管理小組、專注力小組，順道問問社工或其他專業人士意見吧。
作者: skkeung 時間: 17-7-16 19:17
shanshankakamum 發表於 17-7-16 19:07
回覆 mlau216 的帖子
似乎細孖可試試學做手工/摺紙/玩泥膠/合唱團之類的興趣班。其實小朋友唔肯學/試，係 ...
不用參加什麼什麼，只要生活上多加讚賞，少些批評即可！
作者: shanshankakamum 時間: 17-7-16 19:47
本帖最後由 shanshankakamum 於 17-7-16 19:47 編輯
skkeung 發表於 17-7-16 19:17
不用參加什麼什麼，只要生活上多加讚賞，少些批評即可！
同意生活上多加讚賞，少些批評，可卻樓主現在也有做呀，有時要雙管齊下。
作者: aeneas2011 時間: 17-7-16 20:24
mlau216 發表於 17-7-14 09:50
佢地自理不論在家或在學校都冇問題，試過好多次叫佢試吓自己叫野食，比錢果啲就死都唔肯試，如果迫佢只會 ...
我小朋友都係只鈡意聽書和睇图畫，如要讀字便不肯看了，校長話唔緊要，佢以前都讀图書比佢小朋友至小二。
作者: skkeung 時間: 17-7-16 22:51
shanshankakamum 發表於 17-7-16 19:47
同意生活上多加讚賞，少些批評，可卻樓主現在也有做呀，有時要雙管齊下。
...
綱友是小朋友嗎？
作者: sarahdad 時間: 17-7-16 23:38
本帖最後由 sarahdad 於 17-7-16 23:41 編輯
我女兒是12月尾的細B，K1到小一，除了在寫字和講嘢方面有點落後，其他都很正常，但從小一下學期起，已看不到差别了。要小朋友有信心，一定要打好個底，對事情熟識自然有信心。
作者: mlau216 時間: 17-7-17 00:06
shanshankakamum 發表於 17-7-16 19:07
回覆 mlau216 的帖子
似乎細孖可試試學做手工/摺紙/玩泥膠/合唱團之類的興趣班。其實小朋友唔肯學/試，係 ...
幫佢地報左陶藝班，聽日開始上堂，由三四日前開始細孖已不斷話好期待，好想快啲上堂，我真係好開心！！！第一次見佢期待去學野。。finally!!!
不過今日補習姐姐上黎前佢一直喊。。話唔想比姐姐上黎
，我諗應該暫時唔會再私補
作者: Lu324 時間: 17-7-17 00:28 標題: 回覆樓主
反鎖，我覺得不能接受。可以入房推埋房門，已經有私人空間，但不可關門不可鎖門。
我個仔都係細b, 佢某d地方好有自信，某d冇。唔係乜都試，自己會叫餐，但去學游水就唔肯，只肯跟爸爸學。相信大d會好d.
作者: mlau216 時間: 17-7-17 00:52
Lu324 發表於 17-7-17 00:28
反鎖，我覺得不能接受。可以入房推埋房門，已經有私人空間，但不可關門不可鎖門。
我個仔都係細b, 佢某d地 ...
本帖最後由 mlau216 於 17-7-17 00:55 編輯
我個女情緒方面係有啲難攪，喺街發脾氣佢唔會大喊或lur地，但會自己走左去，每次我都要追住佢！
今日佢又反鎖自己，我用鎖匙開門，嘗試氹吓佢，佢不斷叫：走開，唔好掂我！
昨天係幼稚園最後一個家長日，班主任都話要注意佢情緒，話佢好容易會trigger 到啲負面嘅energy，同埋乜都收收埋埋，唔會將自己嘅情緒表達出來，喺學校好少發言，老師都話呢樣嘢先係最擔心嘅地方，其次就係語言發展
作者: mlau216 時間: 17-7-17 01:03
aeneas2011 發表於 17-7-16 20:24
我小朋友都係只鈡意聽書和睇图畫，如要讀字便不肯看了，校長話唔緊要，佢以前都讀图書比佢小朋友至小二。
...
但而家連Apple,girl, red 呢啲咁簡單嘅字都認唔到呀，真係好驚。。。phonics老師都話佢地listening ok, 講都算可以，不過成日用單字對答，冇信心成句講，認字就只有K1程度，比佢講到我自己都心慌慌
作者: Lu324 時間: 17-7-17 01:27
mlau216 發表於 17-7-17 00:52
本帖最後由 mlau216 於 17-7-17 00:55 編輯
我個女情緒方面係有啲難攪，喺街發脾氣佢唔會大喊或lur地， ...
比佢知道，佢可以有私人空間冷靜，但唔可以鎖門。
另外，每個女是否有獨自同媽咪相處時間？
作者: Potato001 時間: 17-7-17 07:08 標題: 回覆樓主:
可以試試遊戲治療，有些社福機構/大學有家長班（不過學費幾貴，要數千元），教家長如何透過遊戲了解小朋友，有啲野小朋友平日唔會講，但自己玩時就會用啲玩具扮番，可以知道小朋友的心結所在。有些機構也有這些服務，不過收費很貴，也很難排。
圖書館有相關書籍可作參考，主要都是陪伴小朋友玩，治療時家長不要俾意見和問問題，只是描述小朋友當時在做什麼，以兒童為本。進行時最好錄影，因為進行時會忙著，未必有時間分析/理解到小朋友的反應。要預備一些道具，可以是有人仔的玩具屋，圖畫紙，也可以是發洩類的如槍械，不倒翁之類，任由小朋友選擇。
作者: MrBeast 時間: 17-7-17 07:14
mlau216 發表於 17-7-17 01:03
但而家連Apple,girl, red 呢啲咁簡單嘅字都認唔到呀，真係好驚。。。phonics老師都話佢地listening ok, 講 ...
作者: mlau216 時間: 17-7-17 13:34
Lu324 發表於 17-7-17 01:27
比佢知道，佢可以有私人空間冷靜，但唔可以鎖門。
另外，每個女是否有獨自同媽咪相處時間？
平時冇特別去分一個媽咪獨處時間嫁，通常都一齊，有時會一個跟爸爸，一個跟我出街，分開左就好乖，好聽話，情緒都冇我之前講咁波動！
作者: Lu324 時間: 17-7-17 14:12
mlau216 發表於 17-7-17 13:34
平時冇特別去分一個媽咪獨處時間嫁，通常都一齊，有時會一個跟爸爸，一個跟我出街，分開左就好乖，好聽話 ...
每個小朋友都係獨特，需要同父母獨處時間。可能小朋友會更願意表達內心感受。
作者: mlau216 時間: 17-7-17 14:14
Lu324 發表於 17-7-17 14:12
每個小朋友都係獨特，需要同父母獨處時間。可能小朋友會更願意表達內心感受。
...
你點醒左我，唔該曬！
作者: mlau216 時間: 17-7-17 14:41
MrBeast 發表於 17-7-17 07:14
上到小學只會更難和辛苦，不如你再seriously consider 讀多年k3，比自己和小朋友一些時間和空間去catch up ...
其實都有同學校傾過但老師唔認為佢地真係unfit for P.1, 當時佢仲叫我唔好repeat K3, 因為我女喺學校好靜，亦好聽老師話，但返到屋企係180度轉變！係咪佢喺學校太抑壓所以返到屋企就爆發？佢地明顯地由K3開始返學成日都好靜，唔肯發言，但一返到屋企就好cranky。
可能佢今年進度落後左其他同學仔所以冇自信發言。有時佢加減數功課計唔到佢好忟，我就話教佢，佢大大聲話：唔洗呀，我唔想學！
。。。我真係冇晒辦法
作者: shanshankakamum 時間: 17-7-17 17:45
mlau216 發表於 17-7-17 00:52
本帖最後由 mlau216 於 17-7-17 00:55 編輯
我個女情緒方面係有啲難攪，喺街發脾氣佢唔會大喊或lur地， ...
作者: shanshankakamum 時間: 17-7-17 18:03
mlau216 發表於 17-7-17 00:06
幫佢地報左陶藝班，聽日開始上堂，由三四日前開始細孖已不斷話好期待，好想快啲上堂，我真係好開心！！！ ...
另外，照顧小朋友情緒固然重要，但要注意唔好俾小朋友產生錯覺 :以為一哭鬧就可以唔洗再做一D自己唔鐘意/唔想做既野。如果佢地condition左呢樣野係work既話，第日就會更容易鬧情緒了。
作者: mlau216 時間: 17-7-17 18:18
shanshankakamum 發表於 17-7-17 17:45
不如你試下俾你小朋友睇下inside out或一齊睇處理情緒既繪本/故事書，例如米米發脾氣。唔止係睇，睇完仲要 ...
多謝你嘅建議，一於試吓！
作者: MrBeast 時間: 17-7-17 19:47
mlau216 發表於 17-7-17 14:41
其實都有同學校傾過但老師唔認為佢地真係unfit for P.1, 當時佢仲叫我唔好repeat K3, 因為我女喺學校好靜 ...
作者: brother4 時間: 17-7-18 00:37 標題: 回覆樓主:
兄弟幫周定宇教小朋友用五心教育，發掘小朋友長處，可試佢方法
作者: sharonchan.0711 時間: 17-7-21 02:58
MrBeast 發表於 17-7-17 19:47
好多時borderline case ，不同的e生亦會有相反的建議，正所謂三歳定八十，幼兒成長經驗對性格形成有很大影 ...
作者: MrBeast 時間: 17-7-21 06:41
本帖最後由 MrBeast 於 17-7-21 06:44 編輯
sharonchan.0711 發表於 17-7-21 02:58
請問你小朋友現在幾歲了？距係學校既學習情況同同人相處情況如何？我見好多關於大細b post你都俾好多有用意 ...
升小5了，佢幼時少少delayed，大致catch up 到現應該和普通小朋友差不多，個人較靜不主動（sounds familiar?)，初小時冇乜朋友，我覺得上年參加了成長的天空計劃後，樂觀了很多，又多了班朋友仔。
看一些網友分享，大些時同學之間會比較自己年䶖，做大可能會比朋友取笑之類。我小朋友自知技不如人，通常學野都頗比心機，不過佢都有提過有些堂太悶有時會遊雲。以我小朋友性格，易的反而有心機學／做，因為從中會得到成功感的關係。
作者: little_kid 時間: 17-7-21 07:32 標題: 回覆樓主:
我兩個小朋友老師都評佢哋好靜， 在班上好少主動答問題， 無信心。但在屋企兩個好嘈好大聲講嘢。
大嘅10月b , 升小三。 我覺得問題大啲。 至從玩熟嘅同學仔轉左校， 響班無朋友， 經常自己一個玩。 上堂老師問問題好少主動舉手答問題， 要老師叫先好細聲答。
其實少講影響到口試， 作文成績都不理想。 另一方面， 我覺得影響佢信心嘅係， 班中同學太叻， 個個出外補習， 未教乘數已經識除數， 英文未教嘅書暑假已經睇過。 課外活動方面， 同學在外已攞很多獎狀/獎牌。 佢鍾意游水， 我叫佢試報名參加學校校隊， 佢都唔想參加， 因為同學游得好快， 校外已攞獎牌。
我都唔知點幫佢揾番信心。
作者: mlau216 時間: 17-7-21 09:28
little_kid 發表於 17-7-21 07:32
我兩個小朋友老師都評佢哋好靜， 在班上好少主動答問題， 無信心。但在屋企兩個好嘈好大聲講嘢。
大嘅10 ...
嘩你小朋友啲同學仔咁勁，係咪讀名校？轉校幫唔幫到佢？
Share我自己細個時候嘅經歷：
我係K3插班方方幼稚園再直升上方方小學，學校係教快起碼兩三年既，嗰陣時我科科都係緊緊合格，除咗英文，英文我係從來未試過合格。嗰時成日見家長，都係話你個女好乖好文靜，但係就係太過靜，上堂好少發言亦都好被動，學業成績要再努力啲。。。果時我冇朋友，可能因為太被動，成績又差，亞媽見我讀得唔開心，四年班同我䡛去沙田津校，一去到年年考第一，因為四至六年班嘅野我喺方方三年班已讀晒，果陣我上堂成日舉手答問題，老師都好(emoji)我，自此我活躍於唔同課外活動，又成日參加比賽，朋友都多左好多。之後順利升band 1英中，但成績一落千丈⋯⋯哈哈上到中學見真張！但我都冇因為咁失去自信，因爲我游水成日攞獎（多謝亞媽當年迫我去游）所以我而家都發掘緊我女既興趣，希望佢就算學術唔掂，都可以喺其他方面build up 返啲自信！不過佢樣樣都話唔鍾意，我真係好頭痛！
我個case係比較易攪，但而家我個女就難攪啲，因為而家津校都唔易讀！
作者: MrBeast 時間: 17-7-21 09:57
mlau216 發表於 17-7-21 09:28
嘩你小朋友啲同學仔咁勁，係咪讀名校？轉校幫唔幫到佢？
Share我自己細個時候嘅經歷：
作者: mlau216 時間: 17-7-21 10:08
MrBeast 發表於 17-7-21 09:57
其實你回看番自己小時的經歷，不是已看到答案了嗎？
我明你意思，由細B轉大B，不過過我有啲啲hesitation, 我細個係肯讀但追唔上，但我女而家係連讀都唔肯！即使我由K2課程開始再教過都聽都唔肯聽，琴晚我攞啲flash card出黎話同佢玩遊戲，其實只扮吓啲card入面公仔嘅特性，家姐扮獅子老虎玩得好開心，但細妹就一直喊話唔鍾意！成日complaint - 學ceramics 又話啲泥好yucky,學唱歌又話悶，學游水又話凍，學跳舞又話攰。。我真嘔血
作者: sharonchan.0711 時間: 17-7-21 10:33
本帖最後由 sharonchan.0711 於 17-7-21 10:56 編輯
MrBeast 發表於 17-7-21 06:41
升小5了，佢幼時少少delayed，大致catch up 到現應該和普通小朋友差不多，個人較靜不主動（sounds familia ...
前輩，有一事相求，請給意見，無論好壞，只要你所想到。本人原住黃大仙，小兒10月尾細b在黃大仙幼稚園讀緊k1，因家庭需要賣了黃大仙樓，暫住沙田奶奶住處大半年，今年7月讀完k1，8月也將搬至元朗新樓，報了York在元朗的新分校k1。
但最近翻看歷史看到很多關於校長為人處事，本人不太認同，而且學費也頗貴，加上新校未裝修好有點憂慮。於是有個想法。
1.k2讀元朗學卷校，然後repeat k2其他私校+1體1藝。2.repeat k1元朗學卷校一直讀到k3+英文外補+1體1藝。
3.照舊讀York k1-k3+1體1藝（負擔比較大，不過問及小朋友意願，距叫我出去翻工賺錢，可以其他人湊距）
目標：直私、較好官津、去到扣門時有少少實力不願做蘿底橙。
疑問：1-3你認為邊個做法比較好？大抽獎報考小學時用奶奶地址報讀沙田官津好嗎？奶奶有間房專for小兒用。
期待你的意見，感謝。
作者: MrBeast 時間: 17-7-21 14:57
sharonchan.0711 發表於 17-7-21 10:33
前輩，有一事相求，請給意見，無論好壞，只要你所想到。本人原住黃大仙，小兒10月尾細b在黃大仙幼稚園讀緊 ...
至於小學，只知沙田網有不錯的小學，實際情況要問下沙田區的網友了
作者: MrBeast 時間: 17-7-21 15:26
mlau216 發表於 17-7-21 10:08
我明你意思，由細B轉大B，不過過我有啲啲hesitation, 我細個係肯讀但追唔上，但我女而家係連讀都唔肯！即 ...
作者: mlau216 時間: 17-7-21 15:51
MrBeast 發表於 17-7-21 15:26
當然你有你的原因和考慮。就你的標題，小朋友對要完成的task 有信心做到就自然會有自信，就是咁簡單，若小 ...
同意，thanks!
作者: sharonchan.0711 時間: 17-7-21 16:47
MrBeast 發表於 17-7-21 14:57
若一心想做大，k1開始較好，無需擔心ham 接問題。雖然我也不認同york校長作風，有fd讀過kln tong k1，comme ...
作者: little_kid 時間: 17-7-21 18:19
mlau216 發表於 17-7-21 09:28
嘩你小朋友啲同學仔咁勁，係咪讀名校？轉校幫唔幫到佢？
Share我自己細個時候嘅經歷：
我小朋友學校無教快，功課唔多。 可能係咁， 有啲家長可能覺得教得慢 ，加上功課唔多，小朋友有時間出外學快啲掛。
作者: C.Humphrey 時間: 17-7-25 18:44 標題: 回覆樓主
會唔會考慮俾佢地分開學野？一來可選各自有興趣既，二來無咁多比較，三來其中一個唔想學會影響另一個。
試下drama、朗讀，都係易玩同埋有得表演比賽練下膽
作者: mlau216 時間: 17-7-25 19:04
C.Humphrey 發表於 17-7-25 18:44
會唔會考慮俾佢地分開學野？一來可選各自有興趣既，二來無咁多比較，三來其中一個唔想學會影響另一個。
試 ...
Agree! 剛剛幫佢地報左drama 同 Latin, 細妹都幾期待去跳舞（因為佢好鍾意扭pat pat ) ,但家姐有少少anxious,一時話想去一時又話唔想去，又成日話想妹妹陪佢上drama, 今次踏出第一步將佢地兩個分開，希望成功！
真係好多謝咁多BK家長俾好有用嘅意見我
作者: C.Humphrey 時間: 17-7-25 19:50
mlau216 發表於 17-7-25 19:04
Agree! 剛剛幫佢地報左drama 同 Latin, 細妹都幾期待去跳舞（因為佢好鍾意扭pat pat ) ,但家姐有少少anxio ...
你孖女幼稚園係咪同班？我對孖幼稚園規定要分班，起初我覺得幾煩，因為兩班功課或活動日子會唔同，觀課又要分兩日去，請假請多日。但後來發現分班對佢地自我形象同社交都有幫助，因為孖B太習慣互相依賴同模仿，有時分開都係好事。
你睇下升小學會唔會request分班，少d比較，又可以俾佢地各自認識新朋友，放學後互相分享趣事，係好事呀！
作者: mlau216 時間: 17-7-25 19:51
C.Humphrey 發表於 17-7-25 19:50
你孖女幼稚園係咪同班？我對孖幼稚園規定要分班，起初我覺得幾煩，因為兩班功課或活動日子會唔同，觀課又 ...
本帖最後由 mlau216 於 17-7-25 19:52 編輯
本帖最後由 mlau216 於 17-7-25 19:52 編輯
幼稚園冇得揀，因為下午班只得一班，小學已經request左分班
作者: C.Humphrey 時間: 17-7-25 20:14
mlau216 發表於 17-7-25 19:51
本帖最後由 mlau216 於 17-7-25 19:52 編輯
本帖最後由 mlau216 於 17-7-25 19:52 編輯
希望分班會好d，但要暑假俾佢地多d試下分開先
作者: retriever 時間: 17-7-26 07:58
sharonchan.0711 發表於 17-7-21 10:33
前輩，有一事相求，請給意見，無論好壞，只要你所想到。本人原住黃大仙，小兒10月尾細b在黃大仙幼稚園讀緊 ...
YORK 爭議較多唔評論，但個人唔認同“讀學卷慳D 錢學體藝英文更好” 呢種論調。
外補學習，好簡單市場需要一定要快有料到，啖啖肉，等家長覺得有收獲。但細路女學野最有效係生活化，點淡淡肉，都唔夠在幼稚園天天浸有效。
作者: retriever 時間: 17-7-26 08:00
mlau216 發表於 17-7-25 19:04
Agree! 剛剛幫佢地報左drama 同 Latin, 細妹都幾期待去跳舞（因為佢好鍾意扭pat pat ) ,但家姐有少少anxio ...
結果仍然係報班解決問題？
作者: retriever 時間: 17-7-26 08:05
MrBeast 發表於 17-7-21 15:26
當然你有你的原因和考慮。就你的標題，小朋友對要完成的task 有信心做到就自然會有自信，就是咁簡單，若小 ...
本帖最後由 retriever 於 17-7-26 08:05 編輯
樓主形容既情境，似有更深層次問題。
而家似係：父母OFFER， 細路仔REJECT，無論係食野學野著咩野定去邊度，慢慢應該丟返個波俾細路，佢哋要OFFER SOLUTION 而唔係淨識REJECT。
作者: mlau216 時間: 17-7-26 08:05
retriever 發表於 17-7-26 08:00
結果仍然係報班解決問題？
報班係個action,我志在分開佢地試吓先
作者: mlau216 時間: 17-7-26 08:29
retriever 發表於 17-7-26 08:05
本帖最後由 retriever 於 17-7-26 08:05 編輯
樓主形容既情境，似有更深層次問題。
本帖最後由 mlau216 於 17-7-26 08:32 編輯
'佢哋要OFFER SOLUTION 而唔係淨識reject'
好同意！我一直都鼓勵佢哋去做到呢件事，但唔知係用錯方法定係乜嘢，一直都冇乜成果 。。。
其實我每要求佢做咩前都會問佢，例如想沖涼先定做功課先？想去邊度玩？有時佢掛住玩唔沖涼我會warn佢陣間你捱住眼瞓去沖涼會好辛苦，但唔會迫佢，等佢自己受返結果。做乜都叫佢自己試吓做，例如幫姐姐手摺吓衫抺下枱等等，當然佢都好樂意做，當玩！最終攪亂檔多。。。
佢呢兩個星期放暑假不定話好悶，於是我就提意不如報啲暑期活動，再分開問佢地想玩咩，初時佢地都係話要跟對方一樣，我再不停引導佢終於講到自己想點，其實我有啲興奮，因為佢地從來唔會講自己想xxx,只會講呀A xxx我就xxx,所以我即刻去報名想快啲睇吓分開左會有咩效果！
作者: retriever 時間: 17-7-26 08:42
mlau216 發表於 17-7-26 08:29
本帖最後由 mlau216 於 17-7-26 08:32 編輯
'佢哋要OFFER SOLUTION 而唔係淨識reject'
你家是否長輩做 CARE TAKER？
作者: mlau216 時間: 17-7-26 08:46
retriever 發表於 17-7-26 08:42
你家是否長輩做 CARE TAKER？
係，主要係公公婆婆湊，姐姐做家務
作者: MrBeast 時間: 17-7-26 09:44
retriever 發表於 17-7-26 08:05
本帖最後由 retriever 於 17-7-26 08:05 編輯
樓主形容既情境，似有更深層次問題。
作者: mummyWai 時間: 17-7-26 10:22
retriever 發表於 17-7-26 07:58
YORK 爭議較多唔評論，但個人唔認同“讀學卷慳D 錢學體藝英文更好” 呢種論調。
外補學習，好簡單市場需 ...
作者: Kylie624 時間: 17-8-7 08:46
mlau216 發表於 17-7-13 08:58
我有對孖女5歳，今年9月升小一，極度冇自信，例子：
1. 做數學功課時明明知道答案，但冇勇氣寫出黎，一定要 ...
見到樓主係一個好有心的媽媽，為左女女的學習同成長好努力不斷嘗試，所以我都忍不住留言發表下愚見。
睇完樓主的擔心，首先我覺得女女對外咩都唔想學唔想做，一定有原因，好大可能係學校/興趣班曾因自己能力做唔到被老師批評過，令到佢地怯左，對自己有負面的印象，潛意識覺得自己做唔到，亦唔想再面對被批評的打擊，所以會拒絕參加活動。外面的課外活動質素以參差，導師好多時外聘，亦非專業訓練過，所以未必會好有耐性/懂得點同小朋友溝通，有時傷左小朋友都唔出奇。所以再夾硬迫佢地上其他班，有可能弄巧成拙。其他人做導師，質素很難保證，以下有小小建議，希望幫到你。
1.媽咪用多d時間同女女用玩的模式建立自信心，例如細女喜歡用ipad睇生活小百科或實驗，媽咪可以放工或放假時將ipad的實驗真實地同佢地做（語言遲緩其實不太建議接觸電子產品，有研究證實會影響言語發展，所以最好由媽媽上網睇完，自己同佢地動手做）
2.屋企搵個當眼位設立個人計分表，可能每星期有d小任務，e.g.自己食飯自己執餐具/能夠講一個小故事比媽咪聽等等（開頭要簡單易做），做到就可以貼上貼紙，用視覺提醒佢地，你地係有能力做到好多野好叻ga
3.媽媽可以多d同女女傾下，了解返點解唔中意你用言語讚佢，呢個亦可能同佢經歷有關
^^小小建議，希望幫到你啦，你可以pm我再詳細講講
作者: mlau216 時間: 17-8-7 12:18
Kylie624 發表於 17-8-7 08:46
見到樓主係一個好有心的媽媽，為左女女的學習同成長好努力不斷嘗試，所以我都忍不住留言發表下愚見。
睇完 ...
Thanks for your suggestions! Will give it a try!
作者: vinvin901 時間: 17-8-15 16:11
emmyfok 發表於 17-7-13 15:37
K3要計兩位加減數？仲要閱讀理解？難怪小朋友被打沉。
作者: HappiMom 時間: 17-8-15 18:36
哩個問題，半年前我問過。
我的做法多帶去玩，多學習不同的運動及學術，比成功感小朋友。是work 的
作者: mlau216 時間: 17-8-15 19:17
vinvin901 發表於 17-8-15 16:11
可否開名
不是神校，只係區內一間普通學券幼稚園
作者: mlau216 時間: 17-8-15 19:57
HappiMom 發表於 17-8-15 18:36
哩個問題，半年前我問過。
我的做法多帶去玩，多學習不同的運動及學術，比成功感小朋友。是work 的
...
我都係向呢個方向摸索緊，但相信要一段長時間先見到成果。我女而家學緊畫畫，其實之前都有學過但完全提唔起佢嘅興趣，而家好彩搵到一間好好嘅Centre ,佢好enjoy, 我一放工返到屋企佢就即刻攞幅畫俾我睇， 會讚自己畫得好，我好開心，佢返咗三年幼稚園第一次讚自己！
作者: manwai11 時間: 17-8-27 21:12
mlau216 發表於 17-7-13 14:53
本帖最後由 mlau216 於 17-7-13 14:58 編輯
其實我K1時都有同學校request過留班，但老師好反對，佢不停 ...
本帖最後由 manwai11 於 17-8-27 21:14 編輯
本帖最後由 manwai11 於 17-8-27 21:14 編輯
我果囝10月出世，今年升小一，讀happy school，去到k3都只係單位減數、只試過做過3篇閱讀理解，其實你囡會唔會學野太深，有時小朋友未到level, 點樣教都唔識，令到佢地自信心打沉。
作者: mlau216 時間: 17-8-27 23:07
manwai11 發表於 17-8-27 21:12
本帖最後由 manwai11 於 17-8-27 21:14 編輯
本帖最後由 manwai11 於 17-8-27 21:14 編輯
我同你諗法一樣，所以冇谷佢地學術，只係從玩多嘅興趣班入手。不過雖然話學校教得深，但我女啲同學仔全部都handle 到，死未！
| 歡迎光臨 教育王國 (/) |
Powered by Discuz! X1.5 |