教育王國

標題: 緊急 ---中西區及南區學校-- 請建議 [打印本頁]

作者: Mornat 時間: 17-7-8 20:57 標題: 緊急 ---中西區及南區學校-- 請建議

各位媽媽,
我和兩個小朋友剛從歐洲返港, 想插班小三及小四。

我們要下星期之內在中西區或者南區 (近中西區) 找到學校, 然後搬近學校附近, 所以只需要男女校,
校風純樸, 學校老師校長比較願意幫助及照顧新同學便可, 但是希望避免國語堂教學(除了普通話一科)。

(**其他地區絕對不考慮, 因為要遷就家人; 不考慮國際學校, 或私立直資學校, 因為沒有budget)

因此, 我想用篩選方法, 請問各位媽媽有哪些學校(你的個人意見)必須絕對「避免選擇」?。謝謝。
(**兩個小朋友在學校都是資優學生, 但是不懂得閱讀及書寫中文)

萬分感謝

作者: Felix223 時間: 17-7-8 21:28 標題: 回覆樓主：

本帖最後由 Felix223 於 17-7-8 21:33 編輯

你試下「天主教總堂區小學」中西區，不過唔懂得閲讀同書寫中文是一個非常大問題。本身呢間小學好多外藉學生，你可以試試打電話去學校同時問下教育局有冇支援去査詢一下。你的情況真的有難度。
呢度論壇都有討論過，早陣子有用家分享，你可以search 下。

作者: siden 時間: 17-7-8 21:37 標題: 回覆樓主

不懂得閱讀及書寫中文!

點讀津校小三小四？

中文津小除英文外，科科都用中文咁濟！

就算總堂區呢類學校有非華裔學生，人地點都叫由小一開始慢慢接觸中文。你小三小四先由頭來，點跟？

我唔知有冇津校可以處理到，但好明顯國際學校最適合你小朋友，問題是你冇budget去行動。

作者: siden 時間: 17-7-8 21:38 標題: 回覆樓主

真要其他jm幫忙獻計了

作者: Koala0000 時間: 17-7-9 00:36

我去過天總同潮商簡介會，如果我無記錯的話，呢兩間學校都是除了中文科用中文教，其他科目都是用英文教，在樓主無budget去讀國際學校的情況下，又要近中西區，應該只能夠在這兩間學校之中選了，想要多個選擇都無。中文科肯定跟唔到，但起碼其他科用英文教。

作者: Mornat 時間: 17-7-9 01:44

其實我想佢地學多D中文,

作者: Mchacha 時間: 17-7-9 02:08

雖然想學多點中文，但始終程度問題，不能一下子適應中文津校的課程，或者考慮降級吧！

作者: Mornat 時間: 17-7-9 02:15

冇所謂, 降級都ok, 反而唔想佢地讀全英小學, 想佢地學好中文, 潮商太多非華离人....反而驚小機會學
.

作者: lovebb2 時間: 17-7-9 07:39

Mornat 發表於 17-7-9 02:15
冇所謂, 降級都ok, 反而唔想佢地讀全英小學, 想佢地學好中文, 潮商太多非華离人....反而驚小機會學
. ...

中文越早下苦功, 越有機會學好。不少朋友囝囡讀國際學校, 中學生識的中文字同幼稚園生差不多, 要早下決心學好中文。

作者: siden 時間: 17-7-9 08:10

Koala0000 發表於 17-7-9 00:36
我去過天總同潮商簡介會，如果我無記錯的話，呢兩間學校都是除了中文科用中文教，其他科目都是用英文教，在 ...

咁聽落都幾適合楼主wor

作者: Bunnygirl 時間: 17-7-9 10:00

其實尼兩間最適合.但要完全唔適中文由p.3/4讀起津中小係冇可能.依家小一已要中文閲讀理解.最好係先入英小加中文補習班幫補下

歡迎光臨教育王國 (/)