教育王國
標題: 真心請教：高主教 vs 玫瑰崗 [打印本頁]
作者: 十五十六中 時間: 17-6-26 22:58 標題: 真心請教：高主教 vs 玫瑰崗
唔好意思，我諗好多家長睇到呢條題都可能覺得唔需要諗，但係我有d特別考量，想請教下大家嘅意見。
我小朋友升小一諗緊兩間中揀邊間，好明顯高主教升中成績好好多，約七成升B1，教學嚴謹，老師資歴較深，學生循規蹈矩，教學中英兼備，數學同常識科係一半中一半英咁教。不過缺點係大班教學，40多人一班，單班主任制，傳統天主教小學，較谷，每日功課最少7、8樣，校規比較嚴，壓力比較大。
玫瑰崗響另一方面來講成績差得遠，3成入B1，學校總體冇咁嚴謹，較Hea，學校活動似乎種類亦較少 。不過佢小班教學，約20人一班，雙班主任，程度ok，每日功課3-5樣，壓力較細，學生似乎較為活潑，但亦保持一定禮貌。而且英文語境幾好，同學間有時都係講英文，加上我仔仔係玫幼上，會有幾多同學一齊升上去小學，會比較開心，較容易適應。校舍雖然較舊，但地方較大較開掦，小朋友多d活動空間。
如果我地會響香港升中，我一定幫仔仔揀高主教，因為升中有保證。但係我地有八成機會會響幾年后移居外地，所以我現時偏向於選擇玫瑰崗，因為英語語境幾好，去到外國較易適應，同時亦有中文讀；另外如果去外國升學，我覺得現時無需要比仔仔受壓太大， 我想佢可以比較自由發展，多啲思考空間，應該較為適合佢嘅脾性，日後去外國升學亦更容易適應。玫小又有西班牙文讀，似乎幾好。
而且玫小超小班教學，小朋友有老師較多嘅關顧，似乎可以發揮多d。
至於話學校較hea，我有心理準備自己要跟小朋友嘅功課，必要時俾d額外練習佢做。
呢個決定最終都要自己做，不過我想請教一下大家有冇野係我忽略咗，畢竟呢個決定係比較反其道而行，非常感謝大家。
作者: HK-MAN 時間: 17-6-26 23:00
十五十六中 發表於 17-6-26 22:58 
唔好意思，我諗好多家長睇到呢條題都可能覺得唔需要諗，但係我有d特別考量，想請教下大家嘅意見。
我小朋 ...
作者: cmchang0927 時間: 17-6-26 23:18
回覆 十五十六中 的帖子
我仔rc p5，日日差不多做完功課才回家，仲有時間打機睇電視，我個人覺得佢好hea..
作者: cyhh 時間: 17-6-27 08:48 標題: 回覆樓主
我小朋友高主教p.2升p.3，我想講高主教唔多功課架，平均係5樣左右，上堂仲有功課堂，正常放學後是會一小時內做完。但d功課是普遍要多思巧的，但因為老師上堂有教，所以都ok，功課少抄寫。至於默書方面，也算少，中默和英默唔會喺同一週出現，平均一個月大概三次(中+英)。測驗、考試全部放早，確保小朋友有時間溫習。
不過課程是緊密的，因為早考試，考試後又不教書(活動日), 測驗後又差不多一星期不教書(活動日，或水運陸運等), 所以教書嘅進度快，另外我地每節只是半小時，但孖堂，小朋友要集中力高d。
我想提一提呢，如果日後會在外國生日，會唔會小學時期鞏固中文更重要？因為英文在外地時侷住佢要識，但中文，佢在外地，想學都不能學啊。而我覺得中文+英文叻是未來嘅優勢呢。
作者: Jane1983 時間: 17-6-27 08:55
你分析得好清楚，如果真係唔係香港升中，又真係無需要小朋友走果一程。
作者: manman0808 時間: 17-6-27 09:26
十五十六中 發表於 17-6-26 22:58
唔好意思，我諗好多家長睇到呢條題都可能覺得唔需要諗，但係我有d特別考量，想請教下大家嘅意見。
我小朋 ...
玫小唔 hea 架！ 佢地功課唔多，但多quizzes and exam. 不過小朋友讀得開心，又有 Spanish 讀，玫幼上玫小又易適應！ 佢地活動唔少架，星期五有好多活動搞！
作者: meowymeowy 時間: 17-6-27 10:04
十五十六中 發表於 17-6-26 22:58
唔好意思，我諗好多家長睇到呢條題都可能覺得唔需要諗，但係我有d特別考量，想請教下大家嘅意見。
我小朋 ...
我較喜歡小班教學及multicultural 的學習環境，加上在街遇過不少很presentable的玫小學生 ，所以會揀玫小。
作者: Baby.caroline33 時間: 17-6-27 13:44
meowymeowy 發表於 17-6-27 10:04
我較喜歡小班教學及multicultural 的學習環境，加上在街遇過不少很presentable的玫小學生 ，所以會揀玫小 ...
作者: nicholasnip 時間: 17-6-27 14:15
本帖最後由 nicholasnip 於 17-6-27 14:25 編輯
回覆 十五十六中 的帖子
今年開始, 高主教是30人一班, 因今年加開一班, 和加建了班房
此外, 我看過上年派位,以128-130人畢業計, B1約89%., 包括最後收返多3至4個叩門生(中學部)
坦白講, 如果要有好基礎訓練, 我建議高主教, 但如果不想有壓力, 就玫瑰崗....玫瑰崗都唔差
作者: Beazel 時間: 17-6-27 14:44
回覆 nicholasnip 的帖子
請問高主教是30人一班係講小學定中學? 謝謝
作者: mcl203 時間: 17-6-27 14:44
十五十六中 發表於 17-6-26 22:58
唔好意思，我諗好多家長睇到呢條題都可能覺得唔需要諗，但係我有d特別考量，想請教下大家嘅意見。
我小朋 ...
重點係你是否已決定幾年後一定去外國，仲有無變數，若已肯定，決定可隨心所欲去㨂，若仍未係100%，當然㨂高主教穩陣好多～～～
作者: nicholasnip 時間: 17-6-27 15:03
回覆 Beazel 的帖子
今年小一閞始
作者: Kabbkabb 時間: 17-6-27 15:35
cmchang0927 發表於 17-6-26 23:18
回覆 十五十六中 的帖子
我仔rc p5，日日差不多做完功課才回家，仲有時間打機睇電視，我個人覺得佢好hea.. ...
請問是否每天都有功課堂？
作者: cmchang0927 時間: 17-6-27 17:19
回覆 Kabbkabb 的帖子
其實仔不是功課堂做，是在class teacher堂做，五日有四日有。食完lunch又有半小時剩，他與ㄧ群“志同道合”的朋友會鬥快做功課
所以日日差不多做完才回來。如果硬要説有七八樣功課，其實ㄧ半都是改正。。
作者: lokkayung 時間: 17-6-27 17:27
Sure RC
作者: Felix223 時間: 17-6-27 19:24 標題: 回覆樓主：
本帖最後由 Felix223 於 17-6-27 19:34 編輯
如果未肯定會移居外國，選擇高主教整體上係比較好。朋友用家説個仔讀得好舒服，唔會勁谷。就算幾年後去外國，小朋友適應能力特別強，其實冇咩影響。
| 歡迎光臨 教育王國 (/) |
Powered by Discuz! X1.5 |