教育王國

標題: Pn 讀英粵定英普好？ [打印本頁]

作者: Calung 時間: 17-6-26 15:30 標題: Pn 讀英粵定英普好？

在家是用廣東話溝通，小朋友2歲亦可以講到句子和對答，原本想她英文基礎打得好些，報讀英普。但聽説中文比英文難學，話怕小朋友有語言混淆。
請問係咪揀番英粵較好？而英文再外補？

作者: sweetbaby13 時間: 17-6-26 17:59

小朋友係屋企已經係廣東話溝通，咁報讀英普會比較好！我自己兩個小朋友係屋企以英文同廣東話為主，又無語言混淆既情況出現！出面既PG英文導師同普通話導師係分開的，小朋友係識得分同邊一個導師講咩語言！除非你自己係屋企又教普通話又講廣東話，如果唔係，佢普遍唔會混淆！提提你，即使係英普都選擇番英文及繁體字既教學PG

作者: pizzafat 時間: 17-6-26 19:02

sweetbaby13 發表於 17-6-26 17:59
小朋友係屋企已經係廣東話溝通，咁報讀英普會比較好！我自己兩個小朋友係屋企以英文同廣東話為主，又無語言 ...

想請教我小朋友較慢熱，驚佢用英普上堂會吸收得慢d同唔夠信心，所以掙扎緊讀英普定英粵好

作者: acfun 時間: 17-6-27 12:15

Agree, 英普班比較適合屋企會用廣東話溝通的家庭. 如果家長只用英文或小朋友日常生活好少接觸廣東話, 靠學校學中文語言, 咁真係會混淆左廣東話和普通話.

作者: sweetbaby13 時間: 17-6-27 18:02

pizzafat 發表於 17-6-26 19:02
想請教我小朋友較慢熱，驚佢用英普上堂會吸收得慢d同唔夠信心，所以掙扎緊讀英普定英粵好
...

一開始一定會慢少少，但好快你就見到效果！我自己D普通話唔係好，D音又唔岩，自問無本事可以教到小朋友普通話！有次我同朋友食飯，講左句好簡單既普通話，我個大女即刻話:媽咪，唔係甘讀呀！我班朋友不停笑，不過講真我係開心的，比左甘多＄都係想佢吸收到同埋學得好啫！

作者: Calung 時間: 17-6-28 00:01

回覆 sweetbaby13 的帖子

請問你囡囡普通話文字應用會同粵教中有分辨嗎？有人話用粵語教學，中文運用會好d..

作者: sweetbaby13 時間: 17-6-28 09:22

Calung 發表於 17-6-28 00:01
回覆 sweetbaby13 的帖子

請問你囡囡普通話文字應用會同粵教中有分辨嗎？有人話用粵語教學，中文運用會好d ...

其實正常應該係普通話既文字會文雅少少，不過我明你既concern，你係擔心佢想食雪糕既時候會同你講，媽媽我想食冰淇淋！其實你同佢講番呢個係普通話同廣東話既分別，佢以後講廣東話既時候自然就唔會再講冰淇淋！
不過切忌話佢錯，因為咁樣佢會好亂，明明老師係咁教！只要同佢講番個分別就OK

作者: hppa 時間: 17-6-28 12:15

回覆 Calung 的帖子

英粵較好

作者: hppa 時間: 17-6-28 12:18

回覆 pizzafat 的帖子

英粵較好

作者: kbi 時間: 17-6-28 13:45

小學會打算讀英小嗎？k會想英語比重較多嗎？這些考慮都重要

作者: maglam0610 時間: 17-6-28 15:25

英粵

我有個世姪女,幼稚園到小學都係普教中,浸得太耐,有啲好簡單既詞語問佢粵語點讀佢都唔識: e.g. 凹凸 : 佢唔識讀 lap1 dat6, 佢只識讀ao1 tu1

2歲人仔都係學好母語先啦

作者: pizzafat 時間: 17-6-28 19:33

maglam0610 發表於 17-6-28 15:25
英粵

我有個世姪女,幼稚園到小學都係普教中,浸得太耐,有啲好簡單既詞語問佢粵語點讀佢都唔識: e.g. 凹凸 : ...

多謝大家意見，我就係擔心小朋友母語未係好好既時候，就要用普通話學中文，長遠pick up 會有問題

而英粵班其實每日都有net & 普通話時間，用母話教中文，班主任係本地人

所以其實我都傾向英粵班，但想聽多d過來人分享

作者: jimjimjim 時間: 17-6-28 20:15

一定係英粵
大學研究一早出晒

作者: Calung 時間: 17-6-29 14:20

回覆 kbi 的帖子

就係target想考直小，所以更想小朋友英文底好d，起碼不害怕對答先..

作者: mamami2017 時間: 17-6-29 14:37 標題: 回覆樓主

我個人覺得一定要先用廣東話學中文再學普通話。如果一開始就用普通話好易被大陸化

作者: Calung 時間: 17-6-29 14:47

同時想問問大家，如德育方面，是否本地老師會著重同教得好d？如net做班主任，在這方面會否太free，小朋友唔守規矩呢。

而我囡脾氣同情緒較大，請問邊樣會適合佢d？求指教！

作者: pizzafat 時間: 17-6-29 19:31

Calung 發表於 17-6-29 14:47
同時想問問大家，如德育方面，是否本地老師會著重同教得好d？如net做班主任，在這方面會否太free，小朋友唔 ...

我覺得係，一黎本地老師通常無咁free，可好好train 小朋友坐定排隊守秩序，二黎小朋友亦較易明白老師講咩，會合作d

歡迎光臨教育王國 (/)