教育王國

標題: 回顧返，面試班幫到你考一缐小學嗎？獎項有用嗎？ [打印本頁]

作者: Hailey88899 時間: 17-6-25 12:19 標題: 回顧返，面試班幫到你考一缐小學嗎？獎項有用嗎？

本帖最後由 Hailey88899 於 17-6-25 12:34 編輯

小一結果差不分定了，回望返，面試班幫到你嗎？
如果再來一次，你會怎樣準備打呢場仗？

作者: irisw 時間: 17-6-25 12:30 標題: 回覆樓主

我覺得要睇下你target 咩類型學校。
我個女就冇上過任何面試班，但會自己教佢面試嘅基本對答。
學術都係自己操下。
但如果你心儀神校就另作別論。

作者: kaatt 時間: 17-6-25 13:12 標題: 回覆樓主:

我囡無上過面試班，也沒有獎，讀學卷幼稚園，平時我自己教，多數都係講故事同周圍去。考6間直私有3間收，不過我無考神校同學術高小學。我諗考直私校，好睇你目標想入邊類型小學同小朋友性格。

作者: Lawfamily2409 時間: 17-6-25 13:37 標題: 回覆樓主:

面試班沒有上，但證書獎項我覺得有用，因為叩門時學校會睇。名次不重要，反而他們着重家長願意花時間栽培孩子，是有心的家長。

作者: sandypink 時間: 17-6-25 15:41

kaatt 發表於 17-6-25 13:12
我囡無上過面試班，也沒有獎，讀學卷幼稚園，平時我自己教，多數都係講故事同周圍去。考6間直私有3間收，不 ...

我唔太贊成上面試班，我無上，亦無獎項。
考直資除左真道無2nd in，其他都有offer/去到最後waiting階段。只要父母俾多d時間小朋友，我覺得比上面試班有效得多。

作者: lcyesther 時間: 17-6-25 20:51

kaatt 發表於 17-6-25 13:12
我囡無上過面試班，也沒有獎，讀學卷幼稚園，平時我自己教，多數都係講故事同周圍去。考6間直私有3間收，不 ...

真心求教，小朋友英語能力、認字能力如何？有無上中英外補班？

作者: angeljodi 時間: 17-6-25 20:58

Hailey88899 發表於 17-6-25 12:19
小一結果差不分定了，回望返，面試班幫到你嗎？
如果再來一次，你會怎樣準備打呢場仗？ ...

我冇上面試班，有3個私小offer，獎項唔知有冇用，但我係從小伴讀，小朋友係好中意睇書嘅

作者: twintse 時間: 17-6-25 21:30 標題: 回覆樓主：

本帖最後由 twintse 於 17-6-25 21:32 編輯

2位小朋友讀普通村校，無上面試班，但報考不同直私當練習，2個小朋友都有2個私小offers,又叩到一個區內一線津校offer(我無全部留位，得知有offers就只留一間)。

自小有伴讀建立閱讀習慣，讀附近學券幼稚園是希望小朋友唔洗太早起床返學，不過語境當然唔多夠要外補，覺得讀名幼考小一有著數。

作者: babyhelen87 時間: 17-6-25 22:05 標題: 回覆樓主

女，無面試班，私立幼稚園，學術好（老師評價極好），考兩間私立均不中（女拔，救恩）。抽獎運氣好中第一志願。

感覺面試班有用，不過如果重來一次都係唔會上面試班。

作者: Hailey88899 時間: 17-6-25 22:16

本帖最後由 Hailey88899 於 17-6-25 22:17 編輯

回覆 babyhelen87 的帖子

覺得有用但再來一次都唔會上？為什麼？
女拔呢d學校技巧也要一點吧？
一生人一次機會考小一

作者: kaatt 時間: 17-6-25 22:32

lcyesther 發表於 17-6-25 20:51
真心求教，小朋友英語能力、認字能力如何？有無上中英外補班？

沒有外補中英，大部分時都係伴讀，沒有特別去認字，但睇書多佢自然認到好多字。

因為我囡間幼稚園每日都有英普堂所以聽講都ok, 但不是特別叻。

從細我就帶佢周圍去，成日去公園同小朋友玩，所以佢社交同輩相處無問題，一班小朋友之間成日會好多問題，我唔會理叫佢自己解法，所以我囡性格都算好獨立。

作者: eeie 時間: 17-6-25 22:35 標題: 回覆樓主

我小朋友沒上面試班，沒有出類拔萃的獎項，沒有刻意參加很多比賽，考8間私校直資有4間offer,1間去到3rd in; 其中兩間有offer的都是不收portfolio 的；如果小朋友不算善於表達的話，我覺得好的面試班可幫到他們，但過度操練技巧的面試班可能會有反效果；至於獎項，我覺得不是必需但要表現出小朋友的特質或你如何栽培/教育他；不過，間間學校要嘅東西都略有不同，如果個獎真係好獨特出色，我係老師都一定另眼相看

作者: ar_mak 時間: 17-6-25 22:37

提示: 作者被禁止或刪除內容自動屏蔽

作者: eeie 時間: 17-6-25 22:44

ar_mak 發表於 17-6-25 22:37
呢個係神級問題,亦係永遠唔會有答案,因為,根本冇人會知道真相.

我覺得讀面班同上補習班,基本上唔能夠完全 ...

又啱喎！

作者: lcyesther 時間: 17-6-25 23:06

kaatt 發表於 17-6-25 22:32
沒有外補中英，大部分時都係伴讀，沒有特別去認字，但睇書多佢自然認到好多字。

因為我囡間幼稚園每日都 ...

我也有每天伴讀，一日最少一中一英。但小朋友認字唔叻，可能人真係有天資啦。
小朋友都鍾意看書，但繪本多只看圖畫，對認字沒有幫助

作者: siden 時間: 17-6-25 23:12

ar_mak 發表於 17-6-25 22:37
呢個係神級問題,亦係永遠唔會有答案,因為,根本冇人會知道真相.

我覺得讀面班同上補習班,基本上唔能夠完全 ...

係

其實呢條問題被問過N次

永遠唔會有答案

原因你已經講得夠清楚

作者: jesswu 時間: 17-6-26 02:13 標題: 回覆樓主:

冇上面試班，冇考任何cert, 冇寫portfolio....
主要教小朋友有禮、謙遜、自信、歡容……
盡量表現自己是積極樂觀、勤奮好學的小孩……
我覺得面試班作用不大，如果想實習面試，可與家長群活動形式互相幫大家的小孩做模擬面試(即各家長扮老師interview孩子)

作者: sunnymama2 時間: 17-6-26 02:48

點解得冇上面試班的發表意見?點解唔見讀過面試班的家長上黎傾吓?唔知會唔會驚比人講係怪獸家長所以唔敢上黎?

btw, 身邊有k3 的話，佢身邊同學仔有offer的，多數有上面試班。不過就算係真，又唔代表乜，因為上得面試班的家長，大多數都谷仔女的，成績自然好d，有多d offer都唔奇。

作者: gskw 時間: 17-6-26 03:52

請問邊啲叫一線？

作者: francis_chan 時間: 17-6-26 06:35

無上面試班，讀區外有學卷英幼，外補英文及普通話，有朗誦獎項，報朗誦其實都係想練大佢個膽，唔怕多人場合，只報了三間直私，其中一間有waiting,最後都順利入讀！

作者: picalo 時間: 17-6-26 06:42

其實我覺得有無offer,有好多天時地利人和因素
有無上面試班,有無cert,一定唔係只有呢2個原因
我覺得上乜學乜考乜cert都好.最緊要係小朋友唔抗拒,唔辛苦
你嚇怕左佢,就算上到好小學,都後勁不繼,而且仲有漫漫長路
而家我女上乜學乜,都係佢鍾意,次次上完話要再去,我先繼續
(p.s. 佢9月K1)

作者: 星星的後裔 時間: 17-6-26 07:27 標題: 回覆樓主

現今情況，除非是好優秀成績及受肯定的機構外，其他都無用。現在小學識彈琴都可以話唔當一個技能，唔通d 豬肉獎可以打動到校長的心？朋友帶個女去參加某連鎖補習社的"比賽"得了獎，但同日最少有200,300人都有，你話對考小有用嗎？不過倒可以增強小朋友信心。
至於面試班，另一朋友讀鳥又入鳥心宜一線，咪話有用。若考不到佢就可能話都無用。我自己無學無考。

作者: 小曳人 時間: 17-6-26 07:36

獎項~ 某興趣項目初學半年，已攞同齡組別第一，結果叩門津校全部無2nd in

作者: babyhelen87 時間: 17-6-26 08:13

Hailey88899 發表於 17-6-25 22:16
回覆 babyhelen87 的帖子

覺得有用但再來一次都唔會上？為什麼？

其實當初係覺得所在12校網唔差，可以等抽獎，報私立都係想囡囡練習面試，萬一叩門可以有經驗。去到女拔同救恩先明白，成幾千人in，運氣都好重要。

我諗面試班係有用，因為可以即刻stand out，但同時都要睇運氣。咁就無謂為咗呢個操小朋友面試喇。多啲時間玩吓仲好。

作者: mimi222shi 時間: 17-6-26 08:40

考小一最實際係學術好, 中英"大量"伴讀, 數學靠學校(我唔信幼稚園都要外補學術)

報學校做模擬面試(唔讀即時寫信去放位),從來無考慮過要報面試班.

佢IQ高, EQ低,但提點佢既技巧應該應用到, 否則好難有取錄信.

身邊有唔少人報超過一個面試班, 特別係針對神校, 但極少人成功.

作者: Ocean419 時間: 17-6-26 08:53

jesswu 發表於 17-6-26 02:13
冇上面試班，冇考任何cert, 冇寫portfolio....
主要教小朋友有禮、謙遜、自信、歡容……
盡量表現自己是積 ...

你講嘅同上面試班有咩分別？外補/內補，比錢請出面人教/唔使錢自己教

作者: jesswu 時間: 17-6-26 09:00

Ocean419 發表於 17-6-26 08:53
你講嘅同上面試班有咩分別？外補/內補，比錢請出面人教/唔使錢自己教

其實都係架……雖然我都冇玩過……
只係見坊間d收好貴又唔知有冇效，如果真係想實習下，覺得朋輩間互利互惠都不失為一個選擇……
即係咁，就算唔比$出去補習自己點都會同佢溫下卦

我當年做法，最求其，就由我自己扮老師問佢野…大概比佢了解下個形式過程咁，係咁意做過下野便算

作者: HappiMom 時間: 17-6-26 09:10

ar_mak 發表於 17-6-25 22:37
呢個係神級問題,亦係永遠唔會有答案,因為,根本冇人會知道真相.

我覺得讀面班同上補習班,基本上唔能夠完全 ...

一針見血，我小朋友有讀，效用取決好多因素，完全是judgement call

作者: ok3 時間: 17-6-26 11:55

呢個問題, 應該永遠唔會有答案. 同一劑補藥, 亞甲食完覺得精神咗. 亞乙食完覺得冇咩功效. 亞丙食完唔單止覺得冇健康咗, 仲頭暈暈兼流鼻血添! 咁你話劑補藥有冇效? 又用好多人成日講嘅"+x哥都冇讀過大學"嚟作為例子. 有人話以佢嘅聰明才智, 如果再讀多啲書 (讀過大學), 成就應該會更大. 但又有人話, 如果佢讀多啲書 (讀過大學), 佢今日最多只係一名高級打工仔或專業人士. 咁你覺得x哥冇讀過大學呢個fact, 對佢本人嚟講, 係好事定壞事? 真相恐怕永遠冇人知!

作者: letterland 時間: 17-6-26 13:26

Hailey88899 發表於 17-6-25 12:19
小一結果差不分定了，回望返，面試班幫到你嗎？
如果再來一次，你會怎樣準備打呢場仗？ ...

勁既小朋友係本身父母已經花左好長時間去栽培，禮貌學術2樣都有，上唔上面試班分別唔大，因為呢d小朋友已經好outstanding.

表現弱既小朋友再上面試班幫補唔大，一星期一堂一個老師對幾位學生，老師都未必有時間成日提住佢聽書答問題。

本身資質唔差父母又無時間教可以交比面試班老師再調教同提點。

依家面試題目越出越深，學術要求又高左。好明顯表現好既小朋友一定係父母平日教導有方而小朋友又用心學習。

作者: archie1728 時間: 17-6-26 23:11

ar_mak 發表於 17-6-25 22:37
呢個係神級問題,亦係永遠唔會有答案,因為,根本冇人會知道真相.

我覺得讀面班同上補習班,基本上唔能夠完全 ...

作者: LittleButter 時間: 17-6-27 00:10

本帖最後由 LittleButter 於 17-6-27 00:11 編輯

ar_mak 發表於 17-6-25 22:37
呢個係神級問題,亦係永遠唔會有答案,因為,根本冇人會知道真相.

我覺得讀面班同上補習班,基本上唔能夠完全 ...

一針見血！十分贊同！

我家兩位小孩，也曾報讀同一間面試班、也是相同老師，不同在於是一男一女。

最終，大女沒有透過面試班而考獲最心儀的兩所女私校。

而細佬卻透過相同的面試班考獲兩間心儀的直資男校。

結論係：

真的無人知道、或者無人可以肯定上面試班有沒有用！因為實在有太多其他因素影響著孩子有沒有offer。

個人覺得有些事情並非我們能控制的：如面試時間、面試撞期、小孩生病、小孩心情、小孩狀況、小孩吸收、領會、表達、融匯貫通等等之能力。

但是我卻是可以控制自己做到幾多的：如身教、由細至大輸入的價值觀、與人之間相處之道、基本學術、禮貌、如經濟及時間許可下，提供埋面試班，只是盡我所能的，而不是拋個波比面試班，自己什麼也不用做，其實家長往往也要自己跟進的。我只是盡力做好我作為父母個部分，其餘的，就看孩子的造化了！

作者: ar_mak 時間: 17-6-27 01:24

提示: 作者被禁止或刪除內容自動屏蔽

作者: daddy2007 時間: 17-6-27 08:25

試上1-2個月再决定，未試過又點知有無用呢？

作者: AJH 時間: 17-6-27 09:00 標題: 回覆樓主

我家小孩的個案，面試班老師係幫到佢的。其實坊間面試班俾小朋友嘅工作紙大同小異，導師能否準確指出小朋友弱項再回家加以訓練先係最重要。

作者: HaYi 時間: 17-6-27 09:18

大仔以前就冇參加過.

幾年後到而家細仔, 就參加過幾個月面試班, . 因他比較慢熱, 多多少少俾佢多一點心理準備. 到正式考不同校時, 有一間玩的盒裝遊戲我的仔說他未見過, 不懂玩, 但聽其他家長說是早先面試班有玩過但我地個時未報. 所以當時都會覺得人地早上可能都其有理由.

至於面試老師評的強弱, 我又唔覺得好重要, 因為一向自己對佢了解得幾多. 所以我覺得面試班是其中一樣學野的班而已, 有錦上添花, 試下無坊, 冇就同所有野一樣自己來教. 而且現在的面試班都唔會叫人背答案. 不需要太緊張去讚成或反對,

作者: HappiMom 時間: 17-6-27 09:43

LittleButter 發表於 17-6-27 00:10
一針見血！十分贊同！

我家兩位小孩，也曾報讀同一間面試班、也是相同老師，不同在於是一男一女。 ...

(emoji)(emoji)

作者: eeyorepigpig 時間: 17-6-27 10:17

回覆 LittleButter 的帖子

講得好好~~~

歡迎光臨教育王國 (/)