教育王國

標題: 小朋友面試天然呆！ [打印本頁]

作者: MushroomLi 時間: 17-6-22 10:11 標題: 小朋友面試天然呆！

昨天同呀囡去小一扣門面試，呀囡表現和平時完全不一，入到去校長室，好似呆咗咁，全部反應慢十拍，鵪鶉咁聲，連基本坐好都好似唔識咁！！

我當時好失望，但也忍著，晚上和她一起分析了這個問題，話佢知咁係唔得，呢個世界有好多嘢係要主動爭取，佢同我都哭了！（場面有D搞笑！）佢好似明白，之後我們都決定一齊努力克服怕羞，緊張呢個問題。

想請教下各位有經驗家長，你們的小朋友也會有類似的情況嗎？有什麼可以幫到他們呢？是否真的要報那些什麼什麼小司儀班？什麼什麼面試班呢？其實我最唔開心唔係佢扣唔到間學校，而係擔心佢呢個性格將來係社會真係冇競爭力...

作者: eivanlo 時間: 17-6-22 10:14

本帖最後由 eivanlo 於 17-6-22 10:16 編輯

錯帖, 己刪

作者: SimplyVoice 時間: 17-6-22 10:24

提示: 作者被禁止或刪除內容自動屏蔽

作者: rrMM 時間: 17-6-22 10:41

我覺得你下朋友很大壓力

作者: judy 時間: 17-6-22 11:08

晚上和她一起分析了這個問題，話佢知咁係唔得，呢個世界有好多嘢係要主動爭取，佢同我都哭了！

何必搞到小朋友咁大壓力呢？

作者: MushroomLi 時間: 17-6-22 11:37 標題: 回覆：rrMM 的帖子

我都知道佢係緊張，但係我哋一向已經不是谷的家長，讀嘅係開心幼稚園，學術班都冇乜同佢報，所以我就係覺得有點迷失，係咪我比一個太輕嘅環境佢🤔🤔

作者: 貝珠 時間: 17-6-22 13:43

你小朋友很正常呀。

作者: himching 時間: 17-6-22 17:29

1. 你們的小朋友也會有類似的情況嗎？ => 有
2. 有什麼可以幫到他們呢？ => 同佢講面試真實情況, 及只提成功之後, 開心事, 不要提失敗後果.
3. 是否真的要報那些什麼什麼小司儀班？冇報過, 覺得面試是互動, 什麼小司儀班是單向.
4. 什麼什麼面試班呢？ => 報過, 完全冇用
5. 其實我最唔開心唔係佢扣唔到間學校，而係擔心佢呢個性格將來係社會真係冇競爭力.. => 父母通病, 將一件普通事情, 放大再放大, 只是小一, 雖然本性不變, 但處理陌生環境, 會隨著成長變的. 呢個性格夠可以相反解讀為穩重, 好有競爭力.

個人經驗, 父母只能做的是同仔女講清楚面試目的及可預見情況.

作者: MrBeast 時間: 17-6-23 09:01

本帖最後由 MrBeast 於 17-6-23 09:02 編輯

MushroomLi 發表於 17-6-22 10:11
昨天同呀囡去小一扣門面試，呀囡表現和平時完全不一，入到去校長室，好似呆咗咁，全部反應慢十拍，鵪鶉咁聲 ...

壓力大多來自父母，試下給予你小朋友做得好的地方讚賞和肯定

作者: sweetbaby13 時間: 17-6-23 09:20

比多D鼓勵，其實對住陌生人會天然呆好正常，唔好話小朋友，大人有時都會啦！

試下面試前一晚同佢玩，而唔係練習面試題目！朝早食早餐個時都係做D開心野，而唔係不停提佢陣間面試要點點點，小朋友保持開心既心情，你之後叫佢做咩都易D ！

其實樓上suggest報平平地既班，學咩唔重要，重要係比佢對多D陌生人，我覺得都可以一試！

作者: MushroomLi 時間: 17-6-23 12:33 標題: 回覆：小朋友面試天然呆！

好多謝大家嘅意見，冷靜落嚟，真係覺得自己都有問題，教育小朋友，感覺好像摸住石頭過河，我會努力，希望和大家多啲交流，吸取經驗之談，謝謝😅🙏🙏🙏

作者: pollychan98 時間: 17-6-24 08:22

MushroomLi 發表於 17-6-23 12:33
好多謝大家嘅意見，冷靜落嚟，真係覺得自己都有問題，教育小朋友，感覺好像摸住石頭過河，我會努力，希望和 ...

明白你的用心，嘗試換個輕鬆D的方式，可能更有效果，我地都同小朋友一樣學習中，對嗎？

作者: MushroomLi 時間: 17-6-24 10:58 標題: 回覆：pollychan98 的帖子

謝謝你的鼓勵😇，是的，成長的歲月還有很長，呀媽都仲要進化一下😂🙏

作者: skkeung 時間: 17-6-26 07:13

MushroomLi 發表於 17-6-22 10:11
昨天同呀囡去小一扣門面試，呀囡表現和平時完全不一，入到去校長室，好似呆咗咁，全部反應慢十拍，鵪鶉咁聲 ...

考學校攪到哭，咁细的小明友，考到又如何？

作者: IloveJJ 時間: 17-6-26 16:23

提示: 作者被禁止或刪除內容自動屏蔽

作者: skkeung 時間: 17-6-27 06:57

IloveJJ 發表於 17-6-26 16:23
唔駛諗得咁誇張吧！五歲怕羞，將來就無競爭力?我仔都係怕羞緊張型，無計，我同老公都係咁。
影響將來競爭 ...

所言甚是，人云亦云！

歡迎光臨教育王國 (/)