教育王國
標題: 請教：強化孩子的自信 [打印本頁]
作者: Heyheyjoyjoy 時間: 17-6-20 00:48 標題: 請教：強化孩子的自信
一直提醒自己：
1）能讚的一定會讚
2）給孩子安全感
3）自主：可以的話，讓他自己做決定
4）生活上的分享，不放過任何一個機會說教
孩子是有思考對自己有要求的人，畫畫可以畫得好細緻，寫字也會自己要求寫好，問題是常未能掌握時間，做事歎慢版的。
但問題是：他在學校會遇到如學校表演，老師選拔同學做不同角色，他被分做路人甲；有些同學特別快手醒目，自會多一點注意，甚至讚揚。
孩子聽了看了，放在心裏，某天他說自己不怕輸，因為在學校常常輸…對未見過的功課採取拖延策略，唔識又唔問，而其實看例子應該估到要怎做…
父母可以怎做？一直以來的做法好像沒有用⋯⋯
麻煩各位過來人，分享一下心得，可以嗎？
作者: retriever 時間: 17-6-20 07:26
Heyheyjoyjoy 發表於 17-6-20 00:48 
一直提醒自己：
1）能讚的一定會讚
2）給孩子安全感
你第三點，除咗俾佢做決定，仲應該要佢自己負責決定既後果。
權責係要對應既。所以亦唔係咩都俾佢決定，因為細路暫時承擔唔到個後果。
譬如， 你俾佢決定食咩，咁佢有無負責食哂佢？
自信係因為佢有能力決定，唔係因佢有機會決定。
決定而唔需要負責，只係有信心做大哥。
作者: Heyheyjoyjoy 時間: 17-6-20 10:43
retriever 發表於 17-6-20 07:26
你第三點，除咗俾佢做決定，仲應該要佢自己負責決定既後果。
權責係要對應既。所以亦唔係咩都俾佢決定， ...
同意，權責要對應。而所謂做決定也只是週末穿什麼衣服、小食吃甚麼、買東西給他時讓他選顏色…等，其責任就是選擇後要貫徹執行。
作者: HaYi 時間: 17-6-20 11:06
同我細仔有D似, 佢自我要求高, 怕錯, 所以會情願stay 在comfort zone, 而佢自己理自己做得好好, 希望人人讚賞, 我反而幾擔心此點, 因為不易去發現新能力, 所以我很刻意安排佢不太comfort 多挑戰的活動, 只要肯參加就會讚佢, 結果如何就少提, 欣賞的重點由結果變成參加, 希望有改善.
作者: little_yolky 時間: 17-6-20 11:43
HaYi 發表於 17-6-20 11:06
同我細仔有D似, 佢自我要求高, 怕錯, 所以會情願stay 在comfort zone, 而佢自己理自己做得好好, 希望人人讚 ...
佢近日同我講, 原來佢好想做班長。佢哋學校係舉手就可以做, 人多時就全班投票。但佢一次都無舉過手, 佢話見其他人舉手想做, 自己又舉手好似同人爭咁, 唔好。咁我唯有鼓勵佢想做就要舉手試。不過佢好鐘意試新嘢, 但最大問題係試過就算, 要involve落去練習即刻唔學。
作者: SimplyVoice 時間: 17-6-20 11:51
提示: 作者被禁止或刪除 內容自動屏蔽
作者: MNIF 時間: 17-6-20 13:01
提示: 作者被禁止或刪除 內容自動屏蔽
作者: brother4 時間: 17-6-20 14:06 標題: 回覆樓主：
本帖最後由 brother4 於 17-6-20 14:08 編輯
讀書人生一個小部份，小學叻 到中學會再洗牌，點解小朋友小學不怕輸?有贏才有輸。。。自己話盡力便可。。。(又抽水)孩子有學習問題，在學校要支援，補習社至小三後不收佢，原因冇進步，小四無耐請私補，佢打好個底，做小三練習等，呈分有80分左右，派中文中學。。。(再抽水)自己小學留班及踢出校，對孩子要求超低，升班便可。。
作者: Heyheyjoyjoy 時間: 17-6-20 14:08 標題: 回覆樓主
謝謝各位的分享及鼓勵。
我試過同他傾，但成效不彰，都是我講多，變成又是說教。6歲人仔，開心見誠同佢攤開來講，一齊找辦法，會唔會對他要求太高？
於是我嘗試主導，憑自己的觀察，要求他只要對人有反應，即當老師分付時/示範時即刻聽/看，別人叫他，他立即答1）知道，去做；2）問點解要做3）問可否5分鐘後才做。在老師的觀感上已立即不同，而且即刻聽看明白，到他要做時就可以快了。那他在外時應該能有多點成功經驗。
但是，我跟他相處時，他常常都做不到…每次都跌落我說/我提/我催/我罵才做到一件事（如收玩具去房講故事睡覺）的惡性循環，這正違背我想多讚賞、少罵甚至不罵去正向教育，幫他制造成功經驗的本意。
各位前輩，請問我是否跌入盲點了？
作者: MrBeast 時間: 17-6-20 15:10
Heyheyjoyjoy 發表於 17-6-20 00:48
一直提醒自己：
1）能讚的一定會讚
2）給孩子安全感
作者: MrBeast 時間: 17-6-20 15:15
Ps 捨難取易也是人之常情，最好方法就是身教，父母在小朋友面前demonstrate
作者: cutieringo 時間: 17-6-20 15:44 標題: 回覆樓主
你小朋友同我個囡好似～
老師係K1開學初都唔覺有問題，仲記我老師係上學期同我，話我個囡唔衰得/唔瘀得/唔話得。係之後學校活動有其他家長在場，我個囡即刻好怕唔肯同其他同學玩遊戲，老師先見到個情況（其實我之前同老師講佢有上興趣班，頭二堂無問題，到第3堂扯住我地隻腳唔肯入房室）之後老師同我傾返，話佢因爲缺乏自信，所以佢要觀察一陣先敢玩，另外佢有建議，就係不停同佢預先講定曬哂情況，等佢有心理準備先，時隔半年我個囡情況好少少，不過真係要不停同佢說教！加上，我地有俾佢出去上其他興趣班，目的唔係為學術，而係想佢面對多啲人。
老師亦建議我地鼓勵多啲，佢做到就同佢講「原來你都可以做到喎！」等佢建立返自信，路係慢長⋯大家一齊努力！
作者: brother4 時間: 17-6-20 16:08 標題: 回覆樓主:
小孩不笨，其實小朋友就是家長一面鏡的道理，同上樓主講教身好重要。。另一種很笨及自己感有效方法，看一篇(由頭至尾)小學雜談等，估一月可，自己五六年前看用咗二星期朝九晚五，現繼續追看。。。哈哈!
作者: MNIF 時間: 17-6-20 16:09
提示: 作者被禁止或刪除 內容自動屏蔽
作者: retriever 時間: 17-6-20 17:45
Heyheyjoyjoy 發表於 17-6-20 14:08
謝謝各位的分享及鼓勵。
我試過同他傾，但成效不彰，都是我講多，變成又是說教。6歲人仔，開心見誠同佢攤 ...
有時真係提太次，要鬧要哦。
但話說頭，最有效還是跟佢講道理，鬧只係因為要“招魂”
除咗讚，你話你“信佢可以做得到”
作者: Heyheyjoyjoy 時間: 17-6-20 18:13
retriever 發表於 17-6-20 17:45
有時真係提太次，要鬧要哦。
但話說頭，最有效還是跟佢講道理，鬧只係因為要“招魂”
對，《鬧》確是為要即刻叫他番來，是病了醫生話要打針一樣。
《講道理》是病好後，醫生話要早睡早起、多菜少肉、定期運動…去養成良好習慣。
「我信你做得到！」是醫生話你會好快好番，到時可以食雪糕…的精神食糧。
那《身教、鼓勵、多嘗試、做家務、儲成功經驗》就是現在的藥方吧！
多謝各位前輩，在這跟大家討論，自己獲益良多，抖擻精神，繼續摸住石頭過河！
作者: joepa 時間: 17-6-20 18:38
聽落樓主已做得不錯, 相信只是時間問題, 現在才6歲, 大家繼續努力!!
作者: santakit 時間: 17-6-20 18:48 標題: 回覆樓主:
樓主的問題，會吾會是身邊既同輩太強？
個小朋友努力左都好似總有人叻過佢？
作者: karen55407 時間: 17-6-20 20:40 標題: 回覆樓主
幼稚園校長教家們要三多：多參與，多鼓勵，多讚賞
作者: ar_mak 時間: 17-6-21 00:53
提示: 作者被禁止或刪除 內容自動屏蔽
作者: Heyheyjoyjoy 時間: 17-6-21 01:25 標題: 回覆樓主
深明「人比人，比死人」，自己也一直奉行「比上不足 比下有餘」的生活態度。
由於弟弟強於表達而且反應快，自己已一直在家強調各有優點媽媽都愛，亦刻意躲開愛比較的親戚。他的同學當中一定有表達好又反應快的人，無論在孩子面前/背後我從來都只會強調各有優點，況且別人的成功也有其努力與付出，成長路上也是各自修行。
何解他不相信自己，是否我做錯了甚麼⋯⋯而我能做什麼呢？前輩們的分享都給了我許多啟發，謝謝大家。
作者: Heyheyjoyjoy 時間: 17-6-21 01:57
ar_mak 發表於 17-6-21 00:53
我直覺上,你小朋友應該係乖,唔會作對,但主動性唔夠,經常會等到有足夠指示先放心去做.......可能佢係為討好 ...
他是乖的善良的，也很錫媽媽的孩子。但如果是為討好我，為何我明確要求他做的他不做呢？我明白改變習慣是好難的，可能他要多點時間。只要方法對，我繼續努力就可以了。
作者: 964000 時間: 17-6-21 06:37
Heyheyjoyjoy 發表於 17-6-21 01:25
深明「人比人，比死人」，自己也一直奉行「比上不足 比下有餘」的生活態度。
由於弟弟強於表達而且反應快 ...
是否細B？如是自少經驗點都有些影響，覺得自己點都吾夠人掙吾夠人快，不如慳番。仲要有個醒目的弟弟，你口不説，小朋友自己也會比較，人地讃弟弟時自己心裏也不好受。
你不如幫他發掘下有沒有其他興趣，例如運動音樂畫畫，吾洗一定好叻，但起碼有點目標成績，建立一點自信。
上面有人説得好，小孩子幫手做家務，讓他培養一點責任感，享受一下自己對家的貢獻，對性格也有幫助
作者: mimi222shi 時間: 17-6-21 07:51
自信多少是與生俱來的, 以前幼稚園去朗誦比賽, 會見到有小朋友勇往直前, 有些怕到最後都唔肯出黎.
多成功經驗或許能"強化"自信.
作者: Yanamami 時間: 17-6-21 08:43
贊成MyBeast同964000講要先揾到佢長处同亮点，增加强項成功感，从而帶动个人自信｡我女小学重視自信教育，相信每个孩子头上总有片蓝天，＋隻手指有表短，有人讀書叻，有人动动細胞强，有人音樂感好，有人跳舞好……不过呢d好大路……有無留意小朋友可能特别細心，或者友善、有耐性、有同理心、愛幫助人、自理好……呢d難d表揚？校長話人总有某d長处，只要从佢既長处俾到成功感佢，就培養到自信，有左自信，就可帶动佢其他方面做得更好｡
我大女已考完DSE, 小学只係个中等生，中文尤其差，数亦唔特別好，不过英文尤其好｡我揾间好重視英文，校長尤其鈡意英文好既学生既中学俾佢，中一虽然排名一般般，但英文一科straight As, 英文科全級头三，就只要有一项强項就带动到佢对自己既自信，每年都進步｡所以你先从瞭解孩子强项，加以發揮，俾多d成功体驗佢比講一大堆道理更有效｡
我細女比家姐聰明得多，但反而更在意人地点諗佢，幼稚園时CC缩縮，我甚至怕佢考唔到小学，上到小学我心諗六年後要考中学，再係禁死得，所以每年都要佢(唔係逼，佢亦同意)参加朗誦節(两、三项)，大家目標係企上台、順利完成项目唔出錯、練大胆｡無獎唔係重点……六年下來真係練到参加辯論隊比赛攞最佳辯員……口齒伶俐就係佢强项｡
楼主有六年時間調校，俾d心机揾下孩子强项先｡
作者: nokia9437 時間: 17-6-21 08:55
提示: 作者被禁止或刪除 內容自動屏蔽
作者: Happy_J 時間: 17-6-21 09:04
Heyheyjoyjoy 發表於 17-6-21 01:25
深明「人比人，比死人」，自己也一直奉行「比上不足 比下有餘」的生活態度。
由於弟弟強於表達而且反應快 ...
我小朋友case 同你小朋友有點相反，她其實很有自信心、在學業成績上表現也算理想，但她不是老師喜歡那些坐定定的乖巧，所以很多時不會被老師選中。而近日也有一些選拔，非她強項，落選後她顯得失落。
我們也在想方法鼓勵她，把強項做得更強、多找找其他優點。
一句人比人比死人，莫講話小朋友，有時候聽佢講完，媽媽都會唔開心，但係我心入面，佢已經好叻、做得好好，唯有不停鼓勵。
作者: Heyheyjoyjoy 時間: 17-6-21 09:44 標題: 回覆樓主
是的，本性難移，所以我不求他變身成面面俱圓、八面玲瓏的世界仔，只求他踏實做自己，不要未做已經得罪老師（教都唔聽、無反應、唔睬人，都唔知佢係聽唔到定唔想學，幾有耐性的老師都難抵此等不尊重對待，是人與人相處的大忌）。做事手腳快/慢反而經過相處可以磨合，互相遷就；唔敢唔肯面對人根本無從開展人際關係，可惜人類不是獨居深山的動物。
昨天我從他的私補老師聽到好消息：他對該老師並無唔睬人/唔望人的情況，我立即跟他說：「原來你可以做到睬人，我就不用擔心你了。」他聽到後整晚都表現得好輕鬆，也嘗試表現自己，我就順著讚讚讚。該老師告訴我：「孩子要先觀察你、認識你、相信你，他就會睬你。」而老師留意到他好細心，思想比同年齡的成熟。
在強化自信的漫漫長路，希望現階段他有幸遇到超有耐性又懂孩子的好老師，偷點時間讓我把他從深山請出來。
觀乎前輩們的經驗分享，透過成功經驗強化自信勝千言萬語，而成功經驗得從其長處發掘是最順理成章的方向。受教了。
| 歡迎光臨 教育王國 (/) |
Powered by Discuz! X1.5 |