教育王國
標題: 睇書多等於作文好嗎？ [打印本頁]
作者: mypineapple 時間: 17-6-15 23:43 標題: 睇書多等於作文好嗎？
睇多啲書可以作文作得好嗎？
作者: lamyuenyu 時間: 17-6-16 00:30
提示: 作者被禁止或刪除 內容自動屏蔽
作者: sarachk 時間: 17-6-16 01:04
mypineapple 發表於 17-6-15 23:43 
睇多啲書可以作文作得好嗎？
個人經驗，有幫助。
作者: S-Kwok 時間: 17-6-16 08:32 標題: 回覆樓主：
本帖最後由 S-Kwok 於 17-6-16 08:33 編輯
睇書係輸入，寫係輸出。
輸入跟輸出嘅比例唔一樣，皆因每個人嘅資質唔一樣。點樣睇書亦有影響，究竟係水過鴨背，還是認真閱讀？
輸出：一定要經常寫方有幫助，寫時亦要運用各種寫作技巧，文章先夠靚，否則會枯燥乏味。
作者: mypineapple 時間: 17-6-16 08:41
S-Kwok 發表於 17-6-16 08:32
睇書係輸入，寫係輸出。
輸入跟輸出嘅比例唔一樣，皆因每個人嘅資質唔一樣。點樣睇書亦有影響，究竟係水過 ...
請問如何訓練寫作？ 還要找補習班？
作者: siden 時間: 17-6-16 08:44 標題: 回覆樓主
一定有些幫助，但幫到幾多則因人而異。
作者: S-Kwok 時間: 17-6-16 09:19
mypineapple 發表於 17-6-16 08:41
請問如何訓練寫作？ 還要找補習班？
我仍在摸索階段。
我自己會因應學校及小朋友嘅需要，要小朋友每星期寫一篇，要求小朋友加入一些修辭手法如比喻去寫。寫完要小朋友自己highlights 返用咗喺邊。你可以再衡量哪種方法適合自己及小朋友。
作者: IloveJJ 時間: 17-6-16 09:53
提示: 作者被禁止或刪除 內容自動屏蔽
作者: Covenant2017 時間: 17-6-16 10:11
提示: 作者被禁止或刪除 內容自動屏蔽
作者: HaYi 時間: 17-6-16 11:03
唔知你地有冇發覺, 有時叫小朋友作文, 佢地說自己冇真實經驗, 作不出, 其實多看書, 多左接觸平時少接獲的世界, 眼界闊些, 作文的內容會廣些,
但文筆等, 我覺得按平時看消閒書的方式實難有改善, 只有刻意在看文章時做筆記, 作文時規定用上不同的修辭去取分, 作文的技巧才能改善得快. 但此方式會類似做中文閱讀理解的補充, 好多小朋友嫌煩不肯跟.
作者: 1998Ruby1998 時間: 17-6-16 11:07
同樣道理，睇得育兒書多，等唔等於湊仔一流？
我自己作文就係咁多項裡面比較好嘅項目，唔睇書真係蝕底，感覺就好似去模仿餐廳／酒店嘅一道菜，點整個味道都係差 d，但係唔知差左咩。
平日見到 d 寫到靚嘅句子／詞語，記得到就記一記，唔好硬塞入作文到用，一切都唔好強求。多 d 睇電影／電視劇都好，有時候描寫／抒情文可以回憶翻 d 情節／背景。例如我未去過沙灘，但係可能書上面會寫「黃昏之時，我的腳輕輕陷入幼沙。被斜陽照耀下，細沙暖暖的，就像母親溫柔的懷抱。」我可能會幻想一下同埋記低果種感覺。電影更加可以加強你嘅幻想同感覺。
不過其實最好就係去下海灘／爬山／日營等等，呢 d 有親身經歷過，最能夠幫你作文。
作者: littlelamlam 時間: 17-6-16 11:24
mypineapple 發表於 17-6-15 23:43
睇多啲書可以作文作得好嗎？
吾一定架! 我女小四係書蟲, 文字書不離手, 又已㷛左射雕神雕, 佢平時作文ok(有時優, 良), 不過佢今次寫作評估大失手, 得49分(emoji)(emoji)(emoji)出來喊住話要上作文班, 唉~有時佢思緒太快, 寫作一忽忽吾得連貫, 今次衰在無分段, 同佢痛陣利弊, 佢話每日睇一篇範文, 一個星期作一篇文同上暑期作文班, 見佢咁努力我都有D安慰!
雖則作文不一定幫到,但閲讀多, 佢理解就吾駛太擔心, 中文讀本一直都保持係90分以上的
作者: jc2009 時間: 17-6-16 12:01
本帖最後由 jc2009 於 17-6-16 12:02 編輯
我覺得睇書多係對作文有幫助, 因作文都係模仿別人; 但要寫得好, 反而要多睇專教作文的書, 因詳細講解技巧/體裁怎樣寫, 會更清楚明白.
作者: olivia511 時間: 17-6-16 12:18
我自己當年覺得有用架 (F.4 & F.5書都唔讀就只係睇亦舒, 當年中作拎到個C).
但今時今日要搵到d好既小說而個中學生又肯睇既都應該有d難度....
至於小學生始終睇既量未夠, 就更難做到我手寫我心.....
作者: Olympian 時間: 17-6-16 12:22
本帖最後由 Olympian 於 17-6-16 12:23 編輯
多看書對作文好真的無須懷疑。另外，如樓上講電影、卡通和劇集都有助想像故事情節。其實平時多留意身邊的人事物都有幫助一。我見住在同一座大廈的女作家，每次都好留意我和仔...差唔多牛咁眼望...她對看更都是這樣的..
.
作者: CALVEN 時間: 17-6-16 12:28
本帖最後由 CALVEN 於 17-6-16 12:37 編輯
一般都有幫助
不過都有唔睇書作文都好
例如我小朋友，中作基本上是在學校堂上寫，通常佢都高分，而佢近年考試作文都是同學中最高分
作者: whywhywhywhy 時間: 17-6-16 12:29 標題: 回覆樓主:
通常都有用
作者: Olympian 時間: 17-6-16 12:29
不過，我以上所講的，無幾個小朋友做到。因小學生學習動機不會這樣強烈。起碼初中才會這樣有意識地學習。
所以育兒書睇得多，真係會變育兒高手架，就係睇你學習動機有幾強囉…
作者: October. 時間: 17-6-16 17:42
本帖最後由 October. 於 17-6-16 18:04 編輯
睇得書多，作文時詞彙運用比較優美丰富，但真正作文要高分，內容、文章所表達的意義、写作技巧比文筆更重要，想像力強、觀察力強、感情丰富＋心思細膩的人，通常作文較佳。
作者: areyouangry 時間: 17-6-16 18:40 標題: 回覆樓主:
一定有用，只要投入睇，睇得多，假以時日，寫作水平一定提高。俾啲時間慢慢浸，一定可以。
作者: yovin 時間: 17-6-16 21:13
October. 發表於 17-6-16 17:42
睇得書多，作文時詞彙運用比較優美丰富，但真正作文要高分，內容、文章所表達的意義、写作技巧比文筆更重要 ...
同意！
作者: QQpa 時間: 17-6-16 23:01
areyouangry 發表於 17-6-16 18:40
一定有用，只要投入睇，睇得多，假以時日，寫作水平一定提高。俾啲時間慢慢浸，一定可以。
...
純經驗之談，阿女一年約睇100+本300～400頁的中英文書，中英作文年60+篇，持續兩年，今年下學期好明顯睇到佢寫作能力跳升另一層次。
所以多睇多寫作，效果才會顯著
作者: HaYi 時間: 17-6-17 08:03
QQpa 發表於 17-6-16 23:01
純經驗之談，阿女一年約睇100+本300～400頁的中英文書，中英作文年60+篇，持續兩年，今年下學期好明顯睇到 ...
我更同意充滿幻想情緒敏感的人在一些抒情描寫文之類應發揮得更好, 但小學的文仍限說明議論應用實用多, 相對條理清析, 字句通順, 少錯別字就易取高分. 所以背文在小學程度是提高作文成績較有利的手段之一. 看多書對作文的好處通常要在大一些才可看到, 反而幫到最多的是閱讀理解.
作者: Olympian 時間: 17-6-17 11:14
要想攞高分，還是想作文好，未必一定有沖突，但真係唔係高分=作文好。小學要求真的好基本。做好基本野，又熟個遊戲規則，就較易攞高分。
作者: cherrieshum 時間: 17-6-18 16:31
mypineapple 發表於 17-6-15 23:43
睇多啲書可以作文作得好嗎？
基本上不能劃分，一定要多閱讀，作文才會好，可以看看古今中外歷代文豪，他們小時候，一定是博覽群書。現代文壇專家吳含也指出學好語文三部曲，多閱讀，多寫作，多修改。
作者: ar_mak 時間: 17-6-19 01:45
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |